Wlɛfeleseɔn 13:8 - Ku̍o̍ Delee 1999

⁸ Nyɔ̍ kli̍hgbɛ̍ ùh tǐn-a nɔ̌ bloɔ̍-ɛ, u̍h-a mu̍ ɛ̍ wɛɛ sà. Ɛ̍-ɛ bo ɛ̀ nu̍-a nyɔ̍ ùh kɔn nynɛ̌ se̍-a chlǐh-ɛ dě Blawɛ̌ Jǔ-a feɛ chlǐh-dɛ̍ di̍i̍ wɛ̀ kmɔ̌ iě-a nui-ɛ dǔ. Blawɛ̌ Jǔ ɔ̀ dbǎ-aɛ, ɔ̍ bo ǎn dǎ.

Wlɛfeleseɔn 13:8 Iomraidhean Croise

Matio 25:34

Nɛ̀ Blǔh Baa-a mu̍ ka dǎ dě nyɔ̍ ùh nɛ-a dě ɔ̍ di̍na̍ we̍ ka-a we̍, ‘Mɔ̀ɔ̍ ǐn Baa nyǐ-a pɔ̀ìě-ɛ, mɔ̀ ji̍ kmɔ̌ Nyɔsoa kɔn-a wlu̍ i̍-ɛ, ɔ̍ mu̍ ɛ̍ mɔ̀ nyǐ. Ɔ̍ po̍ ɛ̍ gba̍a̍ dǒ mɔ̀ we̍ se̍e̍ wɛ̀ kmɔ̌ la ɛ̍ dǔ nui-ɛ.

Pɔ̀n Chɛ̀ Luu To-a La 10:20

Mɔ̀ bɔ̌ mɔna̍ nu̍-ɛ jeědih-a mɔ̀ dɛ̍ɛ̍ jě tìh. Jɛ mɔ̀ nu̍ mɔna̍ ka mɔ̀-a nynɛ̌ chlǐh-a wɛ̀ dě ja̍i̍wlɔ̀-ɛ.”

Chɔɔn 1:29

Sɔ̀n dɛɛ sɛ̀n-aɛ, wɛ̀ Chɔɔn jě Jusu nɛ̀ ɔ̍ ji̍ ɔ̍ wlì. Iě ɔ̍ la̍a̍, “Gbɛ̀n-e, Nyɔsoa-a Blawɛ̌ Jǔ ɔ̀ sà-a gblɛ̍n sɔ̀ɛ̀n i̍ da̍a kmɔ̌ we̍-ɛ la.

Ɛfɛsɔ 1:4

Kmɔ̌ la ɛ̍ iě-a nui-ɛ, nɛ̀ ɔ̍ tba̍ à chèɛ̀ wɛ̀ se̍e̍ à ke Klai iě due nɛ. Ɔ̍ tba̍ à chèɛ̀ à iě nɛi̍ wɛ̀, wɛ̀ à nynɛ̌-ɛ je̍e kɔ̌ dǒ ɔ̍ jlǐhwai. Nyɔsoa-a à-a jbɛɛ bo

Felepai 4:3

Nɛ̀ɛ̍, mɔ̀ ɔ̀ ke ǐn ke à nu̍-a dbo̍ tu̍ due ǐn tè-a wlì-ɛ, ǎn ba̍le-e, naɛ nynɔ̌gbaɔᵻ la sɔ̍nᵻ we̍ i̍. Dɛ̍nu̍ɛ, u̍h gbǎ ǐn ke Klɛmɛ ke dbo̍ nu̍ nyɔ̍ duuh sie-a dǒ de̍-ɛ we̍ kaa̍, wɛ̀ pɔ̀n chɛ̀ sɛ̍ ka i̍. Klɛmɛ ke dbo̍ nu̍ nyɔ̍ duuh bo ùh kɔn nynɛ̌ nɛ dě feɛ chlǐh-dɛ̍ di̍i̍ wɛ̀.

Taitɔ 1:2

Kmɔ̌ sie feɛ à kɔ̍-a wlùh i̍-ɛ, dǒ ɛ̍ kɛ̍n bo i̍h tba̍ i̍. Nyɔsoa ɔ̀-ɔ tmɔ̌-a si̍h-ɛ, ɔ̍ bo ɔ̀ po̍ ɛ̍ wlu̍ tɔ̀ma̍a̍ sasǎ wɛ̀ kmɔ̌ la ɛ̍ dǔ nui-ɛ.

Wlɛfeleseɔn 12:15

Wɛ̀ dɔ̍sɛ sà nǐ klaa wɔ̍n iě ɛ̍ po̍ ɛ̍ dǒ nynɔ̌ laa̍ de̍e̍ ɛ̍ iě ɔ̍ gba̍.

Wlɛfeleseɔn 13:12

Ɛ̍ nui sàǐtòò nmi̍ɛ̍-a gbǐh dbo̍ dǒ ɛ̍ jlǐhwai. Ɛ̍ nu̍ ɛ̍ bloa̍ ke ɛ̍ nyɔ̍ kli̍hgbɛ̍ sà sàǐtòò nmi̍ɛ̍ laa̍ wɛɛ, ɛ̀ kɔn dbǎ-a tai gba̍ chìè bɔ̌-aɛ.

