Wlɛfeleseɔn 14:1 - Ku̍o̍ Delee 1999

¹ Wɛ̀ ǐn gbɛ̀n-e, iě ǐn jě Blawɛ̌ Jǔ, nɛ̀ ɔ̍ nyna i̍ dǒ Saiɛn Tlu̍h kɛ̍n. Ɔ̍ ke nyɔ̍-a wlǔ-a kmɛ due kwela nyìɛ̍ jɔ̌ nyìɛ̍ (144,000) nyna i̍, ùh kɔn jua̍i̍ ɔ̍ ke ɔ̍ Baa-a nynɛ̌ chlǐh-aɛ.

Wlɛfeleseɔn 14:1 Iomraidhean Croise

Pɔ̀n Chɛ̀ Luu To-a La 12:8

“Ǎn sèàɛ̍ mɔ̀ wlùh, nyɔ̍ ɔ̀ mu̍-a jlǔh nyna wɛ̀ ɔ̀ iě-a ǎn tìh i̍ wɔ̌ɛn-ɛ, nɛ̀ Nyi̍ɔ̍-a Jǔ-a mu̍ jlǔh nyna ke dǒ Nyɔsoa-a ǐnchɔ̀ jǔ wɛ̀ ɔ̍ iě ɔ̍ tìh i̍ wɔ̌ɛn ke.

Wloma 9:33

Kǎ Nyɔsoa-a wlu̍ dǎ ka dǒ sɔɔ̌ la pùn, ɛ̍ la̍a̍, “Mɔ̀ gbɛ̀n-e, sɔɔ̌ ɛ̀ nyɔ̍-a mu̍-a gbèle-ɛ, ɛ̍ bo ǎn pɛ̌n-ɛ i̍ dǒ Saiɛn Tlu̍h kɛ̍n. Sɔɔ̌ la ɛ̀ mu̍-a u̍h i̍ kà-ɛ bo. Jɛ nyɔ̍ ɔ̀ gbaɛ-a ɔ̍ wlùh-ɛ, nɛ̀ ɔ̍ se̍ tɛ̀n-ɛ i̍ gbǎ mu̍.”

Wlɛfeleseɔn 14:14

Wɛ̀ ǐn gbɛ̀n-e, iě ǐn jě nǐgban plǔ. Nɛ̀ ɔ̀ tè-a dǒ ɛ̍ kɛ̍n i̍-ɛ, ɔ̍ ke nyi̍ɔ̍-a jǔ wɔ̀ɛ. Ɔ̍ tèè-e kòo̍ blawɛ̌, iě ɔ̍ blě kɔɔ chɛ̍n faa nyǎnyǎ kwa̍.

Wlɛfeleseɔn 14:3

Wɛ̀ nyɔ̍-a wlǔ-a kmɛ due kwela nyìɛ̍ jɔ̌ nyìɛ̍ (144,000) laa̍ ùh Nyɔsoa sèìe-aɛ, u̍h ble̍ duǐh delee dǒ nynɛ̌ gbalǎ ke, kmɔ̌ nɛ dɛ̍ᵻ nyìɛ̍ laa̍ ke nyɔ̍ klaaᵻ jǔ. Nyɔ̍ dɔɔ se̍ duǐh laa̍ cheǎn-a bɛ̌ɛ.

Wlɛfeleseɔn 15:5

Ɛ̀ la ɛ̍ wɔ̀-a nɛ-ɛ, wɛ̀ ǐn jě slaǎ sà gbò nɛ-a dě ja̍i̍wlɔ̀-ɛ, ɛ̀ nu̍-a Wɛ̀ɛ̀ Sɔ̍n Wlù tà Nyɔsoa nɛ-aɛ, nɛ̀ ɛ̍ flɔn wɔ̍n.

Wlɛfeleseɔn 22:4

U̍h-a mu̍ ɔ̍ jua̍a̍ jě, wɛ̀ ɔ̍ nynɛ̌ iě chlǐh-ɛ dǒ u̍h jua̍i̍.

Wlɛfeleseɔn 3:12

Nyɔ̍ ɔ̀ sà-a dɛ̍ sɔ̀n klà-a, nɛ̀ ǎn mu̍ ɔ̍ sìtù we̍i̍ nu̍ dě ǎn Nyɔsoa-a slaǎ sà gbò sɔ̀n. Nɛ̀ ɔ̍ se̍ gba̍ deě sɔ dɛ. Nɛ̀ ǎn mu̍ ǎn Nyɔsoa-a nynɛ̌ chlǐh dǒ ɔ̍ pùn, ɛ̍ ke ǎn Nyɔsoa-a tùgbàwlɔ̀-a nynɛ̌ ke, ɛ̀ nu̍-a Juluslɛn wlɔ̀ delee ɛ̀ sɔ-a dě ǎn Nyɔsoa we̍ ja̍i̍wlɔ̀-ɛ. Ǎn mu̍ ǎn chɛ̀-a nynɛ̌ delee chlǐh ke dǒ ɔ̍ pùn.

Wlɛfeleseɔn 4:1

Ɛ̀ la ɛ̍ wɔ̀-a nɛ-ɛ, ǐn gbɛ̀n-aeɛ, wɛ̀ ǐn jě gbò wɔ̍n dě ja̍i̍wlɔ̀, nɛ̀ ɛ̍ flɔn wɔ̍n ba̍a̍. Wɛ̀ wlu̍ ɛ̀ ke dɔ̍gbɛ̍-a wlu̍ wɔ̀ɛ-a ǐn wɔ̌n-a sàì-ɛ, ɛ̍ la̍a̍ dě ǐn we̍ dɛ, “Ji̍ nɔ̌ ja̍i̍ nɔ̍ɔ̀, wɛ̀ iě ìn dɛ̍ ɛ̀ kɔn ɛ̀ iě-a nɛ dě nya̍-ɛ toe.”

Wlɛfeleseɔn 6:8

Ǐn gbɛ̀n-a deě-ɛ, iě ǐn jě soo̍bli ɛ̀ blě-a dɔgbɔ ku̍-ɛ. Ɛ̀ naɛ-a dǒ ɛ̍ kɛ̍n-ɛ, ɛ̍ nynɛ̌ nu̍ Mɛ̌ɛ, iě ɛ̀ Kɔn-a Mɛ̌-nyɔ̍ Wlu̍ I̍-ɛ tè i̍ dǒ ɛ̍ de̍e̍. Wɛ̀ i̍h nyǐ-ɛ tùn i̍h iě bloa̍-a fɔ̌ᵻ nɛ-a nyìɛ̍-ɛ, i̍h-a due wlu̍ i̍ kɔn. Wɛ̀ i̍h iě nyɔ̍ plàn chlɛ̀n ke, mɔ̌ ke, wɛ̌ᵻ ke, kwlǎ nmi̍i̍ i̍ dbǎ-ɛ.