Wlɛfeleseɔn 14:10 - Ku̍o̍ Delee 1999

¹⁰ nɛ̀ ɔ̍ chɛ̀-a mu̍ Nyɔsoa-a jlu̍h nmɔ̍ nǎ ɛ̀ ɔ̍ chɛ̌li-a dě ɔ̍ jlu̍h kàu̍n di̍i̍-ɛ. Wɛ̀ ɔ̍ iě jua̍i̍ sàɛ̀ kaa̍ dǒ nɛ̍ ke pɔ̀nɔ̌ we̍ dǒ Nyɔsoa-a ǐnchɔ̀ ke Blawɛ̌ Jǔ jlǐhwai.

Wlɛfeleseɔn 14:10 Iomraidhean Croise

Matio 20:22

Wɛ̀ ɔ̍ la̍a̍ dě u̍h we̍, “Dɛ̍ mɔ̀-a sà-aɛ, mɔ̀ se̍ ɛ̍ juo. Kàu̍n ǎn mu̍-a di̍i̍ nǎ-ɛɛ, mɔ̀ bɛ̌ɛ ɛ̍ di̍i̍ nǎ-ɛ ae?” Iě u̍h la̍a̍, “À bɛ̌ɛ ɛ̍.”

Matio 25:41

“Nɛ̀ ɔ̍ mu̍ ka dǎ dě ùh nɛ-a dě ɔ̍ kwe̍na̍ we̍ ka-a we̍, ‘Mɔ̀ɔ̍ ùh Nyɔsoa po̍-a wlu̍we̍i̍-ɛ, mɔ̀ sɔ da̍a ǐn jua̍i̍. Mɔ̀ mu̍ dě nɛ̍ ɛ̀ se̍-a mɔ̌ la̍ kɔn-ɛ di̍i̍, ɛ̀ ɔ̍ po̍-a gba̍a̍ dǒ Kǔ ke ɛ̍ ǐnchɔ̀ we̍-ɛ.

Matio 26:39

Ɔ̍ klɛɛn-a dǒ nya̍ wɛɛ-ɛ, wɛ̀ ɔ̍ chlìi i̍ gbìi̍i dǒ bloɔ̍ iě ɔ̍ ba̍le. Ɔ̍ la̍a̍, “Ǐn Baa, pò ɛ̍ nɛ ɛ̍ ka̍-ɛ, nɛ̀ ìn sà ǐn kàu̍n la wɔ̍i̍n lě. Jɛ dɛ̍ ìn wɔ̌ɛn-a kɛ̍n i̍-ɛ, ɛ̍ bo ìè nu̍, ɛ̍ se̍ naɛ̍ ǐn se̍ dǎ.”

Pɔ̀n Chɛ̀ Maɛ To-a La 8:38

Nyɔ̍-o-nyɔ̍ ɔ̀ mu̍-a ǐn ke ǎn nǎ poe wlu̍ tɛ̀n i̍ ple̍-e da̍a Nyɔsoa wɔ̍n blaɛ ke gblɛ̍n sɔ̀ɛ̀n kmɔ̌ la di̍i̍-ɛ, nɛ̀ ti̍ Nyi̍ɔ̍-a Jǔ ke Nyɔsoa-a ǐnchɔ̀-a mu̍-a ji̍ dě ɔ̍ Baa-a tìh-a i̍ bɛ̌-ɛ di̍i̍-ɛ, nɛ̀ ɔ̍ mu̍ nyɔ̍ laa̍ tɛ̀n i̍ ple̍-e ke.”

Pɔ̀n Chɛ̀ Maɛ To-a La 9:44

tà ‘chai̍n nɛ-a, i̍h se̍-a mɛ̌ la̍ kɔn, iě nɛ̍ nɛ-a deě-ɛ, ɛ̍ se̍-a mɔ̌ la̍ kɔn-ɛ’].

