Wlɛfeleseɔn 14:4 - Ku̍o̍ Delee 1999

⁴ Nyɔ̍ ùh se̍-a nynɔ̌ àe̍e̍ jɔ̍gbau dɛ̍ i̍ juo iě u̍h nmɔ-a dě Nyɔsoa jlǐh i̍-ɛ, u̍hɔ̍ɔ̍ bo ùh wɔ̀ dǒ Blawɛ̌ Jǔ de̍e̍ tà-o-tà ɔ̍ mu̍-aɛ. U̍h pùhbɔ-ɛ kɛ̍ɛ̍n wɛ̀ dě nyɔ̍ɔ nynɛ̌, iě u̍h tè-ɛ pɔ̌ dǒ Nyɔsoa ke Blawɛ̌ Jǔ we̍ sàǐtòò.

Wlɛfeleseɔn 14:4 Iomraidhean Croise

Matio 19:12

Nyɔ̍ duuh se̍ nynɔ̌ dɛ bɛ̌ɛ, dɛ̍nu̍ɛ, kǎ u̍h nɛ wɛ̀ u̍h wlǔh, wɛ̀ wlɔ̀ nyi̍ɔ̍ nu̍ la̍a̍n duuh-a tìh. Iě duuh-a tù Nyɔsoa-a kmɔ̌ wlu̍ i̍ kɔn tìh wɛ̀ u̍h se̍ nynɔ̌ blě. Nyɔ̍ ɔ̀ bɛ̌ɛ-a wlu̍ la i̍ gbɛ̍n-ɛ, nɛ̀ ɔ̍ gbɛ̍n ɛ̍ i̍.”

Matio 25:1

Jusu la̍a̍, “Dǒ ti̍ laa̍ di̍i̍ nɛ̀ Nyɔsoa-a kmɔ̌ wlu̍ i̍ kɔn-ɛ ke nynɔ̌gbaɔᵻ nynuu̍ plɔ̀ᵻ pùè-a mu̍ wɔ̀ɛ. U̍h dǔ u̍h-a chlǎn nape̍ᵻ, iě u̍h mu̍ jɔ̍gbau ɔ̀ kɔn nynɔ̌-a mu̍-a jla̍ ji̍-ɛ i̍ jǎɛ la̍.

Matio 8:19

Wɛ̀ telě nǎ poe nyɔ̍ due ji̍ dǒ ɔ̍ we̍, iě ɔ̍ la̍a̍, “À Dlǔtu, ǎn mu̍ dǒ ìn de̍e̍ gbǎ. Nɛ̀ tà ìn pa̍-a, ǎn mu̍-o pa̍.”

Chɔɔn 10:27

Ǐn juo ǎn blawɛ̌ᵻ i̍, nɛ̀ i̍h-a wɔ̌n ǎn wlu̍-u i̍, iě i̍h-a wɔ̀ dǒ ǐn de̍e̍.

Chɔɔn 12:26

Nyɔ̍-o-nyɔ̍ ɔ̀ pɔ̀n-a ǐn jǔ dbee-ɛ i̍-ɛ, nɛ̀ ɔ̍ kɔn ɔ̍ iě dǒ ǐn de̍e̍ gbǎ. Wɛ̀ tà ǐn nɛ-aɛ, ǎn pòi̍ju iě-o nɛ ke. Nyɔ̍ ɔ̀ mu̍-a ǐn jǔ dbee-ɛ, ǐn Baa-a mu̍ ɔ̍ ja̍ tè.

Chɔɔn 13:37

Iě Pitɛ la̍a̍ dě ɔ̍ we̍, “Dɛ̍nu̍ ǐn se̍ dǒ ìn de̍e̍ gbǎ-a bɛ̌ɛ kaka ɛ? Ǐn gbàɛ̀ iě ìn we̍ mɛ̌-ɛ.”

Chɔɔn 8:12

Wɛ̀ Jusu wlu dě Fɛlesii nyɔ̍ we̍ dɛ, ɔ̍ la̍a̍, “Mɔ̍ bo ɔ̀ nu̍ kmɔ̌ la ɛ̍ sɔ̀npli. Nyɔ̍ jɔ mu̍-a dǒ ǐn de̍e̍ gbǎ-ɛ, nɛ̀ ɔ̍ se̍ dě kwile-e na-ɛ mu̍, jɛ nɛ̀ ɔ̍ mu̍ sɔ̀npli ɛ̀ nyǐ-a nyɔ̍ feɛ-ɛ blě.”

