Wlɛfeleseɔn 13:15 - Ku̍o̍ Delee 1999

¹⁵ Iě ɛ̍ sà-ɛ wlu̍ kɛ̍n ɛ̍ iě sàǐtòò nmi̍ɛ̍-a mɛ̍-dɛ̍ laa̍ feɛ di̍i̍ po̍, wɛ̀ ɛ̍ iě wlu, ɛ̍ iě nyɔ̍ ùh se̍-a ɛ̍ wɛɛ sà mu̍-ɛ dbǎ.

Wlɛfeleseɔn 13:15 Iomraidhean Croise

Chiin 2:26

Ɛ̀ kɔn ba̍ pò nyɔ̍-a sùù sì-ɛ, nɛ̀ ɔ̍ mɛ̌-aɛ, ɛ̍ kɔn ba̍ bo ke. Pò wlùh gbaɛ se̍ nu̍-dɛ̍ᵻ de̍e̍ nɛ-ɛ, nɛ̀ ɛ̍ mɛ̌-ɛ.

Wlɛfeleseɔn 13:1

Wɛ̀ ǐn jě nmi̍ɛ̍ nɛ̀ ɛ̍ sɔ dě jbǒ wlù. Ɛ̍ blě gbɔ̀nᵻ pùè ke dlǔᵻ mɛ̀sɔɔ̌n. Ɛ̍ gbɔ̀n jɛ-ɛ, nɛ̀ ɛ̍ tèè blawɛ̌. Ɛ̍ dlǔ jɛ-ɛ, nɛ̀ Nyɔsoa wɔ̍n blaɛ nynɛ̌ chlǐh-ɛ dǒ ɛ̍ pùn.

Wlɛfeleseɔn 13:12

Ɛ̍ nui sàǐtòò nmi̍ɛ̍-a gbǐh dbo̍ dǒ ɛ̍ jlǐhwai. Ɛ̍ nu̍ ɛ̍ bloa̍ ke ɛ̍ nyɔ̍ kli̍hgbɛ̍ sà sàǐtòò nmi̍ɛ̍ laa̍ wɛɛ, ɛ̀ kɔn dbǎ-a tai gba̍ chìè bɔ̌-aɛ.

Wlɛfeleseɔn 13:14

Wɛ̀ ɛ̍ boe kmɔ̌ nyɔ̍ kli̍hgbɛ̍ i̍ dǒ jbaɛdih ɛ̍ sà-ɛa wlu̍ kɛ̍n iě ɛ̍ po̍-a dǒ sàǐtòò nmi̍ɛ̍ jlǐhwai-ɛ we̍. Wɛ̀ ɛ̍ po̍ nyɔ̍ kli̍hgbɛ̍ slǔh u̍h iě dɛ̍ mɛ̍ dǒ sàǐtòò nmi̍ɛ̍ la we̍, ɛ̀ plàn chlɛ̀n tba̍-a de iě ɛ̍ nɛ-a kmɔ̌ ke̍-ɛ.

Wlɛfeleseɔn 14:11

Nɛ̀ u̍h-a jua̍i̍ sàɛ̀ nɛ̍-a daluh-a mu̍ ja̍i̍ mu̍ te̍e̍ kleǐn. U̍h-u bo ùh nu̍-a nyɔ̍ ùh-a sà-a nmi̍ɛ̍ ke ɛ̍ mɛ̍-dɛ̍ wɛɛ, iě u̍h blě ɛ̍ nynɛ̌-a juola ke. U̍h-u bo ùh se̍-a feɛ i̍ jě mu̍ wlù ke sɔ̀n.”

Wlɛfeleseɔn 14:9

Iě ǐnchɔ̀ dɛɛ ɛ̀ po̍-a ta̍a̍n-ɛ, ɛ̍ tba̍ dǒ i̍h de̍e̍. Wɛ̀ ɛ̍ we̍le, ɛ̍ la̍a̍, “Pò nyɔ̍-o-nyɔ̍ sà nmi̍ɛ̍ ke ɛ̍ mɛ̍-dɛ̍ wɛɛ wɛ̀ ɔ̍ iě ɛ̍ juola blě dǒ ɔ̍ jua̍i̍ àe̍e̍ sɔ̍n i̍-ɛ,

Wlɛfeleseɔn 16:2

Wɛ̀ sàǐtòò ǐnchɔ̀ mu̍ iě ɛ̍ chɛ̌li ɛ̍ naɛ boo̍ dǒ bloa̍ kɛ̍n. Iě nyɔ̍ ùh blě-a nmi̍ɛ̍-a juola iě ùh-a sà-a ɛ̍ mɛ̍-dɛ̍ wɛɛ-ɛ, wɛ̀ chɛn-chìèᵻ ke wɔ̍n kma chìèᵻ gbǎ dǒ u̍h pùn.

Wlɛfeleseɔn 16:5

Wɛ̀ ǐn wɔ̌n nǐ wlu̍ i̍ kɔn ǐnchɔ̀-a wlu̍. Ɛ̍ la̍a̍, “Nɛi̍ Wɛ̀ Nyɔ̍, mɔ̀ ɔ̀ nɛ-a wɛ̀ ɔ̀ nɛ-a kmɔ̌ se̍e̍-ɛ, kàn gbɛ̍n-ɛ ìn dbo̍-aɛ, ɛ̍ slɛ̌ i̍.

