Wlɛfeleseɔn 11:8 - Ku̍o̍ Delee 1999

⁸ Wɛ̀ u̍h-a kǔᵻ iě gbaɛ̍we̍ i̍ pɛ̌n-ɛ dǒ tùgbàwlɔ̀ di̍i̍, tà u̍h-a Joi kɔ̍-ɛa dǒ gbàɛ̍ kɛ̍n i̍ tu̍ wlì-ɛ. Tùgbàwlɔ̀-a chɛ̀ ɛ̍ i̍ blaɛ nynɛ̌ nu̍ Sɔdɔm wlɔ̀ ke Iche bloa̍.

Wlɛfeleseɔn 11:8 Iomraidhean Croise

Matio 10:15

Ǎn sèàɛ̍ mɔ̀ wlùh, ti̍ ɛ̍ mu̍-a sàwi̍h sì ti̍ nu̍-ɛ, Nyɔsoa-a mu̍ Sɔdɔm ke Kɔmowla wlɔ̀ᵻ wɔɛ jě ɛ̍ iě wlɔ̀ laa̍ sìì.”

Nu̍-dɛ̍ᵻ 9:4

Iě ɔ̍ kà i̍ dǒ bloɔ̍. Dǒ ɔ̍ wɔ̌n-ɛ wlu̍ ɛ̍ la̍a̍ dě ɔ̍ we̍, “Sɔɔ, Sɔɔ, dɛ̍ kɔn mɔ̍ àn jě-e klě ɛ?”

Iblu 13:12

Ɛ̍ kɔn Jusu mɛ̌-ɛ dǒ wlɔ̀ sɔ̀n dě wìè-i, wɛ̀ ɔ̍ chɛ̀-a nymɔ̍ iě nyɔ̍ɔ nɛi̍ wɛ̀.

Iblu 6:6

Wɛ̀ u̍h sɔ dǒ ɔ̍ wìè kɛ̍n, nɛ̀ nyɔ̍ se̍ ɛ̍ nu̍-ɛ bɛ̌ɛ dɛ u̍h iě i̍ bǐi. Dɛ̍nu̍ɛ, ɛ̍ wɔ̀ ka u̍h kɔ̍ Nyɔsoa-a Jǔ dǒ gbaɛ kɛ̍n i̍ tu̍ wlì dode̍ dǒ u̍h-a chɛ̀-a sɔ̍nᵻ we̍, iě u̍h po̍ ɔ̍ nynɛ̌ ja̍a̍i̍ dǒ wlɔ̀gbàɛ̀.

2 Pitɛ 2:6

Nyɔsoa sà Sɔdɔm ke Kɔmowla wlɔ̀ᵻ kɛ̀n, iě ɔ̍ gbɔ̀lɔ i̍h dǒ nɛ̍ we̍. I̍h bo ìh nu̍ juola dǒ nyɔ̍ ùh se̍-a Nyɔsoa dɛ-ɛ nɛ-ɛ we̍.

Judi 1:7

Ɛ̀ kɔn ba̍ Sɔdɔm ke Kɔmowla ke wlɔ̀ᵻ gbàɛ̀ nɛ-a i̍h de̍e̍ i̍ ìh nu̍-a se̍i̍kɔɛn ke tba̍ɛ kɛ̍n i̍, wɛ̀ i̍h gbɛ̍n-ɛa kàn dě kàn nɛ̍ ɛ̀ se̍-a siee la̍ kɔn-ɛ di̍i̍-ɛ, wɛ̀ ɛ̍ iě nyɔ̍ kli̍hgbɛ̍ slɛ̌n tù.

