Wlɛfeleseɔn 12:1 - Ku̍o̍ Delee 1999

¹ Wɛ̀ nyɔ̍ wɔ̍n flɔn-ɛ dɛ̍ klaa wlǔh-i dě ja̍u̍n wlì. Nynɔ̌ due nɛ-a deě-ɛ, jlǔh nu̍ ɔ̍ gbà-a jliɛ̍. Wɛ̀ chǔh nu̍ ɔ̍ bu̍hᵻ kɛ̍n i̍ tba̍ dɛ̍. Iě chǔhtlɛ̀n-a pùè jɔ̌ sɔɔ̌n nu̍ blawɛ̌ ɔ̍ tèè.

Wlɛfeleseɔn 12:1 Iomraidhean Croise

Matio 12:38

Wɛ̀ Fɛlesii nyɔ̍ ke telě nǎ poe nyɔ̍ la̍a̍ dě Jusu we̍, “Dlǔtu, po̍ jbaɛdih à iě jě.”

Matio 24:30

Dǒ ti̍ laa̍ di̍i̍ nɛ̀ Nyi̍ɔ̍-a Jǔ-a juola-a mu̍ dě ja̍u̍n wlì wlǔh-i. Nɛ̀ kmɔ̌ nyi̍ɔ̍ kli̍hgbɛ̍-a mu̍ sùàɛ̀n pa̍. Nɛ̀ u̍h-a mu̍ Nyi̍ɔ̍-a Jǔ jě ɔ̍ iě dě nǐgbanᵻ kɛ̍n naɛ dě ja̍u̍n wlì dǒ gbǐh ke tìh-a i̍ bɛ̌-ɛ ɛ̀ ku̍-a wɔ̍n-ɛ we̍.

Pɔ̀n Chɛ̀ Maɛ To-a La 13:25

Nɛ̀ chǔhtlɛ̀n-a mu̍ dě ja̍u̍n wlì blu̍. Nɛ̀ gbǐh nɛ-a dě ja̍u̍n wlì-ɛ, i̍h-a mu̍ tèla̍ wlǔh.

Pɔ̀n Chɛ̀ Luu To-a La 21:11

Wlù poɔ ɛ̀ ku̍-a wɔ̍n-ɛ ke, mɔ̌ ke wɛ̌ᵻá mu̍ tà kli̍hgbɛ̍ gbǎ, wɛ̀ slènai dɛ̍ᵻ ke wɔ̍n ku̍ jbaɛdih iě dě ja̍u̍n wlì sɔ.

Pɔ̀n Chɛ̀ Luu To-a La 21:25

“Nɛ̀ jlǔh ke chǔh ke chǔhtlɛ̀n-a mu̍ jbaɛdih po̍, wɛ̀ tìh jě-ɛ iě bloa̍ kli̍hgbɛ̍ kɛ̍n i̍ nɛ nɔ̌ kmɔ̌ la̍ we̍. Nɛ̀ nyɔ̍ kli̍hgbɛ̍-a mu̍ jbǒ-a klu̍-ɛ ke ɛ̍ dǒ po̍ wlu̍ jǔ ple̍.

Chɔɔn 3:29

Nynɔ̌ delee kɔn dǒ ɔ̍ kɔan ɔ̍ ji̍-ia jla̍-a we̍. Nɛ̀ pò kɔan delee ba̍ nyna doǒ i̍ wɛ̀ ɔ̍ iě kɔan-a wlu̍ wɔ̌n-ɛ, nɛ̀ ɛ̍ po̍ ɔ̍ mɔna̍-a kaa̍. Ɛ̍ bo ɛ̀ po̍ m ke, ǎn nmɔ-ɛ wɛ̀ kwlǎ wɛ̀ kaka.

Nu̍-dɛ̍ᵻ 2:19

Nɛ̀ ǎn mu̍ jbaɛdih po̍ nɔ̌ ja̍i̍wlɔ̀ nɔ̌ dlǔwèàì, wɛ̀ iě nyɔ̍ wɔ̍n flɔn-ɛ dɛ̍ᵻ nu̍ dě bloɔ̍ dě sɔ̀n. Nɛ̀ kǎ nymɔ̍ ke, nɛ̍ ke, daluh ku̍u̍ku̍-a mu̍ nɛ-ɛ nu̍ ke.

Wloma 13:14

Jɛ Joi Jusu Klai bo ɔ̀ iě jliɛ̍ nu̍ mɔ̀ iě-e pa̍, nɛ̀ mɔ̀ bɔ̌ mɔ̀-a gblɛ̍n sɔ̀ɛ̀n nu̍ ku̍-a wlùh-a i̍ pɔ̀n-ɔ dɛ̍ᵻ nu̍-ɛ dɛ.

Wloma 3:22

Nyɔsoa-a slè-e nyɔ̍ i̍ slɛ̌-nyɔ̍ dě nyɔ̍-a Jusu Klai wlùh gbaɛ di̍i̍. Ɔ̍ nu̍ ɛ̍-ɛ dǒ nyɔ̍ kli̍hgbɛ̍ ùh blě-a wlùh gbaɛ-ɛ we̍, ɔ̍-ɔ chlɛ̌-e nyɔ̍ i̍.

