Wlɛfeleseɔn 11:15 - Ku̍o̍ Delee 1999

¹⁵ Wɛ̀ Nyɔsoa-a ǐnchɔ̀-a mɛ̀sɔɔ̌n naɛ bla̍ ɛ̍ dɔ̍gbɛ̍. Iě we̍le wlu̍ klaa sɔ dě ja̍i̍wlɔ̀, ɛ̍ la̍a̍, “Nyɔ̍-a wlu̍ kwa̍ blě-ɛ ɛ̀ nɛ-a nɔ̌ kmɔ̌ we̍-ɛ, ɛ̍ kɔn dǒ à Joi ke ɔ̍ Chèɛ̀ Tba̍ju we̍ wɛ̀. Ɔ̍ mu̍ nyɔ̍-a wlu̍ kwa̍ blě nɔ̌ kmɔ̌-a kmɔ̌.”

Wlɛfeleseɔn 11:15 Iomraidhean Croise

Matio 24:31

Nɛ̀ dɔ̍gbɛ̍-a mu̍ wlu, wɛ̀ ɔ̍ iě ɔ̍ ǐnchɔ̀ blǔh kàɛ̀n nɛ-a nyìɛ̍-ɛ kɛ̍n i̍ dbo̍. Wɛ̀ i̍h iě Nyɔsoa-a chèɛ̀ tba̍ nyɔ̍ i̍ gbòe, sɔ dě blǔh-a siee la ìè dě dɛɛ we̍ mu̍.

Matio 6:13

Bɔ̌ à blu̍ja̍a̍ gbǎ tìh i̍ wɔ̌ɛn, jɛ sèìe àɔ̀ dě Nyɔ̍ Sɔ̀n laa̍ kwa̍a̍. [Nɛ̀ɛ̍, àn kmɔ̌, ɛ̍ ke àn gbǐh, àn tìh-a i̍ bɛ̌-ɛ, mɔ̀ kɔn i̍h nɔ̌ kmɔ̌-a kmɔ̌. Kǎ ɛ̍-ɛ nɛ.]’

Pɔ̀n Chɛ̀ Luu To-a La 1:33

Nɛ̀ ɔ̍ mu̍ blǔh baa nu̍ dǒ Eslɔɛ nyɔ̍ we̍ nɔ̌ kmɔ̌-a kmɔ̌. Ɔ̍ kmɔ̌ wlu̍ i̍ kɔn-ɛ se̍ siee la̍ kɔn mu̍.”

Pɔ̀n Chɛ̀ Luu To-a La 15:10

Ǎn sèàɛ̍ mɔ̀ wlùh, kǎ ɛ̍ nɛ ke. Nyɔsoa-a ǐnchɔ̀-a nu̍ mɔna̍ dɛ̍blɔ dǒ gblɛ̍n sɔ̀ɛ̀n nyɔ̍ due ɔ̀ bǐi-a i̍-ɛ we̍.”

Pɔ̀n Chɛ̀ Luu To-a La 15:6

Pò ɔ̍ ji̍ wlɔ̀-ɛ, nɛ̀ ɔ̍ mu̍ ɔ̍ ba̍ᵻ ke nyɔ̍ nɛ-a dǒ gbò wɔ̍ɔ̍n-ɛ dǎ. Nɛ̀ ɔ̍ la̍a̍ dě u̍h we̍, ‘Mɔ̀ gbǎ ǐn we̍ à iě nmɔ, dɛ̍nu̍ɛ, ǎn blawɛ̌ ɛ̀ mǎ-a de-ɛ, ǐn jě ɛ̍ wɛ̀.’

Nu̍-dɛ̍ᵻ 4:26

Blǔh baaᵻ nɛ-a nɔ̌ bloɔ̍-ɛ, u̍h po̍ u̍h-a chɛ̀ gba̍a̍, iě nyɔ̍-a wlu̍ kwa̍ blě nyɔ̍-a gbòe i̍, u̍h iě Joi ke ɔ̍ Chèɛ̀ Tba̍ju bu̍hᵻ tbaɛ.’

