Wlɛfeleseɔn 13:14 - Ku̍o̍ Delee 1999

¹⁴ Wɛ̀ ɛ̍ boe kmɔ̌ nyɔ̍ kli̍hgbɛ̍ i̍ dǒ jbaɛdih ɛ̍ sà-ɛa wlu̍ kɛ̍n iě ɛ̍ po̍-a dǒ sàǐtòò nmi̍ɛ̍ jlǐhwai-ɛ we̍. Wɛ̀ ɛ̍ po̍ nyɔ̍ kli̍hgbɛ̍ slǔh u̍h iě dɛ̍ mɛ̍ dǒ sàǐtòò nmi̍ɛ̍ la we̍, ɛ̀ plàn chlɛ̀n tba̍-a de iě ɛ̍ nɛ-a kmɔ̌ ke̍-ɛ.

Wlɛfeleseɔn 13:14 Iomraidhean Croise

2 Tɛsoloniɔn 2:4

Ɔ̍ se̍ slaǎ sà dɛ̍ᵻ kli̍hgbɛ̍ nyɔ̍gbei-a dǎɛ-a nyɔsoa-a dɛ̍ dǎɛ mu̍. Ɔ̍ mu̍ ɔ̍ chɛ̀ i̍ bɛ̌-ɛ, wɛ̀ ɔ̍ iě ɔ̍ chɛ̀ gbalǎ i̍ jǎ-ɛ dě Nyɔsoa-a slaǎ sà gbò sɔ̀n. Ɔ̍ mu̍ ɔ̍ chɛ̀ Nyɔsoa dǎɛ.

Wlɛfeleseɔn 12:9

Wɛ̀ wɔ̍n ku̍ dɔ̍sɛ laa̍ ɛ̍ poe-ɛ sɔ̀n. Tɛin tɛin sɛ̍ bo, iě ɛ̍ nynɛ̌ nu̍ Kǔ ke Setɔn. Ɛ̍ bo ɛ̀ nu̍ kmɔ̌ kli̍hgbɛ̍ i̍ boe nyɔ̍. Ɛ̍ poe-ɛ sɔ̀n nɔ̌ bloɔ̍, ɛ̍ ke ɛ̍ ǐnchɔ̀ kli̍hgbɛ̍ ke.

Wlɛfeleseɔn 13:1

Wɛ̀ ǐn jě nmi̍ɛ̍ nɛ̀ ɛ̍ sɔ dě jbǒ wlù. Ɛ̍ blě gbɔ̀nᵻ pùè ke dlǔᵻ mɛ̀sɔɔ̌n. Ɛ̍ gbɔ̀n jɛ-ɛ, nɛ̀ ɛ̍ tèè blawɛ̌. Ɛ̍ dlǔ jɛ-ɛ, nɛ̀ Nyɔsoa wɔ̍n blaɛ nynɛ̌ chlǐh-ɛ dǒ ɛ̍ pùn.

Wlɛfeleseɔn 13:15

Iě ɛ̍ sà-ɛ wlu̍ kɛ̍n ɛ̍ iě sàǐtòò nmi̍ɛ̍-a mɛ̍-dɛ̍ laa̍ feɛ di̍i̍ po̍, wɛ̀ ɛ̍ iě wlu, ɛ̍ iě nyɔ̍ ùh se̍-a ɛ̍ wɛɛ sà mu̍-ɛ dbǎ.

Wlɛfeleseɔn 13:8

Nyɔ̍ kli̍hgbɛ̍ ùh tǐn-a nɔ̌ bloɔ̍-ɛ, u̍h-a mu̍ ɛ̍ wɛɛ sà. Ɛ̍-ɛ bo ɛ̀ nu̍-a nyɔ̍ ùh kɔn nynɛ̌ se̍-a chlǐh-ɛ dě Blawɛ̌ Jǔ-a feɛ chlǐh-dɛ̍ di̍i̍ wɛ̀ kmɔ̌ iě-a nui-ɛ dǔ. Blawɛ̌ Jǔ ɔ̀ dbǎ-aɛ, ɔ̍ bo ǎn dǎ.

Wlɛfeleseɔn 14:11

Nɛ̀ u̍h-a jua̍i̍ sàɛ̀ nɛ̍-a daluh-a mu̍ ja̍i̍ mu̍ te̍e̍ kleǐn. U̍h-u bo ùh nu̍-a nyɔ̍ ùh-a sà-a nmi̍ɛ̍ ke ɛ̍ mɛ̍-dɛ̍ wɛɛ, iě u̍h blě ɛ̍ nynɛ̌-a juola ke. U̍h-u bo ùh se̍-a feɛ i̍ jě mu̍ wlù ke sɔ̀n.”

