Wlɛfeleseɔn 12:10 - Ku̍o̍ Delee 1999

¹⁰ Wɛ̀ ǐn wɔ̌n we̍le wlu̍ dě ja̍i̍wlɔ̀. Ɛ̍ la̍a̍, “Kaka-ɛ, à Nyɔsoa-a nyɔ̍ sèìe-ɛ ke, ɔ̍ gbǐh ke ɔ̍ kmɔ̌ wlu̍ i̍ kɔn ti̍ nyni̍ wɛ̀, ɛ̍ ke ɔ̍ Chèɛ̀ Tba̍ju-a tùn blě-ɛ ke. Dɛ̍nu̍ɛ, ɛ̀ nyna-a i̍ de dǒ à Nyɔsoa jǔ wlù ke sɔ̀n wɛ̀ ɛ̍ nyni-a à de̍di̍i̍ᵻá wlu̍ wɔ̍i̍n-ɛ, ɛ̍ poe-ɛ sɔ̀n wɛ̀.

Wlɛfeleseɔn 12:10 Iomraidhean Croise

Matio 26:64

Wɛ̀ Jusu la̍a̍, “Ka ìn dǎ-ɛ, nɛ̀ kǎ ɛ̍ nɛ. Jɛ bɔ̌ ǐn sèàɛ̍ mɔ̀ kli̍hgbɛ̍ wlùh, dě nya̍-ɛ, mɔ̀-a mu̍ Nyi̍ɔ̍-a Jǔ jě ɔ̍ iě i̍ tè dǒ Gbǐh Kli̍hgbɛ̍ Blě Nyɔ̍-a di̍na̍ we̍, wɛ̀ ɔ̍ iě nǐgbanᵻ kɛ̍n naɛ blě dě ja̍u̍n wlì ɔ̍ iě ji̍.”

Matio 28:18

Wɛ̀ Jusu klɛɛn dǒ u̍h we̍ iě ɔ̍ la̍a̍, “Gbǐh kli̍hgbɛ̍ nɛ-a dě ja̍i̍wlɔ̀-ɛ ke jih nɛ-a nɔ̌ bloɔ̍-ɛ, i̍h nyǐ-ɛ m wɛ̀.

Matio 6:10

Àn kmɔ̌ wlu̍ i̍ kɔn-ɛ iě ji̍. Àn wlùh dɛ̍ iě nɛ nɔ̌ bloɔ̍, ka ɛ̍ nɛ-a dě ja̍i̍wlɔ̀-ɛ.

Pɔ̀n Chɛ̀ Luu To-a La 11:2

Wɛ̀ Jusu la̍a̍ dě u̍h we̍, “Pò mɔ̀ ja ba̍le-ɛ, nɛ̀ mɔ̀ la̍a̍, ‘Baa, àn nynɛ̌ bo nyɔ̍ iě ja̍ tè. Àn kmɔ̌ wlu̍ i̍ kɔn-ɛ iě ji̍.

Pɔ̀n Chɛ̀ Luu To-a La 22:31

Jusu la̍a̍, “Samo, Samo, Setɔn sà-ɛ wlu̍ kɛ̍n ɛ̍ iě mɔ̀-ɔ slɛ̌n ka klè joi-a fùn kwǐ kɛnɛ̌ i̍-ɛ.

2 Kɔwlɛntiɔn 12:9

Jɛ ɔ̍ la̍a̍ dě ǐn we̍, “Ǎn blɛ nɛ-ɛ nu̍ ɛ̍ wɛ̀ ìn blě dɛ̍ᵻ kli̍hgbɛ̍ ìn kɔn iě-a blě-ɛ. Ǎn gbǐh-a kmu i̍ kaa̍ pò àn gbǐh ja sɔɔn nu̍-ɛ.” Ǎn mu̍ mɔna̍-a gbǎ kaa̍ wɛ̀ iě wɔ̍i̍n po̍ dǒ ǎn gbǐh-a sɔɔn nu̍-ɛ we̍, wɛ̀ Klai-a gbǐh iě ǐn kɛ̍n kaɛn.

Taitɔ 2:3

Nɛ̀ ìn sèàɛ̍ nynɔ̌gbaɔᵻ klaaᵻ wlùh ke u̍h iě tìh i̍ ple̍ ka Nyɔsoa we̍ fòè nyɔ̍-a nɛ-aɛ. U̍h bɔ̌ nyɔ̍-a wlu̍ wɔ̍i̍n nyni-ɛ, iě u̍h wɔ̍ bɔ̌ nmɔ̍-a kèi̍ nu̍-ɛ ke. Jɛ ɛ̀ nu̍-a dɛ̍ chɛ̀-ɛ, ɛ̍ bo u̍h iě nyɔ̍ nǎ poe.

1 Pitɛ 5:8

Mɔ̀ tù mɔ̀-a chɛ̀ jlǐhɛ̍, mɔ̀ iě mɔ̀-a chɛ̀-a nɛnɛ̌ nu̍. Mɔ̀-a nyɛ̌-nyɔ̍ Kǔ-a ple̍ i̍ ka mɔ̌-a nu̍-u gbòlò-a pɔ̀n nyɔ̍ i̍ ɛ̍ iě-e gbɔ̀lɔ-ɛ.

Wlɛfeleseɔn 11:15

Wɛ̀ Nyɔsoa-a ǐnchɔ̀-a mɛ̀sɔɔ̌n naɛ bla̍ ɛ̍ dɔ̍gbɛ̍. Iě we̍le wlu̍ klaa sɔ dě ja̍i̍wlɔ̀, ɛ̍ la̍a̍, “Nyɔ̍-a wlu̍ kwa̍ blě-ɛ ɛ̀ nɛ-a nɔ̌ kmɔ̌ we̍-ɛ, ɛ̍ kɔn dǒ à Joi ke ɔ̍ Chèɛ̀ Tba̍ju we̍ wɛ̀. Ɔ̍ mu̍ nyɔ̍-a wlu̍ kwa̍ blě nɔ̌ kmɔ̌-a kmɔ̌.”

Wlɛfeleseɔn 2:26

Nyɔ̍ ɔ̀ sà-a dɛ̍ sɔ̀n klà-a, wɛ̀ ɔ̍ iě ǎn wlùh nu̍ te̍e̍ wɛ̀ ti̍ iě dlǔ i̍ chlà-ɛ, nɛ̀ ǎn mu̍ ɛ̍ nu̍ ɔ̍ iě bloa̍ wlu̍ i̍ kɔn.

Wlɛfeleseɔn 7:10

Wɛ̀ u̍h-a wǐi i̍, u̍h la̍a̍, “À Nyɔsoa ɔ̀ tè-a i̍ dǒ nynɛ̌ gbalǎ kɛ̍n-ɛ ke Blawɛ̌ Jǔ sèìe àɔ̀.”