Wlɛfeleseɔn 11:17 - Ku̍o̍ Delee 1999

¹⁷ U̍h la̍a̍, “À po̍ ìn tlɔ̌ Joi Nyɔsoa, mɔ̀ Ɔ̀ Blě-a Gbǐh Kli̍hgbɛ̍-ɛ, mɔ̀ ɔ̀ nɛ-a, ɔ̀ nɛ-a kmɔ̌ se̍e̍-ɛ. Ìn dǔ àn wɔ̍n ku̍ gbǐh i̍, wɛ̀ àn tè ka nyɔ̍-a wlu̍ kwa̍ blě-ɛ gbɔ̀.

Wlɛfeleseɔn 11:17 Iomraidhean Croise

Matio 11:25

Dǒ ti̍ laa̍ di̍i̍ bo Jusu wlu-i, ɔ̍ la̍a̍, “Baa, mɔ̀ ɔ̀ nu̍-a bloa̍ ke ja̍u̍n-a Joi-ɛ, ǐn po̍ ìn tlɔ̌. Dɛ̍nu̍ɛ, dɛ̍ᵻ ìn sìle-a flɔ̍nwlùh kɔn nyɔ̍ ke dɛ̍ juo nyɔ̍ jii̍-ɛ, i̍h bo ìn toe ka plǒai nyɔ̍.

Pɔ̀n Chɛ̀ Luu To-a La 10:21

Dǒ ti̍ laa̍ di̍i̍-ɛ, nɛ̀ Jusu nmɔ-ɛ dě Nyɔsoa-a Sùù di̍i̍. Wɛ̀ ɔ̍ la̍a̍, “Baa, mɔ̀ ɔ̀ nu̍-a bloa̍ ke ja̍u̍n-a Joi-ɛ, ǐn po̍ ìn tlɔ̌. Dɛ̍nu̍ɛ, dɛ̍ᵻ ìn sìle-a flɔ̍nwlùh kɔn nyɔ̍ ke dɛ̍ juo nyɔ̍ jii̍-ɛ, i̍h bo ìn toe ka plǒai nyɔ̍. I̍i̍n, Baa, àn gbǐh po̍ dɛ̍ bo.

Chɔɔn 11:41

Wɛ̀ u̍h sà-o sɔɔ̌ laa̍. Iě ɔ̍ gbɛ̀n dě ja̍i̍, wɛ̀ ɔ̍ la̍a̍, “Baa, ǐn po̍ ìn tlɔ̌ ka àn dounᵻá nɛ-a nɔ̌ ǐn we̍-ɛ.

2 Kɔwlɛntiɔn 2:14

Jɛ à po̍ Nyɔsoa tlɔ̌, ɔ̍ nu̍ ɛ̍ dě à ke Klai-a due nɛ-ɛ di̍i̍-ɛ, iě à ke Klai ke à nu̍ dɛ̍ klà sà nyɔ̍. Nyɔsoa jii àɔ̀ wɛ̀ à bla̍ pɔ̀n chɛ̀ ɛ̀ kɔ̍-a dǒ Klai pùn i̍-ɛ, iě ɛ̍ sɛ̍ i̍ tà kli̍hgbɛ̍ ka nɔ̌-dɛ̍ chɛ̀-ɛ.

2 Kɔwlɛntiɔn 9:15

Mɔ̀ à po̍ Nyɔsoa tlɔ̌ dǒ ɔ̍ nyǐ-dɛ̍ ɔ̍ nyǐ-a àɔ̀-ɛ we̍, ɛ̀ kɔn wɔ̍n wlɔ̀ nyi̍ɔ̍ se̍-a blě u̍h iě-a we̍ i̍ sèàɛ̍-ɛ.

1 Timote 1:12

Ǐn po̍ à Joi Jusu Klai tlɔ̌, dɛ̍nu̍ɛ, ɔ̍ wlǎ ǐn wlùh dlǔ i̍ iě ɔ̍ tba̍ ǐn chèɛ̀. Wɛ̀ ɔ̍ nyǐ ǐn gbǐh iě ɔ̍ dbo̍ nu̍.

Wlɛfeleseɔn 1:4

Mɔ̍ Chɔɔn, mɔ̍ sà chɔchi̍h nyɔ̍ nɛ-a wlɔ̀ᵻ mɛ̀sɔɔ̌n nɛ-a dě Esea bloa̍ kɛ̍n-ɛ nyinɔ̍ i̍. Ǎn sà nǐ wɔ̍n blɛ ke wlùh-a i̍ tè-ɛ iě dǒ mɔ̀ we̍ nɛ. Nyinɔ̍ i̍ sà wlu̍ la ɛ̍ sɔ dě Nyɔsoa we̍, ɔ̀ nɛ-a, ɔ̀ nɛ-a kmɔ̌ se̍e̍ wɛ̀ ɔ̀ mu̍-a ji̍-ɛ. Ɛ̍ sɔ dě sùù mɛ̀sɔɔ̌n ìh-a dbee-a ɔ̍ jǔ ìh nɛ-a dǒ ɔ̍ nynɛ̌ gbalǎ jǔ-ɛ we̍ ke.

Wlɛfeleseɔn 1:8

Joi Nyɔsoa Ɔ̀ Blě-a Gbǐh Kli̍hgbɛ̍, ɔ̀ nɛ-a, ɔ̀ nɛ-a kmɔ̌ se̍e̍ wɛ̀ ɔ̀ mu̍-a ji̍-ɛ, ɔ̍ la̍a̍, “Mɔ̍ bo ɔ̀ nu̍ dɛ̍ᵻ kli̍hgbɛ̍-a Gbɔ̀ Tè-ɛ ke i̍h-a Dlǔ I̍ Chlà-a.”

