Wlɛfeleseɔn 12:9 - Ku̍o̍ Delee 1999

⁹ Wɛ̀ wɔ̍n ku̍ dɔ̍sɛ laa̍ ɛ̍ poe-ɛ sɔ̀n. Tɛin tɛin sɛ̍ bo, iě ɛ̍ nynɛ̌ nu̍ Kǔ ke Setɔn. Ɛ̍ bo ɛ̀ nu̍ kmɔ̌ kli̍hgbɛ̍ i̍ boe nyɔ̍. Ɛ̍ poe-ɛ sɔ̀n nɔ̌ bloɔ̍, ɛ̍ ke ɛ̍ ǐnchɔ̀ kli̍hgbɛ̍ ke.

Wlɛfeleseɔn 12:9 Iomraidhean Croise

Matio 13:39

À nyɛ̌-nyɔ̍ Kǔ bo ɛ̀ tù i̍h. Nɛ̀ kɛnɛ̌ chɛ̍n-ɛ nu̍ kmɔ̌-a dlǔ i̍ chlà-a. Wɛ̀ i̍h-a chɛ̍n-nyɔ̍ nu̍ Nyɔsoa-a ǐnchɔ̀.

Matio 24:24

Dɛ̍nu̍ɛ, Nyɔsoa-a Chèɛ̀ Tba̍ju-a si̍h naɛ ke Nyɔsoa-a tu̍owli po̍ nyɔ̍-a si̍h naɛ-a mu̍ mɔ̀ kɛ̍n wlǔh-i, u̍h iě nyɔ̍ wɔ̍n flɔn-ɛ dɛ̍ᵻ ke jbaɛdih po̍, wɛ̀ u̍h iě nyɔ̍ i̍ boe. Nɛ̀ pò ɛ̍ nɛ ɛ̍ ka̍-ɛ, nyɔ̍-a chɛ̀ ùh Nyɔsoa tba̍-a chèɛ̀-ɛ, nɛ̀ u̍h-a mu̍ u̍h i̍ boe ke.

Matio 25:41

“Nɛ̀ ɔ̍ mu̍ ka dǎ dě ùh nɛ-a dě ɔ̍ kwe̍na̍ we̍ ka-a we̍, ‘Mɔ̀ɔ̍ ùh Nyɔsoa po̍-a wlu̍we̍i̍-ɛ, mɔ̀ sɔ da̍a ǐn jua̍i̍. Mɔ̀ mu̍ dě nɛ̍ ɛ̀ se̍-a mɔ̌ la̍ kɔn-ɛ di̍i̍, ɛ̀ ɔ̍ po̍-a gba̍a̍ dǒ Kǔ ke ɛ̍ ǐnchɔ̀ we̍-ɛ.

Matio 4:1

Wɛ̀ Nyɔsoa-a Sùù gba̍ Jusu dě kwlǎslò we̍, Kǔ iě ɔ̍-e blu̍ja̍a̍ poe.

Matio 4:10

Wɛ̀ Jusu la̍a̍ dě ɛ̍ we̍, “Sɔ da̍a ǐn we̍-e Setɔn. Nyɔsoa-a wlu̍ la̍a̍, ‘Sà àn Joi Nyɔsoa wɛɛ, nɛ̀ ɔ̍ nɛ due gbài̍ bo ìè jǔ dbee.’ ”

Matio 4:5

Wɛ̀ Kǔ gba̍ Jusu dě Juluslɛn, ɛ̀ nu̍-a Juu-a tùgbàwlɔ̀ ɛ̀ kɔn-a dǒ Nyɔsoa we̍-ɛ. Wɛ̀ ɛ̍ jǎ-ɛ Jusu dě Nyɔsoa-a slaǎ sà gbò-a tɔ̀u̍n we̍.

Matio 4:8

Wɛ̀ ɛ̍ gba̍ Jusu dě tlu̍h tɔ̀ɔ̀n dlǔ dɛ, iě ɛ̍ toe ɔ̍ bloa̍ kli̍hgbɛ̍, ɛ̍ ke i̍h-a wɔ̍n ku̍ dɛ̍ᵻ nɛ-a i̍h di̍i̍ i̍-ɛ ke.

