Wlɛfeleseɔn 13:16 - Ku̍o̍ Delee 1999

¹⁶ Wɛ̀ nmi̍ɛ̍-a sɔɔ̌n naɛ se̍-o nyɔ̍ i̍ si̍e̍, nyɔ̍ plìh o, klaaᵻ o, pàn-nyɔ̍ o, nyɔ̍gbà nyɔ̍ o, kèi̍ᵻ o, de̍e̍ i̍ flɔn nyɔ̍ o ɛ̍ nu̍ u̍h-a kloǒ kli̍hgbɛ̍ u̍h iě juola tù-iɛ dǒ u̍h-a di̍na̍ sɔ̍nᵻ àe̍e̍ dǒ u̍h jua̍i̍.

Wlɛfeleseɔn 13:16 Iomraidhean Croise

Nu̍-dɛ̍ᵻ 26:22

Ǎn chɛ̀ Nyɔsoa bo ɔ̀ gbǎ ǐn we̍ wɛ̀ ǐn nyna i̍ da̍a sèàn, iě ǎn sèàɛ̍ tìh we̍ i̍ dě klaaᵻ ke plìh we̍. Dɛ̍ Nyɔsoa-a tu̍owli po̍ nyɔ̍ ke Mose la̍ ɛ̀ mu̍-a nɛ-ɛ, ɛ̍ taǐn bo ǎn sì wɔ̀ɔ̀ we̍ i̍.

1 Kɔwlɛntiɔn 12:13

Kǎ ɛ̍ nɛ ke dǒ à kli̍hgbɛ̍ we̍. Juu nyɔ̍ o, se̍ Juu o, kèi̍ᵻ o, de̍e̍ i̍ flɔn nyɔ̍ o, à kli̍hgbɛ̍ dě ku̍ due di̍i̍ bo Sùù poe àɔ̀ nǐ dlǔ. À kli̍hgbɛ̍ Nyɔsoa nyǐ àɔ̀ Sùù due dě à wlùh di̍i̍.

Kelesea 3:28

Juu nyɔ̍ se̍-o dɔɔ̌ nɛ, wɛ̀ ùh se̍-a Juu nyɔ̍-ɛ se̍-o dɔɔ̌ nɛ. Kèi̍ se̍-o dɔɔ̌ nɛ, wɛ̀ i̍ flɔn nyɔ̍ se̍-o dɔɔ̌ nɛ. Jɔ̍gbau se̍-o dɔɔ̌ nɛ, wɛ̀ nynɔ̌gbaɔ se̍-o dɔɔ̌ nɛ. Jɛ mɔ̀ kli̍hgbɛ̍ mɔ̀ nɛ due wɛ̀ dě Jusu Klai ja̍a̍.

Kelesea 6:17

Dɛ̍ ǎn mu̍-a kɛ̍n chlà-ɛɛ, ɛ̍ nu̍ nyɔ̍ bɔ̌ ǐn wɔ̍ɔ̍n i̍ bɛ̌ɛ dɛ kleǐnklein. Dɛ̍nu̍ɛ, pǎᵻ nɛ-a dǒ ǎn ku̍ pùn-ɛ, Jusu-a tìh bo i̍h nɛ-o.

Ɛfɛsɔ 6:8

Dɛ̍ mɔ̀ iě-a juo-ɛ, ɛ̍ nu̍ kèi̍ o, se̍ kèi̍ o, dbo̍ chɛ̀ jɔ nu̍-aɛ, ɛ̍ blaiɛ̍ bo ɔ̍ mu̍ jě dě Joi kwa̍a̍.

