Wlɛfeleseɔn 13:17 - Ku̍o̍ Delee 1999

¹⁷ Nyɔ̍ se̍ dɛ̍ tɛ̀n-ɛ àe̍e̍ dɛ̍ ple̍-ɛ bɛ̌ɛ mu̍ pò ɔ̍ se̍ sàǐtòò nmi̍ɛ̍-a juola la blě-ɛ. Juola la ɛ̍ nyna i̍ dǒ nmi̍ɛ̍ la ɛ̍ nynɛ̌ wɔ̀ɔ̀, ɛ̍ ke ɛ̍ nynɛ̌-a namà ke.

Wlɛfeleseɔn 13:17 Iomraidhean Croise

Kelesea 6:17

Dɛ̍ ǎn mu̍-a kɛ̍n chlà-ɛɛ, ɛ̍ nu̍ nyɔ̍ bɔ̌ ǐn wɔ̍ɔ̍n i̍ bɛ̌ɛ dɛ kleǐnklein. Dɛ̍nu̍ɛ, pǎᵻ nɛ-a dǒ ǎn ku̍ pùn-ɛ, Jusu-a tìh bo i̍h nɛ-o.

Wlɛfeleseɔn 13:16

Wɛ̀ nmi̍ɛ̍-a sɔɔ̌n naɛ se̍-o nyɔ̍ i̍ si̍e̍, nyɔ̍ plìh o, klaaᵻ o, pàn-nyɔ̍ o, nyɔ̍gbà nyɔ̍ o, kèi̍ᵻ o, de̍e̍ i̍ flɔn nyɔ̍ o ɛ̍ nu̍ u̍h-a kloǒ kli̍hgbɛ̍ u̍h iě juola tù-iɛ dǒ u̍h-a di̍na̍ sɔ̍nᵻ àe̍e̍ dǒ u̍h jua̍i̍.

Wlɛfeleseɔn 13:18

Ɛ̀ la flɔ̍nwlùh bo ɛ̍ jbǎ. Nyɔ̍ ɔ̀ flɔn-a di̍i̍-ɛ, ɔ̍ slè sàǐtòò nmi̍ɛ̍-a namà la, dɛ̍nu̍ɛ, ɛ̍ nu̍ nyi̍ɔ̍-a nynɛ̌. Ɛ̍ namà nu̍ kmɛ mɛ̀o̍ kwela mɛ̀o̍ jɔ̌ mɛ̀o̍ (666).

Wlɛfeleseɔn 14:11

Nɛ̀ u̍h-a jua̍i̍ sàɛ̀ nɛ̍-a daluh-a mu̍ ja̍i̍ mu̍ te̍e̍ kleǐn. U̍h-u bo ùh nu̍-a nyɔ̍ ùh-a sà-a nmi̍ɛ̍ ke ɛ̍ mɛ̍-dɛ̍ wɛɛ, iě u̍h blě ɛ̍ nynɛ̌-a juola ke. U̍h-u bo ùh se̍-a feɛ i̍ jě mu̍ wlù ke sɔ̀n.”

Wlɛfeleseɔn 14:9

Iě ǐnchɔ̀ dɛɛ ɛ̀ po̍-a ta̍a̍n-ɛ, ɛ̍ tba̍ dǒ i̍h de̍e̍. Wɛ̀ ɛ̍ we̍le, ɛ̍ la̍a̍, “Pò nyɔ̍-o-nyɔ̍ sà nmi̍ɛ̍ ke ɛ̍ mɛ̍-dɛ̍ wɛɛ wɛ̀ ɔ̍ iě ɛ̍ juola blě dǒ ɔ̍ jua̍i̍ àe̍e̍ sɔ̍n i̍-ɛ,

