Wlɛfeleseɔn 11:3 - Ku̍o̍ Delee 1999

³ Ǎn mu̍ ǎn sàànsi̍i̍h sɔɔ̌n ùh pa̍-a sùàɛ̀n pa̍ jlii̍-ɛ gbǐh nyǐ, wɛ̀ u̍h iě Nyɔsoa-a tu̍owli po̍ dǒ wǐh-a wlǔ due kmɛ sɔɔ̌n kwela mɛ̀o̍ (1,260) laa̍ di̍i̍.”

Wlɛfeleseɔn 11:3 Iomraidhean Croise

Matio 11:21

Ɔ̍ la̍a̍, “Kɔwlasiin wlɔ̀, chlě dǒ ìn we̍. Bɛseida wlɔ̀, chlě dǒ ìn we̍ ke. Dɛ̍nu̍ɛ, jbaɛdih ìh dǔ-a poe-ɛ mɔ̀ di̍i̍ i̍-ɛ, pò i̍h poe-ɛ dě Taiɛ ke Saidɔn wlɔ̀ᵻ di̍i̍ de-ɛ, nɛ̀ nyɔ̍ nɛ-a dǒ i̍h di̍i̍-ɛ, u̍h-a mu̍ dlǐh jlii̍ pa̍ u̍h iě bii dlǔ po̍ de tɛin, wɛ̀ ɛ̍ iě ɛ̍ to ka u̍h bǐi-a i̍-ɛ.

Matio 18:16

Jɛ pò ɔ̍ se̍ àn wlu̍ i̍ wɔ̌n-ɛ, nɛ̀ ìn po̍ àn chɛ̀ nyɔ̍ due ke sɔɔ̌n duuh kɛ̍n mɔ̀ iě dě ɔ̍ we̍ mu̍. Wɛ̀ dɛ̍ kli̍hgbɛ̍ mɔ̀-a mu̍-a bla̍-ɛ, ɛ̍ iě sàànsi̍i̍h sɔɔ̌n ke ta̍a̍n blě.

Pɔ̀n Chɛ̀ Luu To-a La 10:13

“Kɔwlasiin wlɔ̀, chlě dǒ ìn we̍. Bɛseida wlɔ̀, chlě dǒ ìn we̍ ke. Dɛ̍nu̍ɛ, jbaɛdih ìh dǔ-a poe-ɛ dě mɔ̀ di̍i̍ i̍-ɛ, pò i̍h poe-ɛ dě Taiɛ ke Saidɔn wlɔ̀ᵻ di̍i̍ de-ɛ, nɛ̀ nyɔ̍ nɛ-a dě i̍h di̍i̍-ɛ, u̍h-a mu̍ dlǐh jlii̍ pa̍ u̍h iě bii dlǔ po̍ de tɛin, wɛ̀ ɛ̍ iě ɛ̍ to ka u̍h bǐi-a i̍-ɛ.

Pɔ̀n Chɛ̀ Luu To-a La 24:48

Mɔ̀ nu̍ sàànsi̍i̍h dǒ i̍h we̍.

Chɔɔn 15:27

Nɛ̀ mɔ̀-a mu̍ ǎn sàànsi̍i̍h nu̍ ke, dɛ̍nu̍ɛ, mɔ̀ ke ǐn ke à sà na-a dě bloɔ̍ i̍.

Chɔɔn 3:27

Chɔɔn la̍a̍, “Nyɔsoa-a se̍ nyɔ̍ dɛ̍ nyǐ wɛ̀ ɔ̍-ɔ blě ɛ̍.

Nu̍-dɛ̍ᵻ 1:8

Jɛ ti̍ Nyɔsoa-a Sùù-a mu̍-a mɔ̀ kɛ̍n gbǎ-ɛ, nɛ̀ mɔ̀-a mu̍ gbǐh blě, wɛ̀ mɔ̀ iě ǎn sàànsi̍i̍h nu̍ dǒ Juluslɛn, ɛ̍ ke Judia ke Sɛmewlea bloa̍ kli̍hgbɛ̍ kɛ̍n i̍. Ɛ̍ ke dě bloa̍-a siee la̍ ke.”