2 Kɔwlɛntiɔn 11:2

Ǎn nu̍ mɔ̀-a wlɛ̀n ka Nyɔsoa-a nu̍-aɛ. Mɔ̀ wɔ̀ nynɔ̌gbaɔ ɔ̀ se̍-a dɛ̍ i̍ juo-ɛ. Ɔ̍ kɔn wlu̍ bo ǐn po̍ tɔ̀ma̍a̍ ɔ̍ iě jɔ̍gbau due gbài̍ blǐ tǐn, ɔ̀ nu̍-a Klai-ɛ.

Kelesea 3:27

Mɔ̀ɔ̍ ùh poe-a nǐ dlǔ dě Klai ja̍a̍-ɛ, nɛ̀ mɔ̀ pa̍ Klai-i wɛ̀.

Kelesea 4:26

Jɛ Juluslɛn jɛ nɛ-a dě à dlǔwèàì-ɛ, ɛ̍ se̍-e kèìe̍e̍ nɛ, iě ɛ̍ nu̍ à de̍.

Kelesea 6:14

Jɛ mɔ̍ɔ-ɛ, à Joi Jusu Klai-a dǒ gbàɛ̍ kɛ̍n i̍ tu̍ wlì mɛ̌ɛ tìh nɛ due bo ǎn mu̍ blɔ̌. Ɔ̍ tìh bo kmɔ̌ we̍ dɛ̍ᵻ mɛ̌ dǒ ǐn we̍, wɛ̀ ǐn mɛ̌ ke dǒ i̍h we̍.

Ɛfɛsɔ 5:32

Sìle dɛ̍ klaa la ɛ̀ wlǔh-a tà dě Nyɔsoa-a wlu̍ la di̍i̍-ɛ, Klai ke chɔchi̍h bo ǎn dǎ.

Wlɛfeleseɔn 1:20

Dɛ̍ᵻ ìh sìle-a ìh nu̍-a chǔhtlɛ̀n mɛ̀sɔɔ̌n ìn jě-a dě ǎn di̍na̍ kwa̍a̍-ɛ ke chlǎn nape̍ᵻá kɛ̍n tè dɛ̍ᵻ mɛ̀sɔɔ̌n laa̍ ìh nui-a kòo̍-ɛ, i̍h-a gbɔ̀ la. Chǔhtlɛ̀n mɛ̀sɔɔ̌n laa̍ bo ìh nu̍ Nyɔsoa-a ǐnchɔ̀ dǒ chɔchi̍h nyɔ̍ nɛ-a wlɔ̀ᵻ mɛ̀sɔɔ̌n di̍i̍-ɛ we̍. Wɛ̀ chlǎn nape̍ᵻá kɛ̍n tè dɛ̍ᵻ mɛ̀sɔɔ̌n nu̍ chɔchi̍h mɛ̀sɔɔ̌n-a chɛ̀.”

Wlɛfeleseɔn 11:19

Wɛ̀ Nyɔsoa-a slaǎ sà gbò nɛ-a dě ja̍i̍wlɔ̀-ɛ pɔ̀ni wɔ̍n, iě ɔ̍ Ku̍o̍ Gblòùn jě-eɛ dě ɛ̍ di̍i̍. Wɛ̀ nǐ-a chlɛ jlǐh, iě slɛ̀-a wlu, tɛ̀n-a plǎn-ɛ i̍, wlù poɔ-a ji̍, iě kwa̍ ku̍ seɔn gbo̍ᵻ wlǎ.

Wlɛfeleseɔn 12:3

Wɛ̀ nyɔ̍ wɔ̍n flɔn-ɛ dɛ̍ dɛɛ wlǔh-i dě ja̍u̍n wlì. Dɔ̍sɛ sàɛ̀n klaa due bo ɛ̀ blě dlǔᵻ mɛ̀sɔɔ̌n ke gbɔ̀nᵻ pùè. Iě ɛ̍ dlǔᵻ nɛ-a mɛ̀sɔɔ̌n-ɛ, i̍h tèè blawɛ̌ᵻ kli̍hgbɛ̍.

Wlɛfeleseɔn 15:1

Wɛ̀ ǐn jě nyɔ̍ wɔ̍n flɔn-ɛ dɛ̍ klaa dɛɛ dě ja̍i̍wlɔ̀. Ɛ̍ nu̍ Nyɔsoa-a ǐnchɔ̀ mɛ̀sɔɔ̌n, iě i̍h blě dlǐ dɛ̍ᵻ mɛ̀sɔɔ̌n-a bɔ̌ɛ-o naɛ i̍h-a ja, dɛ̍nu̍ɛ, i̍h bo ìh sà Nyɔsoa jlu̍h wɔ̍n.

Wlɛfeleseɔn 21:14

Saǎn-a chɛ̀ ɛ̍ blě sɔɔ̌ gbo̍ bu̍hᵻá pùè jɔ̌ sɔɔ̌n. Wɛ̀ Blawɛ̌ Jǔ-a gba̍tòà-a pùè jɔ̌ sɔɔ̌n-a nynɛ̌ chlǐh-ɛ due due dǒ i̍h pùn.

Wlɛfeleseɔn 21:23

Wlɔ̀-a chɛ̀ se̍ jlǔh àe̍e̍ chǔh-a fa̍n-a i̍ pɔ̀n, dɛ̍nu̍ɛ, Nyɔsoa-a tìh-a i̍ bɛ̌-ɛ bo ɛ̀ nu̍ ɛ̍ sɔ̀npli, wɛ̀ Blawɛ̌ Jǔ nu̍ ɛ̍ chlǎn nape̍.