Wlɛfeleseɔn 11:9 - Ku̍o̍ Delee 1999

⁹ Nyɔ̍ ùh sɔ-a bloa̍ ke chɛ̌tu ke dakɔ̍ kli̍hgbɛ̍ kɛ̍n i̍-ɛ, u̍h-a mu̍ u̍h-a kǔᵻ i̍ jě dǒ wǐh ta̍a̍n gbɔ̀ tile di̍i̍. U̍h se̍ wɔ̌n mu̍ nyɔ̍ iě u̍h i̍ nma̍le.

Wlɛfeleseɔn 11:9 Iomraidhean Croise

Matio 7:2

Dɛ̍nu̍ɛ, ka mɔ̀ nu̍-a nyɔ̍ duuh tìh pùn tù-ɛɛ, kǎ Nyɔsoa-a mu̍ mɔ̀ tìh pùn tù-ɛ nu̍ ke. Dbee dɛ̍ mɔ̀ nyǐ-a nyɔ̍ duuh-ɛ, dbee dɛ̍ laa̍ bo Nyɔsoa-a mu̍ mɔ̀ nyǐ ke.

Wlɛfeleseɔn 10:11

Wɛ̀ nyɔ̍ la̍a̍ dě ǐn we̍, “Ìn kɔn iě Nyɔsoa-a tu̍owli ìh kɔ̍-a dǒ bloa̍ dɔu ke, dakɔ̍ pàɔ̀n ke blǔh baaᵻ pùn i̍-ɛ po̍ dɛ.”

Wlɛfeleseɔn 11:11

Wǐh ta̍a̍n gbɔ̀ tile laa̍ i̍h sì-aɛ, wɛ̀ nyɔ̍ kmɔ̌ i̍ tè-e feɛ sɔ dě Nyɔsoa we̍ ɛ̍ gbǎ dě u̍h ku̍u̍, iě u̍h nyna i̍. Nyɔ̍ kli̍hgbɛ̍ ùh jě-a u̍h-ɛ, ɛ̍ po̍ u̍h faɔn kaa̍.

Wlɛfeleseɔn 13:7

Ɛ̍ sà-ɛ wlu̍ kɛ̍n dɛ ke ɛ̍ iě Nyɔsoa-a nyɔ̍ we̍ fɔ̀n wɛ̀ ɛ̍ iě u̍h du̍. Wɛ̀ ɛ̍ nyǐ-ɛ tùn ɛ̍ iě chɛ̌tu ke, dakɔ̍ ke bloa̍ kli̍hgbɛ̍ wlu̍ i̍ kɔn.

Wlɛfeleseɔn 17:15

Wɛ̀ ǐnchɔ̀ la̍a̍ dě ǐn we̍, “Nǐᵻ klaaᵻ ìn jě-a, ìh kɔn wɔ̍i̍n kàìà nynɔ̌ tè-a i̍-ɛ, bloa̍ ke, nyɔ̍ tlùgbei̍ ke dakɔ̍ pàɔ̀n bo.

Wlɛfeleseɔn 5:8

Ɔ̍ wɔ̀-a chlǐh-dɛ̍-a gbo̍lo̍ laa̍ dǔ-ɛ, iě kmɔ̌ nɛ dɛ̍ᵻ nyìɛ̍ ke nyɔ̍ klaaᵻá kwela sɔɔ̌n jɔ̌ nyìɛ̍ laa̍ kèàɛ i̍ dǒ Blawɛ̌ Jǔ-a chɛ̀ jǔ. Jɔ-ɛ nɛ̀ ɔ̍ blě kain kwa̍, iě u̍h blě kòo̍ boo̍ᵻ kwa̍ i̍ ìh fɔ̍n-ɔ nɔ̌-dɛ̍ᵻ jǐ-a dě di̍i̍-ɛ. Nɔ̌-dɛ̍ᵻ laa̍ bo ìh nu̍ Nyɔsoa nyɔ̍-a ba̍le wlu̍.

Wlɛfeleseɔn 5:9

Wɛ̀ u̍h ble̍ duǐh delee, u̍h la̍a̍, “Ìn nɛ ɛ̍ ka̍ ìè chlǐh-dɛ̍-a gbo̍lo̍ laa̍ dǔ, wɛ̀ ìè ɛ̍ slu̍ wa̍ ìè ɛ̍ wɔ̍i̍n pɔ̀ni. Dɛ̍nu̍ɛ, ìn dbǎ-ɛɛ wɛ̀ àn nymɔ̍ tɛ̀n nyɔ̍ ùh sɔ-a chɛ̌tu ke, bloa̍ ke dakɔ̍ kli̍hgbɛ̍ kɛ̍n i̍-ɛ, u̍h iě Nyɔsoa-a nyɔ̍ nu̍.