Pɔ̀n Chɛ̀ Luu To-a La 10:18

Wɛ̀ Jusu la̍a̍ dě u̍h we̍, “Ǐn jě Setɔn-a i̍ kà la̍, ka nǐ chlɛ jlǐh dě ja̍u̍n wlì-ɛ.

Pɔ̀n Chɛ̀ Luu To-a La 13:16

Nɛ̀ɛ̍, Eblaɛɛn-a jǔ nynɔ̌gbaɔ la ɔ̀ Setɔn po̍-a gbèèɛ̀ dǒ sɔ̀nᵻá pùè jɔ̌ mɛ̀ta̍a̍n di̍i̍-ɛ, ɔ̍ bɔ̌ dě gbèèɛ̀ la di̍i̍ sɔ-ɛ dǒ wlè-weɛ̍ di̍i̍ ae?”

Pɔ̀n Chɛ̀ Luu To-a La 22:3

Wɛ̀ Juda u̍h-a dǎɛ-a Ɛkɛlia-ɛ, iě Setɔn gbǎ dě ɔ̍ ja̍a̍. Kòà-a pùè jɔ̌ sɔɔ̌n laa̍ u̍h-a due bo.

Pɔ̀n Chɛ̀ Luu To-a La 22:31

Jusu la̍a̍, “Samo, Samo, Setɔn sà-ɛ wlu̍ kɛ̍n ɛ̍ iě mɔ̀-ɔ slɛ̌n ka klè joi-a fùn kwǐ kɛnɛ̌ i̍-ɛ.

Pɔ̀n Chɛ̀ Luu To-a La 8:12

Dɛ̍ᵻ jɔ̌ ìh gbǎ-a dǒ wìè gblùh i̍-ɛ, nyɔ̍ ùh wɔ̌n-a Nyɔsoa-a wlu̍ iě Kǔ ji̍-a ɛ̍ sà-a ɛ̍ dǒ u̍h wlùh kɛ̍n-ɛ, u̍h bo i̍h wɔ̀. Wɛ̀ u̍h-u je̍e wlùh gbaɛ blě, nɛ̀ u̍h-a mu̍ la̍ pǔh.

Chɔɔn 12:31

Jɛwɛ̀ ɛ̍ nu̍ ti̍ kmɔ̌ la ɛ̍ iě kɛ̀n sà-ɛ. Nɛ̀ ɛ̀ blě-a kmɔ̌ la ɛ̍ wlu̍ kwa̍-ɛ, jɛwɛ̀ tu̍h-a mu̍ ɛ̍ du̍.

Chɔɔn 14:30

Ǐn se̍ dɛ̍ dɔu wlu mu̍ dɛ dě mɔ̀ we̍, dɛ̍nu̍ɛ, ɛ̀ blě-a kmɔ̌ la ɛ̍ wlu̍ kwa̍-ɛ, ɛ̍ ji̍ la̍-ɛ. Ɛ̍ se̍ gbǐh blě dǒ ǐn we̍.

Chɔɔn 16:11

U̍h klǐ-i dǒ tìh-a gbɛ̍n-ɛ dɛ we̍, dɛ̍nu̍ɛ, Nyɔsoa sà ɛ̀ blě-a kmɔ̌ la ɛ̍ wlu̍ kwa̍-ɛ kɛ̀n wɛ̀.

Chɔɔn 8:44

Mɔ̀ kɔn dǒ mɔ̀ baa Kǔ we̍. Ɛ̍ wlùh nu̍ tìh bo mɔ̀-a sì. Ɛ̍ nu̍ nyɔ̍ gbe̍ja̍a̍ poe nyɔ̍ ma̍u̍. Ɛ̍ dounᵻ se̍-e tìh-a taǐn we̍ nɛ, dɛ̍nu̍ɛ, tìh-a taǐn se̍ dě ɛ̍ ja̍a̍ nɛ. Ɛ̍ ja la̍ si̍h tmɔ̌-ɛ, nɛ̀ ɛ̍ tè-e ɛ̍ chɛ̀-a wlùh i̍. Dɛ̍nu̍ɛ, ɛ̍-ɛ si̍h tmɔ̌ nyɔ̍, iě ɛ̍ nu̍ si̍h tmɔ̌-ɛa baa.

