Wlɛfeleseɔn 11:19 - Ku̍o̍ Delee 1999

¹⁹ Wɛ̀ Nyɔsoa-a slaǎ sà gbò nɛ-a dě ja̍i̍wlɔ̀-ɛ pɔ̀ni wɔ̍n, iě ɔ̍ Ku̍o̍ Gblòùn jě-eɛ dě ɛ̍ di̍i̍. Wɛ̀ nǐ-a chlɛ jlǐh, iě slɛ̀-a wlu, tɛ̀n-a plǎn-ɛ i̍, wlù poɔ-a ji̍, iě kwa̍ ku̍ seɔn gbo̍ᵻ wlǎ.

Wlɛfeleseɔn 11:19 Iomraidhean Croise

Wlɛfeleseɔn 11:13

Dǒ ti̍-a taǐn laa̍ di̍i̍-ɛ, wɛ̀ wlù poɔ klaa ji̍. Iě tùgbàwlɔ̀ laa̍ ɛ̍ fɔ̌ᵻ pùè ɛ̍ blě-aɛ, wɛ̀ i̍h-a fɔ̌ due wlǎ. Wɛ̀ nyɔ̍-a wlǔ mɛ̀sɔɔ̌n (7,000) mɛ̌ dǒ wlù poɔ laa̍ we̍. Nyɔ̍ juh tàn-oɛ, u̍h gbǎ faɔn kaa̍ iě u̍h bɛ̌-ɛ Nyɔsoa-a nynɛ̌ i̍ ɔ̀ nɛ-a dě ja̍i̍wlɔ̀-ɛ.

Wlɛfeleseɔn 11:15

Wɛ̀ Nyɔsoa-a ǐnchɔ̀-a mɛ̀sɔɔ̌n naɛ bla̍ ɛ̍ dɔ̍gbɛ̍. Iě we̍le wlu̍ klaa sɔ dě ja̍i̍wlɔ̀, ɛ̍ la̍a̍, “Nyɔ̍-a wlu̍ kwa̍ blě-ɛ ɛ̀ nɛ-a nɔ̌ kmɔ̌ we̍-ɛ, ɛ̍ kɔn dǒ à Joi ke ɔ̍ Chèɛ̀ Tba̍ju we̍ wɛ̀. Ɔ̍ mu̍ nyɔ̍-a wlu̍ kwa̍ blě nɔ̌ kmɔ̌-a kmɔ̌.”

Wlɛfeleseɔn 12:1

Wɛ̀ nyɔ̍ wɔ̍n flɔn-ɛ dɛ̍ klaa wlǔh-i dě ja̍u̍n wlì. Nynɔ̌ due nɛ-a deě-ɛ, jlǔh nu̍ ɔ̍ gbà-a jliɛ̍. Wɛ̀ chǔh nu̍ ɔ̍ bu̍hᵻ kɛ̍n i̍ tba̍ dɛ̍. Iě chǔhtlɛ̀n-a pùè jɔ̌ sɔɔ̌n nu̍ blawɛ̌ ɔ̍ tèè.

Wlɛfeleseɔn 16:1

Wɛ̀ ǐn wɔ̌n we̍le wlu̍ ɛ̍ sɔ dě slaǎ sà gbò di̍i̍. Iě ɛ̍ sèàɛ̍ ǐnchɔ̀ mɛ̀sɔɔ̌n laa̍ wlùh, ɛ̍ la̍a̍, “Mɔ̀ mu̍ mɔ̀ iě boo̍ᵻ mɛ̀sɔɔ̌n ìh jǐ-a dǒ Nyɔsoa-a jlu̍h we̍-ɛ chɛ̌li dǒ bloa̍ kɛ̍n.”

Wlɛfeleseɔn 16:18

Iě nǐ-a chlɛ jlǐh, slɛ̀-a wlu, tɛ̀n-a plǎn-ɛ i̍, iě wlù poɔ ɛ̀ ku̍-a wɔ̍n-ɛ ji̍. Nyɔ̍ gbǎ-a nɔ̌ kmɔ̌-ɛ, wlù poɔ la ɛ̍ ba̍-a se̍-a ji̍ sàì. Wlù poɔ-a slènai naɛ bo.

