Wlɛfeleseɔn 13:5 - Ku̍o̍ Delee 1999

⁵ Wɛ̀ nmi̍ɛ̍ laa̍ ɛ̍ sà-ɛ wlu̍ kɛ̍n ɛ̍ iě blɔ̌, ɛ̍ iě Nyɔsoa wɔ̍n blaɛ. Wɛ̀ ɛ̍ sà-ɛ wlu̍ kɛ̍n ɛ̍ iě ɛ̍ chɛ̀-a wlùh nu̍ dǒ chǔhᵻá kwela nyìɛ̍ jɔ̌ sɔɔ̌n (42) di̍i̍.

Wlɛfeleseɔn 13:5 Iomraidhean Croise

2 Tɛsoloniɔn 2:3

Mɔ̀ bɔ̌ wɔ̌n-ɛ nyɔ̍ bɔ̌ mɔ̀ i̍ boe-ɛ dǒ dɛ̍-o-dɛ̍ we̍. Dɛ̍nu̍ɛ, pò weɛ̍ laa̍ ɛ̍ iě ji̍-ɛ, nɛ̀ Nyɔsoa kɛ̍n i̍ poe-ɛa mu̍ nɛ, wɛ̀ Nyɔ̍ Sɔ̀n iě à kɛ̍n wlǔh-i. Ɔ̍ tìh chɛn i̍ wɛ̀ ɔ̍ iě-e gbɔ̀lɔ-ɛ.

2 Tɛsoloniɔn 2:4

Ɔ̍ se̍ slaǎ sà dɛ̍ᵻ kli̍hgbɛ̍ nyɔ̍gbei-a dǎɛ-a nyɔsoa-a dɛ̍ dǎɛ mu̍. Ɔ̍ mu̍ ɔ̍ chɛ̀ i̍ bɛ̌-ɛ, wɛ̀ ɔ̍ iě ɔ̍ chɛ̀ gbalǎ i̍ jǎ-ɛ dě Nyɔsoa-a slaǎ sà gbò sɔ̀n. Ɔ̍ mu̍ ɔ̍ chɛ̀ Nyɔsoa dǎɛ.

2 Tɛsoloniɔn 2:8

Wɛ̀ Nyɔ̍ Sɔ̀n iě tà wlǔh-ɛ dǔ. Jɛ nɛ̀ Joi Jusu-a mu̍ ji̍, wɛ̀ ɔ̍ iě nyɔ̍ kɛ̍n wlǔh-i. Nɛ̀ ɔ̍ mu̍ Nyɔ̍ Sɔ̀n-a chɛ̀ dbǎ dǒ ɔ̍ poɔ-a mu̍-a dě ɔ̍ wɔ̍ɔ̍n sɔ-ɛ we̍. Wɛ̀ ɔ̍ iě ɔ̍-ɔ gbɔ̀lɔ dǒ ɔ̍ ji̍ la̍.

Wlɛfeleseɔn 11:7

Pò u̍h wɔ̀ u̍h-a tu̍owli po̍-ɛɛ, nɛ̀ nmi̍ɛ̍ ɛ̀ sɔ-a dě kàn biě laa̍ di̍i̍-ɛ, ɛ̍ mu̍ u̍h tu̍h we̍ pa̍-ɛ. Nɛ̀ ɛ̍ mu̍ u̍h klà sà, ɛ̍ iě u̍h dbǎ.

Wlɛfeleseɔn 12:14

Jɛ dǒ nynɔ̌-a chɛ̀ nyǐ-ɛ chìsǐ klaa-a gbawaᵻ sɔɔ̌n, ɔ̍ iě wa̍n ɔ̍ iě dǒ dɔ̍sɛ we̍ sɔ wɛ̀ ɔ̍ iě dě kwlǎslò we̍ mu̍. Dě ɔ̍ mu̍ we̍ i̍ gbɛ̀n-ɛ dǒ sɔ̀nᵻ ta̍a̍n chǔhᵻ mɛ̀o̍ di̍i̍.

Wlɛfeleseɔn 12:6

Wɛ̀ nynɔ̌ gbǎ kwlǎ ɔ̍ mu̍ dě kwlǎslò we̍ tà Nyɔsoa po̍-a gba̍a̍ dǒ ɔ̍ we̍-ɛ. Dǒ ɔ̍ mu̍ we̍ i̍ gbɛ̀n-ɛ dǒ wǐh-a wlǔ due kmɛ sɔɔ̌n kwela mɛ̀o̍ (1,260) di̍i̍.

Wlɛfeleseɔn 13:7

Ɛ̍ sà-ɛ wlu̍ kɛ̍n dɛ ke ɛ̍ iě Nyɔsoa-a nyɔ̍ we̍ fɔ̀n wɛ̀ ɛ̍ iě u̍h du̍. Wɛ̀ ɛ̍ nyǐ-ɛ tùn ɛ̍ iě chɛ̌tu ke, dakɔ̍ ke bloa̍ kli̍hgbɛ̍ wlu̍ i̍ kɔn.