Nu̍-dɛ̍ᵻ 26:18

Nɛ̀ ìn pɔ̀ni u̍h-a jlǐh. Bǐi u̍h nɔ̌ sɔ̀npli we̍ u̍h iě kwile kɛ̍n i̍ poe. Sà u̍h dǒ Setɔn-a gbǐh sɔ̀n u̍h iě Nyɔsoa naɛ we̍ ji̍, wɛ̀ u̍h-a gblɛ̍n sɔ̀ɛ̀n-a tìh iě i̍ tǎli-ɛ dě u̍h-a ǎn wlùh gbaɛ di̍i̍. Nɛ̀ u̍h-a mu̍ wɔ̀ɔ̀ kɔn dě Nyɔsoa-a chèɛ̀ tba̍ nyɔ̍ nynɛ̌.’

Nu̍-dɛ̍ᵻ 5:3

Wɛ̀ Pitɛ la̍a̍, “Ɛlenaea, dɛ̍nu̍ àn wɔ̌n iě Setɔn-a gbǎ dǒ ìn pɔluh kɛ̍n wɛ̀ àn tmɔ̌-ɛ Nyɔsoa-a Sùù si̍h wɔ̍i̍n iě àn si̍e̍ àn blǔh-a wlǐ diih dǒ àn chɛ̀ de̍e̍ ɛ?

Wloma 16:18

Dɛ̍nu̍ɛ, nyɔ̍ kaɛn laa̍ nɛ̀ u̍h se̍ Klai ɔ̀ nu̍-a à Joi-ɛ jǔ dbee, jɛ u̍h-a chɛ̀-a wlùh dɛ̍ᵻ bo u̍h-a nu̍. U̍h-a wɔ̍n nmɔ wlu̍ bo ɛ̀ boe nyɔ̍ ùh se̍-a dɛ̍ we̍ i̍ ju̍o̍e-ɛ i̍.

Wloma 16:20

Nɛ̀ Nyɔsoa ɔ̀ nyǐ-a nyɔ̍ wlùh-a i̍ tè-ɛɛ, ɔ̍ mu̍ Setɔn keě wlǎ tiɔ tiɔ dě mɔ̀ bu̍h sɔ̀n. Ǎn sà nǐ wɔ̍n à Joi Jusu Klai-a blɛ iě dǒ mɔ̀ we̍ nɛ.

2 Kɔwlɛntiɔn 11:14

Ɛ̍ se̍ nyɔ̍ i̍ kèle dɛ̍, Setɔn-a chɛ̀ ɛ̍ nu̍ ɛ̍ chɛ̀ ka Nyɔsoa-a ǐnchɔ̀ ɛ̀ blě-a sɔ̀npli-ɛ we̍i̍ ke.

2 Kɔwlɛntiɔn 11:3

Jɛ ǎn ple̍ faɔn ka sɛ̍ nu̍-a Ii i̍ boe-ɛ dǒ ɛ̍ di̍i̍ i̍ flɔn-ɛ we̍-ɛ, mɔ̀-a wlùh-u je̍e la̍a̍n fèàɛ̀ nu̍, wɛ̀ mɔ̀ɔ̍ je̍e Klai we̍ fòè-ɛ chɛ̀ɛ̌chɛ̀ i̍ tǎli.

2 Kɔwlɛntiɔn 12:7

Wiǎ poe-ɛ dě ǐn ku̍u̍ wɛ̀ ɛ̍ iě ɛ̍ nu̍ nɛ̌ je̍e ǎn chɛ̀ i̍ bɛ̌-ɛ dǒ blɔ̌-ɛ we̍ dǒ dɛ̍ᵻ chɛ̀ Nyɔsoa toe-a m-ɛ we̍. Wiǎ la ɛ̍ wɔ̀ Setɔn-a tu̍owli po̍ nyɔ̍, wɛ̀ ɛ̍ iě ǐn nu̍ nɛ̌ je̍e blɔ̌.