Wlɛfeleseɔn 16:21

Iě seɔn gbo̍ᵻ klaaᵻ ìh ke kɔɔ bɔlɔ-a kwa̍ ku̍-ɛ beɛ̍ɛ-a, wɛ̀ i̍h blu̍ dě ja̍i̍. Wɛ̀ i̍h gbǎ nyɔ̍ɔ kɛ̍n, iě u̍h-a po̍ Nyɔsoa wlu̍we̍i̍ ɔ̍ dlǐ seɔn gbo̍ᵻ dbo̍ tìh. Dɛ̍nu̍ɛ, ɛ̍ nu̍ dlǐ dɛ̍-a kanɛa naɛ.

Wlɛfeleseɔn 19:11

Wɛ̀ ǐn jě ja̍i̍wlɔ̀ ɛ̍ pɔ̀ni wɔ̍n, iě soo̍bli plǔ nɛ deě. Ɔ̀ tè-a dǒ ɛ̍ kɛ̍n i̍-ɛ, ɔ̍ nynɛ̌ nu̍ Wlùh Gbaɛ ke Gblangbai̍ Nyɔ̍. Ɔ̍ nyɔ̍ kɛ̀n sà-a ke ɔ̍ tu̍h fɔ̀n-ɛ slɛ̌ i̍.

Wlɛfeleseɔn 4:1

Ɛ̀ la ɛ̍ wɔ̀-a nɛ-ɛ, ǐn gbɛ̀n-aeɛ, wɛ̀ ǐn jě gbò wɔ̍n dě ja̍i̍wlɔ̀, nɛ̀ ɛ̍ flɔn wɔ̍n ba̍a̍. Wɛ̀ wlu̍ ɛ̀ ke dɔ̍gbɛ̍-a wlu̍ wɔ̀ɛ-a ǐn wɔ̌n-a sàì-ɛ, ɛ̍ la̍a̍ dě ǐn we̍ dɛ, “Ji̍ nɔ̌ ja̍i̍ nɔ̍ɔ̀, wɛ̀ iě ìn dɛ̍ ɛ̀ kɔn ɛ̀ iě-a nɛ dě nya̍-ɛ toe.”

Wlɛfeleseɔn 4:5

Nɛ̀ nǐ-a jlǐh chlɛ-ɛ ke tɛ̀n-ɛ plǎn-a ke slɛ̀-a sɔ dě nynɛ̌ gbalǎ-a chɛ̀ we̍. Nɛ̀ tàùᵻ mɛ̀sɔɔ̌n-a wa̍n-ɛ dǒ nynɛ̌ gbalǎ-a chɛ̀ jǔ. I̍h bo ìh nu̍ sùù mɛ̀sɔɔ̌n ìh-a dbee-a Nyɔsoa jǔ-ɛ.

Wlɛfeleseɔn 7:15

Ɛ̍ kɔn u̍h nɛ dǒ Nyɔsoa-a nynɛ̌ gbalǎ jǔ, wɛ̀ u̍h-a dbee ɔ̍ jǔ wlù ke sɔ̀n dě ɔ̍ slaǎ sà gbò sɔ̀n. Ɔ̀ tè-a i̍ dǒ nynɛ̌ gbalǎ kɛ̍n-ɛ, ɔ̍ mu̍ u̍h we̍ nɛ wɛ̀ ɔ̍ iě u̍h kɛ̍n kaɛn.

Wlɛfeleseɔn 8:5

Wɛ̀ ǐnchɔ̀ laa̍ ɛ̍ dǔ nɔ̌-dɛ̍ᵻá di̍i̍ fɔ̍n-ɛ dɛ̍-ɛ, ɛ̍ jǐi ɛ̍ dǒ nɛ̍ ɛ̀ sɔ-a dǒ gblǒ kɛ̍n-ɛ we̍. Iě ɛ̍ fìle ɛ̍ dǒ bloa̍ kɛ̍n. Wɛ̀ tɛ̀n-a plǎn-ɛ i̍, slɛ̀-a wlu, iě nǐ-a chlɛ jlǐh, wɛ̀ wlù poɔ-a ji̍.

Wlɛfeleseɔn 8:7

Wɛ̀ sàǐtòò ǐnchɔ̀ bla̍ ɛ̍ dɔ̍gbɛ̍, iě seɔn gbo̍ᵻ ke nɛ̍ sìàɛ̍n nymɔ̍-ɔ, wɛ̀ i̍h wlǎ-ɛ bloa̍ kɛ̍n i̍. Wɛ̀ bloa̍-a fɔ̌ᵻ nɛ-a ta̍a̍n-ɛ, i̍h-a due-a tu̍ᵻ ke ɛ̍ pei jaɔ kli̍hgbɛ̍ i̍h si̍n.