Wlɛfeleseɔn 11:13 - Ku̍o̍ Delee 1999

¹³ Dǒ ti̍-a taǐn laa̍ di̍i̍-ɛ, wɛ̀ wlù poɔ klaa ji̍. Iě tùgbàwlɔ̀ laa̍ ɛ̍ fɔ̌ᵻ pùè ɛ̍ blě-aɛ, wɛ̀ i̍h-a fɔ̌ due wlǎ. Wɛ̀ nyɔ̍-a wlǔ mɛ̀sɔɔ̌n (7,000) mɛ̌ dǒ wlù poɔ laa̍ we̍. Nyɔ̍ juh tàn-oɛ, u̍h gbǎ faɔn kaa̍ iě u̍h bɛ̌-ɛ Nyɔsoa-a nynɛ̌ i̍ ɔ̀ nɛ-a dě ja̍i̍wlɔ̀-ɛ.

Wlɛfeleseɔn 11:13 Iomraidhean Croise

Chɔɔn 9:24

Wɛ̀ u̍h dǎ-ɛ jɔ̍gbau ɔ̀ dɔ̌-a de-ɛ de̍ dɛ. U̍h la̍a̍, “Ji̍ ìè slɛ̀ɛ̀n, ka àn mu̍-a tìh-a taǐn sà da̍a Nyɔsoa jǔ-ɛ. Dɛ̍nu̍ɛ, jɔ̍gbau la ɔ̀ pɔ̀ni-a àn jlǐh-ɛ, à juo ɛ̍-ɛ gblɛ̍n sɔ̀ɛ̀n nyɔ̍ bo.”

Nu̍-dɛ̍ᵻ 1:15

Ɛ̍ bo u̍h nu̍ dǒ wǐh gbɔ̍ di̍i̍, iě Pitɛ nyna i̍ dě u̍h nynɛ̌ ɔ̍ iě wlu. Nyɔ̍ ùh gbèɛ̀ɛn-a dǒ tà-a chɛ̀-ɛ, u̍h wɛ̀ kmɛ due kwela sɔɔ̌n (120) nu̍-ɛ.

Wlɛfeleseɔn 11:11

Wǐh ta̍a̍n gbɔ̀ tile laa̍ i̍h sì-aɛ, wɛ̀ nyɔ̍ kmɔ̌ i̍ tè-e feɛ sɔ dě Nyɔsoa we̍ ɛ̍ gbǎ dě u̍h ku̍u̍, iě u̍h nyna i̍. Nyɔ̍ kli̍hgbɛ̍ ùh jě-a u̍h-ɛ, ɛ̍ po̍ u̍h faɔn kaa̍.

Wlɛfeleseɔn 11:19

Wɛ̀ Nyɔsoa-a slaǎ sà gbò nɛ-a dě ja̍i̍wlɔ̀-ɛ pɔ̀ni wɔ̍n, iě ɔ̍ Ku̍o̍ Gblòùn jě-eɛ dě ɛ̍ di̍i̍. Wɛ̀ nǐ-a chlɛ jlǐh, iě slɛ̀-a wlu, tɛ̀n-a plǎn-ɛ i̍, wlù poɔ-a ji̍, iě kwa̍ ku̍ seɔn gbo̍ᵻ wlǎ.

Wlɛfeleseɔn 14:7

Iě ɛ̍ we̍le, ɛ̍ la̍a̍, “Mɔ̀ tè Nyɔsoa ja̍, nɛ̀ mɔ̀ bɛ̌-ɛ ɔ̍ nynɛ̌ i̍, dɛ̍nu̍ɛ, ti̍ nyni̍ wɛ̀ ɔ̍ iě nyɔ̍ kli̍hgbɛ̍-a taɔ pa̍. Mɔ̀ sà ɔ̍ wɛɛ. Ɔ̍-ɔ bo ɔ̀ nu̍ bloa̍ ke, ja̍i̍wlɔ̀ ke, jbǒ ke kao̍dluᵻ.”

Wlɛfeleseɔn 15:4

Joi, nyɔ̍ kli̍hgbɛ̍-a mu̍ ìn ja̍ tè, u̍h iě àn nynɛ̌ i̍ bɛ̌-ɛ. Dɛ̍nu̍ɛ, ìn nɛ due bo ɔ̀ wɛ̀ nɛi̍. Bloa̍ kli̍hgbɛ̍-a mu̍ ji̍, wɛ̀ u̍h iě ìn wɛɛ sà. Dɛ̍nu̍ɛ, nyɔ̍ kli̍hgbɛ̍ jě ɛ̍ wɛ̀ ka àn nu̍-dɛ̍ᵻ slɛ̌-a i̍-ɛ.”

Wlɛfeleseɔn 19:7

Mɔ̀ à nmɔ à iě ja̍ de̍le. Mɔ̀ à bɛ̌-ɛ ɔ̍ nynɛ̌ i̍, dɛ̍nu̍ɛ, Blawɛ̌ Jǔ-a nynɔ̌ jla̍ ja ti̍ nyni̍ wɛ̀. Ɔ̍ nynɔ̌ delee-a chɛ̀ gbàɛ̀ wɛ̀ ke dǒ ɔ̍ we̍.

Wlɛfeleseɔn 3:4

Jɛ mɔ̀-a gbɔ̍ nɛ-a dǒ Sade-ɛ, u̍h-u se̍a gblɛ̍n sɔ̀ɛ̀n nu̍. U̍h-a mu̍ jlii̍ plǔᵻ pa̍, wɛ̀ u̍h ke ǐn ke à iě na. Dɛ̍nu̍ɛ, u̍h nɛ ɛ̍ ka̍.

Wlɛfeleseɔn 6:12

Wɛ̀ Blawɛ̌ Jǔ wa̍ slu̍-a mɛ̀o̍ naɛ. Ǐn gbɛ̀n-a deě-ɛ, nɛ̀ wlù poɔ ɛ̀ ku̍-a wɔ̍n-ɛ, ɛ̍ ji̍-i. Iě jlǔh gbe jlu̍jlu̍ ka puo-ɛ, wɛ̀ chǔh sàni ka nymɔ̍-ɛ.

Wlɛfeleseɔn 8:5

Wɛ̀ ǐnchɔ̀ laa̍ ɛ̍ dǔ nɔ̌-dɛ̍ᵻá di̍i̍ fɔ̍n-ɛ dɛ̍-ɛ, ɛ̍ jǐi ɛ̍ dǒ nɛ̍ ɛ̀ sɔ-a dǒ gblǒ kɛ̍n-ɛ we̍. Iě ɛ̍ fìle ɛ̍ dǒ bloa̍ kɛ̍n. Wɛ̀ tɛ̀n-a plǎn-ɛ i̍, slɛ̀-a wlu, iě nǐ-a chlɛ jlǐh, wɛ̀ wlù poɔ-a ji̍.