2 Kɔwlɛntiɔn 2:11

Ǎn nu̍ ɛ̍ wɛ̀ Setɔn je̍e à gblàa̍ i̍ poe. À juo dɛ̍ᵻ ɛ̍ pɔ̀n-a nu̍-ɛ i̍-ɛ.

2 Kɔwlɛntiɔn 4:4

U̍h se̍ wlùh gbaɛ blě, dɛ̍nu̍ɛ, Setɔn ɛ̀ nu̍-a kmɔ̌ la ɛ̍ nyɔsoa-a bo ɛ̀ kaɛn u̍h-a wlùh kɛ̍n dě kwile-e. Ɛ̍ kaɛn u̍h kɛ̍n u̍h-u je̍e sɔ̀npli jě. Ɛ̍ sɔ dě pɔ̀n chɛ̀ ɛ̀ kɔ̍-a dǒ Klai-a tìh-a i̍ bɛ̌-ɛ pùn i̍-ɛ we̍, ɔ̀ ke Nyɔsoa ke ùh wɔ̀ɛ-aɛ.

Ɛfɛsɔ 4:14

Nɛ̀ à se̍ nynuu̍plìh wɔ̀ mu̍ dɛ dode̍, wɛ̀ nyɔ̍ i̍ boe nyɔ̍-a nǎ po̍ wlu̍-a poɔ-ɔ je̍e à gba̍. Nɛ̀ à se̍ mu̍-ɔn ji̍-ɔn nu̍ mu̍ dǒ u̍h-a gblàa̍ ɛ̀ po̍-a nyɔ̍ chǔh we̍ niɔ̍-ɛ pùn.

2 Tɛsoloniɔn 2:3

Mɔ̀ bɔ̌ wɔ̌n-ɛ nyɔ̍ bɔ̌ mɔ̀ i̍ boe-ɛ dǒ dɛ̍-o-dɛ̍ we̍. Dɛ̍nu̍ɛ, pò weɛ̍ laa̍ ɛ̍ iě ji̍-ɛ, nɛ̀ Nyɔsoa kɛ̍n i̍ poe-ɛa mu̍ nɛ, wɛ̀ Nyɔ̍ Sɔ̀n iě à kɛ̍n wlǔh-i. Ɔ̍ tìh chɛn i̍ wɛ̀ ɔ̍ iě-e gbɔ̀lɔ-ɛ.

1 Timote 2:14

Ɛ̍ se̍-o siee, ɛ̍ se̍ Adaun Kǔ se̍ i̍ boe, nynɔ̌gbaɔ bo Kǔ boe i̍, iě ɔ̍ wa̍ Nyɔsoa-a telě.

2 Timote 3:13

Nɛ̀ dɛ̍ᵻ sɔ̀nᵻ nyɔ̍ ke de̍ sì nyɔ̍-a mu̍ dě de̍i̍ gbǎ. U̍h-a boe nyɔ̍ɔ i̍, iě u̍h-a boe u̍h-a chɛ̀ i̍ ke.

Iblu 2:14

Ka ùh ɔ̍ dǎɛ-a ka nynuu̍-ɛ, u̍h blě-a ku̍ ke nymɔ̍-ɛ, ɛ̍ kɔn ɔ̍ gbǎ dě u̍h-a tu̍ di̍i̍ ke. Wɛ̀ ɔ̍ mɛ̌ iě ɛ̍ iě Kǔ jɛ blě-a gbǐh dǒ mɛ̌ɛ we̍-ɛ gbɔ̀lɔ.

1 Pitɛ 5:8

Mɔ̀ tù mɔ̀-a chɛ̀ jlǐhɛ̍, mɔ̀ iě mɔ̀-a chɛ̀-a nɛnɛ̌ nu̍. Mɔ̀-a nyɛ̌-nyɔ̍ Kǔ-a ple̍ i̍ ka mɔ̌-a nu̍-u gbòlò-a pɔ̀n nyɔ̍ i̍ ɛ̍ iě-e gbɔ̀lɔ-ɛ.

