Wlɛfeleseɔn 14:12 - Ku̍o̍ Delee 1999

¹² Ka ɛ̍ nɛ-a ka-ɛ, nɛ̀ Nyɔsoa-a nyɔ̍ ùh-a tè-ao ɔ̍ telě i̍, iě u̍h gbaɛ-a Jusu wlùh-ɛ, nɛ̀ u̍h kɔn u̍h iě-e klì i̍ ku̍.

Wlɛfeleseɔn 14:12 Iomraidhean Croise

2 Timote 4:7

Ǐn fɔ̀n fɔ̀n-ɛa chɛ̀ naɛ wɛ̀. Ǐn wɔ̀ dlǔᵻ wɔ̍i̍n blaɛ-ɛ wɛ̀, iě ǐn se̍ wlùh gbaɛ i̍ sɔ.

1 Chɔɔn 2:3

Pò à tè-o Nyɔsoa-a telě i̍-ɛ, nɛ̀ à juo-o dɛ̍ i̍ wɛ̀ ka à juo-a ɔ̍-ɛ.

Wlɛfeleseɔn 12:17

Wɛ̀ dɔ̍sɛ gbǎ-ɛ nynɔ̌ jlu̍h-u, iě ɛ̍ mu̍ ɔ̍ tloemlai tu̍h we̍ pa̍-ɛ la̍, ùh gbɛ̍n-a Nyɔsoa-a telě ke Jusu-a gblangbai̍ wlu̍ i̍-ɛ.

Wlɛfeleseɔn 13:10

Nyɔ̍-o-nyɔ̍ ɔ̀ tu̍h nɛ-a gba̍ ka̍-ɛ, nɛ̀ tu̍h-a mu̍ ɔ̍ gba̍. Nyɔ̍-o-nyɔ̍ ɔ̀ nɛ-a plàn chlɛ̀n i̍ dbǎ-ɛ ka̍-ɛ, nɛ̀ ɔ̍ mu̍ plàn chlɛ̀n i̍ dbǎ-ɛ. Ka ɛ̍ nɛ-a ka-ɛ, nɛ̀ Nyɔsoa nyɔ̍ kɔn u̍h iě-e klì i̍ ku̍ u̍h iě wlùh gbaɛ blě.”

Wlɛfeleseɔn 2:13

Ǐn juo àn tǐn la̍. Tà kɔn taǐn Setɔn-a nynɛ̌ gbalǎ nɛ-a bo ìn tǐn. Wɛ̀ ìn gbaɛ ǐn wlùh ke ma̍u̍. Antipa-a chɛ̀ jɔ nu̍-a ǎn wlùh gbaɛ nyɔ̍ ke sàànsi̍i̍h-ɛ, ti̍ u̍h dbǎ-a ɔ̍ dě mɔ̀ blǐ wlɔ̀ tà Setɔn tǐn-aɛ, mɔ̀ se̍ mɔ̀-a wlùh gbaɛ-ɛ i̍ tǎli.

Wlɛfeleseɔn 3:10

Ǎn mu̍ mɔ̀ kɛ̍n kaɛn dǒ jua̍i̍ sàɛ̀ ɛ̀ mu̍-a kmɔ̌ kli̍hgbɛ̍ la we̍ ji̍ ɛ̀ iě-a nyɔ̍ kli̍hgbɛ̍ nɛ-a nɔ̌ blǔh la kɛ̍n-ɛ tɛ̀n-ɛ we̍. Dɛ̍nu̍ɛ, mɔ̀ nu̍ ǎn wlu̍ dǒ mɔ̀-a wlùh i̍ gbɛ̍n-ɛ ke mɔ̀-a dě klì i̍ ku̍-ɛ di̍i̍.

Wlɛfeleseɔn 3:8

Ǐn juo mɔ̀-a nu̍-dɛ̍ᵻ. Ǐn juo ka mɔ̀ blě-a gbǐh-a dɛ̍wɛ-ɛ, jɛ mɔ̀ wɔ̀ dǒ ǎn nǎ po̍ wlu̍ de̍e̍, iě mɔ̀ se̍ mɔ̀-a wlùh gbaɛ i̍ tǎli. Ǐn flɔn-ɛ gbò wɔ̍n wɛ̀ dǒ mɔ̀ jǔ, ɛ̀ nyɔ̍ dɔɔ se̍-a ka̍n-a bɛ̌ɛ-ɛ.