Nu̍-dɛ̍ᵻ 13:31

Iě nyɔ̍ ùh ke ɔ̍ sà-a na-a dě Kaladii fɔɔ wɛ̀ u̍h nyni̍-a dǒ Juluslɛn-ɛ, iě ɔ̍ wlǔh-i u̍h i̍ dǒ wǐh dɔu di̍i̍. U̍h bo ùh nu̍-a ka ɔ̍ sàànsi̍i̍h dě Eslɔɛ nyɔ̍ we̍.

Nu̍-dɛ̍ᵻ 2:32

Jusu-a taǐn laa̍ bo Nyɔsoa sà-e, wɛ̀ à kli̍hgbɛ̍ à nu̍ sàànsi̍i̍h dǒ ɛ̍ we̍.

Nu̍-dɛ̍ᵻ 3:15

Mɔ̀ɔ̍ bo ùh dbǎ ɔ̀ nɛ-ɛa nyɔ̍ kmɔ̌-ɛ. Jɛ Nyɔsoa sà ɔ̍-e. Àɔ̀ bo à nu̍ ɛ̍ sàànsi̍i̍h.

1 Kɔwlɛntiɔn 12:28

Nyɔsoa tba̍ Klai-a gba̍tòà chèɛ̀ dě chɔchi̍h, iě ɔ̍ tba̍ ɔ̍ tu̍owli po̍ nyɔ̍ chèɛ̀. Wɛ̀ ɔ̍ tba̍ nǎ po̍ nyɔ̍ chèɛ̀, iě ɔ̍ tba̍ jbaɛdih po̍ nyɔ̍ chèɛ̀. Wɛ̀ ɔ̍ tba̍ nyɔ̍ pǔh-i nyɔ̍ ke, nyɔ̍ we̍ gbǎ nyɔ̍ ke, dɛ̍ᵻ we̍ i̍ gbɛ̀n nyɔ̍ ke, wlu̍ diih po̍ nyɔ̍ chèɛ̀.

2 Kɔwlɛntiɔn 13:1

Dě mɔ̀ we̍ i̍ nala ji̍-ɛ gbɔ̍ᵻ ta̍a̍n naɛ bo ǎn ji̍-a nu̍ la̍. Nyɔsoa-a wlu̍ la̍a̍, “Sɔ̀nwli kli̍hgbɛ̍ i̍h kɔn i̍h iě sàànsi̍i̍h sɔɔ̌n àe̍e̍ ta̍a̍n blě, wɛ̀ i̍h iě we̍i̍ flɔn.”

Ɛfɛsɔ 4:11

Ɔ̍-ɔ bo ɔ̀ nyǐ nyɔ̍ɔ nyǐ-dɛ̍ᵻ. U̍h-a nyɔ̍ duuh nu̍ ɔ̍ gba̍tòà, iě duuh nu̍ tu̍owli po̍ nyɔ̍, wɛ̀ duuh nu̍ pɔ̀n chɛ̀ nya̍ naɛ nyɔ̍, iě duuh nu̍ pǎslɔ̀ ke nǎ po̍ nyɔ̍.

Wlɛfeleseɔn 1:5

Ɛ̍ sɔ dě sàànsi̍i̍h Jusu Klai ɔ̀-ɔ gblìh-a wlu̍ kɛ̍n-ɛ we̍ ke. Ɔ̍ bo ɔ̀ nu̍ sàǐtòò Jǔ ɔ̀ wlǔh-e, iě ɔ̍ blě blǔh baaᵻ nɛ-a nɔ̌ kmɔ̌ we̍-ɛ u̍h-a wlu̍ kwa̍. Jusu Klai jbɛɛ àɔ̀ iě ɔ̍ sèìe àɔ̀ dě à gblɛ̍n sɔ̀ɛ̀n di̍i̍ dǒ ɔ̍ nymɔ̍ we̍.

