Wlɛfeleseɔn 12:7 - Ku̍o̍ Delee 1999

⁷ Wɛ̀ tu̍h wlǔh ja̍ dě ja̍i̍wlɔ̀. Maakɔ ke ɔ̍ ǐnchɔ̀-a fɔ̀n dɔ̍sɛ we̍, iě dɔ̍sɛ ke ɛ̍ ǐnchɔ̀ fɔ̀n u̍h we̍ ke.

Wlɛfeleseɔn 12:7 Iomraidhean Croise

Matio 13:41

Nyi̍ɔ̍-a Jǔ-a mu̍ ɔ̍ ǐnchɔ̀ dbo̍, wɛ̀ nyɔ̍ kli̍hgbɛ̍ ùh-a po̍-a nyɔ̍gbei dɛ̍ᵻ sɔ̀nᵻ kɛ̍n, ɛ̍ ke juh kli̍hgbɛ̍-a nu̍-a gblɛ̍n sɔ̀ɛ̀n dě Nyɔsoa-a kmɔ̌ wlu̍ i̍ kɔn-ɛ di̍i̍-ɛ, wɛ̀ i̍h iě u̍h wlù i̍ sà.

Matio 16:27

Dɛ̍nu̍ɛ, Nyi̍ɔ̍-a Jǔ-a mu̍ de̍ka ji̍ dě ɔ̍ Baa-a tìh-a i̍ bɛ̌-ɛ di̍i̍, ɔ̍ ke ɔ̍ ǐnchɔ̀ ke. Dǒ ti̍ laa̍ di̍i̍-ɛ, ka jɔ-a nu̍-dɛ̍ nɛ-aɛ, nɛ̀ kǎ ɔ̍ Nyɔsoa kwa̍a̍ jě dɛ̍-a mu̍ nɛ.

Matio 24:31

Nɛ̀ dɔ̍gbɛ̍-a mu̍ wlu, wɛ̀ ɔ̍ iě ɔ̍ ǐnchɔ̀ blǔh kàɛ̀n nɛ-a nyìɛ̍-ɛ kɛ̍n i̍ dbo̍. Wɛ̀ i̍h iě Nyɔsoa-a chèɛ̀ tba̍ nyɔ̍ i̍ gbòe, sɔ dě blǔh-a siee la ìè dě dɛɛ we̍ mu̍.

Matio 25:41

“Nɛ̀ ɔ̍ mu̍ ka dǎ dě ùh nɛ-a dě ɔ̍ kwe̍na̍ we̍ ka-a we̍, ‘Mɔ̀ɔ̍ ùh Nyɔsoa po̍-a wlu̍we̍i̍-ɛ, mɔ̀ sɔ da̍a ǐn jua̍i̍. Mɔ̀ mu̍ dě nɛ̍ ɛ̀ se̍-a mɔ̌ la̍ kɔn-ɛ di̍i̍, ɛ̀ ɔ̍ po̍-a gba̍a̍ dǒ Kǔ ke ɛ̍ ǐnchɔ̀ we̍-ɛ.

Matio 26:53

Ìn jajeɛ̍ pò ǐn tèle ǐn Baa i̍ ɔ̍ iě ǐn ǐnchɔ̀-a fùùh we̍ dbo̍ i̍h iě ǐn we̍ gbǎ-ɛ, nɛ̀ ɔ̍ se̍-o nyna mu̍ ɔ̍ iě ɛ̍ nu̍ ae?

2 Kɔwlɛntiɔn 12:7

Wiǎ poe-ɛ dě ǐn ku̍u̍ wɛ̀ ɛ̍ iě ɛ̍ nu̍ nɛ̌ je̍e ǎn chɛ̀ i̍ bɛ̌-ɛ dǒ blɔ̌-ɛ we̍ dǒ dɛ̍ᵻ chɛ̀ Nyɔsoa toe-a m-ɛ we̍. Wiǎ la ɛ̍ wɔ̀ Setɔn-a tu̍owli po̍ nyɔ̍, wɛ̀ ɛ̍ iě ǐn nu̍ nɛ̌ je̍e blɔ̌.

Ɛfɛsɔ 6:12

Dɛ̍nu̍ɛ, à se̍ wlɔ̀ nyi̍ɔ̍ we̍ fɔ̀n, jɛ dɛ̍ᵻ wlu̍ i̍ kɔn-ɛ ke, tùn blě-ɛ ke, si̍h nyɔsoa ìh kɔn-a kwile kmɔ̌ la wlu̍ i̍-ɛ ke, gbǐh sɔ̀nᵻ ìh nɛ-a dě ja̍i̍-ɛ bo à fɔ̀n we̍.