Iblu 1:8

Jɛ dǒ ɔ̍ Jǔ we̍ nɔ̀ɔ̍, ɔ̍ la̍a̍, “Nyɔsoa, nàɛ̀ nynɛ̌ gbalǎ-a mu̍ nɛ nɔ̌ kmɔ̌-a kmɔ̌. I̍ slɛ̌-ɛ bo àn kɔn-ɛ àn kmɔ̌ wlu̍ i̍.

Wlɛfeleseɔn 10:7

Jɛ ti̍ ǐnchɔ̀-a mɛ̀sɔɔ̌n naɛ-a mu̍-a dɔ̍gbɛ̍ bla̍-ɛ, nɛ̀ Nyɔsoa-a sìle dɛ̍ kɔn dela̍ ɔ̍ po̍-a dě ɔ̍ tu̍owli po̍ nyɔ̍ ùh nu̍-a ɔ̍ pòi̍nynuu̍-ɛ we̍-ɛ, wɛ̀ i̍h iě chɛ̀-ɛ gbǎ.”

Wlɛfeleseɔn 12:10

Wɛ̀ ǐn wɔ̌n we̍le wlu̍ dě ja̍i̍wlɔ̀. Ɛ̍ la̍a̍, “Kaka-ɛ, à Nyɔsoa-a nyɔ̍ sèìe-ɛ ke, ɔ̍ gbǐh ke ɔ̍ kmɔ̌ wlu̍ i̍ kɔn ti̍ nyni̍ wɛ̀, ɛ̍ ke ɔ̍ Chèɛ̀ Tba̍ju-a tùn blě-ɛ ke. Dɛ̍nu̍ɛ, ɛ̀ nyna-a i̍ de dǒ à Nyɔsoa jǔ wlù ke sɔ̀n wɛ̀ ɛ̍ nyni-a à de̍di̍i̍ᵻá wlu̍ wɔ̍i̍n-ɛ, ɛ̍ poe-ɛ sɔ̀n wɛ̀.

Wlɛfeleseɔn 15:4

Joi, nyɔ̍ kli̍hgbɛ̍-a mu̍ ìn ja̍ tè, u̍h iě àn nynɛ̌ i̍ bɛ̌-ɛ. Dɛ̍nu̍ɛ, ìn nɛ due bo ɔ̀ wɛ̀ nɛi̍. Bloa̍ kli̍hgbɛ̍-a mu̍ ji̍, wɛ̀ u̍h iě ìn wɛɛ sà. Dɛ̍nu̍ɛ, nyɔ̍ kli̍hgbɛ̍ jě ɛ̍ wɛ̀ ka àn nu̍-dɛ̍ᵻ slɛ̌-a i̍-ɛ.”

Wlɛfeleseɔn 16:17

Wɛ̀ ǐnchɔ̀-a mɛ̀sɔɔ̌n naɛ chɛ̌li ɛ̍ boo̍ dě ja̍i̍. Iě we̍le wlu̍ sɔ dě nynɛ̌ gbalǎ we̍ dě slaǎ sà gbò sɔ̀n. Ɛ̍ la̍a̍, “Ɛ̍ wɛ̀ i̍ wɛ̀.”

Wlɛfeleseɔn 17:14

I̍h-a mu̍ Blawɛ̌ Jǔ tu̍h we̍ pa̍-ɛ, wɛ̀ Blawɛ̌ Jǔ iě i̍h du̍. Dɛ̍nu̍ɛ, ɔ̍ nu̍ Joi dǒ joi kli̍hgbɛ̍ kɛ̍n, wɛ̀ ɔ̍ nu̍ Blǔh Baa dǒ blǔh baaᵻ kli̍hgbɛ̍ kɛ̍n. Nyɔ̍ ke ɔ̍ na-aɛ u̍h dǎ-ɛ, iě u̍h tba̍-ɛ chèɛ̀, wɛ̀ u̍h gbaɛ ɔ̍ wlùh.”

Wlɛfeleseɔn 19:1

Ɛ̀ la ɛ̍ wɔ̀-a nɛ-ɛɛ, iě ǐn wɔ̌n slɛ̀ dɔu ka nyɔ̍ tlùgbei̍-a wlu̍ dě ja̍i̍wlɔ̀-ɛ. Slɛ̀-a chɛ̀ la̍a̍, “Mɔ̀ po̍ Nyɔsoa tìhwe̍. Nyɔ̍ sèìe-ɛ ke tìh-a i̍ bɛ̌-ɛ ke gbǐh kɔn dǒ à Nyɔsoa we̍.