Wlɛfeleseɔn 14:9

Iě ǐnchɔ̀ dɛɛ ɛ̀ po̍-a ta̍a̍n-ɛ, ɛ̍ tba̍ dǒ i̍h de̍e̍. Wɛ̀ ɛ̍ we̍le, ɛ̍ la̍a̍, “Pò nyɔ̍-o-nyɔ̍ sà nmi̍ɛ̍ ke ɛ̍ mɛ̍-dɛ̍ wɛɛ wɛ̀ ɔ̍ iě ɛ̍ juola blě dǒ ɔ̍ jua̍i̍ àe̍e̍ sɔ̍n i̍-ɛ,

Wlɛfeleseɔn 15:2

Wɛ̀ ǐn jě dɛ̍ ɛ̀ wɔ̀-a jbǒ ɛ̀ nui-a klàsi̍-ɛ, nɛ̀ ɛ̍ sìàɛ̍n nɛ̍-ɛ. Iě ǐn jě nyɔ̍ ùh du̍-a nmi̍ɛ̍ ke ɛ̍ mɛ̍-dɛ̍-ɛ, ɛ̍ ke ɛ̍ nynɛ̌-a namà ke. Nɛ̀ u̍h nynaɛ jbǒ ɛ̀ wɔ̀-a klàsi̍ laa̍ wɔ̍n iě u̍h blě kain kwa̍, ìh Nyɔsoa nyǐ-a u̍h-ɛ.

Wlɛfeleseɔn 16:13

Wɛ̀ ǐn jě jeědih ta̍a̍n ka pɔ̀lùhᵻɛ́. Nɛ̀ i̍h-a sɔ dě dɔ̍sɛ ke nmi̍ɛ̍ ke tu̍owli po̍ nyɔ̍-a si̍h naɛ wɔ̍ɔ̍n.

Wlɛfeleseɔn 16:2

Wɛ̀ sàǐtòò ǐnchɔ̀ mu̍ iě ɛ̍ chɛ̌li ɛ̍ naɛ boo̍ dǒ bloa̍ kɛ̍n. Iě nyɔ̍ ùh blě-a nmi̍ɛ̍-a juola iě ùh-a sà-a ɛ̍ mɛ̍-dɛ̍ wɛɛ-ɛ, wɛ̀ chɛn-chìèᵻ ke wɔ̍n kma chìèᵻ gbǎ dǒ u̍h pùn.

Wlɛfeleseɔn 18:23

Chlǎn nape̍-a sɔ̀npli se̍ gba̍ fa̍n dɛ dǒ ìn di̍i̍. Nynɔ̌ delee ke kɔan delee-a wlu̍ se̍ gba̍ wɔ̌n-ɛ mu̍ dɛ dǒ ìn di̍i̍. Àn pɛlǔh po̍ nyɔ̍ bo ùh ku̍ wɔ̍n de nɔ̌ kmɔ̌ kli̍hgbɛ̍ la we̍, wɛ̀ àn wù po̍-ɛ boe bloa̍ kli̍hgbɛ̍ i̍.”

Wlɛfeleseɔn 19:20

Wɛ̀ tu̍h gbɛ̍n nmi̍ɛ̍-a chɛ̀ ke ɛ̍ tu̍owli po̍ nyɔ̍-a si̍h naɛ ɔ̀ po̍-a jbaɛdih dǒ ɔ̍ jǔ-ɛ. Nyɔ̍ ùh blě-a ka nmi̍ɛ̍-a juola ùh-a sà-a ɛ̍ mɛ̍-dɛ̍ wɛɛ-ɛ, jbaɛdih laa̍ bo ɔ̍ nu̍ iě ɔ̍ boe u̍h i̍. Nmi̍ɛ̍ ke tu̍owli po̍ nyɔ̍-a si̍h naɛ-a chɛ̀ poe-ɛ dě pɔ̀nɔ̌ nɛ̍-a pàìbǒ di̍i̍ wɛ̀.

Wlɛfeleseɔn 2:10

Mɔ̀ bɔ̌ faɔn ple̍-ɛ dǒ jih kɔn jua̍i̍ mɔ̀-a ji̍-a sàɛ̀ la̍-a we̍. Kǔ-a mu̍ mɔ̀-a nyɔ̍ duuh kasoo po̍ wɛ̀ mɔ̀-a wlùh gbaɛ iě i̍ tɛ̀n-ɛ. Wɛ̀ mɔ̀ iě klě jě dǒ wǐh pùè di̍i̍. Pò ɛ̍ jɛ ja mɔ̀ dbǎ mu̍-ɛ, mɔ̀ blě wlùh gbaɛ, nɛ̀ ǎn mu̍ mɔ̀ feɛ-a blawɛ̌ tèè.

Wlɛfeleseɔn 20:10

Kǔ ɛ̀ boe-a u̍h i̍-ɛ, ɛ̍ mu̍ dě pɔ̀nɔ̌ nɛ̍-a pàìbǒ di̍i̍ poe-ɛ tà nmi̍ɛ̍ ke tu̍owli po̍ nyɔ̍-a si̍h naɛ nɛ-aɛ. Nɛ̀ dě-e bo u̍h-a mu̍ jua̍i̍ sàɛ̀ wlù ke sɔ̀n nɔ̌ kmɔ̌-a kmɔ̌.

Wlɛfeleseɔn 3:10

Ǎn mu̍ mɔ̀ kɛ̍n kaɛn dǒ jua̍i̍ sàɛ̀ ɛ̀ mu̍-a kmɔ̌ kli̍hgbɛ̍ la we̍ ji̍ ɛ̀ iě-a nyɔ̍ kli̍hgbɛ̍ nɛ-a nɔ̌ blǔh la kɛ̍n-ɛ tɛ̀n-ɛ we̍. Dɛ̍nu̍ɛ, mɔ̀ nu̍ ǎn wlu̍ dǒ mɔ̀-a wlùh i̍ gbɛ̍n-ɛ ke mɔ̀-a dě klì i̍ ku̍-ɛ di̍i̍.