1 Chɔɔn 5:19

À juo ɛ̍-ɛ, àɔ̀ nɔ̀ɔ̍, à sɔ dě Nyɔsoa we̍, jɛ kmɔ̌ gbài̍ la Nyɔ̍ Sɔ̀n bo ɔ̀ kɔn ɛ̍ wlu̍ i̍.

Judi 1:9

Jɛ ti̍ Nyɔsoa-a ǐnchɔ̀-a dlǔtu Makɔ ke Kǔ sà-a Mose-a kǔ we̍ tìh i̍-ɛ, dǒ nyɔ̍ ɔ̀ mu̍-a ɛ̍ gba̍-a tìh-ɛ, Makɔ se̍ ɛ̍ chɛ̀-a gbǐh i̍ dǔ ɛ̍ iě Kǔ chlèe. Jɛ ɛ̍ la̍a̍, “Bɔ̌ o, Joi bo ɔ̀ mu̍ ìn bɔ̌ i̍ po̍ o.”

Wlɛfeleseɔn 12:12

Ɛ̍ tìh-ɛ, ja̍i̍wlɔ̀, nmɔ àn dɛ̍, ɛ̍ ke mɔ̀ɔ̍ tǐn-a dě ɛ̍ di̍i̍-ɛ ke. Jɛ chlě dǒ blǔh ke jbǒ we̍. Kǔ gbǎ jlu̍h-u kaa̍ iě ɛ̍ ji̍ dě mɔ̀ we̍. Dɛ̍nu̍ɛ, ɛ̍ juo ɛ̍-ɛ ɛ̍ ti̍ se̍ dlǔ tɛn dɛ.”

Wlɛfeleseɔn 12:3

Wɛ̀ nyɔ̍ wɔ̍n flɔn-ɛ dɛ̍ dɛɛ wlǔh-i dě ja̍u̍n wlì. Dɔ̍sɛ sàɛ̀n klaa due bo ɛ̀ blě dlǔᵻ mɛ̀sɔɔ̌n ke gbɔ̀nᵻ pùè. Iě ɛ̍ dlǔᵻ nɛ-a mɛ̀sɔɔ̌n-ɛ, i̍h tèè blawɛ̌ᵻ kli̍hgbɛ̍.

Wlɛfeleseɔn 12:7

Wɛ̀ tu̍h wlǔh ja̍ dě ja̍i̍wlɔ̀. Maakɔ ke ɔ̍ ǐnchɔ̀-a fɔ̀n dɔ̍sɛ we̍, iě dɔ̍sɛ ke ɛ̍ ǐnchɔ̀ fɔ̀n u̍h we̍ ke.

Wlɛfeleseɔn 12:8

Jɛ dɔ̍sɛ ke ɛ̍ ǐnchɔ̀ du̍-iɛ, sɔ i̍h se̍ tèla̍ nyǐ-ɛ dɛ kleǐnklein dě ja̍i̍wlɔ̀.

Wlɛfeleseɔn 13:14

Wɛ̀ ɛ̍ boe kmɔ̌ nyɔ̍ kli̍hgbɛ̍ i̍ dǒ jbaɛdih ɛ̍ sà-ɛa wlu̍ kɛ̍n iě ɛ̍ po̍-a dǒ sàǐtòò nmi̍ɛ̍ jlǐhwai-ɛ we̍. Wɛ̀ ɛ̍ po̍ nyɔ̍ kli̍hgbɛ̍ slǔh u̍h iě dɛ̍ mɛ̍ dǒ sàǐtòò nmi̍ɛ̍ la we̍, ɛ̀ plàn chlɛ̀n tba̍-a de iě ɛ̍ nɛ-a kmɔ̌ ke̍-ɛ.