Wlɛfeleseɔn 19:6

Wɛ̀ ǐn wɔ̌n slɛ̀ ka nyɔ̍ tlùgbei̍-a wlu̍-ɛ. Slɛ̀-a chɛ̀ ke nǐ-a klu̍h-ɛ ke tɛ̀n-a plǎn-a mu̍i we̍. Slɛ̀-a chɛ̀ la̍a̍, “Mɔ̀ po̍ Nyɔsoa tìhwe̍, à Joi Nyɔsoa Ɔ̀ Blě-a Gbǐh Kli̍hgbɛ̍-ɛ, ɔ̍ nu̍ Blǔh Baa.

Wlɛfeleseɔn 20:4

Wɛ̀ ǐn jě nynɛ̌ gbalǎᵻ, nɛ̀ nyɔ̍ ùh tè-a dǒ i̍h kɛ̍n i̍-ɛ, u̍h tùi-ɛ tùn kwa̍a̍ wɛ̀ u̍h iě taɔ nu̍. Nyɔ̍ ùh chɛ̍n-ɛa dlǔ i̍ u̍h-a Jusu-a tìh bla̍ tìh ke Nyɔsoa-a wlu̍ gba̍ tìh-ɛ, u̍h-a sùù bo. U̍h se̍ nmi̍ɛ̍ ke ɛ̍ mɛ̍-dɛ̍ wɛɛ sà, iě u̍h se̍ ɛ̍ juola dǒ jua̍i̍ ke u̍h sɔ̍n i̍ tù. U̍h wlǔh-e, iě u̍h ke Klai blě nyɔ̍-a wlu̍ kwa̍ dǒ sɔ̀nᵻá wlǔ due di̍i̍.

Wlɛfeleseɔn 8:12

Wɛ̀ ǐnchɔ̀-a nyìɛ̍ naɛ bla̍ ɛ̍ dɔ̍gbɛ̍, iě jlǔh-a fɔ̌ᵻ nɛ-a ta̍a̍n-ɛ, i̍h-a due tba̍-ɛ dɛ̍. Iě chǔh-a fɔ̌ᵻ nɛ-a ta̍a̍n i̍h-a due ke chǔhtlɛ̀n-a fɔ̌ᵻ nɛ-a ta̍a̍n-ɛ, i̍h-a due tba̍-ɛ dɛ̍ ke. Ɛ̍ kɔn i̍h-a sɔ̀npli-a fɔ̌ᵻ nɛ-a ta̍a̍n-ɛ, i̍h-a due due mɔ̌ i̍. Wɛ̀ weɛ̍-a fɔ̌ᵻ nɛ-a ta̍a̍n-ɛ, jlǔh se̍ i̍h-a due kɛ̍n i̍ fa̍n-ɛ. Wlù-a fɔ̌ᵻ nɛ-a ta̍a̍n-ɛ, chǔh ke chǔhtlɛ̀n se̍ i̍h-a due kɛ̍n i̍ fa̍n-ɛ.

Wlɛfeleseɔn 9:1

Wɛ̀ ǐnchɔ̀-a m̀m̌ naɛ bla̍ ɛ̍ dɔ̍gbɛ̍, iě ǐn jě chǔhtlɛ̀n ɛ̍ blu̍ dě ja̍i̍, wɛ̀ ɛ̍ kà i̍ dǒ bloɔ̍. Iě ɛ̍ nyǐ-ɛ kàn biě-a kɔɛ̍n.

Wlɛfeleseɔn 9:13

Wɛ̀ Nyɔsoa-a ǐnchɔ̀-a mɛ̀o̍ naɛ bla̍ ɛ̍ dɔ̍gbɛ̍, iě ǐn wɔ̌n wlu̍ ɛ̍ sɔ dǒ gblǒ u̍h nui-a kòo̍ dǒ Nyɔsoa jǔ-ɛ, ɛ̍ kɔ̍lu̍hᵻ nyìɛ̍ kɛ̍n.