Wlɛfeleseɔn 13:7 - Ku̍o̍ Delee 1999

⁷ Ɛ̍ sà-ɛ wlu̍ kɛ̍n dɛ ke ɛ̍ iě Nyɔsoa-a nyɔ̍ we̍ fɔ̀n wɛ̀ ɛ̍ iě u̍h du̍. Wɛ̀ ɛ̍ nyǐ-ɛ tùn ɛ̍ iě chɛ̌tu ke, dakɔ̍ ke bloa̍ kli̍hgbɛ̍ wlu̍ i̍ kɔn.

Wlɛfeleseɔn 13:7 Iomraidhean Croise

Pɔ̀n Chɛ̀ Luu To-a La 4:6

Wɛ̀ ɛ̍ la̍a̍ dě Jusu we̍, “Ǎn mu̍ ìn gbǐh nyǐ ìè kɔn-dɛ̍ᵻ kli̍hgbɛ̍ la ke i̍h-a tìh-a i̍ bɛ̌-ɛ wlu̍ i̍ kɔn. Dɛ̍nu̍ɛ, i̍h kli̍hgbɛ̍ nyǐ-ɛ m. Ɛ̍ tìh-ɛ, nyɔ̍-o-nyɔ̍ ǎn pɔ̀n-a i̍h nyǐ-ɛ i̍-ɛ, ɔ̍ bo ǎn mu̍ i̍h nyǐ.

Chɔɔn 19:11

Jusu la̍a̍, “Pò Nyɔsoa se̍ ìn gbǐh nyǐ de-ɛ, nɛ̀ ìn se̍ ǐn wlu̍ i̍ kɔn-ɛ bɛ̌ɛ mu̍. Ɛ̍ tìh-ɛ, nyɔ̍ ɔ̀ sà-a ǐn kwlǎ dě ìn we̍-ɛ, gblɛ̍n sɔ̀ɛ̀n-a gboklan naɛ bo ɔ̍ nu̍.”

Wlɛfeleseɔn 10:11

Wɛ̀ nyɔ̍ la̍a̍ dě ǐn we̍, “Ìn kɔn iě Nyɔsoa-a tu̍owli ìh kɔ̍-a dǒ bloa̍ dɔu ke, dakɔ̍ pàɔ̀n ke blǔh baaᵻ pùn i̍-ɛ po̍ dɛ.”

Wlɛfeleseɔn 11:18

Nyɔ̍ ùh se̍-a ìn juo-ɛ u̍h gbǎ jlu̍h-u wɛ̀, iě ɛ̍ nu̍ nàɛ̀ jlu̍h ti̍ wɛ̀, mɛ̌-nyɔ̍ iě sàwi̍h sì. Ti̍ nyni̍ wɛ̀ àn pòi̍nynuu̍ iě ìn dɛ̍ kwa̍a̍ jě, ùh nu̍-a tu̍owli po̍ nyɔ̍-ɛ, ɛ̍ ke àn nyɔ̍ plìh ke klaaᵻ kli̍hgbɛ̍ ùh-a tè-a ìn ja̍-ɛ ke. Ti̍ nyni̍ wɛ̀ ìè nyɔ̍ ùh-a gbɔ̀lɔ-a bloa̍-a gbɔ̀lɔ ke.”

Wlɛfeleseɔn 11:7

Pò u̍h wɔ̀ u̍h-a tu̍owli po̍-ɛɛ, nɛ̀ nmi̍ɛ̍ ɛ̀ sɔ-a dě kàn biě laa̍ di̍i̍-ɛ, ɛ̍ mu̍ u̍h tu̍h we̍ pa̍-ɛ. Nɛ̀ ɛ̍ mu̍ u̍h klà sà, ɛ̍ iě u̍h dbǎ.

Wlɛfeleseɔn 12:17

Wɛ̀ dɔ̍sɛ gbǎ-ɛ nynɔ̌ jlu̍h-u, iě ɛ̍ mu̍ ɔ̍ tloemlai tu̍h we̍ pa̍-ɛ la̍, ùh gbɛ̍n-a Nyɔsoa-a telě ke Jusu-a gblangbai̍ wlu̍ i̍-ɛ.

Wlɛfeleseɔn 17:15

Wɛ̀ ǐnchɔ̀ la̍a̍ dě ǐn we̍, “Nǐᵻ klaaᵻ ìn jě-a, ìh kɔn wɔ̍i̍n kàìà nynɔ̌ tè-a i̍-ɛ, bloa̍ ke, nyɔ̍ tlùgbei̍ ke dakɔ̍ pàɔ̀n bo.

Wlɛfeleseɔn 5:9

Wɛ̀ u̍h ble̍ duǐh delee, u̍h la̍a̍, “Ìn nɛ ɛ̍ ka̍ ìè chlǐh-dɛ̍-a gbo̍lo̍ laa̍ dǔ, wɛ̀ ìè ɛ̍ slu̍ wa̍ ìè ɛ̍ wɔ̍i̍n pɔ̀ni. Dɛ̍nu̍ɛ, ìn dbǎ-ɛɛ wɛ̀ àn nymɔ̍ tɛ̀n nyɔ̍ ùh sɔ-a chɛ̌tu ke, bloa̍ ke dakɔ̍ kli̍hgbɛ̍ kɛ̍n i̍-ɛ, u̍h iě Nyɔsoa-a nyɔ̍ nu̍.