Wlɛfeleseɔn 16:14

Jeědih ìh-a po̍-a jbaɛdih-ɛ bo. I̍h ple̍ blǔh baaᵻ kli̍hgbɛ̍ nɛ-a nɔ̌ kmɔ̌-ɛ we̍ i̍, i̍h iě u̍h tàdùè po̍. Wɛ̀ u̍h iě Nyɔsoa Ɔ̀ Blě-a Gbǐh Kli̍hgbɛ̍-ɛ we̍ fɔ̀n dǒ ɔ̍ wɔ̍n ku̍ weɛ̍ di̍i̍.

Wlɛfeleseɔn 18:2

Wɛ̀ ɛ̍ we̍le, ɛ̍ la̍a̍, “Babeloun wlɔ̀ wa̍ wɛ̀. Ɔ̀ ku̍-a wɔ̍n de-ɛ, ɔ̍ wa̍ wɛ̀. Dǒ ɔ̍ di̍i̍ nu̍ jeědih-a tǐn la̍-a wɛ̀. Ɛ̍ nu̍ kà kɔn jeědih ke na̍wɛ̍ᵻ ìh nyɔ̍gbei faɛn-aɛ, i̍h-a tǐn la̍-a wɛ̀.

Wlɛfeleseɔn 18:23

Chlǎn nape̍-a sɔ̀npli se̍ gba̍ fa̍n dɛ dǒ ìn di̍i̍. Nynɔ̌ delee ke kɔan delee-a wlu̍ se̍ gba̍ wɔ̌n-ɛ mu̍ dɛ dǒ ìn di̍i̍. Àn pɛlǔh po̍ nyɔ̍ bo ùh ku̍ wɔ̍n de nɔ̌ kmɔ̌ kli̍hgbɛ̍ la we̍, wɛ̀ àn wù po̍-ɛ boe bloa̍ kli̍hgbɛ̍ i̍.”

Wlɛfeleseɔn 19:20

Wɛ̀ tu̍h gbɛ̍n nmi̍ɛ̍-a chɛ̀ ke ɛ̍ tu̍owli po̍ nyɔ̍-a si̍h naɛ ɔ̀ po̍-a jbaɛdih dǒ ɔ̍ jǔ-ɛ. Nyɔ̍ ùh blě-a ka nmi̍ɛ̍-a juola ùh-a sà-a ɛ̍ mɛ̍-dɛ̍ wɛɛ-ɛ, jbaɛdih laa̍ bo ɔ̍ nu̍ iě ɔ̍ boe u̍h i̍. Nmi̍ɛ̍ ke tu̍owli po̍ nyɔ̍-a si̍h naɛ-a chɛ̀ poe-ɛ dě pɔ̀nɔ̌ nɛ̍-a pàìbǒ di̍i̍ wɛ̀.

Wlɛfeleseɔn 2:13

Ǐn juo àn tǐn la̍. Tà kɔn taǐn Setɔn-a nynɛ̌ gbalǎ nɛ-a bo ìn tǐn. Wɛ̀ ìn gbaɛ ǐn wlùh ke ma̍u̍. Antipa-a chɛ̀ jɔ nu̍-a ǎn wlùh gbaɛ nyɔ̍ ke sàànsi̍i̍h-ɛ, ti̍ u̍h dbǎ-a ɔ̍ dě mɔ̀ blǐ wlɔ̀ tà Setɔn tǐn-aɛ, mɔ̀ se̍ mɔ̀-a wlùh gbaɛ-ɛ i̍ tǎli.

Wlɛfeleseɔn 2:24

“Jɛ mɔ̀ɔ̍ juh sie-a dě Taɛtawla-ɛ, mɔ̀ se̍ dǒ nynɔ̌ la ɔ̍ nǎ po̍ wlu̍ de̍e̍ gbǎ. Mɔ̀ se̍ ìh u̍h-a dǎɛ-a Setɔn-a sìle dɛ̍ᵻɛ́ we̍ i̍ ju̍o̍e. Ɛ̍ kɔn na̍ ǐn se̍ mɔ̀ slùgbɛ̀ dɛɛ kleǐ po̍ mu̍ dɛ.