Nu̍-dɛ̍ᵻ 10:22

U̍h la̍a̍, “Chape Kɔleniɔ bo ɔ̀ dbo̍ àɔ̀. Ɔ̍ nmɔ gblɛ̍n-ɛ, iě ɔ̍ ple̍ Nyɔsoa-a faɔn. Ɛ̍ tìh-ɛ, Juu nyɔ̍ kli̍hgbɛ̍-a jě ɔ̍ dɛ̍ɛ̍. Wɛ̀ Nyɔsoa-a ǐnchɔ̀ sèàɛ̍ ɔ̍ wlùh ɔ̍ iě ìn dǎ dě ɔ̍ blǐ gbò, dɛ̍ ìn blě-a ìè-a sà-a, ɔ̍ iě ɛ̍ dounᵻ we̍ po̍.”

2 Tɛsoloniɔn 1:7

Mɔ̀ɔ̍ ùh-a sàɛ̀-a jua̍i̍-ɛ, ɔ̍ mu̍ ɛ̍ nu̍ mɔ̀ ke àɔ̀ ke à iě feɛ i̍ jě. Ti̍ Joi Jusu ke ɔ̍ gbǐh ǐnchɔ̀-a mu̍-a dě ja̍i̍wlɔ̀ sɔ dě nɛ̍-a pàìbǒ di̍i̍-ɛ, dǒ ìh la i̍h-a mu̍ nɛ-ɛ.

Judi 1:7

Ɛ̀ kɔn ba̍ Sɔdɔm ke Kɔmowla ke wlɔ̀ᵻ gbàɛ̀ nɛ-a i̍h de̍e̍ i̍ ìh nu̍-a se̍i̍kɔɛn ke tba̍ɛ kɛ̍n i̍, wɛ̀ i̍h gbɛ̍n-ɛa kàn dě kàn nɛ̍ ɛ̀ se̍-a siee la̍ kɔn-ɛ di̍i̍-ɛ, wɛ̀ ɛ̍ iě nyɔ̍ kli̍hgbɛ̍ slɛ̌n tù.

Wlɛfeleseɔn 15:7

Wɛ̀ kmɔ̌ nɛ dɛ̍ᵻ nyìɛ̍ laa̍ i̍h-a due nyǐ ǐnchɔ̀ mɛ̀sɔɔ̌n laa̍ kòo̍ boo̍ᵻ mɛ̀sɔɔ̌n, nɛ̀ i̍h jǐ-i dǒ Nyɔsoa ɔ̀ se̍-a mɛ̌ la̍ kɔn-ɛ ɔ̍ jlu̍h we̍.

Wlɛfeleseɔn 16:19

Wɛ̀ Babeloun ɛ̀ nu̍-a tùgbàwlɔ̀-ɛ, iě ɛ̍ sà fɔ̌ᵻ ta̍a̍n, iě bloa̍ kli̍hgbɛ̍-a wlɔ̀ᵻ gbàɛ̀ wlǎ. Babeloun wlɔ̀ ɛ̀ ku̍-a wɔ̍n-ɛ, ɛ̍ tìh sǐ dǒ Nyɔsoa wlì i̍ iě ɔ̍ nu̍ ɛ̍ wɛ̀ ɛ̍ nǎ-ɛ ɔ̍ nmɔ̍ kàu̍n ɛ̀ jǐ-a ɔ̍ jlu̍h di̍i̍-ɛ.

Wlɛfeleseɔn 18:3

Dɛ̍nu̍ɛ, ɔ̍ nu̍ ɛ̍ iě bloa̍ kli̍hgbɛ̍ nu̍ gbǎn ka nyɔ̍ sìèè nyɔ̍-a chɛ̀ wɔ̍n kma nmɔ̍ wlì-ɛ. Ɔ̍ ke kmɔ̌-a blǔh baaᵻ nu̍ gbǎn. Wɛ̀ kmɔ̌-a pɛlǔh po̍ nyɔ̍ kli̍hgbɛ̍ pàn ka dǒ ɔ̍ dɛ̍ᵻ sɔ̀nᵻ nu̍-ɛ we̍.”

