Wlɛfeleseɔn 12:11 - Ku̍o̍ Delee 1999

¹¹ À de̍di̍i̍ᵻ du̍ ɛ̍ wɛ̀ dǒ Blawɛ̌ Jǔ-a nymɔ̍ ke tìh-a taǐn tu̍owli u̍h po̍-a we̍. Iě u̍h sà u̍h-a feɛ kwlǎ u̍h iě mɛ̌.

Wlɛfeleseɔn 12:11 Iomraidhean Croise

Pɔ̀n Chɛ̀ Luu To-a La 14:26

“Pò nyɔ̍-o-nyɔ̍ gbǎ dǒ ǐn de̍e̍ wɛ̀ ɔ̍ iě ɔ̍ de̍ ke, ɔ̍ baa ke, ɔ̍ nynɔ̌ ke, ɔ̍ nynuu̍ ke, ɔ̍ de̍di̍i̍ᵻ jɔ̍gbauᵻ ke, de̍di̍i̍ᵻ nynɔ̌gbaɔᵻ ke ɔ̍ chɛ̀-a feɛ-a tìh kma ɛ̍ iě-a ǐn sìì-ɛ, nɛ̀ ɔ̍ se̍ ǎn kòà nu̍-ɛ bɛ̌ɛ.

Chɔɔn 16:33

Ǐn sèàɛ̍ mɔ̀ ìh la wlùh wɛ̀ mɔ̀ iě wlùh-a i̍ tè-ɛ blě dě ǐn ja̍a̍. Mɔ̀-a mu̍ tìh jě da̍a kmɔ̌ la we̍, jɛ mɔ̀ ku̍ wlùh o, dɛ̍nu̍ɛ, ǐn sà kmɔ̌ la klà wɛ̀.”

Nu̍-dɛ̍ᵻ 20:24

Jɛ ǎn feɛ nɔ̀ɔ̍, ǐn se̍ ɛ̍ dɛ̍ dǎɛ. Jɛ pɔ̀n chɛ̀ la ɛ̀ kɔ̍-a dǒ Nyɔsoa-a blɛ pùn i̍-ɛ, ɛ̍ we̍i̍ bla̍ dbo̍ Joi Jusu nyǐ-a m-ɛ, ɛ̍-ɛ due gbài̍ ǎn pɔ̀n iě i̍ wɔ̀ gblaan.

Nu̍-dɛ̍ᵻ 21:13

Wɛ̀ ɔ̍ la̍a̍, “Dɛ̍nu̍ mɔ̀-a nu̍ la̍ fìn-ɛ, iě mɔ̀-a nyni i̍ ǎn pɔluh jii̍ ɛ? Juluslɛn ǎn mu̍-aɛ, ɛ̍ se̍ ǎn sa̍n-a tìh nɛ due ǐn se̍ gbàɛ̀, jɛ ǐn gbàɛ̀ mɛ̌-ɛ tìh-a chɛ̀ ke dǒ Joi Jusu-a nynɛ̌-a tìh we̍.”

Wloma 16:20

Nɛ̀ Nyɔsoa ɔ̀ nyǐ-a nyɔ̍ wlùh-a i̍ tè-ɛɛ, ɔ̍ mu̍ Setɔn keě wlǎ tiɔ tiɔ dě mɔ̀ bu̍h sɔ̀n. Ǎn sà nǐ wɔ̍n à Joi Jusu Klai-a blɛ iě dǒ mɔ̀ we̍ nɛ.

1 Kɔwlɛntiɔn 15:57

Jɛ à po̍ Nyɔsoa tlɔ̌ ɔ̀ nyǐ-a à dɛ̍ klà sà-a dě à Joi Jusu Klai ja̍a̍-ɛ.

1 Chɔɔn 4:4

Ǎn nynuu̍, mɔ̀ɔ̍ nɔ̀ɔ̍, mɔ̀ sɔ dě Nyɔsoa we̍, iě mɔ̀ sà tu̍owli po̍ nyɔ̍-a si̍h naɛ klà. Dɛ̍nu̍ɛ, Nyɔsoa-a Sùù ɛ̀ nɛ-a dě mɔ̀ ja̍a̍-ɛ, ɛ̍ gbǐh ku̍ wɔ̍n ɛ̍ sìì Nyɔ̍ Sɔ̀n jɔ nɛ-a nɔ̌ kmɔ̌ we̍-ɛ.

1 Chɔɔn 5:5

Nyɔ̍ bo ɔ̀ bɛ̌ɛ kmɔ̌-a dɛ̍ᵻ sɔ̀nᵻ klà sà-a ɛ? Nyɔ̍ ɔ̀ po̍-a ɛ̍ tìh chɛ̀ ka Jusu nu̍-a Nyɔsoa-a Jǔ-ɛ, ɔ̍ due gbài̍ ɔ̀ mu̍ ɛ̍ klà sà.