Wlɛfeleseɔn 11:2

Jɛ bɔ̌ slaǎ sà gbò-a gbaɛ̍we̍ nɛ-a nɔ̌ sɔ̀n ka-a dbee-ɛ. Tǎli ɛ̍ i̍, dɛ̍nu̍ɛ, ɛ̍ sà-ɛ kwlǎ wɛ̀ dě nyɔ̍ ùh se̍-a ǐn juo-ɛ we̍. U̍h-a mu̍ tùgbàwlɔ̀ ɛ̀ kɔn-a dǒ Nyɔsoa we̍-ɛ kɛ̍n i̍ na dǒ chǔhᵻá kwela nyìɛ̍ jɔ̌ sɔɔ̌n (42) di̍i̍.

Wlɛfeleseɔn 11:6

U̍h blě gbǐh u̍h iě nǐ gbɛ̍n, wɛ̀ ɛ̍-ɛ je̍e dba̍ dě u̍h-a Nyɔsoa-a tu̍owli po̍ nɔɔ di̍i̍. U̍h blě gbǐh ke u̍h iě ɛ̍ nu̍ nǐ iě nymɔ̍ sàɛ̀. U̍h ja pɔ̀n u̍h iě bloa̍ dlǐ dɛ̍ᵻ kaɛn kaɛn kli̍hgbɛ̍ pùn nu̍ chɛ̍chɛ̍-ɛ, u̍h blě gbǐh u̍h iě ɛ̍ nu̍.

Wlɛfeleseɔn 12:6

Wɛ̀ nynɔ̌ gbǎ kwlǎ ɔ̍ mu̍ dě kwlǎslò we̍ tà Nyɔsoa po̍-a gba̍a̍ dǒ ɔ̍ we̍-ɛ. Dǒ ɔ̍ mu̍ we̍ i̍ gbɛ̀n-ɛ dǒ wǐh-a wlǔ due kmɛ sɔɔ̌n kwela mɛ̀o̍ (1,260) di̍i̍.

Wlɛfeleseɔn 13:5

Wɛ̀ nmi̍ɛ̍ laa̍ ɛ̍ sà-ɛ wlu̍ kɛ̍n ɛ̍ iě blɔ̌, ɛ̍ iě Nyɔsoa wɔ̍n blaɛ. Wɛ̀ ɛ̍ sà-ɛ wlu̍ kɛ̍n ɛ̍ iě ɛ̍ chɛ̀-a wlùh nu̍ dǒ chǔhᵻá kwela nyìɛ̍ jɔ̌ sɔɔ̌n (42) di̍i̍.

Wlɛfeleseɔn 19:10

Wɛ̀ ǐn kà i̍ dǒ ɛ̍ bu̍hᵻ kɛ̍n iě ɛ̍ wɛɛ sà. Jɛ ɛ̍ la̍a̍ dě ǐn we̍, “Bɔ̌ laǎn nu̍-ɛ. Mɔ̍ pòi̍ju ke ka ìn ke ìn de̍di̍i̍ᵻ nu̍-a pòi̍nynuu̍ iě mɔ̀ nu̍-a sàànsi̍i̍h dǒ dɛ̍ Jusu sà-a we̍-ɛɛ, kǎ ǐn nɛ ke. Nyɔsoa bo ìè wɛɛ sà.” Dɛ̍nu̍ɛ, Jusu we̍ tìh i̍ sà-a bo ɛ̀ nu̍ Nyɔsoa-a tu̍owli po̍-ɛ.

Wlɛfeleseɔn 20:4

Wɛ̀ ǐn jě nynɛ̌ gbalǎᵻ, nɛ̀ nyɔ̍ ùh tè-a dǒ i̍h kɛ̍n i̍-ɛ, u̍h tùi-ɛ tùn kwa̍a̍ wɛ̀ u̍h iě taɔ nu̍. Nyɔ̍ ùh chɛ̍n-ɛa dlǔ i̍ u̍h-a Jusu-a tìh bla̍ tìh ke Nyɔsoa-a wlu̍ gba̍ tìh-ɛ, u̍h-a sùù bo. U̍h se̍ nmi̍ɛ̍ ke ɛ̍ mɛ̍-dɛ̍ wɛɛ sà, iě u̍h se̍ ɛ̍ juola dǒ jua̍i̍ ke u̍h sɔ̍n i̍ tù. U̍h wlǔh-e, iě u̍h ke Klai blě nyɔ̍-a wlu̍ kwa̍ dǒ sɔ̀nᵻá wlǔ due di̍i̍.