2 Ɔ̍ nɛ kwlǐ, iě kwlǐ-a nu̍ ɔ̍ wɛ̀ ɔ̍ wǐi i̍.
Ìh kli̍hgbɛ̍ la i̍h wɔ̀ ka nynɔ̌-a kwlǐ-a tɛ̀n gbǐh ɔ̍ iě gbàɔ̀n sà-ɛ.
Pò nynɔ̌ ja la̍ gbàɔ̀n sà mu̍-ɛ, nɛ̀ ɔ̍ ku̍-a kma wɔ̍n, dɛ̍nu̍ɛ, nɛ̀ ti̍ nyni̍ wɛ̀ ɔ̍ iě jua̍i̍ sàɛ̀. Jɛ pò ɔ̍ sà ɔ̍ gbàɔ̀n-ɛ, nɛ̀ ɔ̍ mǎle ku̍-a wɔ̍n kma tìh we̍. Jɛ nɛ̀ ɔ̍ nmɔ-ɛ, dɛ̍nu̍ɛ, jǔ wlǔh wɛ̀ da̍a kmɔ̌ we̍.
Ǎn nynuu̍, ka kwlǐ nynɔ̌ gbǔh we̍-a nu̍-a chlɛ̌n-ɛ dǒ gbàɔ̀n sà la̍-ɛ, kǎ ǎn ku̍-a nu̍ chlɛ̌n-ɛ ke mɔ̀-a tìh. Kǎ ɛ̍ mu̍ nɛ te̍e̍ wɛ̀ mɔ̀ iě Klai wɔ̀ dě mɔ̀-a kmɔ̌ di̍i̍.
Ɛ̍ kɔn Nyɔsoa-a wlu̍ la̍a̍, “Mɔ̀ nynɔ̌gbaɔ ɔ̀ sie slàmàɛ̀ kwlǐ-i se̍-a nu̍-ɛ, nɛ̀ ìn wǐi i̍ ìè mɔna̍ slɛ̀ po̍. Nynɔ̌ ɔ̀ kɔan bɔ̌-aɛ, ɔ̍ mu̍ nynuu̍ dɔu blě ɛ̍ iě jɔ kɔan se̍-a bɔ̌-ɛ sìì.”
Wɛ̀ ɛ̍ wɔ̀n sà chǔhtlɛ̀n-a gbɔ̍ᵻ nɛ-a ta̍a̍n-ɛ i̍h-a gbɔ̍ due dě ja̍u̍n wlì, iě ɛ̍ po̍ i̍h sɔ̀n nɔ̌ bloɔ̍. Iě dɔ̍sɛ-a chɛ̀ nyna i̍ dǒ kwlǐ nynɔ̌ laa̍ jǔ, pò ɔ̍ jǔ wlǔh-ɛ, ɛ̍ iě ɔ̍ di̍.
