Wlɛfeleseɔn 14:2 - Ku̍o̍ Delee 1999

² Iě ǐn wɔ̌n wlu̍ ɛ̍ sɔ dě ja̍i̍wlɔ̀ ka nǐ-a klu̍h-ɛ, ɛ̍ ke ka tɛ̀n-a plǎn-ɛ i̍-ɛ. Wlu̍ ǐn wɔ̌n-aɛ, nɛ̀ ka kainᵻ bla̍ nyɔ̍-a bla̍ kainᵻɛ́.

Wlɛfeleseɔn 14:2 Iomraidhean Croise

1 Kɔwlɛntiɔn 13:1

Pò Nyɔsoa-a jɛ nyǐ ǐn gbǐh iě wlu̍ kli̍hgbɛ̍ nɛ-a nɔ̌ bloɔ̍-ɛ ke jih nɛ-a dě ja̍i̍wlɔ̀-ɛ po̍-ɛ, jɛ pò ǐn se̍ nyɔ̍ɔ jbɛɛ-ɛ, nɛ̀ ɛ̍ wɔ̀ pani̍ gbàù ke gbekleɛ̍-a slɛ̀ po̍-ɛ.

Wlɛfeleseɔn 1:10

Nyɔsoa-a Sùù jǐi ǐn i̍ dǒ Joi-a fɔ-weɛ̍ di̍i̍ wɛ̀ ǐn wɔ̌n wǐi wlu̍ dǒ ǐn de̍e̍ ka dɔ̍gbɛ̍-a wlu̍-ɛ.

Wlɛfeleseɔn 1:15

Ɔ̍ bu̍hᵻ wɔ̀ ka nyɔ̍ po̍ tìɛ̀n jlǐh-ɛ. Nɛ̀ ɔ̍ ja wlu-ɛ ka nǐ-a klu̍h-ɛ.

Wlɛfeleseɔn 11:12

Wɛ̀ tu̍owli po̍ nyɔ̍ sɔɔ̌n laa̍ u̍h wɔ̌n we̍le wlu̍, ɛ̍ sɔ dě ja̍i̍wlɔ̀. Ɛ̍ la̍a̍, “Mɔ̀ ji̍ nɔ̌ ja̍i̍ nɔ̍ɔ̀.” Wɛ̀ u̍h-a nyɛ̌-nyɔ̍-a gbɛ̀n u̍h ja̍ u̍h-a mu̍ dě ja̍i̍wlɔ̀ dě nǐgban di̍i̍.

Wlɛfeleseɔn 11:15

Wɛ̀ Nyɔsoa-a ǐnchɔ̀-a mɛ̀sɔɔ̌n naɛ bla̍ ɛ̍ dɔ̍gbɛ̍. Iě we̍le wlu̍ klaa sɔ dě ja̍i̍wlɔ̀, ɛ̍ la̍a̍, “Nyɔ̍-a wlu̍ kwa̍ blě-ɛ ɛ̀ nɛ-a nɔ̌ kmɔ̌ we̍-ɛ, ɛ̍ kɔn dǒ à Joi ke ɔ̍ Chèɛ̀ Tba̍ju we̍ wɛ̀. Ɔ̍ mu̍ nyɔ̍-a wlu̍ kwa̍ blě nɔ̌ kmɔ̌-a kmɔ̌.”

Wlɛfeleseɔn 15:2

Wɛ̀ ǐn jě dɛ̍ ɛ̀ wɔ̀-a jbǒ ɛ̀ nui-a klàsi̍-ɛ, nɛ̀ ɛ̍ sìàɛ̍n nɛ̍-ɛ. Iě ǐn jě nyɔ̍ ùh du̍-a nmi̍ɛ̍ ke ɛ̍ mɛ̍-dɛ̍-ɛ, ɛ̍ ke ɛ̍ nynɛ̌-a namà ke. Nɛ̀ u̍h nynaɛ jbǒ ɛ̀ wɔ̀-a klàsi̍ laa̍ wɔ̍n iě u̍h blě kain kwa̍, ìh Nyɔsoa nyǐ-a u̍h-ɛ.

Wlɛfeleseɔn 18:22

Kain-a wlu̍ ke, ble̍-wlu̍ ke, pànkɔɛ̍-a wlu̍ ke, dɔ̍gbɛ̍-a wlu̍ se̍-e wɔ̌n-ɛ mu̍ dɛ dǒ ìn di̍i̍. Dbo̍ nu̍ nyɔ̍ se̍ gba̍ dbo̍ nu̍ dɛ dǒ ìn di̍i̍. Nyɔ̍ se̍ gba̍ dɛ̍ du̍ wlu̍ wɔ̌n dɛ dǒ ìn di̍i̍.

Wlɛfeleseɔn 5:8

Ɔ̍ wɔ̀-a chlǐh-dɛ̍-a gbo̍lo̍ laa̍ dǔ-ɛ, iě kmɔ̌ nɛ dɛ̍ᵻ nyìɛ̍ ke nyɔ̍ klaaᵻá kwela sɔɔ̌n jɔ̌ nyìɛ̍ laa̍ kèàɛ i̍ dǒ Blawɛ̌ Jǔ-a chɛ̀ jǔ. Jɔ-ɛ nɛ̀ ɔ̍ blě kain kwa̍, iě u̍h blě kòo̍ boo̍ᵻ kwa̍ i̍ ìh fɔ̍n-ɔ nɔ̌-dɛ̍ᵻ jǐ-a dě di̍i̍-ɛ. Nɔ̌-dɛ̍ᵻ laa̍ bo ìh nu̍ Nyɔsoa nyɔ̍-a ba̍le wlu̍.

Wlɛfeleseɔn 6:1

Wɛ̀ ǐn jě Blawɛ̌ Jǔ iě ɔ̍ wa̍ slu̍ mɛ̀sɔɔ̌n laa̍ i̍h-a sàǐtòò naɛ dǒ chlǐh-dɛ̍-a gbo̍lo̍ laa̍ wɔ̍i̍n. Iě ǐn wɔ̌n kmɔ̌ nɛ dɛ̍ᵻ nyìɛ̍ laa̍ i̍h-a due-a wlu̍ ka tɛ̀n plǎn-ɛ. Ɛ̍ la̍a̍, “Ji̍.”

Wlɛfeleseɔn 8:7

Wɛ̀ sàǐtòò ǐnchɔ̀ bla̍ ɛ̍ dɔ̍gbɛ̍, iě seɔn gbo̍ᵻ ke nɛ̍ sìàɛ̍n nymɔ̍-ɔ, wɛ̀ i̍h wlǎ-ɛ bloa̍ kɛ̍n i̍. Wɛ̀ bloa̍-a fɔ̌ᵻ nɛ-a ta̍a̍n-ɛ, i̍h-a due-a tu̍ᵻ ke ɛ̍ pei jaɔ kli̍hgbɛ̍ i̍h si̍n.