Wlɛfeleseɔn 13:11 - Ku̍o̍ Delee 1999

¹¹ Wɛ̀ ǐn jě nmi̍ɛ̍ dɛɛ, ɛ̍ sɔ dě wlù. Ɛ̍ blě gbɔ̀nᵻ sɔɔ̌n ka blawɛ̌ jǔ-ɛ. Iě ɛ̍ wlu ka dɔ̍sɛ-ɛ.

Wlɛfeleseɔn 13:11 Iomraidhean Croise

Matio 7:15

Ɔ̍ la̍a̍, “Mɔ̀ nu̍ nɛnɛ̌ dǒ Nyɔsoa-a tu̍owli po̍ nyɔ̍-a si̍h naɛ we̍. Pò u̍h ja dǒ nyɔ̍ we̍ ji̍ sàǐtòò-ɛ, nɛ̀ u̍h gbɛ̍n tìh i̍ ka blawɛ̌-ɛ. Jɛ nɛ̀ u̍h wɔ̀ gbɛ̍n-nmi̍i̍ dě u̍h di̍i̍ ka.

Wloma 16:18

Dɛ̍nu̍ɛ, nyɔ̍ kaɛn laa̍ nɛ̀ u̍h se̍ Klai ɔ̀ nu̍-a à Joi-ɛ jǔ dbee, jɛ u̍h-a chɛ̀-a wlùh dɛ̍ᵻ bo u̍h-a nu̍. U̍h-a wɔ̍n nmɔ wlu̍ bo ɛ̀ boe nyɔ̍ ùh se̍-a dɛ̍ we̍ i̍ ju̍o̍e-ɛ i̍.

2 Tɛsoloniɔn 2:4

Ɔ̍ se̍ slaǎ sà dɛ̍ᵻ kli̍hgbɛ̍ nyɔ̍gbei-a dǎɛ-a nyɔsoa-a dɛ̍ dǎɛ mu̍. Ɔ̍ mu̍ ɔ̍ chɛ̀ i̍ bɛ̌-ɛ, wɛ̀ ɔ̍ iě ɔ̍ chɛ̀ gbalǎ i̍ jǎ-ɛ dě Nyɔsoa-a slaǎ sà gbò sɔ̀n. Ɔ̍ mu̍ ɔ̍ chɛ̀ Nyɔsoa dǎɛ.

Wlɛfeleseɔn 11:7

Pò u̍h wɔ̀ u̍h-a tu̍owli po̍-ɛɛ, nɛ̀ nmi̍ɛ̍ ɛ̀ sɔ-a dě kàn biě laa̍ di̍i̍-ɛ, ɛ̍ mu̍ u̍h tu̍h we̍ pa̍-ɛ. Nɛ̀ ɛ̍ mu̍ u̍h klà sà, ɛ̍ iě u̍h dbǎ.

Wlɛfeleseɔn 12:17

Wɛ̀ dɔ̍sɛ gbǎ-ɛ nynɔ̌ jlu̍h-u, iě ɛ̍ mu̍ ɔ̍ tloemlai tu̍h we̍ pa̍-ɛ la̍, ùh gbɛ̍n-a Nyɔsoa-a telě ke Jusu-a gblangbai̍ wlu̍ i̍-ɛ.

Wlɛfeleseɔn 13:1

Wɛ̀ ǐn jě nmi̍ɛ̍ nɛ̀ ɛ̍ sɔ dě jbǒ wlù. Ɛ̍ blě gbɔ̀nᵻ pùè ke dlǔᵻ mɛ̀sɔɔ̌n. Ɛ̍ gbɔ̀n jɛ-ɛ, nɛ̀ ɛ̍ tèè blawɛ̌. Ɛ̍ dlǔ jɛ-ɛ, nɛ̀ Nyɔsoa wɔ̍n blaɛ nynɛ̌ chlǐh-ɛ dǒ ɛ̍ pùn.

Wlɛfeleseɔn 13:17

Nyɔ̍ se̍ dɛ̍ tɛ̀n-ɛ àe̍e̍ dɛ̍ ple̍-ɛ bɛ̌ɛ mu̍ pò ɔ̍ se̍ sàǐtòò nmi̍ɛ̍-a juola la blě-ɛ. Juola la ɛ̍ nyna i̍ dǒ nmi̍ɛ̍ la ɛ̍ nynɛ̌ wɔ̀ɔ̀, ɛ̍ ke ɛ̍ nynɛ̌-a namà ke.

Wlɛfeleseɔn 13:4

Nyɔ̍ kli̍hgbɛ̍ sà dɔ̍sɛ wɛɛ, dɛ̍nu̍ɛ, ɛ̍ nyǐ ɛ̍ tùn nmi̍ɛ̍ laa̍. U̍h sà nmi̍ɛ̍ laa̍ wɛɛ ke, iě u̍h la̍a̍, “Nyɔ̍ bo ɔ̀ wɔ̀ nmi̍ɛ̍ la ɛ? Nyɔ̍ bo ɔ̀ bɛ̌ɛ ɛ̍ we̍ fɔ̀n-ɛ ɛ?”

Wlɛfeleseɔn 16:13

Wɛ̀ ǐn jě jeědih ta̍a̍n ka pɔ̀lùhᵻɛ́. Nɛ̀ i̍h-a sɔ dě dɔ̍sɛ ke nmi̍ɛ̍ ke tu̍owli po̍ nyɔ̍-a si̍h naɛ wɔ̍ɔ̍n.

Wlɛfeleseɔn 17:6

Nyɔsoa nyɔ̍ ùh dbǎ-ɛa Jusu-a tìh i̍ sà tìh-ɛ, ǐn jě nynɔ̌-a chɛ̀, nɛ̀ ɔ̍ nǎ u̍h-a nymɔ̍, iě ɛ̍ sìèè ɔ̍ wlì. Ǐn jě-a ɔ̍-ɛ, sɔ ɛ̍ flɔn-ɛ ǐn wɔ̍n kaa̍.

Wlɛfeleseɔn 17:8

Nmi̍ɛ̍ ìn jě-aɛ, ɛ̍ nɛ kmɔ̌ de, jɛ ɛ̍ se̍ kmɔ̌ nɛ dɛ fu̍u̍. Jɛ ɛ̍ ji̍ la̍ dě kàn biě di̍i̍ sɔ la̍, wɛ̀ ɛ̍ iě-e gbɔ̀lɔ-ɛ. Kmɔ̌ nyɔ̍ juh kɔn nynɛ̌ se̍-a chlǐh-ɛ dě feɛ chlǐh-dɛ̍ di̍i̍ wɛ̀ kmɔ̌ iě-a nui-ɛ dǔ-ɛ, pò u̍h jě nmi̍ɛ̍ la-ɛ, nɛ̀ ɛ̍ mu̍ u̍h wɔ̍n flɔn-ɛ. Dɛ̍nu̍ɛ, ɛ̍ nɛ kmɔ̌ de, wɛ̀ ɛ̍ se̍ ka kmɔ̌ nɛ dɛ, iě ɛ̍ mu̍ la̍ ji̍ dode̍.