Wlɛfeleseɔn 14:14 - Ku̍o̍ Delee 1999

¹⁴ Wɛ̀ ǐn gbɛ̀n-e, iě ǐn jě nǐgban plǔ. Nɛ̀ ɔ̀ tè-a dǒ ɛ̍ kɛ̍n i̍-ɛ, ɔ̍ ke nyi̍ɔ̍-a jǔ wɔ̀ɛ. Ɔ̍ tèè-e kòo̍ blawɛ̌, iě ɔ̍ blě kɔɔ chɛ̍n faa nyǎnyǎ kwa̍.

Wlɛfeleseɔn 14:14 Iomraidhean Croise

Matio 13:30

Mɔ̀ tǎli i̍h i̍, i̍h iě tàdùè ku̍ i̍ te̍e̍ wɛ̀ ɛ̍ iě i̍h-a chɛ̍n-ɛ jɛɛ. Nɛ̀ ǎn mu̍ i̍h-a chɛ̍n-nyɔ̍ wlùh sèàɛ̍ u̍h iě pei laa̍ wlù i̍ sà sàǐtòò u̍h iě i̍h-a pǔnᵻ sa̍n, wɛ̀ i̍h iě fɔ̍n-ɛ. Wɛ̀ u̍h iě kɛnɛ̌ laa̍ chɛ̍n-ɛ dǔ, u̍h iě i̍h ja wɛ̀ à iě i̍h slǎ po̍.’ ”

Matio 17:5

Ɔ̍ nɛ dǒ wlu la̍ sǔh wɛ̀ nǐgban ji̍ iě ɛ̍ kaɛn dǒ u̍h dlǔwèàì. Dǒ wlu̍ sɔ-ɛ dě ɛ̍ di̍i̍, ɛ̍ la̍a̍, “Ɔ̀ la ǎn tìh kma Jǔ bo, ǎn wlùh tè i̍ dǒ ɔ̍ we̍. Mɔ̀ tù ɔ̍ wlu̍ dounᵻ.”

Pɔ̀n Chɛ̀ Maɛ To-a La 4:29

Nɛ̀ pò i̍h sàni-ɛ, nɛ̀ ɔ̍ dǔ faa kleǐn ɔ̍ iě i̍h chɛ̍n. Dɛ̍nu̍ɛ, i̍h-a chɛ̍n-ɛ nɔɔ bo wɛ̀.”

Pɔ̀n Chɛ̀ Luu To-a La 21:27

Nɛ̀ u̍h-a mu̍ Nyi̍ɔ̍-a Jǔ jě ɔ̍ iě dě nǐgban kɛ̍n naɛ dě ja̍u̍n wlì dǒ gbǐh ke tìh-a i̍ bɛ̌-ɛ ɛ̀ ku̍-a wɔ̍n-ɛ we̍.

Iblu 2:9

Jɛ à jě Jusu, ɔ̀ Nyɔsoa ja-a wlù ɛ̍ sìì-a ǐnchɔ̀ dǒ ti̍ gbɔ̍ di̍i̍-ɛ. Wɛ̀ dě Nyɔsoa-a blɛ nɛ-ɛ di̍i̍-ɛ, ɔ̍ iě mɛ̌ dǒ nyɔ̍ kli̍hgbɛ̍-a tàà. Ɔ̍-ɔ bo ɔ̀ tèè-a ka tìh-a i̍ bɛ̌-ɛ ke ja̍ tè-ɛa blawɛ̌ kaka, dɛ̍nu̍ɛ, ɔ̍ sàɛ̀ jua̍i̍ dǒ ɔ̍ mɛ̌ la̍-a.

Wlɛfeleseɔn 1:13

Wɛ̀ dɛ̍ nɛ dě i̍h nynɛ̌ ɛ̍ ke nyi̍ɔ̍-a jǔ wɔ̀ɛ. Ɔ̍ pa̍ plɛ̀i̍ tɔ̀ɔ̀n iě ɔ̍ wlǎ kòo̍ wola̍ wlì i̍.

Wlɛfeleseɔn 1:7

Mɔ̀ tù ɛ̍ jlǐhɛ̍ ɔ̍ mu̍ dě nǐgbanᵻ kɛ̍n naɛ blě ɔ̍ iě ji̍. Wɛ̀ nyɔ̍ kli̍hgbɛ̍ iě ɔ̍ jě, ɛ̍ ke juh dbǎ ɔ̍-ɛ ke. Nɛ̀ nyɔ̍ kli̍hgbɛ̍ nɛ-a nɔ̌ kmɔ̌-ɛ, u̍h-a mu̍ sùàɛ̀n pa̍ ɔ̍ tìh. Kǎ ɛ̍-ɛ nɛ.

Wlɛfeleseɔn 10:1

Wɛ̀ ǐn jě Nyɔsoa-a kmu-u ǐnchɔ̀ dɛɛ, nɛ̀ ɛ̍ sɔ dě ja̍i̍wlɔ̀. Nɛ̀ ɛ̍ pa̍ nǐgban-a, iě nǐnmɛ nu̍ ɛ̍ tèè dɛ̍. Ɛ̍ jua̍a̍ ke jlǔh mu̍i we̍, iě ìn jě ɛ̍ bu̍hᵻɛ́ ka nɛ̍-a pàìbǒ-ɛ.

Wlɛfeleseɔn 11:17

U̍h la̍a̍, “À po̍ ìn tlɔ̌ Joi Nyɔsoa, mɔ̀ Ɔ̀ Blě-a Gbǐh Kli̍hgbɛ̍-ɛ, mɔ̀ ɔ̀ nɛ-a, ɔ̀ nɛ-a kmɔ̌ se̍e̍-ɛ. Ìn dǔ àn wɔ̍n ku̍ gbǐh i̍, wɛ̀ àn tè ka nyɔ̍-a wlu̍ kwa̍ blě-ɛ gbɔ̀.

Wlɛfeleseɔn 19:12

Ɔ̍ jlǐh wɔ̀ nɛ̍ gbà iě ɔ̍ tèè blawɛ̌ᵻ dɔu. Ɔ̍ blě nynɛ̌ ɛ̍ chlǐh-ɛ dǒ ɔ̍ pùn. Jɛ nyɔ̍ dɔɔ se̍ ɛ̍ juo, ɔ̍ nɛ due bo ɔ̀ juo ɛ̍.

Wlɛfeleseɔn 20:11

Wɛ̀ ǐn jě nynɛ̌ gbalǎ plǔ klaa, ɛ̍ ke ɔ̀ tè-a dǒ ɛ̍ kɛ̍n i̍-ɛ ke. Wɛ̀ blǔh ke ja̍u̍n ple̍ i̍h sɔ dǒ ɔ̍ jlǐhwai, wɛ̀ i̍h se̍ jě-ɛ dɛ kleǐnklein.

Wlɛfeleseɔn 6:2

Ǐn gbɛ̀n-a deě-ɛ, wɛ̀ ǐn jě soo̍bli plǔ. Nɛ̀ ɔ̀ naɛ-a dǒ ɛ̍ kɛ̍n-ɛ ɔ̍ blě plu̍h kwa̍. Wɛ̀ ɔ̍ tèè-ɛ blawɛ̌. Ɔ̍ nu̍ tu̍h du̍ nyɔ̍ iě ɔ̍ mu̍ ɔ̍ iě tu̍h du̍.