Kalase 3:11

Ɛ̍ tìh-ɛ, ùh se̍-a Juu nyɔ̍-ɛ u̍h se̍-o dɔɔ̌ nɛ, wɛ̀ Juu nyɔ̍ se̍-o dɔɔ̌ nɛ. Plɔ̀n gbǎ nyɔ̍ se̍-o dɔɔ̌ nɛ, wɛ̀ se̍ plɔ̀n gbǎ nyɔ̍ se̍-o dɔɔ̌ nɛ. Nyɔ̍ ùh se̍-a Klii nyɔ̍-ɛ se̍-o dɔɔ̌ nɛ, wɛ̀ nyɔ̍ ùh-a nu̍-a dɛ̍ᵻ ka gbɛ̍n-ɛ nmi̍i̍-ɛ u̍h se̍-o dɔɔ̌ nɛ. Nɛ̀ kèi̍ se̍-o dɔɔ̌ nɛ, wɛ̀ nyɔ̍ ùh flɔn-a i̍-ɛ se̍-o dɔɔ̌ nɛ. Jɛ Klai bo ɔ̀ gbǎ dɛ̍kɛ̍n dǒ dɛ̍ᵻ kli̍hgbɛ̍ we̍, iě ɔ̍ nɛ mɔ̀ɔ̍ kli̍hgbɛ̍.

2 Timote 3:8

Ka Chɛnɛ ke Janblɛ nu̍-a Mose bu̍hᵻ i̍ tbaɛ-ɛ, kǎ nyɔ̍ la u̍h nu̍ tìh-a taǐn bu̍hᵻ i̍ tbaɛ ke. Nyɔ̍ laa̍ u̍h-a wlùh nyni wɔ̍n, iě u̍h-a wlùh gbaɛ nu̍ fɔ̍ɔ̍.

Wlɛfeleseɔn 11:18

Nyɔ̍ ùh se̍-a ìn juo-ɛ u̍h gbǎ jlu̍h-u wɛ̀, iě ɛ̍ nu̍ nàɛ̀ jlu̍h ti̍ wɛ̀, mɛ̌-nyɔ̍ iě sàwi̍h sì. Ti̍ nyni̍ wɛ̀ àn pòi̍nynuu̍ iě ìn dɛ̍ kwa̍a̍ jě, ùh nu̍-a tu̍owli po̍ nyɔ̍-ɛ, ɛ̍ ke àn nyɔ̍ plìh ke klaaᵻ kli̍hgbɛ̍ ùh-a tè-a ìn ja̍-ɛ ke. Ti̍ nyni̍ wɛ̀ ìè nyɔ̍ ùh-a gbɔ̀lɔ-a bloa̍-a gbɔ̀lɔ ke.”

Wlɛfeleseɔn 15:2

Wɛ̀ ǐn jě dɛ̍ ɛ̀ wɔ̀-a jbǒ ɛ̀ nui-a klàsi̍-ɛ, nɛ̀ ɛ̍ sìàɛ̍n nɛ̍-ɛ. Iě ǐn jě nyɔ̍ ùh du̍-a nmi̍ɛ̍ ke ɛ̍ mɛ̍-dɛ̍-ɛ, ɛ̍ ke ɛ̍ nynɛ̌-a namà ke. Nɛ̀ u̍h nynaɛ jbǒ ɛ̀ wɔ̀-a klàsi̍ laa̍ wɔ̍n iě u̍h blě kain kwa̍, ìh Nyɔsoa nyǐ-a u̍h-ɛ.

Wlɛfeleseɔn 19:18

mɔ̀ iě blǔh baaᵻ ke, chapeᵻ ke, kmu-nyɔ̍ ke, soo̍bliᵻ ke i̍h-a kɛ̍n naɛ nyɔ̍-a plǎᵻ di̍. Mɔ̀ ji̍ mɔ̀ iě nyɔ̍ kli̍hgbɛ̍-a plǎᵻ di̍, ùh nu̍-a de̍e̍ i̍ flɔn nyɔ̍ ke, kèi̍ᵻ ke, plìh ke klaaᵻɛ́.”