Wlɛfeleseɔn 1:2

Chɔɔn bo ɔ̀ nu̍ sàànsi̍i̍h dǒ Nyɔsoa-a tu̍owli ke gblangbai̍ Jusu Klai sà-ɛ we̍, ɛ̍ ke jih kli̍hgbɛ̍-a chɛ̀ ɔ̍ jě-aɛ ke.

Wlɛfeleseɔn 1:9

Mɔ̍ Chɔɔn la, mɔ̀ ke ǐn ke à ji̍ de̍di̍i̍. Mɔ̀ ke ǐn ke à gbaɛ Jusu wlùh, ɛ̍ kɔn à sàɛ̀ jua̍i̍ iě à kɔn dǒ ɔ̍ kmɔ̌ wlu̍ i̍ kɔn-ɛ we̍. Wɛ̀ à gbɛ̍n wlùh i̍ à ku̍-e klì i̍. Ǎn bla̍ Nyɔsoa tìh ɛ̍ ke gblangbai̍ Jusu sà-ɛ ke. Ɛ̍ kɔn mɔ̍ bo u̍h po̍ nɔ̌ tbǒ la u̍h-a dǎɛ-a Pamɔ-ɛ kɛ̍n.

Wlɛfeleseɔn 11:7

Pò u̍h wɔ̀ u̍h-a tu̍owli po̍-ɛɛ, nɛ̀ nmi̍ɛ̍ ɛ̀ sɔ-a dě kàn biě laa̍ di̍i̍-ɛ, ɛ̍ mu̍ u̍h tu̍h we̍ pa̍-ɛ. Nɛ̀ ɛ̍ mu̍ u̍h klà sà, ɛ̍ iě u̍h dbǎ.

Wlɛfeleseɔn 12:17

Wɛ̀ dɔ̍sɛ gbǎ-ɛ nynɔ̌ jlu̍h-u, iě ɛ̍ mu̍ ɔ̍ tloemlai tu̍h we̍ pa̍-ɛ la̍, ùh gbɛ̍n-a Nyɔsoa-a telě ke Jusu-a gblangbai̍ wlu̍ i̍-ɛ.

Wlɛfeleseɔn 19:10

Wɛ̀ ǐn kà i̍ dǒ ɛ̍ bu̍hᵻ kɛ̍n iě ɛ̍ wɛɛ sà. Jɛ ɛ̍ la̍a̍ dě ǐn we̍, “Bɔ̌ laǎn nu̍-ɛ. Mɔ̍ pòi̍ju ke ka ìn ke ìn de̍di̍i̍ᵻ nu̍-a pòi̍nynuu̍ iě mɔ̀ nu̍-a sàànsi̍i̍h dǒ dɛ̍ Jusu sà-a we̍-ɛɛ, kǎ ǐn nɛ ke. Nyɔsoa bo ìè wɛɛ sà.” Dɛ̍nu̍ɛ, Jusu we̍ tìh i̍ sà-a bo ɛ̀ nu̍ Nyɔsoa-a tu̍owli po̍-ɛ.

Wlɛfeleseɔn 2:13

Ǐn juo àn tǐn la̍. Tà kɔn taǐn Setɔn-a nynɛ̌ gbalǎ nɛ-a bo ìn tǐn. Wɛ̀ ìn gbaɛ ǐn wlùh ke ma̍u̍. Antipa-a chɛ̀ jɔ nu̍-a ǎn wlùh gbaɛ nyɔ̍ ke sàànsi̍i̍h-ɛ, ti̍ u̍h dbǎ-a ɔ̍ dě mɔ̀ blǐ wlɔ̀ tà Setɔn tǐn-aɛ, mɔ̀ se̍ mɔ̀-a wlùh gbaɛ-ɛ i̍ tǎli.

Wlɛfeleseɔn 2:17

“Nyɔ̍ ɔ̀ flɔn-a dounᵻɛ́, nɛ̀ ɔ̍ po̍ dě dɛ̍ Nyɔsoa-a Sùù bla̍-a dě chɔchi̍h nyɔ̍ we̍-ɛ dounᵻ. “Nyɔ̍ ɔ̀ sà-a dɛ̍ sɔ̀n klà-a, nɛ̀ di̍-dɛ̍ᵻ u̍h-a dǎɛ-a mana ìh sìle-aɛ, ǎn mu̍ ɔ̍ diih nyǐ. Nɛ̀ ǎn mu̍ ɔ̍ sɔɔ̌ gbo̍ plǔ nyǐ, nynɛ̌ delee iě chlǐh-ɛ dǒ ɛ̍ kɛ̍n. Nyɔ̍ dɔɔ se̍ nynɛ̌ laa̍ juo mu̍. Nyɔ̍ ɔ̀ blě-a sɔɔ̌ laa̍-ɛ, ɔ̍ kɔn tɛ̀ ǐn sà-o.”

