Wlɛfeleseɔn 10:1 - Ku̍o̍ Delee 1999

¹ Wɛ̀ ǐn jě Nyɔsoa-a kmu-u ǐnchɔ̀ dɛɛ, nɛ̀ ɛ̍ sɔ dě ja̍i̍wlɔ̀. Nɛ̀ ɛ̍ pa̍ nǐgban-a, iě nǐnmɛ nu̍ ɛ̍ tèè dɛ̍. Ɛ̍ jua̍a̍ ke jlǔh mu̍i we̍, iě ìn jě ɛ̍ bu̍hᵻɛ́ ka nɛ̍-a pàìbǒ-ɛ.

Wlɛfeleseɔn 10:1 Iomraidhean Croise

Matio 17:2

U̍h iě-ae gbɛ̀n-ɛ, nɛ̀ ɔ̍ sàɛ̀ wɛ̀ dǒ u̍h jlǐhwai. Nɛ̀ ɔ̍ jua̍a̍-a fa̍n-ɛ ka jlǔh-ɛ, iě ɔ̍ jlii̍ nɛ pɔ̀ɔ̀ ka kǒ gbo̍-ɛ.

Pɔ̀n Chɛ̀ Luu To-a La 21:27

Nɛ̀ u̍h-a mu̍ Nyi̍ɔ̍-a Jǔ jě ɔ̍ iě dě nǐgban kɛ̍n naɛ dě ja̍u̍n wlì dǒ gbǐh ke tìh-a i̍ bɛ̌-ɛ ɛ̀ ku̍-a wɔ̍n-ɛ we̍.

Nu̍-dɛ̍ᵻ 26:13

Blǔh Baa, ǐn nɛ dǒ wìè-i jlǔh gbàɔ̀ klo̍o̍, wɛ̀ ǐn jě fààn nape̍ ɛ̍ fa̍n ɛ̍ sìì jlǔh, iě ɛ̍ sɔ dě ja̍u̍n we̍. Nɛ̀ ǐn ke ǐn ba̍ᵻ na, wɛ̀ ɛ̍ fa̍n sààn à de̍e̍ i̍.

Wlɛfeleseɔn 1:7

Mɔ̀ tù ɛ̍ jlǐhɛ̍ ɔ̍ mu̍ dě nǐgbanᵻ kɛ̍n naɛ blě ɔ̍ iě ji̍. Wɛ̀ nyɔ̍ kli̍hgbɛ̍ iě ɔ̍ jě, ɛ̍ ke juh dbǎ ɔ̍-ɛ ke. Nɛ̀ nyɔ̍ kli̍hgbɛ̍ nɛ-a nɔ̌ kmɔ̌-ɛ, u̍h-a mu̍ sùàɛ̀n pa̍ ɔ̍ tìh. Kǎ ɛ̍-ɛ nɛ.

Wlɛfeleseɔn 18:1

Ɛ̀ la ɛ̍ wɔ̀-a nɛ-ɛ, wɛ̀ ǐn jě Nyɔsoa-a ǐnchɔ̀ dɛɛ, nɛ̀ ɛ̍ sɔ dě ja̍i̍wlɔ̀ ɛ̍ ji̍ nɔ̌ sɔ̀n. Iě ɛ̍ blě tùn ɛ̀ ku̍-a wɔ̍n-ɛ, wɛ̀ ɛ̍ tìh-a i̍ bɛ̌-ɛ wɔ̀ sɔ̀npli ɛ̍ nu̍ bloa̍-a pɔ̀ɔ̀.

Wlɛfeleseɔn 18:21

Wɛ̀ kmu-u ǐnchɔ̀ dǔ sɔɔ̌ ɛ̀ ke dui-sɔɔ̌ klaa beɛ̍ɛ-aɛ, iě ɛ̍ po̍ ɛ̍ jbǒ kɛ̍n. Wɛ̀ ɛ̍ la̍a̍, “Kǎ Babeloun ɛ̀ nu̍-a tùgbàwlɔ̀ klaa-ɛ, ɔ̍ kloǒ-a mu̍ wa̍-a nu̍. Nɛ̀ ɔ̍ se̍ jě-ɛ mu̍ dɛ kleǐnklein.

Wlɛfeleseɔn 20:1

Wɛ̀ ǐn jě ǐnchɔ̀ nɛ̀ ɛ̍ sɔ dě ja̍i̍wlɔ̀ ɛ̍ ji̍ nɔ̌ sɔ̀n. Iě ɛ̍ blě jeědih-a kàn biě-a kɔɛ̍n kwa̍, ɛ̍ ke jɔɔdbǔ ɛ̀ ku̍-a wɔ̍n-ɛ ke.

Wlɛfeleseɔn 4:3

Ɔ̀ tè-a dǒ ɛ̍ kɛ̍n i̍-ɛ, ɔ̍ jua̍a̍ wɔ̀ sɔɔ̌ᵻ sàɛ̀n ke sɔɔ̌ᵻ ìh ke wùe̍i̍-a ku̍ wɔ̀ɛ-a. Nɛ̀ nǐnmɛ nɛ nynɛ̌ gbalǎ-a chɛ̀ de̍e̍ i̍ ɛ̍ wɔ̀ wùe̍i̍.

Wlɛfeleseɔn 5:2

Wɛ̀ ǐn jě Nyɔsoa-a kmu-u ǐnchɔ̀, nɛ̀ ɛ̍ we̍le-e. Ɛ̍ la̍a̍, “Nyɔ̍ bo ɔ̀ nɛ slu̍ la wa̍ ka ɔ̀ iě chlǐh-dɛ̍-a gbo̍lo̍ la pɔ̀ni ɛ?”

Wlɛfeleseɔn 8:13

Wɛ̀ ǐn gbɛ̀n-e, iě ǐn wɔ̌n chìsǐ-a wlu, nɛ̀ ɛ̍ wa̍n-ɛ dě ja̍u̍n wlì, iě ɛ̍ we̍le. Ɛ̍ la̍a̍, “Chlě, chlě dǒ nyɔ̍ ùh nɛ-a nɔ̌ bloɔ̍ wɛ̀ bɔ̌ɛ-o ǐnchɔ̀ ta̍a̍n iě-a dɔ̍gbɛ̍ᵻ bla̍-ɛ we̍.”