Wlɛfeleseɔn 19:20

Wɛ̀ tu̍h gbɛ̍n nmi̍ɛ̍-a chɛ̀ ke ɛ̍ tu̍owli po̍ nyɔ̍-a si̍h naɛ ɔ̀ po̍-a jbaɛdih dǒ ɔ̍ jǔ-ɛ. Nyɔ̍ ùh blě-a ka nmi̍ɛ̍-a juola ùh-a sà-a ɛ̍ mɛ̍-dɛ̍ wɛɛ-ɛ, jbaɛdih laa̍ bo ɔ̍ nu̍ iě ɔ̍ boe u̍h i̍. Nmi̍ɛ̍ ke tu̍owli po̍ nyɔ̍-a si̍h naɛ-a chɛ̀ poe-ɛ dě pɔ̀nɔ̌ nɛ̍-a pàìbǒ di̍i̍ wɛ̀.

Wlɛfeleseɔn 19:5

Wɛ̀ wlu̍ sɔ dě nynɛ̌ gbalǎ kɛ̍n, ɛ̍ la̍a̍, “Plìh ke klaaᵻ, mɔ̀ɔ̍ ùh nu̍-a à Nyɔsoa-a pòi̍nynuu̍ ùh-a tè-a ɔ̍ ja̍-ɛ, mɔ̀ po̍ ɔ̍ tìhwe̍.”

Wlɛfeleseɔn 20:12

Wɛ̀ ǐn jě mɛ̌-nyɔ̍ kli̍hgbɛ̍, nɛ̀ u̍h nynaɛ i̍ dǒ nynɛ̌ gbalǎ jǔ. Nɛ̀ feɛ chlǐh-dɛ̍ ke chlǐh-dɛ̍ᵻ diih pɔ̀ni-ɛ wɔ̍i̍n. Nyɔsoa pa̍ mɛ̌-nyɔ̍-a taɔ dǒ dɛ̍ᵻ u̍h nu̍-aɛ we̍, ka i̍h nu̍-a chlǐh-ɛ dě chlǐh-dɛ̍ᵻ laa̍ di̍i̍-ɛ.

Wlɛfeleseɔn 20:4

Wɛ̀ ǐn jě nynɛ̌ gbalǎᵻ, nɛ̀ nyɔ̍ ùh tè-a dǒ i̍h kɛ̍n i̍-ɛ, u̍h tùi-ɛ tùn kwa̍a̍ wɛ̀ u̍h iě taɔ nu̍. Nyɔ̍ ùh chɛ̍n-ɛa dlǔ i̍ u̍h-a Jusu-a tìh bla̍ tìh ke Nyɔsoa-a wlu̍ gba̍ tìh-ɛ, u̍h-a sùù bo. U̍h se̍ nmi̍ɛ̍ ke ɛ̍ mɛ̍-dɛ̍ wɛɛ sà, iě u̍h se̍ ɛ̍ juola dǒ jua̍i̍ ke u̍h sɔ̍n i̍ tù. U̍h wlǔh-e, iě u̍h ke Klai blě nyɔ̍-a wlu̍ kwa̍ dǒ sɔ̀nᵻá wlǔ due di̍i̍.

Wlɛfeleseɔn 6:15

Iě blǔh baaᵻ ke, dlǔtuᵻ ke, fledlǔ-a nyɔ̍ klaaᵻ ke, pàn-nyɔ̍ ke, kmu-nyɔ̍ ke, kèi̍ᵻ ke, de̍e̍ i̍ flɔn nyɔ̍ ke nyɔ̍ kli̍hgbɛ̍ sìle u̍h-a chɛ̀ wɔ̍ᵻ di̍i̍ i̍ ke tlu̍h-a sɔɔ̌ᵻ sɔ̀n i̍.

Wlɛfeleseɔn 7:3

Ɛ̍ la̍a̍, “Mɔ̀ bɔ̌ bloa̍ ke, jbǒ ke tu̍ᵻ dɛ̍ nui-ɛ te̍e̍ wɛ̀ à iě à Nyɔsoa-a pòi̍nynuu̍-a jua̍a̍ᵻ juola tù-ɛ wɔ̀.”