Wlɛfeleseɔn 11:2 - Ku̍o̍ Delee 1999

² Jɛ bɔ̌ slaǎ sà gbò-a gbaɛ̍we̍ nɛ-a nɔ̌ sɔ̀n ka-a dbee-ɛ. Tǎli ɛ̍ i̍, dɛ̍nu̍ɛ, ɛ̍ sà-ɛ kwlǎ wɛ̀ dě nyɔ̍ ùh se̍-a ǐn juo-ɛ we̍. U̍h-a mu̍ tùgbàwlɔ̀ ɛ̀ kɔn-a dǒ Nyɔsoa we̍-ɛ kɛ̍n i̍ na dǒ chǔhᵻá kwela nyìɛ̍ jɔ̌ sɔɔ̌n (42) di̍i̍.

Wlɛfeleseɔn 11:2 Iomraidhean Croise

Matio 27:53

U̍h sɔ dě u̍h-a gbàlɔ̍ biěᵻ di̍i̍ i̍. Jusu wlǔh-aeɛ, wɛ̀ u̍h dǔ Juluslɛn mu̍-ɛ, ɛ̀ nu̍-a tùgbàwlɔ̀ kɔn-a dǒ Nyɔsoa we̍-ɛ. Iě nyɔ̍ dɔu jě u̍h.

Matio 4:5

Wɛ̀ Kǔ gba̍ Jusu dě Juluslɛn, ɛ̀ nu̍-a Juu-a tùgbàwlɔ̀ ɛ̀ kɔn-a dǒ Nyɔsoa we̍-ɛ. Wɛ̀ ɛ̍ jǎ-ɛ Jusu dě Nyɔsoa-a slaǎ sà gbò-a tɔ̀u̍n we̍.

Matio 5:13

Jusu la̍a̍, “Mɔ̀ wɔ̀ tɔ̌n dǒ nyɔ̍ kli̍hgbɛ̍ we̍. Jɛ pò tɔ̌n wɛ̀ wɔ̍n-ɛ, nɛ̀ nyɔ̍ se̍ ɛ̍ wɔ̍n nmɔ-ɛ bɛ̌ɛ dɛ. Nɛ̀ ɛ̍ se̍ nu̍-dɛ̍ kɔn dɛ, nɛ̀ nyɔ̍-a mu̍ la̍ ɛ̍ i̍ wlǎ sǔh nyɔ̍gbei iě ɛ̍ kɛ̍n i̍ na.

Pɔ̀n Chɛ̀ Luu To-a La 21:24

U̍h-a duuh-a mu̍ plàn chlɛ̀n i̍ mɛ̌-ɛ, wɛ̀ duuh iě gbɛ̍n-ɛɛ, u̍h iě bloa̍ kli̍hgbɛ̍ kɛ̍n i̍ gba̍-ɛ. Iě ùh se̍-a Juu nyɔ̍-ɛ u̍h iě Juluslɛn wlɔ̀ wlu̍ i̍ kɔn te̍e̍ wɛ̀ u̍h-a ti̍ iě-o i̍ wɛ̀.

Iblu 10:29

Pò nyɔ̍ jaɛ Nyɔsoa-a Jǔ-a tìh jlǐh, wɛ̀ ɔ̍ se̍ nymɔ̍ ɛ̀ to-a ɛ̍ ka Nyɔsoa po̍-a ku̍o̍ iě nymɔ̍-a chɛ̀ dle ɔ̍ i̍ dǒ Nyɔsoa we̍-ɛ, pò ɔ̍ se̍ ɛ̍ dɛ̍ dǎɛ wɛ̀ ɔ̍ iě blɛ nɛ Sùù chlèe-ɛ, nɛ̀ ka ɔ̍ naɛ kàn gbɛ̍n-ɛa mu̍-a wɔ̍n ku̍ ɛ̍ iě-a telě wa̍ nyɔ̍ sìì-ɛ, mɔ̀ se̍ i̍h juo ae?

Wlɛfeleseɔn 11:11

Wǐh ta̍a̍n gbɔ̀ tile laa̍ i̍h sì-aɛ, wɛ̀ nyɔ̍ kmɔ̌ i̍ tè-e feɛ sɔ dě Nyɔsoa we̍ ɛ̍ gbǎ dě u̍h ku̍u̍, iě u̍h nyna i̍. Nyɔ̍ kli̍hgbɛ̍ ùh jě-a u̍h-ɛ, ɛ̍ po̍ u̍h faɔn kaa̍.

Wlɛfeleseɔn 11:3

Ǎn mu̍ ǎn sàànsi̍i̍h sɔɔ̌n ùh pa̍-a sùàɛ̀n pa̍ jlii̍-ɛ gbǐh nyǐ, wɛ̀ u̍h iě Nyɔsoa-a tu̍owli po̍ dǒ wǐh-a wlǔ due kmɛ sɔɔ̌n kwela mɛ̀o̍ (1,260) laa̍ di̍i̍.”

Wlɛfeleseɔn 12:6

Wɛ̀ nynɔ̌ gbǎ kwlǎ ɔ̍ mu̍ dě kwlǎslò we̍ tà Nyɔsoa po̍-a gba̍a̍ dǒ ɔ̍ we̍-ɛ. Dǒ ɔ̍ mu̍ we̍ i̍ gbɛ̀n-ɛ dǒ wǐh-a wlǔ due kmɛ sɔɔ̌n kwela mɛ̀o̍ (1,260) di̍i̍.

Wlɛfeleseɔn 21:10

Nyɔsoa-a Sùù jǐi ǐn i̍ wɛ̀ ǐnchɔ̀ gba̍ ǐn dě tlu̍h tɔ̀ɔ̀n kɛ̍n. Wɛ̀ ɛ̍ toe ǐn Juluslɛn wlɔ̀ ɛ̀ kɔn-a dǒ Nyɔsoa we̍-ɛ. Wlɔ̀-a chɛ̀ ɛ̍ sɔ dě Nyɔsoa we̍ ja̍i̍wlɔ̀.

Wlɛfeleseɔn 21:2

Iě ǐn jě tùgbàwlɔ̀ ɛ̀ kɔn-a dǒ Nyɔsoa we̍ ɛ̀ nu̍-a Juluslɛn wlɔ̀ delee-ɛ. Wlɔ̀ la ɛ̍ sɔ dě ja̍i̍wlɔ̀ dě Nyɔsoa we̍. Ɛ̍ po̍-eɛ gba̍a̍ ka nynɔ̌ delee pɛ̀ɛ̀ ɔ̍ iě jla̍ mu̍-ɛ.

Wlɛfeleseɔn 22:19

Nɛ̀ pò nyɔ̍-o-nyɔ̍ sà dɛ̍ ɛ̀ chlǐh-dɛ̍ la ɛ̍ sà-a ìh-a nɛ-a ke jih-a mu̍-a nɛ dě nya̍-ɛ dɛ̍ kɛ̍n-ɛ, nɛ̀ ɔ̍ se̍ tu̍ ɛ̀ nyǐ-a nyɔ̍ feɛ-ɛ ɛ̍ buǒ di̍ ka̍ nɛ. Nɛ̀ ɔ̍ se̍ dǒ wlɔ̀ ɛ̀ kɔn-a dǒ Nyɔsoa we̍ ɛ̀ kɔn tìh chlǐh-dɛ̍ la ɛ̍ sà-ɛ di̍i̍ i̍ sǐ ka̍ nɛ ke.