Wlɛfeleseɔn 13:6 - Ku̍o̍ Delee 1999

⁶ Wɛ̀ ɛ̍ blaɛ Nyɔsoa wɔ̍n, ɛ̍ ke ɔ̍ nynɛ̌ ke, ɔ̍ tèla̍ ke nyɔ̍ ùh ke ɔ̍ tǐn-a dě ja̍i̍wlɔ̀-ɛ ke.

Wlɛfeleseɔn 13:6 Iomraidhean Croise

Matio 12:34

Mɔ̀ wɔ̀ sɛ̍ᵻ, mɔ̀-a nu̍-a dɛ̍ᵻ sɔ̀nᵻɛ́, nɛ̀ ka mɔ̀-a mu̍ dɛ̍ chɛ̀-ɛ sà-a nu̍ ɛ? Dɛ̍nu̍ɛ, dɛ̍ ɛ̀ nɛ-a dě nyɔ̍ wlùh di̍i̍-ɛ, ɛ̍ bo wɔ̍n-a sà-a.

Matio 15:19

Dɛ̍nu̍ɛ, dǒ nyɔ̍ wlùh kɛ̍n bo dɛ̍ᵻ sɔ̀nᵻ wlùh i̍ naɛ-ɛ sɔ. I̍h-a nu̍ ɛ̍ àn poe nyɔ̍ gbe̍ja̍a̍, àn nu̍ nynɛ̌à, àn nu̍ gbǎn, àn jlǐ, àn tmɔ̌ si̍h, ɛ̍ ke nyɔ̍-a nynɛ̌ jii̍ nyni-ɛ ke.

Chɔɔn 1:14

Ɔ̀ kɔn nynɛ̌ nu̍-a Wlu̍-ɛ, ɔ̍ ji̍-i dě nyi̍ɔ̍tu di̍i̍ iě ɔ̍ tǐn nɔ̌ à nynɛ̌. Ɔ̍ toe àɔ̀ blɛ ke tìh-a taǐn kli̍hgbɛ̍ ìh kɔ̍-a dǒ Nyɔsoa pùn i̍-ɛ. Wɛ̀ à jě ɔ̍ tìh-a i̍ bɛ̌-ɛ ɛ̀ kɔn-a dǒ ɔ̍ we̍ ka ɔ̍ nu̍-a Baa Nyɔsoa-a Jǔ jɔɛ̍ due gbài̍-ɛ.

Wloma 3:13

U̍h-a wɔ̍i̍n wlu̍ wɔ̀ gbà-a plu̍h. Nyɔ̍ i̍ boe-ɛ jǐ dǒ u̍h mɛɔ kɛ̍n. U̍h-a wɔ̍n blě chɛ̌n-nǐ ka sɛ̍-ɛ.

Kalase 1:19

Dɛ̍nu̍ɛ, Nyɔsoa-a wlùh tè i̍ ɔ̍ nɛka kli̍hgbɛ̍ iě dě ɔ̍ Jǔ la ja̍a̍ nɛ.

Kalase 2:9

Dě Nyɔsoa-a nɛka kli̍hgbɛ̍ di̍i̍ bo Klai nɛ.

Iblu 9:2

U̍h po̍ wɛ̀ɛ̀ sɔ̍n wlù gba̍a̍ iě jliɛ̍ jii dǒ ɛ̍ wèa̍. Dǒ jliɛ̍ jǔ bo chlǎn nape̍-a kɛ̍n tè dɛ̍ ke teble̍ nɛ. Dǒ teble̍ kɛ̍n bo blèe̍ u̍h sà-ɛa Nyɔsoa kwlǎ-a nɛ. Deě laa̍ bo u̍h-a dǎɛ Nɛi̍ Wɛ̀ Tà. Nɛ̀ dǒ jliɛ̍ de̍e̍ laa̍, dě u̍h-a dǎɛ Nɛi̍ Wɛ̀ Tà Klaa.

