Wlɛfeleseɔn 10:5 - Ku̍o̍ Delee 1999

⁵ Wɛ̀ ǐnchɔ̀ laa̍ ɛ̀ nyna-a dǒ jbǒ ke blǔh kɛ̍n i̍-ɛ, iě ɛ̍ to ɛ̍ di̍na̍ sɔ̍n dě ja̍i̍wlɔ̀.

Wlɛfeleseɔn 10:5 Iomraidhean Croise

Nu̍-dɛ̍ᵻ 14:15

“Dɛ̍nu̍ mɔ̀-a nu̍ dɛ̍ la ɛ? Àɔ̀ la ka mɔ̀ nu̍-a wlɔ̀ nyi̍ɔ̍-ɛ, kǎ à nɛ ke. À nɛ da̍a à iě pɔ̀n chɛ̀-a tìh bla̍ dě mɔ̀ we̍. À sèàɛ̍ mɔ̀ wlùh mɔ̀ iě pɔ̀ɔ̍pìe̍ dɛ̍ᵻ la kɛ̍n i̍ poe, wɛ̀ mɔ̀ iě dě kmɔ̌ nɛ Nyɔsoa we̍ i̍ bǐi. Nyɔsoa bo ɔ̀ nu̍ blǔh ke ja̍u̍n ke jbǒ, ɛ̍ ke dɛ̍ᵻ kli̍hgbɛ̍ nɛ-a dě i̍h di̍i̍-ɛ ke.

Nu̍-dɛ̍ᵻ 17:23

Dɛ̍nu̍ɛ, pò ǐn ja tàjɛ̀ jii-ɛ, nɛ̀ ǎn jě mɔ̀-a wɛɛ sà-ɛ la̍. Ǐn jě gblǒ u̍h chlǐh Se̍ Juo Nyɔsoa dǒ ɛ̍ wlì. Se̍ Juo Nyɔsoa mɔ̀ se̍-a juo iě mɔ̀-a sà-a wɛɛ-ɛ, ɔ̍ kɔn tìh bo ǎn bla̍-a la̍ dě mɔ̀ we̍.

Wloma 1:20

Ɛ̀ sɔ-a dě kmɔ̌-a gbɔ̀ tè la̍-ɛ, Nyɔsoa-a nɛka ɛ̀ nyɔ̍-ɔ jě-aɛ, ɔ̍ gbǐh ìh se̍-a siee la̍ kɔn-ɛ ke ka ɔ̍ nu̍-a tìh-a taǐn Nyɔsoa-a, dě dɛ̍ᵻ ɔ̍ nu̍-a di̍i̍ bo nyɔ̍-a jě-e i̍h te̍gbe̍i̍n. Sɔ nɛ̀ nyɔ̍ se̍-o i̍ pɔ̀.

Iblu 6:13

Ti̍ Nyɔsoa iě-a wlu̍ tɔ̀ma̍a̍ po̍ dǒ Eblaɛɛn we̍-ɛ, ɔ̍ slɛ̀ɛ̀n sasǎ ka ɔ̍ mu̍-a ɛ̍ nu̍-ɛ. Jɛ ka wɔ̍n ku̍ nyɔ̍ dɔɔ se̍-a dǒ ɔ̍ de̍e̍ nɛ-ɛ, ɛ̍ kɔn ɔ̍ slɛ̀ɛ̀n ɔ̍ chɛ̀-a nynɛ̌.

Wlɛfeleseɔn 1:18

Mɔ̍ bo ɔ̀ nu̍ Kmɔ̌ Nɛ Nyɔ̍. Ǐn mɛ̌-ɛ de, jɛ ǐn nɛ kmɔ̌ wɛ̀ dode̍ nɔ̌ kmɔ̌-a kmɔ̌. Ǐn blě mɛ̌ɛ ke mɛ̌-nyɔ̍-a kmɔ̌-a kɔɛ̍nᵻ.

Wlɛfeleseɔn 10:2

Ɛ̍ blě chlǐh-dɛ̍-a gbo̍lo̍ juwɛ ɛ̍ pɔ̀ni wɔ̍i̍n dě ɛ̍ kwa̍a̍. Iě ɛ̍ tba̍ ɛ̍ di̍na̍ bu̍h dǒ jbǒ kɛ̍n i̍, wɛ̀ ɛ̍ kwe̍na̍ bu̍h nɛ dǒ blǔh kɛ̍n.

Wlɛfeleseɔn 14:7

Iě ɛ̍ we̍le, ɛ̍ la̍a̍, “Mɔ̀ tè Nyɔsoa ja̍, nɛ̀ mɔ̀ bɛ̌-ɛ ɔ̍ nynɛ̌ i̍, dɛ̍nu̍ɛ, ti̍ nyni̍ wɛ̀ ɔ̍ iě nyɔ̍ kli̍hgbɛ̍-a taɔ pa̍. Mɔ̀ sà ɔ̍ wɛɛ. Ɔ̍-ɔ bo ɔ̀ nu̍ bloa̍ ke, ja̍i̍wlɔ̀ ke, jbǒ ke kao̍dluᵻ.”

Wlɛfeleseɔn 16:17

Wɛ̀ ǐnchɔ̀-a mɛ̀sɔɔ̌n naɛ chɛ̌li ɛ̍ boo̍ dě ja̍i̍. Iě we̍le wlu̍ sɔ dě nynɛ̌ gbalǎ we̍ dě slaǎ sà gbò sɔ̀n. Ɛ̍ la̍a̍, “Ɛ̍ wɛ̀ i̍ wɛ̀.”

Wlɛfeleseɔn 4:11

“À Joi Nyɔsoa, ìn nɛ ɛ̍ ka̍. Àn tìh-a i̍ bɛ̌-ɛ ke ja̍ tè-ɛ ke gbǐh nɛ we̍ i̍ ble̍-e ka̍, dɛ̍nu̍ɛ, mɔ̀ bo ɔ̀ nu̍ dɛ̍ᵻ kli̍hgbɛ̍ iě i̍h nɛ, wɛ̀ ìn dǔ àn chɛ̀-a wlùh-u iě ìn nu̍ dɛ̍ᵻ kli̍hgbɛ̍.”

Wlɛfeleseɔn 4:9

Nyɔ̍ ɔ̀ tè-a i̍ dǒ nynɛ̌ gbalǎ kɛ̍n ɔ̀ se̍-a mɛ̌ la̍ kɔn-ɛ, pò kmɔ̌ nɛ dɛ̍ᵻ laa̍ i̍h ble̍ ɔ̍ tìh-a i̍ bɛ̌-ɛ ke ja̍ tè duǐh wɛ̀ i̍h iě ɔ̍ tlɔ̌ po̍-ɛ,