Wlɛfeleseɔn 17:8

Nmi̍ɛ̍ ìn jě-aɛ, ɛ̍ nɛ kmɔ̌ de, jɛ ɛ̍ se̍ kmɔ̌ nɛ dɛ fu̍u̍. Jɛ ɛ̍ ji̍ la̍ dě kàn biě di̍i̍ sɔ la̍, wɛ̀ ɛ̍ iě-e gbɔ̀lɔ-ɛ. Kmɔ̌ nyɔ̍ juh kɔn nynɛ̌ se̍-a chlǐh-ɛ dě feɛ chlǐh-dɛ̍ di̍i̍ wɛ̀ kmɔ̌ iě-a nui-ɛ dǔ-ɛ, pò u̍h jě nmi̍ɛ̍ la-ɛ, nɛ̀ ɛ̍ mu̍ u̍h wɔ̍n flɔn-ɛ. Dɛ̍nu̍ɛ, ɛ̍ nɛ kmɔ̌ de, wɛ̀ ɛ̍ se̍ ka kmɔ̌ nɛ dɛ, iě ɛ̍ mu̍ la̍ ji̍ dode̍.

Wlɛfeleseɔn 21:27

Jɛ dɛ̍-ɛ se̍ nɛi̍ wɛ̀ wɛ̀ ɛ̍-ɛ sǐ-e i̍, ɛ̍ ke nyɔ̍ jɔ nu̍-a sììjii̍ ke si̍h tmɔ̌ dɛ̍-ɛ ke. Jɛ ùh kɔn nynɛ̌ chlǐh-a dě Blawɛ̌ Jǔ-a feɛ chlǐh-dɛ̍ di̍i̍-ɛ, u̍h nɛ due bo ùh-a mu̍ dě-e i̍ sǐ.

Wlɛfeleseɔn 3:10

Ǎn mu̍ mɔ̀ kɛ̍n kaɛn dǒ jua̍i̍ sàɛ̀ ɛ̀ mu̍-a kmɔ̌ kli̍hgbɛ̍ la we̍ ji̍ ɛ̀ iě-a nyɔ̍ kli̍hgbɛ̍ nɛ-a nɔ̌ blǔh la kɛ̍n-ɛ tɛ̀n-ɛ we̍. Dɛ̍nu̍ɛ, mɔ̀ nu̍ ǎn wlu̍ dǒ mɔ̀-a wlùh i̍ gbɛ̍n-ɛ ke mɔ̀-a dě klì i̍ ku̍-ɛ di̍i̍.

Wlɛfeleseɔn 3:20

Kaka la̍, ǐn nyna i̍ dǒ gbaba kɛ̍ɛ̍n iě ǎn bla̍ ɛ̍. Pò nyɔ̍-o-nyɔ̍ wɔ̌n ǎn wlu̍ wɛ̀ ɔ̍ iě dǒ gbò wɔ̍i̍n pɔ̀ni-ɛ, nɛ̀ ǎn mu̍ dě ɔ̍ we̍ gbò pa̍ ɔ̍ ke ǐn ke à iě sɔ̍n jǔ gbo̍a̍ɛ.

Wlɛfeleseɔn 3:5

Nyɔ̍ ɔ̀ sà-a dɛ̍ sɔ̀n klà-a, nɛ̀ kǎ ɔ̍ mu̍ jlii̍ plǔᵻ pa̍-a nu̍ ke. Nɛ̀ ǐn se̍ ɔ̍ nynɛ̌ dě feɛ chlǐh-dɛ̍ di̍i̍ sà mu̍. Jɛ nɛ̀ ǎn mu̍ ɔ̍ ǎn nyɔ̍ slè-e dǒ ǐn Baa ke ɔ̍ ǐnchɔ̀ jǔ.

Wlɛfeleseɔn 5:12

Wɛ̀ i̍h-a wǐi i̍ i̍h-a ble̍. I̍h la̍a̍, “Blawɛ̌ Jǔ ɔ̀ dbǎ-aɛ, ɔ̍ nɛ tìhwe̍ po̍ ka̍. Ɔ̍ gbǐh nɛ-ɛ ke, pàn-a ke, flɔ̍nwlùh ke, kmu-ɛ ke, ja̍ tè-ɛ ke tìh-a i̍ bɛ̌-ɛ nɛ tìhwe̍ po̍ ka̍.”

Wlɛfeleseɔn 5:13

Wɛ̀ kmɔ̌ nɛ dɛ̍ᵻ kli̍hgbɛ̍ nɛ-a dě ja̍i̍wlɔ̀ ke, nɔ̌ bloɔ̍ ke, dě blǔh sɔ̀n ke dě jbǒ kɛ̍n-ɛ, ɛ̍ ke kmɔ̌ nɛ dɛ̍ᵻ diih kli̍hgbɛ̍ ke dǒ ǐn wɔ̌n-ɛ i̍h-a ble̍-e wlu̍. I̍h la̍a̍, “Nyɔ̍ ɔ̀ tè-a dǒ nynɛ̌ gbalǎ kɛ̍n i̍-ɛ, ɔ̍ ke Blawɛ̌ Jǔ ke, tìhwe̍ po̍-ɛ ke, ja̍ tè-ɛ ke, tìh-a i̍ bɛ̌-ɛ ke kmu-ɛ kɔn dǒ u̍h we̍ nɔ̌ kmɔ̌-a kmɔ̌.”

Wlɛfeleseɔn 6:1

Wɛ̀ ǐn jě Blawɛ̌ Jǔ iě ɔ̍ wa̍ slu̍ mɛ̀sɔɔ̌n laa̍ i̍h-a sàǐtòò naɛ dǒ chlǐh-dɛ̍-a gbo̍lo̍ laa̍ wɔ̍i̍n. Iě ǐn wɔ̌n kmɔ̌ nɛ dɛ̍ᵻ nyìɛ̍ laa̍ i̍h-a due-a wlu̍ ka tɛ̀n plǎn-ɛ. Ɛ̍ la̍a̍, “Ji̍.”