Wlɛfeleseɔn 12:4 - Ku̍o̍ Delee 1999

⁴ Wɛ̀ ɛ̍ wɔ̀n sà chǔhtlɛ̀n-a gbɔ̍ᵻ nɛ-a ta̍a̍n-ɛ i̍h-a gbɔ̍ due dě ja̍u̍n wlì, iě ɛ̍ po̍ i̍h sɔ̀n nɔ̌ bloɔ̍. Iě dɔ̍sɛ-a chɛ̀ nyna i̍ dǒ kwlǐ nynɔ̌ laa̍ jǔ, pò ɔ̍ jǔ wlǔh-ɛ, ɛ̍ iě ɔ̍ di̍.

Wlɛfeleseɔn 12:4 Iomraidhean Croise

Chɔɔn 8:44

Mɔ̀ kɔn dǒ mɔ̀ baa Kǔ we̍. Ɛ̍ wlùh nu̍ tìh bo mɔ̀-a sì. Ɛ̍ nu̍ nyɔ̍ gbe̍ja̍a̍ poe nyɔ̍ ma̍u̍. Ɛ̍ dounᵻ se̍-e tìh-a taǐn we̍ nɛ, dɛ̍nu̍ɛ, tìh-a taǐn se̍ dě ɛ̍ ja̍a̍ nɛ. Ɛ̍ ja la̍ si̍h tmɔ̌-ɛ, nɛ̀ ɛ̍ tè-e ɛ̍ chɛ̀-a wlùh i̍. Dɛ̍nu̍ɛ, ɛ̍-ɛ si̍h tmɔ̌ nyɔ̍, iě ɛ̍ nu̍ si̍h tmɔ̌-ɛa baa.

1 Pitɛ 5:8

Mɔ̀ tù mɔ̀-a chɛ̀ jlǐhɛ̍, mɔ̀ iě mɔ̀-a chɛ̀-a nɛnɛ̌ nu̍. Mɔ̀-a nyɛ̌-nyɔ̍ Kǔ-a ple̍ i̍ ka mɔ̌-a nu̍-u gbòlò-a pɔ̀n nyɔ̍ i̍ ɛ̍ iě-e gbɔ̀lɔ-ɛ.

Wlɛfeleseɔn 12:7

Wɛ̀ tu̍h wlǔh ja̍ dě ja̍i̍wlɔ̀. Maakɔ ke ɔ̍ ǐnchɔ̀-a fɔ̀n dɔ̍sɛ we̍, iě dɔ̍sɛ ke ɛ̍ ǐnchɔ̀ fɔ̀n u̍h we̍ ke.

Wlɛfeleseɔn 12:9

Wɛ̀ wɔ̍n ku̍ dɔ̍sɛ laa̍ ɛ̍ poe-ɛ sɔ̀n. Tɛin tɛin sɛ̍ bo, iě ɛ̍ nynɛ̌ nu̍ Kǔ ke Setɔn. Ɛ̍ bo ɛ̀ nu̍ kmɔ̌ kli̍hgbɛ̍ i̍ boe nyɔ̍. Ɛ̍ poe-ɛ sɔ̀n nɔ̌ bloɔ̍, ɛ̍ ke ɛ̍ ǐnchɔ̀ kli̍hgbɛ̍ ke.

Wlɛfeleseɔn 13:2

Nmi̍ɛ̍ ǐn jě-aɛ, ɛ̍ ke chì mu̍i we̍, wɛ̀ ɛ̍ blě gbɛ̌-a bu̍hᵻ. Ɛ̍ wɔ̍n ke gbòlò-a wɔ̍n mu̍i we̍. Wɛ̀ dɔ̍sɛ-a gbǐh ɛ̍ blě-a iě ɛ̍ nyǐ i̍h nmi̍ɛ̍, ɛ̍ ke ɛ̍ nynɛ̌ gbalǎ ke tùn ɛ̀ ku̍-a wɔ̍n-ɛ ke.

Wlɛfeleseɔn 13:4

Nyɔ̍ kli̍hgbɛ̍ sà dɔ̍sɛ wɛɛ, dɛ̍nu̍ɛ, ɛ̍ nyǐ ɛ̍ tùn nmi̍ɛ̍ laa̍. U̍h sà nmi̍ɛ̍ laa̍ wɛɛ ke, iě u̍h la̍a̍, “Nyɔ̍ bo ɔ̀ wɔ̀ nmi̍ɛ̍ la ɛ? Nyɔ̍ bo ɔ̀ bɛ̌ɛ ɛ̍ we̍ fɔ̀n-ɛ ɛ?”

Wlɛfeleseɔn 16:13

Wɛ̀ ǐn jě jeědih ta̍a̍n ka pɔ̀lùhᵻɛ́. Nɛ̀ i̍h-a sɔ dě dɔ̍sɛ ke nmi̍ɛ̍ ke tu̍owli po̍ nyɔ̍-a si̍h naɛ wɔ̍ɔ̍n.

Wlɛfeleseɔn 17:18

“Nynɔ̌ ìn jě-aɛ, tùgbàwlɔ̀ klaa ɛ̀ blě-a blǔh baaᵻ nɛ-a nɔ̌ kmɔ̌-ɛ u̍h-a wlu̍ kwa̍-ɛ bo.”

