Wlɛfeleseɔn 14:3 - Ku̍o̍ Delee 1999

³ Wɛ̀ nyɔ̍-a wlǔ-a kmɛ due kwela nyìɛ̍ jɔ̌ nyìɛ̍ (144,000) laa̍ ùh Nyɔsoa sèìe-aɛ, u̍h ble̍ duǐh delee dǒ nynɛ̌ gbalǎ ke, kmɔ̌ nɛ dɛ̍ᵻ nyìɛ̍ laa̍ ke nyɔ̍ klaaᵻ jǔ. Nyɔ̍ dɔɔ se̍ duǐh laa̍ cheǎn-a bɛ̌ɛ.

Wlɛfeleseɔn 14:3 Iomraidhean Croise

1 Kɔwlɛntiɔn 1:18

Dɛ̍nu̍ɛ, tu̍owli ɛ̀ kɔ̍-a dǒ Klai-a dǒ gbàɛ̍ kɛ̍n i̍ tu̍ wlì mɛ̌ɛ dɛ we̍-ɛ, ɛ̍ wɔ̀ se̍o̍nɛ dǒ nyɔ̍ ùh-a mǎ-aɛ we̍, jɛ àɔ̀ juh-a pǔh-aɛ, nɛ̀ Nyɔsoa-a gbǐh bo ɛ̍ to.

1 Kɔwlɛntiɔn 2:14

Jɛ nyɔ̍ ɔ̀ Nyɔsoa-a Sùù se̍-a dě ja̍a̍ nɛ-ɛ, nɛ̀ ɔ̍ dounᵻ se̍ dě ɛ̍ nyǐ-dɛ̍ᵻ we̍ nɛ. Nyɔ̍ kaɛn laa̍ nɛ̀ ɔ̍ se̍ i̍h i̍ wɔ̌n-ɛ bɛ̌ɛ. I̍h nu̍ se̍o̍nɛ dǒ ɔ̍ we̍. Dɛ̍nu̍ɛ, Nyɔsoa-a Sùù bo ɛ̀ nu̍ ɛ̍ wɛ̀ nyɔ̍-a juo i̍h-a sèàɛ̀gbàà.

Wlɛfeleseɔn 14:1

Wɛ̀ ǐn gbɛ̀n-e, iě ǐn jě Blawɛ̌ Jǔ, nɛ̀ ɔ̍ nyna i̍ dǒ Saiɛn Tlu̍h kɛ̍n. Ɔ̍ ke nyɔ̍-a wlǔ-a kmɛ due kwela nyìɛ̍ jɔ̌ nyìɛ̍ (144,000) nyna i̍, ùh kɔn jua̍i̍ ɔ̍ ke ɔ̍ Baa-a nynɛ̌ chlǐh-aɛ.

Wlɛfeleseɔn 15:3

Wɛ̀ u̍h ble̍ Mose ɔ̀ nu̍-a Nyɔsoa-a pòi̍ju-ɛ ɔ̍ duǐh, ɛ̍ ke Blawɛ̌ Jǔ-a duǐh ke. U̍h la̍a̍, “Joi Nyɔsoa mɔ̀ Blě-a Gbǐh Kli̍hgbɛ̍-ɛ, àn nu̍-dɛ̍ᵻ ku̍ wɔ̍n, iě i̍h-a flɔn-ɛ nyɔ̍ wɔ̍n. Àn wìèᵻ slɛ̌ i̍, iě i̍h nu̍ tìh-a taǐn. Mɔ̀ Blǔh Baa nɔ̌ kmɔ̌-a kmɔ̌.

Wlɛfeleseɔn 2:17

“Nyɔ̍ ɔ̀ flɔn-a dounᵻɛ́, nɛ̀ ɔ̍ po̍ dě dɛ̍ Nyɔsoa-a Sùù bla̍-a dě chɔchi̍h nyɔ̍ we̍-ɛ dounᵻ. “Nyɔ̍ ɔ̀ sà-a dɛ̍ sɔ̀n klà-a, nɛ̀ di̍-dɛ̍ᵻ u̍h-a dǎɛ-a mana ìh sìle-aɛ, ǎn mu̍ ɔ̍ diih nyǐ. Nɛ̀ ǎn mu̍ ɔ̍ sɔɔ̌ gbo̍ plǔ nyǐ, nynɛ̌ delee iě chlǐh-ɛ dǒ ɛ̍ kɛ̍n. Nyɔ̍ dɔɔ se̍ nynɛ̌ laa̍ juo mu̍. Nyɔ̍ ɔ̀ blě-a sɔɔ̌ laa̍-ɛ, ɔ̍ kɔn tɛ̀ ǐn sà-o.”

Wlɛfeleseɔn 5:9

Wɛ̀ u̍h ble̍ duǐh delee, u̍h la̍a̍, “Ìn nɛ ɛ̍ ka̍ ìè chlǐh-dɛ̍-a gbo̍lo̍ laa̍ dǔ, wɛ̀ ìè ɛ̍ slu̍ wa̍ ìè ɛ̍ wɔ̍i̍n pɔ̀ni. Dɛ̍nu̍ɛ, ìn dbǎ-ɛɛ wɛ̀ àn nymɔ̍ tɛ̀n nyɔ̍ ùh sɔ-a chɛ̌tu ke, bloa̍ ke dakɔ̍ kli̍hgbɛ̍ kɛ̍n i̍-ɛ, u̍h iě Nyɔsoa-a nyɔ̍ nu̍.

Wlɛfeleseɔn 7:4

Wɛ̀ nyɔ̍ tìèwe̍ ùh tùi-a Nyɔsoa-a juola pùn-ɛ, iě ǐn wɔ̌n ka u̍h tìè-aɛ. U̍h nu̍ wlǔ-a kmɛ due kwela nyìɛ̍ jɔ̌ nyìɛ̍ (144,000). U̍h kli̍hgbɛ̍ u̍h sɔ dě Eslɔɛ-a chɛ̌tu-a pùè jɔ̌ sɔɔ̌n i̍.