2 Tɛsoloniɔn 1:7

Mɔ̀ɔ̍ ùh-a sàɛ̀-a jua̍i̍-ɛ, ɔ̍ mu̍ ɛ̍ nu̍ mɔ̀ ke àɔ̀ ke à iě feɛ i̍ jě. Ti̍ Joi Jusu ke ɔ̍ gbǐh ǐnchɔ̀-a mu̍-a dě ja̍i̍wlɔ̀ sɔ dě nɛ̍-a pàìbǒ di̍i̍-ɛ, dǒ ìh la i̍h-a mu̍ nɛ-ɛ.

Iblu 2:10

Ɛ̍ slɛ̌ i̍ kleǐn wɛ̀ Nyɔsoa ɔ̀ nu̍-a dɛ̍ᵻ kli̍hgbɛ̍ iě i̍h kɔn-a dǒ ɔ̍ we̍-ɛ, wɛ̀ ɔ̍ wɔ̀ Jusu nɛi̍ dě jua̍i̍ sàɛ̀ di̍i̍. Ɛ̍ iě kmɔ̌ nɛ wɛ̀ nynuu̍ dɔu iě tìh-a i̍ bɛ̌-ɛ blě. Jusu bo ɔ̀ gba̍ u̍h iě u̍h-a pǔh.

2 Pitɛ 2:4

Nyɔsoa bo ɔ̀ gbɛ̍n ɔ̍ chɛ̀-a ǐnchɔ̀ nu̍-a gblɛ̍n sɔ̀ɛ̀n-ɛ kàn. Wɛ̀ ɔ̍ po̍ i̍h dě kàn nɛ̍ di̍i̍ dě biě jlu̍jlu̍ di̍i̍ i̍h iě-e nɛ te̍e̍ wɛ̀ sàwi̍h sì ti̍ iě nyni̍.

Judi 1:9

Jɛ ti̍ Nyɔsoa-a ǐnchɔ̀-a dlǔtu Makɔ ke Kǔ sà-a Mose-a kǔ we̍ tìh i̍-ɛ, dǒ nyɔ̍ ɔ̀ mu̍-a ɛ̍ gba̍-a tìh-ɛ, Makɔ se̍ ɛ̍ chɛ̀-a gbǐh i̍ dǔ ɛ̍ iě Kǔ chlèe. Jɛ ɛ̍ la̍a̍, “Bɔ̌ o, Joi bo ɔ̀ mu̍ ìn bɔ̌ i̍ po̍ o.”

Wlɛfeleseɔn 12:8

Jɛ dɔ̍sɛ ke ɛ̍ ǐnchɔ̀ du̍-iɛ, sɔ i̍h se̍ tèla̍ nyǐ-ɛ dɛ kleǐnklein dě ja̍i̍wlɔ̀.

Wlɛfeleseɔn 12:9

Wɛ̀ wɔ̍n ku̍ dɔ̍sɛ laa̍ ɛ̍ poe-ɛ sɔ̀n. Tɛin tɛin sɛ̍ bo, iě ɛ̍ nynɛ̌ nu̍ Kǔ ke Setɔn. Ɛ̍ bo ɛ̀ nu̍ kmɔ̌ kli̍hgbɛ̍ i̍ boe nyɔ̍. Ɛ̍ poe-ɛ sɔ̀n nɔ̌ bloɔ̍, ɛ̍ ke ɛ̍ ǐnchɔ̀ kli̍hgbɛ̍ ke.

Wlɛfeleseɔn 13:7

Ɛ̍ sà-ɛ wlu̍ kɛ̍n dɛ ke ɛ̍ iě Nyɔsoa-a nyɔ̍ we̍ fɔ̀n wɛ̀ ɛ̍ iě u̍h du̍. Wɛ̀ ɛ̍ nyǐ-ɛ tùn ɛ̍ iě chɛ̌tu ke, dakɔ̍ ke bloa̍ kli̍hgbɛ̍ wlu̍ i̍ kɔn.

Wlɛfeleseɔn 20:2

Iě ɛ̍ gbɛ̍n dɔ̍sɛ ɛ̀ nu̍-a tɛin tɛin sɛ̍-ɛ. Ɛ̍-ɛ due laa̍ bo ɛ̀ nu̍ Kǔ ke Setɔn. Wɛ̀ ɛ̍ sa̍n Kǔ laa̍ tàǎntàǎn dǒ sɔ̀nᵻá wlǔ due (1,000) di̍i̍.