Wlɛfeleseɔn 11:13

Dǒ ti̍-a taǐn laa̍ di̍i̍-ɛ, wɛ̀ wlù poɔ klaa ji̍. Iě tùgbàwlɔ̀ laa̍ ɛ̍ fɔ̌ᵻ pùè ɛ̍ blě-aɛ, wɛ̀ i̍h-a fɔ̌ due wlǎ. Wɛ̀ nyɔ̍-a wlǔ mɛ̀sɔɔ̌n (7,000) mɛ̌ dǒ wlù poɔ laa̍ we̍. Nyɔ̍ juh tàn-oɛ, u̍h gbǎ faɔn kaa̍ iě u̍h bɛ̌-ɛ Nyɔsoa-a nynɛ̌ i̍ ɔ̀ nɛ-a dě ja̍i̍wlɔ̀-ɛ.

Wlɛfeleseɔn 11:9

Nyɔ̍ ùh sɔ-a bloa̍ ke chɛ̌tu ke dakɔ̍ kli̍hgbɛ̍ kɛ̍n i̍-ɛ, u̍h-a mu̍ u̍h-a kǔᵻ i̍ jě dǒ wǐh ta̍a̍n gbɔ̀ tile di̍i̍. U̍h se̍ wɔ̌n mu̍ nyɔ̍ iě u̍h i̍ nma̍le.

Wlɛfeleseɔn 14:20

Wɛ̀ tlo-dɛ̍ᵻ na-ɛ kɛ̍n i̍ dě biě laa̍ di̍i̍ dǒ wlɔ̀ gbɔ̀. Nymɔ̍ bo ɛ̀ sɔ dě ɛ̍ di̍i̍ ka jǐ-nǐ-ɛ. Nymɔ̍-a chɛ̀ ɛ̍ gbààngbaǎn nu̍ gbɛna-a wlǔ-a kmɛ due kwela mɛ̀sɔɔ̌n jɔ̌ mɛ̀o̍ (176,000). Wɛ̀ ɛ̍ di̍i̍ tɛn-ɛ nu̍ gbɛna due.

Wlɛfeleseɔn 14:8

Wɛ̀ ǐnchɔ̀ dɛɛ ɛ̀ po̍-a sɔɔ̌n-ɛ, ɛ̍ tba̍ dǒ sàì naɛ de̍e̍. Iě ɛ̍ la̍a̍, “Babeloun wlɔ̀ wa̍ wɛ̀. Ɛ̀ ku̍-a wɔ̍n de-ɛ, ɛ̍ wa̍ wɛ̀. Ɛ̍ nu̍ ɛ̍ iě bloa̍ kli̍hgbɛ̍ nu̍ gbǎn ka nyɔ̍ sìèè nyɔ̍-a chɛ̀ wɔ̍n kma nmɔ̍ wlì-ɛ.”

Wlɛfeleseɔn 16:19

Wɛ̀ Babeloun ɛ̀ nu̍-a tùgbàwlɔ̀-ɛ, iě ɛ̍ sà fɔ̌ᵻ ta̍a̍n, iě bloa̍ kli̍hgbɛ̍-a wlɔ̀ᵻ gbàɛ̀ wlǎ. Babeloun wlɔ̀ ɛ̀ ku̍-a wɔ̍n-ɛ, ɛ̍ tìh sǐ dǒ Nyɔsoa wlì i̍ iě ɔ̍ nu̍ ɛ̍ wɛ̀ ɛ̍ nǎ-ɛ ɔ̍ nmɔ̍ kàu̍n ɛ̀ jǐ-a ɔ̍ jlu̍h di̍i̍-ɛ.

Wlɛfeleseɔn 17:1

Wɛ̀ Nyɔsoa-a ǐnchɔ̀ mɛ̀sɔɔ̌n ìh blě-a boo̍ᵻ mɛ̀sɔɔ̌n kwa̍-ɛ i̍h-a due ji̍ nɔ̌ ǐn we̍. Ɛ̍ la̍a̍, “Ji̍, ka kàìà nynɔ̌ klaa-a mu̍-a kàn gbɛ̍n-ɛ nu̍-ɛ iě ɛ̍ ìn toe. Ɔ̍ nu̍ tùgbàwlɔ̀ klaa ɛ̀ po̍-ea dǒ nǐᵻ klaaᵻ wɔ̍i̍n-ɛ.