Wlɛfeleseɔn 15:2

Wɛ̀ ǐn jě dɛ̍ ɛ̀ wɔ̀-a jbǒ ɛ̀ nui-a klàsi̍-ɛ, nɛ̀ ɛ̍ sìàɛ̍n nɛ̍-ɛ. Iě ǐn jě nyɔ̍ ùh du̍-a nmi̍ɛ̍ ke ɛ̍ mɛ̍-dɛ̍-ɛ, ɛ̍ ke ɛ̍ nynɛ̌-a namà ke. Nɛ̀ u̍h nynaɛ jbǒ ɛ̀ wɔ̀-a klàsi̍ laa̍ wɔ̍n iě u̍h blě kain kwa̍, ìh Nyɔsoa nyǐ-a u̍h-ɛ.

Wlɛfeleseɔn 17:5

Iě nynɛ̌ ɛ̀ kɔn gbɔ̀ sìle-aɛ ɛ̍ chlǐh-ɛ dǒ ɔ̍ jua̍i̍. Ɛ̍ la̍a̍, “Wɔ̍n ku̍ Babeloun wlɔ̀, mɔ̀ bo ɔ̀ nu̍ kàìà nynɔ̌gbaɔᵻ kli̍hgbɛ̍ de̍, ɛ̍ ke kmɔ̌-a sììjii̍ ke.”

Wlɛfeleseɔn 20:4

Wɛ̀ ǐn jě nynɛ̌ gbalǎᵻ, nɛ̀ nyɔ̍ ùh tè-a dǒ i̍h kɛ̍n i̍-ɛ, u̍h tùi-ɛ tùn kwa̍a̍ wɛ̀ u̍h iě taɔ nu̍. Nyɔ̍ ùh chɛ̍n-ɛa dlǔ i̍ u̍h-a Jusu-a tìh bla̍ tìh ke Nyɔsoa-a wlu̍ gba̍ tìh-ɛ, u̍h-a sùù bo. U̍h se̍ nmi̍ɛ̍ ke ɛ̍ mɛ̍-dɛ̍ wɛɛ sà, iě u̍h se̍ ɛ̍ juola dǒ jua̍i̍ ke u̍h sɔ̍n i̍ tù. U̍h wlǔh-e, iě u̍h ke Klai blě nyɔ̍-a wlu̍ kwa̍ dǒ sɔ̀nᵻá wlǔ due di̍i̍.

Wlɛfeleseɔn 22:4

U̍h-a mu̍ ɔ̍ jua̍a̍ jě, wɛ̀ ɔ̍ nynɛ̌ iě chlǐh-ɛ dǒ u̍h jua̍i̍.

Wlɛfeleseɔn 3:12

Nyɔ̍ ɔ̀ sà-a dɛ̍ sɔ̀n klà-a, nɛ̀ ǎn mu̍ ɔ̍ sìtù we̍i̍ nu̍ dě ǎn Nyɔsoa-a slaǎ sà gbò sɔ̀n. Nɛ̀ ɔ̍ se̍ gba̍ deě sɔ dɛ. Nɛ̀ ǎn mu̍ ǎn Nyɔsoa-a nynɛ̌ chlǐh dǒ ɔ̍ pùn, ɛ̍ ke ǎn Nyɔsoa-a tùgbàwlɔ̀-a nynɛ̌ ke, ɛ̀ nu̍-a Juluslɛn wlɔ̀ delee ɛ̀ sɔ-a dě ǎn Nyɔsoa we̍ ja̍i̍wlɔ̀-ɛ. Ǎn mu̍ ǎn chɛ̀-a nynɛ̌ delee chlǐh ke dǒ ɔ̍ pùn.

Wlɛfeleseɔn 7:3

Ɛ̍ la̍a̍, “Mɔ̀ bɔ̌ bloa̍ ke, jbǒ ke tu̍ᵻ dɛ̍ nui-ɛ te̍e̍ wɛ̀ à iě à Nyɔsoa-a pòi̍nynuu̍-a jua̍a̍ᵻ juola tù-ɛ wɔ̀.”