Wlɛfeleseɔn 20:2

Iě ɛ̍ gbɛ̍n dɔ̍sɛ ɛ̀ nu̍-a tɛin tɛin sɛ̍-ɛ. Ɛ̍-ɛ due laa̍ bo ɛ̀ nu̍ Kǔ ke Setɔn. Wɛ̀ ɛ̍ sa̍n Kǔ laa̍ tàǎntàǎn dǒ sɔ̀nᵻá wlǔ due (1,000) di̍i̍.

Wlɛfeleseɔn 8:10

Wɛ̀ ǐnchɔ̀-a ta̍a̍n naɛ bla̍ ɛ̍ dɔ̍gbɛ̍, iě chǔhtlɛ̀n klaa ɛ̀ wa̍n-a tàù-a dɛ̍-ɛ, wɛ̀ ɛ̍ blu̍ dě ja̍u̍n wlì. Iě ɛ̍ gbǎ nǐᵻ klaaᵻá gbɔ̍ᵻ ta̍a̍n naɛ-a due kɛ̍n ɛ̍ ke kao̍dluᵻ ke.

Wlɛfeleseɔn 8:11

Chǔhtlɛ̀n-a chɛ̀ ɛ̍ nynɛ̌ bo Nɛ̍nɛ. Nǐᵻá gbɔ̍ᵻ nɛ-a ta̍a̍n-ɛ, i̍h-a due nɛ̍nɛ-ɛ. Wɛ̀ nyɔ̍ dɔu ùh nǎ-a nǐ-a chɛ̀-ɛ mɛ̌. Dɛ̍nu̍ɛ, ɛ̍ nɛ̍nɛ-ɛ.

Wlɛfeleseɔn 8:12

Wɛ̀ ǐnchɔ̀-a nyìɛ̍ naɛ bla̍ ɛ̍ dɔ̍gbɛ̍, iě jlǔh-a fɔ̌ᵻ nɛ-a ta̍a̍n-ɛ, i̍h-a due tba̍-ɛ dɛ̍. Iě chǔh-a fɔ̌ᵻ nɛ-a ta̍a̍n i̍h-a due ke chǔhtlɛ̀n-a fɔ̌ᵻ nɛ-a ta̍a̍n-ɛ, i̍h-a due tba̍-ɛ dɛ̍ ke. Ɛ̍ kɔn i̍h-a sɔ̀npli-a fɔ̌ᵻ nɛ-a ta̍a̍n-ɛ, i̍h-a due due mɔ̌ i̍. Wɛ̀ weɛ̍-a fɔ̌ᵻ nɛ-a ta̍a̍n-ɛ, jlǔh se̍ i̍h-a due kɛ̍n i̍ fa̍n-ɛ. Wlù-a fɔ̌ᵻ nɛ-a ta̍a̍n-ɛ, chǔh ke chǔhtlɛ̀n se̍ i̍h-a due kɛ̍n i̍ fa̍n-ɛ.

Wlɛfeleseɔn 8:7

Wɛ̀ sàǐtòò ǐnchɔ̀ bla̍ ɛ̍ dɔ̍gbɛ̍, iě seɔn gbo̍ᵻ ke nɛ̍ sìàɛ̍n nymɔ̍-ɔ, wɛ̀ i̍h wlǎ-ɛ bloa̍ kɛ̍n i̍. Wɛ̀ bloa̍-a fɔ̌ᵻ nɛ-a ta̍a̍n-ɛ, i̍h-a due-a tu̍ᵻ ke ɛ̍ pei jaɔ kli̍hgbɛ̍ i̍h si̍n.

Wlɛfeleseɔn 8:8

Wɛ̀ ǐnchɔ̀-a sɔɔ̌n naɛ bla̍ ɛ̍ dɔ̍gbɛ̍, iě dɛ̍ ɛ̀ wɔ̀-a nɛ̍ gbà tlu̍h klaa-ɛ, iě ɛ̍ fìle-ɛ dě jbǒ kɛ̍n. Wɛ̀ jbǒ-a fɔ̌ᵻ nɛ-a ta̍a̍n-ɛ, i̍h-a due sàɛ̀ nymɔ̍.

Wlɛfeleseɔn 8:9

Iě nmi̍i̍-a gbɔ̍ᵻ nɛ-a ta̍a̍n dě jbǒ kɛ̍n-ɛ, i̍h-a gbɔ̍ due mɛ̌. Wɛ̀ niɔ̍ mɛɛ̍ᵻá gbɔ̍ᵻ nɛ-a ta̍a̍n-ɛ, i̍h-a gbɔ̍ due gbɔ̀lɔ.

Wlɛfeleseɔn 9:10

I̍h blě nyɔ̍ su̍n wɔ̀nᵻ ka kèǎnkèàn-a wɔ̀n-ɛ. I̍h-a wɔ̀nᵻ blě gbǐh i̍h iě nyɔ̍ i̍ poa dǒ chǔhᵻ m̀m̌ di̍i̍.

Wlɛfeleseɔn 9:19

Soo̍bliᵻá chɛ̀ i̍h-a gbǐh nɛ dě i̍h wɔ̍ɔ̍n ke dě i̍h-a wɔ̀nᵻ di̍i̍. I̍h-a wɔ̀nᵻ ke sɛ̍ mu̍i we̍, iě i̍h blě dlǔᵻ. I̍h-i bo i̍h-a nu̍ wɛ̀ i̍h-a tba̍ nyɔ̍ dɛ̍.