Wlɛfeleseɔn 18:6

Ɛ̀ kɔn taǐn wlɔ̀ laa̍ ɔ̍ nu̍-a mɔ̀ pùn-ɛ, ɛ̍ bo mɔ̀ iě ɔ̍ pùn nu̍ ke. Mɔ̀ nu̍ ɔ̍ pɛ̌ɛ-a gbɔ̍ᵻ sɔɔ̌n dǒ dɛ̍ ɔ̍ nu̍-a we̍. Jǐ-i ɔ̍ kàu̍n dǒ nmɔ̍ ɛ̀ kma-a i̍-ɛ we̍, ɛ̀ mu̍-a ɔ̍ naɛ nmɔ̍ ɔ̍ po̍-a gba̍a̍ dǒ mɔ̀ we̍-ɛ sìì-ɛa gbɔ̍ᵻ sɔɔ̌n nu̍-ɛ.

Wlɛfeleseɔn 19:15

Nmǎ-a plàn chlɛ̀n sɔ-a dě ɔ̍ wɔ̍ɔ̍n-ɛ, ɛ̍ bo ɔ̍ mu̍ bloa̍ klà sà-ɛ. Wɛ̀ ɔ̍ iě u̍h wlu̍ i̍ kɔn dǒ nɛ̍ne̍ɛ̍ bliku we̍. Wɛ̀ ɔ̍ iě tlo-dɛ̍ᵻ kɛ̍n i̍ na dě i̍h-a plǐn-biě ɛ̀ jǐ-a Nyɔsoa Ɔ̀ Blě-a Gbǐh Kli̍hgbɛ̍-ɛ ɔ̍ jlu̍h di̍i̍-ɛ.

Wlɛfeleseɔn 19:20

Wɛ̀ tu̍h gbɛ̍n nmi̍ɛ̍-a chɛ̀ ke ɛ̍ tu̍owli po̍ nyɔ̍-a si̍h naɛ ɔ̀ po̍-a jbaɛdih dǒ ɔ̍ jǔ-ɛ. Nyɔ̍ ùh blě-a ka nmi̍ɛ̍-a juola ùh-a sà-a ɛ̍ mɛ̍-dɛ̍ wɛɛ-ɛ, jbaɛdih laa̍ bo ɔ̍ nu̍ iě ɔ̍ boe u̍h i̍. Nmi̍ɛ̍ ke tu̍owli po̍ nyɔ̍-a si̍h naɛ-a chɛ̀ poe-ɛ dě pɔ̀nɔ̌ nɛ̍-a pàìbǒ di̍i̍ wɛ̀.

Wlɛfeleseɔn 20:10

Kǔ ɛ̀ boe-a u̍h i̍-ɛ, ɛ̍ mu̍ dě pɔ̀nɔ̌ nɛ̍-a pàìbǒ di̍i̍ poe-ɛ tà nmi̍ɛ̍ ke tu̍owli po̍ nyɔ̍-a si̍h naɛ nɛ-aɛ. Nɛ̀ dě-e bo u̍h-a mu̍ jua̍i̍ sàɛ̀ wlù ke sɔ̀n nɔ̌ kmɔ̌-a kmɔ̌.

Wlɛfeleseɔn 20:14

Iě mɛ̌ɛ ke mɛ̌-nyɔ̍-a wlɔ̀ poe-ɛ dě pɔ̀nɔ̌ nɛ̍-a pàìbǒ di̍i̍. Pɔ̀nɔ̌ nɛ̍-a pàìbǒ laa̍ bo ɛ̀ nu̍ mɛ̌ɛ-a sɔɔ̌n naɛ.

Wlɛfeleseɔn 21:8

Jɛ faɛn nyɔ̍ ke, se̍ wlùh gbaɛ blě nyɔ̍ ke, ùh-a nu̍-a sììjii̍-ɛ ke, nyɔ̍ gbe̍ja̍a̍ poe nyɔ̍ ke, gbǎn nu̍ nyɔ̍ ke, wù po̍ nyɔ̍ ke, kwɛ̍i̍n gbo̍ᵻ wɛɛ sà nyɔ̍ ke, si̍h tmɔ̌ nyɔ̍ kli̍hgbɛ̍ u̍h-a nɛ la̍-a mu̍ dě pɔ̀nɔ̌ nɛ̍-a pàìbǒ di̍i̍ nu̍. Ɛ̍ bo ɛ̀ nu̍ mɛ̌ɛ-a sɔɔ̌n naɛ.”