Wlɛfeleseɔn 2:26

Nyɔ̍ ɔ̀ sà-a dɛ̍ sɔ̀n klà-a, wɛ̀ ɔ̍ iě ǎn wlùh nu̍ te̍e̍ wɛ̀ ti̍ iě dlǔ i̍ chlà-ɛ, nɛ̀ ǎn mu̍ ɛ̍ nu̍ ɔ̍ iě bloa̍ wlu̍ i̍ kɔn.

Wlɛfeleseɔn 2:7

“Nyɔ̍ ɔ̀ flɔn-a dounᵻɛ́, nɛ̀ ɔ̍ po̍ dě dɛ̍ Nyɔsoa-a Sùù bla̍-a dě chɔchi̍h nyɔ̍ we̍-ɛ dounᵻ. “Nyɔ̍ ɔ̀ sà-a dɛ̍ sɔ̀n klà-a, tu̍ ɛ̀ nɛ-a dě Nyɔsoa-a wlɔ̀ plǔ di̍i̍ ɛ̀ nyǐ-a nyɔ̍ feɛ-ɛ, nɛ̀ ǎn mu̍ ɛ̍ buǒᵻ ɔ̍ nyǐ ɔ̍ iě i̍h di̍.”

Wlɛfeleseɔn 20:4

Wɛ̀ ǐn jě nynɛ̌ gbalǎᵻ, nɛ̀ nyɔ̍ ùh tè-a dǒ i̍h kɛ̍n i̍-ɛ, u̍h tùi-ɛ tùn kwa̍a̍ wɛ̀ u̍h iě taɔ nu̍. Nyɔ̍ ùh chɛ̍n-ɛa dlǔ i̍ u̍h-a Jusu-a tìh bla̍ tìh ke Nyɔsoa-a wlu̍ gba̍ tìh-ɛ, u̍h-a sùù bo. U̍h se̍ nmi̍ɛ̍ ke ɛ̍ mɛ̍-dɛ̍ wɛɛ sà, iě u̍h se̍ ɛ̍ juola dǒ jua̍i̍ ke u̍h sɔ̍n i̍ tù. U̍h wlǔh-e, iě u̍h ke Klai blě nyɔ̍-a wlu̍ kwa̍ dǒ sɔ̀nᵻá wlǔ due di̍i̍.

Wlɛfeleseɔn 3:12

Nyɔ̍ ɔ̀ sà-a dɛ̍ sɔ̀n klà-a, nɛ̀ ǎn mu̍ ɔ̍ sìtù we̍i̍ nu̍ dě ǎn Nyɔsoa-a slaǎ sà gbò sɔ̀n. Nɛ̀ ɔ̍ se̍ gba̍ deě sɔ dɛ. Nɛ̀ ǎn mu̍ ǎn Nyɔsoa-a nynɛ̌ chlǐh dǒ ɔ̍ pùn, ɛ̍ ke ǎn Nyɔsoa-a tùgbàwlɔ̀-a nynɛ̌ ke, ɛ̀ nu̍-a Juluslɛn wlɔ̀ delee ɛ̀ sɔ-a dě ǎn Nyɔsoa we̍ ja̍i̍wlɔ̀-ɛ. Ǎn mu̍ ǎn chɛ̀-a nynɛ̌ delee chlǐh ke dǒ ɔ̍ pùn.

Wlɛfeleseɔn 3:21

Nyɔ̍ ɔ̀ sà-a dɛ̍ sɔ̀n klà-a, nɛ̀ ǎn mu̍ ɔ̍ bu̍hᵻ de̍e̍ i̍ tba̍ ɔ̍ iě dǒ ǐn pùn i̍ tè dǒ ǎn nynɛ̌ gbalǎ kɛ̍n ka ǎn chɛ̀ nu̍-a dɛ̍ sɔ̀n klà sà-a wɛ̀ ǐn tè-a dǒ ǐn Baa pùn i̍ dǒ ɔ̍ nynɛ̌ gbalǎ kɛ̍n-ɛ.

Wlɛfeleseɔn 3:5

Nyɔ̍ ɔ̀ sà-a dɛ̍ sɔ̀n klà-a, nɛ̀ kǎ ɔ̍ mu̍ jlii̍ plǔᵻ pa̍-a nu̍ ke. Nɛ̀ ǐn se̍ ɔ̍ nynɛ̌ dě feɛ chlǐh-dɛ̍ di̍i̍ sà mu̍. Jɛ nɛ̀ ǎn mu̍ ɔ̍ ǎn nyɔ̍ slè-e dǒ ǐn Baa ke ɔ̍ ǐnchɔ̀ jǔ.

Wlɛfeleseɔn 6:9

Wɛ̀ Blawɛ̌ Jǔ wa̍ slu̍-a m̀m̌ naɛ. Iě ǐn jě nyɔ̍ɔ-a sùù dǒ slaǎ sà-ɛ gblǒ sɔ̀n, ùh u̍h tù-a Nyɔsoa-a wlu̍ ke ɛ̍ sàànsi̍i̍h nu̍ tìh u̍h dbǎ-aɛ.