Wlɛfeleseɔn 17:18

“Nynɔ̌ ìn jě-aɛ, tùgbàwlɔ̀ klaa ɛ̀ blě-a blǔh baaᵻ nɛ-a nɔ̌ kmɔ̌-ɛ u̍h-a wlu̍ kwa̍-ɛ bo.”

Wlɛfeleseɔn 17:5

Iě nynɛ̌ ɛ̀ kɔn gbɔ̀ sìle-aɛ ɛ̍ chlǐh-ɛ dǒ ɔ̍ jua̍i̍. Ɛ̍ la̍a̍, “Wɔ̍n ku̍ Babeloun wlɔ̀, mɔ̀ bo ɔ̀ nu̍ kàìà nynɔ̌gbaɔᵻ kli̍hgbɛ̍ de̍, ɛ̍ ke kmɔ̌-a sììjii̍ ke.”

Wlɛfeleseɔn 18:10

U̍h-a mu̍ nya̍ nyna-ɛ, dɛ̍nu̍ɛ, u̍h se̍ pɔ̀n u̍h iě jua̍i̍ sàɛ̀ ke. Wɛ̀ u̍h iě ka dǎ, “Chlě dǒ ìn we̍ Babeloun wlɔ̀. Mɔ̀ ɔ̀ nu̍-a tùgbàwlɔ̀ ɔ̀ ku̍-a wɔ̍n iě ɔ̀ kɔn-a gbǐh-ɛ, mɔ̀ bo gba̍i̍gba̍ se̍ gba̍i̍ bla̍ sǔh wɛ̀ ɔ̀ gbɛ̍n-ɛ kàn ae?”

Wlɛfeleseɔn 18:18

Nɛ̀ pò u̍h jě ɔ̍ si̍n-i nɛ̍-a daluh-ɛ, wɛ̀ u̍h iě we̍le. Nɛ̀ u̍h-a mu̍ ka dǎ, “Tùgbàwlɔ̀ dɛɛ se̍ nɛ ɔ̍ ke tùgbàwlɔ̀ la ɔ̀ ku̍-a wɔ̍n-ɛ iě wɔ̀ɛ.”

Wlɛfeleseɔn 18:2

Wɛ̀ ɛ̍ we̍le, ɛ̍ la̍a̍, “Babeloun wlɔ̀ wa̍ wɛ̀. Ɔ̀ ku̍-a wɔ̍n de-ɛ, ɔ̍ wa̍ wɛ̀. Dǒ ɔ̍ di̍i̍ nu̍ jeědih-a tǐn la̍-a wɛ̀. Ɛ̍ nu̍ kà kɔn jeědih ke na̍wɛ̍ᵻ ìh nyɔ̍gbei faɛn-aɛ, i̍h-a tǐn la̍-a wɛ̀.

Wlɛfeleseɔn 18:21

Wɛ̀ kmu-u ǐnchɔ̀ dǔ sɔɔ̌ ɛ̀ ke dui-sɔɔ̌ klaa beɛ̍ɛ-aɛ, iě ɛ̍ po̍ ɛ̍ jbǒ kɛ̍n. Wɛ̀ ɛ̍ la̍a̍, “Kǎ Babeloun ɛ̀ nu̍-a tùgbàwlɔ̀ klaa-ɛ, ɔ̍ kloǒ-a mu̍ wa̍-a nu̍. Nɛ̀ ɔ̍ se̍ jě-ɛ mu̍ dɛ kleǐnklein.

Wlɛfeleseɔn 18:24

Dǒ ɔ̍ di̍i̍ bo Nyɔsoa-a nyɔ̍ ke ɔ̍ tu̍owli po̍ nyɔ̍-a nymɔ̍ wlǎ-ɛ i̍, ɛ̍ ke nyɔ̍ kli̍hgbɛ̍ ùh dbǎ-ɛa da̍a kmɔ̌ we̍-ɛ ke.