Wlɛfeleseɔn 17:14

I̍h-a mu̍ Blawɛ̌ Jǔ tu̍h we̍ pa̍-ɛ, wɛ̀ Blawɛ̌ Jǔ iě i̍h du̍. Dɛ̍nu̍ɛ, ɔ̍ nu̍ Joi dǒ joi kli̍hgbɛ̍ kɛ̍n, wɛ̀ ɔ̍ nu̍ Blǔh Baa dǒ blǔh baaᵻ kli̍hgbɛ̍ kɛ̍n. Nyɔ̍ ke ɔ̍ na-aɛ u̍h dǎ-ɛ, iě u̍h tba̍-ɛ chèɛ̀, wɛ̀ u̍h gbaɛ ɔ̍ wlùh.”

Wlɛfeleseɔn 17:17

Nyɔsoa po̍ ɛ̍ dě i̍h wlùh we̍ i̍h iě ɔ̍ wlùh dɛ̍ nu̍ dǒ i̍h-a wlùh-a due nɛ-ɛ we̍, wɛ̀ i̍h iě i̍h-a gbǐh nmi̍ɛ̍ nyǐ ɛ̍ iě nyɔ̍-a wlu̍ kwa̍ blě te̍e̍ wɛ̀ Nyɔsoa-a wlu̍ iě kɛ̀ǐn gbǎ.

Wlɛfeleseɔn 17:6

Nyɔsoa nyɔ̍ ùh dbǎ-ɛa Jusu-a tìh i̍ sà tìh-ɛ, ǐn jě nynɔ̌-a chɛ̀, nɛ̀ ɔ̍ nǎ u̍h-a nymɔ̍, iě ɛ̍ sìèè ɔ̍ wlì. Ǐn jě-a ɔ̍-ɛ, sɔ ɛ̍ flɔn-ɛ ǐn wɔ̍n kaa̍.

Wlɛfeleseɔn 18:20

Ja̍i̍wlɔ̀, nmɔ dǒ ɔ̍-ɔ gbɔ̀lɔ-ɛ we̍. Nyɔsoa-a nyɔ̍ ke, ɔ̍ tu̍owli po̍ nyɔ̍ ke, Klai-a gba̍tòà, mɔ̀ nu̍ mɔna̍ ke o. Dɛ̍nu̍ɛ, Nyɔsoa gbɛ̍n ɔ̍ kàn wɛ̀ dǒ dɛ̍ ɔ̍ nu̍-a mɔ̀ pùn-ɛ we̍ o.

Wlɛfeleseɔn 18:24

Dǒ ɔ̍ di̍i̍ bo Nyɔsoa-a nyɔ̍ ke ɔ̍ tu̍owli po̍ nyɔ̍-a nymɔ̍ wlǎ-ɛ i̍, ɛ̍ ke nyɔ̍ kli̍hgbɛ̍ ùh dbǎ-ɛa da̍a kmɔ̌ we̍-ɛ ke.

Wlɛfeleseɔn 19:20

Wɛ̀ tu̍h gbɛ̍n nmi̍ɛ̍-a chɛ̀ ke ɛ̍ tu̍owli po̍ nyɔ̍-a si̍h naɛ ɔ̀ po̍-a jbaɛdih dǒ ɔ̍ jǔ-ɛ. Nyɔ̍ ùh blě-a ka nmi̍ɛ̍-a juola ùh-a sà-a ɛ̍ mɛ̍-dɛ̍ wɛɛ-ɛ, jbaɛdih laa̍ bo ɔ̍ nu̍ iě ɔ̍ boe u̍h i̍. Nmi̍ɛ̍ ke tu̍owli po̍ nyɔ̍-a si̍h naɛ-a chɛ̀ poe-ɛ dě pɔ̀nɔ̌ nɛ̍-a pàìbǒ di̍i̍ wɛ̀.

Wlɛfeleseɔn 20:4

Wɛ̀ ǐn jě nynɛ̌ gbalǎᵻ, nɛ̀ nyɔ̍ ùh tè-a dǒ i̍h kɛ̍n i̍-ɛ, u̍h tùi-ɛ tùn kwa̍a̍ wɛ̀ u̍h iě taɔ nu̍. Nyɔ̍ ùh chɛ̍n-ɛa dlǔ i̍ u̍h-a Jusu-a tìh bla̍ tìh ke Nyɔsoa-a wlu̍ gba̍ tìh-ɛ, u̍h-a sùù bo. U̍h se̍ nmi̍ɛ̍ ke ɛ̍ mɛ̍-dɛ̍ wɛɛ sà, iě u̍h se̍ ɛ̍ juola dǒ jua̍i̍ ke u̍h sɔ̍n i̍ tù. U̍h wlǔh-e, iě u̍h ke Klai blě nyɔ̍-a wlu̍ kwa̍ dǒ sɔ̀nᵻá wlǔ due di̍i̍.