Nu̍-dɛ̍ᵻ 20:28

Ɛ̍ tìh-ɛ, mɔ̀ tù mɔ̀-a chɛ̀ jlǐhɛ̍, nɛ̀ blawɛ̌ᵻ la ìh kɔn fààmlà Nyɔsoa-a Sùù nu̍-a mɔ̀ we̍i̍-ɛ, mɔ̀ tù i̍h jlǐhɛ̍ ke. Nɛ̀ ɔ̍ chɔchi̍h la ɛ̀ kɔn pɛlǔh ɔ̍ po̍-a dǒ ɔ̍ Jǔ-a nymɔ̍ we̍-ɛ, mɔ̀ tù ɛ̍ tìh jlǐhɛ̍.

1 Kɔwlɛntiɔn 16:15

Ǐn de̍di̍i̍ᵻ, mɔ̀-a chɛ̀ juo ɛ̍-ɛ Slɛfanɔ ke ɔ̍ blǐ gbò nyɔ̍ bo ùh gbǎ Nyɔsoa dɛ-ɛ sàǐtòò nɔ̌ Akaia bloa̍ kɛ̍n, iě u̍h fòè u̍h-a chɛ̀ dǒ Nyɔsoa nyɔ̍ jǔ dbee-ɛ we̍. Ǎn ba̍le mɔ̀-ɛ,

1 Kɔwlɛntiɔn 6:20

Ɔ̍ po̍ mɔ̀-a pɛlǔh. Ɛ̍ tìh-ɛ, mɔ̀ nu̍ ɛ̍ mɔ̀-a ku̍ iě Nyɔsoa-a nynɛ̌ i̍ bɛ̌-ɛ.

1 Kɔwlɛntiɔn 7:28

Jɛ pò ìn blě nynɔ̌-ɛ, nɛ̀ ɛ̍ se̍ dɛ̍ sɔ̀n ìn se̍ nu̍. Pò jǔ nynɔ̌gbaɔ tǐn jla̍-ɛ, nɛ̀ ɛ̍ se̍ dɛ̍ sɔ̀n ɔ̍ se̍ nu̍. Jɛ nyɔ̍ ùh tǐn-a jla̍-ɛ, u̍h-a mu̍ jua̍i̍ sàɛ̀ nɔ̌ kmɔ̌ la we̍. Ɛ̍-ɛ bo ǎn pɔ̀n iě mɔ̀ wɔ̍i̍n sà.

2 Kɔwlɛntiɔn 11:2

Ǎn nu̍ mɔ̀-a wlɛ̀n ka Nyɔsoa-a nu̍-aɛ. Mɔ̀ wɔ̀ nynɔ̌gbaɔ ɔ̀ se̍-a dɛ̍ i̍ juo-ɛ. Ɔ̍ kɔn wlu̍ bo ǐn po̍ tɔ̀ma̍a̍ ɔ̍ iě jɔ̍gbau due gbài̍ blǐ tǐn, ɔ̀ nu̍-a Klai-ɛ.

Ɛfɛsɔ 1:14

Sùù laa̍ bo ɛ̀ nu̍ ɔ̍ wlu̍-a gbǎ ka à mu̍-a dɛ̍ᵻ ɔ̍ tè-a i̍ dǒ à we̍-ɛ jě-ɛ. Kǎ ɛ̍ mu̍ nɛ te̍e̍ wɛ̀ Nyɔsoa iě ɔ̍ nyɔ̍ sèìe. Ɛ̍ tìh-ɛ, mɔ̀ à bɛ̌-ɛ ɔ̍ nynɛ̌ i̍.

Ɛfɛsɔ 5:27

Ɔ̍ nu̍ ɛ̍-ɛ wɛ̀ chɔchi̍h iě dǒ ɔ̍ we̍ i̍ wɔ̀ wɛ̀ ɛ̍ iě maloo nɛ. Ɛ̍ ku̍ se̍ tlǎ, iě ɛ̍ fɛ̍nɛ. Dɛ̍wɛ dɛɛ-a chɛ̀ se̍ ɛ̍ i̍ nɛ ke. Ɛ̍ wɛ̀ nɛi̍ iě ɛ̍ nynɛ̌ se̍ kɔ̌.

1 Timote 4:3

U̍h bo ùh la̍ nyɔ̍ bɔ̌ nynɔ̌ blě-ɛ, nɛ̀ di̍-dɛ̍ᵻ diih nɛ-o nyɔ̍ bɔ̌ i̍h di̍-ɛ. Jɛ Nyɔsoa nu̍ i̍h wɛ̀ wlùh gbaɛ blě nyɔ̍ ùh juo-a tìh-a taǐn-ɛ, u̍h wɔ̀ tlɔ̌ po̍-ɛɛ, u̍h iě i̍h di̍.