Wlɛfeleseɔn 11:15

Wɛ̀ Nyɔsoa-a ǐnchɔ̀-a mɛ̀sɔɔ̌n naɛ bla̍ ɛ̍ dɔ̍gbɛ̍. Iě we̍le wlu̍ klaa sɔ dě ja̍i̍wlɔ̀, ɛ̍ la̍a̍, “Nyɔ̍-a wlu̍ kwa̍ blě-ɛ ɛ̀ nɛ-a nɔ̌ kmɔ̌ we̍-ɛ, ɛ̍ kɔn dǒ à Joi ke ɔ̍ Chèɛ̀ Tba̍ju we̍ wɛ̀. Ɔ̍ mu̍ nyɔ̍-a wlu̍ kwa̍ blě nɔ̌ kmɔ̌-a kmɔ̌.”

Wlɛfeleseɔn 15:3

Wɛ̀ u̍h ble̍ Mose ɔ̀ nu̍-a Nyɔsoa-a pòi̍ju-ɛ ɔ̍ duǐh, ɛ̍ ke Blawɛ̌ Jǔ-a duǐh ke. U̍h la̍a̍, “Joi Nyɔsoa mɔ̀ Blě-a Gbǐh Kli̍hgbɛ̍-ɛ, àn nu̍-dɛ̍ᵻ ku̍ wɔ̍n, iě i̍h-a flɔn-ɛ nyɔ̍ wɔ̍n. Àn wìèᵻ slɛ̌ i̍, iě i̍h nu̍ tìh-a taǐn. Mɔ̀ Blǔh Baa nɔ̌ kmɔ̌-a kmɔ̌.

Wlɛfeleseɔn 16:14

Jeědih ìh-a po̍-a jbaɛdih-ɛ bo. I̍h ple̍ blǔh baaᵻ kli̍hgbɛ̍ nɛ-a nɔ̌ kmɔ̌-ɛ we̍ i̍, i̍h iě u̍h tàdùè po̍. Wɛ̀ u̍h iě Nyɔsoa Ɔ̀ Blě-a Gbǐh Kli̍hgbɛ̍-ɛ we̍ fɔ̀n dǒ ɔ̍ wɔ̍n ku̍ weɛ̍ di̍i̍.

Wlɛfeleseɔn 16:5

Wɛ̀ ǐn wɔ̌n nǐ wlu̍ i̍ kɔn ǐnchɔ̀-a wlu̍. Ɛ̍ la̍a̍, “Nɛi̍ Wɛ̀ Nyɔ̍, mɔ̀ ɔ̀ nɛ-a wɛ̀ ɔ̀ nɛ-a kmɔ̌ se̍e̍-ɛ, kàn gbɛ̍n-ɛ ìn dbo̍-aɛ, ɛ̍ slɛ̌ i̍.

Wlɛfeleseɔn 16:7

Iě ǐn wɔ̌n wlu̍ dɛɛ ɛ̍ sɔ dǒ slaǎ sà gblǒ kɛ̍n. Ɛ̍ la̍a̍, “Joi Nyɔsoa, mɔ̀ Ɔ̀ Blě-a Gbǐh Kli̍hgbɛ̍-ɛ, àn nyɔ̍ kàn gbɛ̍n-ɛ slɛ̌ i̍, iě ɛ̍ nu̍ tìh-a taǐn.”

Wlɛfeleseɔn 18:8

Ɛ̍ kɔn wlɔ̀ la dlǐ dɛ̍ᵻá mu̍ ɔ̍ we̍ ji̍ dǒ weɛ̍ due di̍i̍. I̍h-i bo ìh nu̍-a wɛ̌ᵻ ke sùàɛ̀n pa̍-a ke mɔ̌-a gbǎ-a. Nɛ̍-a mu̍ ɔ̍ fɔ̍n, dɛ̍nu̍ɛ, Joi Nyɔsoa ɔ̀ sà-a ɔ̍ kɛ̀n-ɛ, ɔ̍ blě gbǐh.”

Wlɛfeleseɔn 19:11

Wɛ̀ ǐn jě ja̍i̍wlɔ̀ ɛ̍ pɔ̀ni wɔ̍n, iě soo̍bli plǔ nɛ deě. Ɔ̀ tè-a dǒ ɛ̍ kɛ̍n i̍-ɛ, ɔ̍ nynɛ̌ nu̍ Wlùh Gbaɛ ke Gblangbai̍ Nyɔ̍. Ɔ̍ nyɔ̍ kɛ̀n sà-a ke ɔ̍ tu̍h fɔ̀n-ɛ slɛ̌ i̍.

Wlɛfeleseɔn 19:6

Wɛ̀ ǐn wɔ̌n slɛ̀ ka nyɔ̍ tlùgbei̍-a wlu̍-ɛ. Slɛ̀-a chɛ̀ ke nǐ-a klu̍h-ɛ ke tɛ̀n-a plǎn-a mu̍i we̍. Slɛ̀-a chɛ̀ la̍a̍, “Mɔ̀ po̍ Nyɔsoa tìhwe̍, à Joi Nyɔsoa Ɔ̀ Blě-a Gbǐh Kli̍hgbɛ̍-ɛ, ɔ̍ nu̍ Blǔh Baa.