Wlɛfeleseɔn 14:15 - Ku̍o̍ Delee 1999

¹⁵ Wɛ̀ ǐnchɔ̀ dɛɛ sɔ dě slaǎ sà gbò sɔ̀n, iě ɛ̍ we̍le ɔ̀ tè-a i̍ dǒ nǐgban kɛ̍n-ɛ. Ɛ̍ la̍a̍, “Nu̍ àn faa ìè kɔɔ chɛ̍n, dɛ̍nu̍ɛ, po̍-dɛ̍ᵻ nɛ-a nɔ̌ bloɔ̍-ɛ, i̍h sàni i̍ iě i̍h-a chɛ̍n-ɛ ti̍ nyni̍ wɛ̀.”

Wlɛfeleseɔn 14:15 Iomraidhean Croise

Matio 13:30

Mɔ̀ tǎli i̍h i̍, i̍h iě tàdùè ku̍ i̍ te̍e̍ wɛ̀ ɛ̍ iě i̍h-a chɛ̍n-ɛ jɛɛ. Nɛ̀ ǎn mu̍ i̍h-a chɛ̍n-nyɔ̍ wlùh sèàɛ̍ u̍h iě pei laa̍ wlù i̍ sà sàǐtòò u̍h iě i̍h-a pǔnᵻ sa̍n, wɛ̀ i̍h iě fɔ̍n-ɛ. Wɛ̀ u̍h iě kɛnɛ̌ laa̍ chɛ̍n-ɛ dǔ, u̍h iě i̍h ja wɛ̀ à iě i̍h slǎ po̍.’ ”

Matio 13:39

À nyɛ̌-nyɔ̍ Kǔ bo ɛ̀ tù i̍h. Nɛ̀ kɛnɛ̌ chɛ̍n-ɛ nu̍ kmɔ̌-a dlǔ i̍ chlà-a. Wɛ̀ i̍h-a chɛ̍n-nyɔ̍ nu̍ Nyɔsoa-a ǐnchɔ̀.

Matio 23:32

Mɔ̀ gbɛ̀n doǒ i̍ la̍ sǔh mɔ̀ iě-e mɔ̀ baaᵻá wɔ̀ɔ̀ i̍ sà.

Pɔ̀n Chɛ̀ Maɛ To-a La 4:29

Nɛ̀ pò i̍h sàni-ɛ, nɛ̀ ɔ̍ dǔ faa kleǐn ɔ̍ iě i̍h chɛ̍n. Dɛ̍nu̍ɛ, i̍h-a chɛ̍n-ɛ nɔɔ bo wɛ̀.”

1 Tɛsoloniɔn 2:16

Tu̍owli à po̍-a dě ùh se̍-a Juu nyɔ̍-ɛ we̍ u̍h iě-a pǔh-ɛ, u̍h se̍ pɔ̀n à iě i̍h po̍. Ɛ̀ u̍h-a nu̍-aɛ, nɛ̀ u̍h-a chɛ̀-a gblɛ̍n sɔ̀ɛ̀n bo u̍h-a jǐi dlǔ ti̍ kli̍hgbɛ̍ we̍. Jɛ Nyɔsoa bɔ̌ɛ u̍h jlu̍h po̍-eɛ.

Wlɛfeleseɔn 11:19

Wɛ̀ Nyɔsoa-a slaǎ sà gbò nɛ-a dě ja̍i̍wlɔ̀-ɛ pɔ̀ni wɔ̍n, iě ɔ̍ Ku̍o̍ Gblòùn jě-eɛ dě ɛ̍ di̍i̍. Wɛ̀ nǐ-a chlɛ jlǐh, iě slɛ̀-a wlu, tɛ̀n-a plǎn-ɛ i̍, wlù poɔ-a ji̍, iě kwa̍ ku̍ seɔn gbo̍ᵻ wlǎ.