Iblu 12:23

Mɔ̀ ji̍ nɔ̌ Nyɔsoa-a nynuu̍ kli̍hgbɛ̍ ùh kɔn nynɛ̌ chlǐh-ia dě ja̍i̍wlɔ̀-ɛ we̍ wɛ̀. Nyɔsoa ɔ̀ nu̍-a kmɔ̌ nyɔ̍ kli̍hgbɛ̍-a taɔ-ɛ, nɔ̌ ɔ̍ we̍ mɔ̀ ji̍ wɛ̀, ɛ̍ ke nɔ̌ i̍ slɛ̌-nyɔ̍-a sùù we̍ ke, ùh wɛ̀-a nɛi̍-ɛ.

Chiin 1:18

Ɔ̍ dǔ ɔ̍ chɛ̀-a wlùh-u wɛ̀ ɔ̍ nu̍ àɔ̀ dǒ wlu̍ ɛ̀ nu̍-a tìh-a taǐn-ɛ we̍. Wɛ̀ à iě nya̍mla nu̍ dǒ dɛ̍ᵻ kli̍hgbɛ̍ ɔ̍ nu̍-a we̍.

1 Pitɛ 2:9

Jɛ mɔ̀ɔ̍ Nyɔsoa-a chèɛ̀ tba̍ nyɔ̍, Blǔh Baa-a slaǎ sà nyɔ̍, mɔ̀ɔ̍ nɛi̍ wɛ̀ bloa̍. Mɔ̀ɔ̍ Nyɔsoa-a chɛ̀-a nyɔ̍, ɔ̍ dǎ mɔ̀ mɔ̀ iě dě kwile-e sɔ mɔ̀ iě ɔ̍ nyɔ̍ wɔ̍n flɔn sɔ̀npli we̍ ji̍. Ɔ̍ tba̍ mɔ̀ chèɛ̀ mɔ̀ iě nyɔ̍ wɔ̍n flɔn-ɛ dɛ̍ᵻ ɔ̍ nu̍-aɛ bla̍.

Wlɛfeleseɔn 17:14

I̍h-a mu̍ Blawɛ̌ Jǔ tu̍h we̍ pa̍-ɛ, wɛ̀ Blawɛ̌ Jǔ iě i̍h du̍. Dɛ̍nu̍ɛ, ɔ̍ nu̍ Joi dǒ joi kli̍hgbɛ̍ kɛ̍n, wɛ̀ ɔ̍ nu̍ Blǔh Baa dǒ blǔh baaᵻ kli̍hgbɛ̍ kɛ̍n. Nyɔ̍ ke ɔ̍ na-aɛ u̍h dǎ-ɛ, iě u̍h tba̍-ɛ chèɛ̀, wɛ̀ u̍h gbaɛ ɔ̍ wlùh.”

Wlɛfeleseɔn 21:22

Ǐn se̍ slaǎ sà gbò jě dǒ tùgbàwlɔ̀-a chɛ̀ di̍i̍, dɛ̍nu̍ɛ, ɛ̍ slaǎ sà gbò bo ɛ̀ nu̍ Joi Nyɔsoa Ɔ̀ Blě-a Gbǐh Kli̍hgbɛ̍-ɛ, ɛ̍ ke Blawɛ̌ Jǔ ke.

Wlɛfeleseɔn 21:23

Wlɔ̀-a chɛ̀ se̍ jlǔh àe̍e̍ chǔh-a fa̍n-a i̍ pɔ̀n, dɛ̍nu̍ɛ, Nyɔsoa-a tìh-a i̍ bɛ̌-ɛ bo ɛ̀ nu̍ ɛ̍ sɔ̀npli, wɛ̀ Blawɛ̌ Jǔ nu̍ ɛ̍ chlǎn nape̍.

Wlɛfeleseɔn 3:4

Jɛ mɔ̀-a gbɔ̍ nɛ-a dǒ Sade-ɛ, u̍h-u se̍a gblɛ̍n sɔ̀ɛ̀n nu̍. U̍h-a mu̍ jlii̍ plǔᵻ pa̍, wɛ̀ u̍h ke ǐn ke à iě na. Dɛ̍nu̍ɛ, u̍h nɛ ɛ̍ ka̍.

Wlɛfeleseɔn 5:9

Wɛ̀ u̍h ble̍ duǐh delee, u̍h la̍a̍, “Ìn nɛ ɛ̍ ka̍ ìè chlǐh-dɛ̍-a gbo̍lo̍ laa̍ dǔ, wɛ̀ ìè ɛ̍ slu̍ wa̍ ìè ɛ̍ wɔ̍i̍n pɔ̀ni. Dɛ̍nu̍ɛ, ìn dbǎ-ɛɛ wɛ̀ àn nymɔ̍ tɛ̀n nyɔ̍ ùh sɔ-a chɛ̌tu ke, bloa̍ ke dakɔ̍ kli̍hgbɛ̍ kɛ̍n i̍-ɛ, u̍h iě Nyɔsoa-a nyɔ̍ nu̍.