Wlɛfeleseɔn 2:9

Ɔ̍ la̍a̍, Ǐn juo ɛ̍-ɛ ka mɔ̀ pa̍-a nyɔ̍gbà iě mɔ̀-a sàɛ̀-a jua̍i̍-ɛ. Jɛ mɔ̀ pàn-ɛ o. Nyɔ̍ ùh se̍-a Juu nyɔ̍ wɛ̀ u̍h la̍ u̍h nu̍-a Juu nyɔ̍-ɛ, wlu̍ sɔ̀nᵻ u̍h-a po̍-a mɔ̀ pùn i̍-ɛ, ǐn ju̍o̍e i̍h we̍ i̍. Jɛ u̍h bo ùh nu̍ Setɔn-a nyɔ̍.

Wlɛfeleseɔn 20:10

Kǔ ɛ̀ boe-a u̍h i̍-ɛ, ɛ̍ mu̍ dě pɔ̀nɔ̌ nɛ̍-a pàìbǒ di̍i̍ poe-ɛ tà nmi̍ɛ̍ ke tu̍owli po̍ nyɔ̍-a si̍h naɛ nɛ-aɛ. Nɛ̀ dě-e bo u̍h-a mu̍ jua̍i̍ sàɛ̀ wlù ke sɔ̀n nɔ̌ kmɔ̌-a kmɔ̌.

Wlɛfeleseɔn 20:8

Nɛ̀ ɛ̍ mu̍ mu̍ ɛ̍ iě bloa̍ kli̍hgbɛ̍ nɛ-a nɔ̌ kmɔ̌ we̍-ɛ i̍ boe. Bloa̍ la i̍h-a nynɛ̌ nu̍ Kɔki ke Makɔ. I̍hɔ̍ɔ̍ bo Setɔn-a mu̍ tàdùè po̍ i̍h iě tu̍h fɔ̀n la̍ mu̍. Ka jbǒ penɔ̍ɔ̍ tìè-aɛ, kǎ i̍h-a nyɔ̍ bɛ̌ɛ u̍h iě tìè.

Wlɛfeleseɔn 3:9

Mɔ̀ gbɛ̀n-e, nyɔ̍ ùh kɔn-a dǒ Setɔn-a gbɔ̀ù we̍-ɛ, u̍h nu̍ si̍h nyɔ̍. U̍h la̍ u̍h-u Juu nyɔ̍, jɛ u̍h se̍ Juu nyɔ̍. Jɛ ǎn mu̍ ɛ̍ nu̍ u̍h iě ji̍ wɛ̀ u̍h iě i̍ chlìi dǒ mɔ̀ jǔ. Wɛ̀ u̍h kli̍hgbɛ̍ iě ɛ̍ i̍ juo ka ǐn jbɛɛ-a mɔ̀ɔ̍-ɛ.

Wlɛfeleseɔn 9:1

Wɛ̀ ǐnchɔ̀-a m̀m̌ naɛ bla̍ ɛ̍ dɔ̍gbɛ̍, iě ǐn jě chǔhtlɛ̀n ɛ̍ blu̍ dě ja̍i̍, wɛ̀ ɛ̍ kà i̍ dǒ bloɔ̍. Iě ɛ̍ nyǐ-ɛ kàn biě-a kɔɛ̍n.

Wlɛfeleseɔn 9:20

Nyɔ̍ kli̍hgbɛ̍ ùh dlǐ dɛ̍ᵻ la i̍h se̍-a dbǎ-ɛ, u̍h se̍-e i̍ bǐi dǒ u̍h-a chɛ̀-a nu̍-dɛ̍ᵻ we̍. U̍h se̍ jeědih wɛɛ sà-a i̍ tǎli, ɛ̍ ke kwɛ̍i̍n gbo̍ᵻ u̍h nui-a kòo̍ ke, sebla̍ ke, tìɛ̀n ke, sɔɔ̌ ke tu̍ᵻɛ́ ke. I̍h se̍ i̍ jě-ɛ ke, na-a ke i̍ wɔ̌n-ɛ bɛ̌ɛ.