Iblu 9:24

Wɛɛ sà gbò jɛ nyi̍ɔ̍-a sɔ̍n po̍-a ɛ̀ wɔ̀-a jɛ nu̍-a gblangbai̍ naɛ ɛ̀ nɛ-a dě ja̍i̍wlɔ̀-ɛ, Klai se̍ dě ɛ̍ di̍i̍ pa̍. Jɛ dě ja̍i̍wlɔ̀-a chɛ̀-ɛ gbǎ bo ɔ̍ mu̍, iě ɔ̍ nɛ ka dǒ Nyɔsoa jǔ dǒ à tàà.

Wlɛfeleseɔn 11:12

Wɛ̀ tu̍owli po̍ nyɔ̍ sɔɔ̌n laa̍ u̍h wɔ̌n we̍le wlu̍, ɛ̍ sɔ dě ja̍i̍wlɔ̀. Ɛ̍ la̍a̍, “Mɔ̀ ji̍ nɔ̌ ja̍i̍ nɔ̍ɔ̀.” Wɛ̀ u̍h-a nyɛ̌-nyɔ̍-a gbɛ̀n u̍h ja̍ u̍h-a mu̍ dě ja̍i̍wlɔ̀ dě nǐgban di̍i̍.

Wlɛfeleseɔn 12:12

Ɛ̍ tìh-ɛ, ja̍i̍wlɔ̀, nmɔ àn dɛ̍, ɛ̍ ke mɔ̀ɔ̍ tǐn-a dě ɛ̍ di̍i̍-ɛ ke. Jɛ chlě dǒ blǔh ke jbǒ we̍. Kǔ gbǎ jlu̍h-u kaa̍ iě ɛ̍ ji̍ dě mɔ̀ we̍. Dɛ̍nu̍ɛ, ɛ̍ juo ɛ̍-ɛ ɛ̍ ti̍ se̍ dlǔ tɛn dɛ.”

Wlɛfeleseɔn 15:5

Ɛ̀ la ɛ̍ wɔ̀-a nɛ-ɛ, wɛ̀ ǐn jě slaǎ sà gbò nɛ-a dě ja̍i̍wlɔ̀-ɛ, ɛ̀ nu̍-a Wɛ̀ɛ̀ Sɔ̍n Wlù tà Nyɔsoa nɛ-aɛ, nɛ̀ ɛ̍ flɔn wɔ̍n.

Wlɛfeleseɔn 18:20

Ja̍i̍wlɔ̀, nmɔ dǒ ɔ̍-ɔ gbɔ̀lɔ-ɛ we̍. Nyɔsoa-a nyɔ̍ ke, ɔ̍ tu̍owli po̍ nyɔ̍ ke, Klai-a gba̍tòà, mɔ̀ nu̍ mɔna̍ ke o. Dɛ̍nu̍ɛ, Nyɔsoa gbɛ̍n ɔ̍ kàn wɛ̀ dǒ dɛ̍ ɔ̍ nu̍-a mɔ̀ pùn-ɛ we̍ o.

Wlɛfeleseɔn 21:3

Wɛ̀ ǐn wɔ̌n we̍le wlu̍ ɛ̍ sɔ dě nynɛ̌ gbalǎ kɛ̍n, ɛ̍ la̍a̍, “Nyɔsoa-a tèla̍ nɛ nɔ̌ wlɔ̀-nyɔ̍ we̍ wɛ̀. Ɔ̍ mu̍ la̍ dě u̍h we̍ tǐn, wɛ̀ u̍h iě ɔ̍ nyɔ̍ nu̍. Nyɔsoa-a chɛ̀-a mu̍ dǒ u̍h we̍ nɛ.