Wlɛfeleseɔn 13:12

Ɛ̍ nui sàǐtòò nmi̍ɛ̍-a gbǐh dbo̍ dǒ ɛ̍ jlǐhwai. Ɛ̍ nu̍ ɛ̍ bloa̍ ke ɛ̍ nyɔ̍ kli̍hgbɛ̍ sà sàǐtòò nmi̍ɛ̍ laa̍ wɛɛ, ɛ̀ kɔn dbǎ-a tai gba̍ chìè bɔ̌-aɛ.

Wlɛfeleseɔn 14:14

Wɛ̀ ǐn gbɛ̀n-e, iě ǐn jě nǐgban plǔ. Nɛ̀ ɔ̀ tè-a dǒ ɛ̍ kɛ̍n i̍-ɛ, ɔ̍ ke nyi̍ɔ̍-a jǔ wɔ̀ɛ. Ɔ̍ tèè-e kòo̍ blawɛ̌, iě ɔ̍ blě kɔɔ chɛ̍n faa nyǎnyǎ kwa̍.

Wlɛfeleseɔn 14:16

Wɛ̀ ɔ̀ tè-a i̍ dǒ nǐgban kɛ̍n-ɛ jaɛ ɔ̍ faa nɔ̌ bloɔ̍ i̍, iě ɛ̍ chɛ̍n po̍-dɛ̍ᵻ ìh sàni-a.

Wlɛfeleseɔn 14:17

Wɛ̀ ǐnchɔ̀ dɛɛ sɔ dě slaǎ sà gbò nɛ-a dě ja̍i̍wlɔ̀-ɛ di̍i̍. Nɛ̀ ɛ̍ blě kɔɔ chɛ̍n faa nyǎnyǎ ke.

Wlɛfeleseɔn 14:18

Iě ǐnchɔ̀ dɛɛ sɔ dǒ slaǎ sà gblǒ pùn, ɛ̀ blě-a gblǒ-a nɛ̍-a wlu̍ kwa̍-ɛ. Wɛ̀ ɛ̍ we̍le jɔ blě-a faa nyǎnyǎ kwa̍-ɛ. Ɛ̍ la̍a̍, “Nu̍ àn faa ìè bloa̍-a tlo-dɛ̍ᵻá ta̍ᵻ i̍ chɛ̍n, dɛ̍nu̍ɛ, i̍h ku̍ wɛ̀.”

Wlɛfeleseɔn 15:6

Wɛ̀ ǐnchɔ̀ mɛ̀sɔɔ̌n ìh blě-a dlǐ dɛ̍ᵻ mɛ̀sɔɔ̌n-ɛ, i̍h sɔ dě slaǎ sà gbò laa̍ di̍i̍ i̍h sǐ sɔ̀n. Nɛ̀ i̍h pa̍ flɛmɛ̍ plǔ wlihwlǐh. Iě i̍h wlǎ kòo̍ wola̍ᵻ wlì i̍.

Wlɛfeleseɔn 16:17

Wɛ̀ ǐnchɔ̀-a mɛ̀sɔɔ̌n naɛ chɛ̌li ɛ̍ boo̍ dě ja̍i̍. Iě we̍le wlu̍ sɔ dě nynɛ̌ gbalǎ we̍ dě slaǎ sà gbò sɔ̀n. Ɛ̍ la̍a̍, “Ɛ̍ wɛ̀ i̍ wɛ̀.”

Wlɛfeleseɔn 6:10

Wɛ̀ u̍h we̍le, u̍h la̍a̍, “Gbǐh Kɔn Joi mɔ̀ wɛ̀-a nɛi̍ wɛ̀ ìn nu̍-a gblangbai̍ nyɔ̍-ɛ, ti̍we̍ àn mu̍ nyɔ̍ nɛ-a dě kmɔ̌ we̍-ɛ kɛ̀n sà wɛ̀ ìè u̍h kàn gbɛ̍n à dbǎ-a tìh ɛ?”