Wlɛfeleseɔn 4:1

Ɛ̀ la ɛ̍ wɔ̀-a nɛ-ɛ, ǐn gbɛ̀n-aeɛ, wɛ̀ ǐn jě gbò wɔ̍n dě ja̍i̍wlɔ̀, nɛ̀ ɛ̍ flɔn wɔ̍n ba̍a̍. Wɛ̀ wlu̍ ɛ̀ ke dɔ̍gbɛ̍-a wlu̍ wɔ̀ɛ-a ǐn wɔ̌n-a sàì-ɛ, ɛ̍ la̍a̍ dě ǐn we̍ dɛ, “Ji̍ nɔ̌ ja̍i̍ nɔ̍ɔ̀, wɛ̀ iě ìn dɛ̍ ɛ̀ kɔn ɛ̀ iě-a nɛ dě nya̍-ɛ toe.”

Wlɛfeleseɔn 4:4

Nynɛ̌ gbalǎ laa̍, nynɛ̌ gbalǎᵻá kwela sɔɔ̌n jɔ̌ nyìɛ̍ (24) bo ìh dlɛ̌ ɛ̍. Nɛ̀ nyɔ̍ klaaᵻá kwela sɔɔ̌n jɔ̌ nyìɛ̍ bo ùh tìèe̍ i̍h di̍i̍ i̍. Nɛ̀ u̍h pa̍ jlii̍ plǔᵻ i̍, iě u̍h tèè kòo̍-a blawɛ̌ᵻ.

Wlɛfeleseɔn 5:13

Wɛ̀ kmɔ̌ nɛ dɛ̍ᵻ kli̍hgbɛ̍ nɛ-a dě ja̍i̍wlɔ̀ ke, nɔ̌ bloɔ̍ ke, dě blǔh sɔ̀n ke dě jbǒ kɛ̍n-ɛ, ɛ̍ ke kmɔ̌ nɛ dɛ̍ᵻ diih kli̍hgbɛ̍ ke dǒ ǐn wɔ̌n-ɛ i̍h-a ble̍-e wlu̍. I̍h la̍a̍, “Nyɔ̍ ɔ̀ tè-a dǒ nynɛ̌ gbalǎ kɛ̍n i̍-ɛ, ɔ̍ ke Blawɛ̌ Jǔ ke, tìhwe̍ po̍-ɛ ke, ja̍ tè-ɛ ke, tìh-a i̍ bɛ̌-ɛ ke kmu-ɛ kɔn dǒ u̍h we̍ nɔ̌ kmɔ̌-a kmɔ̌.”

Wlɛfeleseɔn 7:15

Ɛ̍ kɔn u̍h nɛ dǒ Nyɔsoa-a nynɛ̌ gbalǎ jǔ, wɛ̀ u̍h-a dbee ɔ̍ jǔ wlù ke sɔ̀n dě ɔ̍ slaǎ sà gbò sɔ̀n. Ɔ̀ tè-a i̍ dǒ nynɛ̌ gbalǎ kɛ̍n-ɛ, ɔ̍ mu̍ u̍h we̍ nɛ wɛ̀ ɔ̍ iě u̍h kɛ̍n kaɛn.

Wlɛfeleseɔn 7:9

Ɛ̀ la ɛ̍ wɔ̀-a nɛ-ɛ, ǐn gbɛ̀n-aeɛ, wɛ̀ ǐn jě nyɔ̍ tlùgbei̍ ùh nyɔ̍ se̍-a slè-ɛ bɛ̌ɛ-ɛ. U̍h sɔ dě dakɔ̍ kli̍hgbɛ̍ ke chɛ̌tu kli̍hgbɛ̍ ke bloa̍ kli̍hgbɛ̍ di̍i̍ i̍. Nɛ̀ u̍h nyna-ɛ i̍ dǒ nynɛ̌ gbalǎ ke Blawɛ̌ Jǔ jǔ. Nɛ̀ u̍h pa̍ plɛ̀i̍ plǔᵻ i̍, iě u̍h blě ju̍hᵻ wlɔ̍nᵻ kwa̍ i̍.