Wlɛfeleseɔn 1:9 - Ku̍o̍ Delee 1999

⁹ Mɔ̍ Chɔɔn la, mɔ̀ ke ǐn ke à ji̍ de̍di̍i̍. Mɔ̀ ke ǐn ke à gbaɛ Jusu wlùh, ɛ̍ kɔn à sàɛ̀ jua̍i̍ iě à kɔn dǒ ɔ̍ kmɔ̌ wlu̍ i̍ kɔn-ɛ we̍. Wɛ̀ à gbɛ̍n wlùh i̍ à ku̍-e klì i̍. Ǎn bla̍ Nyɔsoa tìh ɛ̍ ke gblangbai̍ Jusu sà-ɛ ke. Ɛ̍ kɔn mɔ̍ bo u̍h po̍ nɔ̌ tbǒ la u̍h-a dǎɛ-a Pamɔ-ɛ kɛ̍n.

Wlɛfeleseɔn 1:9 Iomraidhean Croise

Matio 20:23

Iě ɔ̍ la̍a̍ dě u̍h we̍, “Ǎn kàu̍n nɔ̀ɔ̍, mɔ̀-a mu̍ ɛ̍ di̍i̍ nǎ-ɛ, jɛ dǒ mɔ̀-a ǎn di̍na̍ ke ǎn kwe̍na̍ we̍ i̍ tè-ɛ nɔ̀ɔ̍, ǐn se̍ ɛ̍ gbǐh blě. I̍h nɔ̀ɔ̍-ɛ, ǐn Baa po̍ i̍h gba̍a̍ wɛ̀ se̍e̍ dǒ nyɔ̍ ùh-a mu̍-a doǒ i̍ tè-ɛ we̍.”

Pɔ̀n Chɛ̀ Maɛ To-a La 10:39

Iě u̍h la̍a̍, “À bɛ̌ɛ ɛ̍.” Wɛ̀ Jusu la̍a̍ dě u̍h we̍, “Kàu̍n ǎn mu̍-a di̍i̍ nǎ-ɛɛ, mɔ̀-a mu̍ ɛ̍ di̍i̍ nǎ-ɛ. Iě nǐ ǎn mu̍-a dlǔ po̍-ɛ, mɔ̀ iě ɛ̍ dlǔ po̍.

Chɔɔn 16:33

Ǐn sèàɛ̍ mɔ̀ ìh la wlùh wɛ̀ mɔ̀ iě wlùh-a i̍ tè-ɛ blě dě ǐn ja̍a̍. Mɔ̀-a mu̍ tìh jě da̍a kmɔ̌ la we̍, jɛ mɔ̀ ku̍ wlùh o, dɛ̍nu̍ɛ, ǐn sà kmɔ̌ la klà wɛ̀.”

Nu̍-dɛ̍ᵻ 1:15

Ɛ̍ bo u̍h nu̍ dǒ wǐh gbɔ̍ di̍i̍, iě Pitɛ nyna i̍ dě u̍h nynɛ̌ ɔ̍ iě wlu. Nyɔ̍ ùh gbèɛ̀ɛn-a dǒ tà-a chɛ̀-ɛ, u̍h wɛ̀ kmɛ due kwela sɔɔ̌n (120) nu̍-ɛ.

Nu̍-dɛ̍ᵻ 14:22

Wɛ̀ u̍h-a po̍ Jusu-a kòà nɛ-a deě-ɛ gbǐh ku̍u̍, iě u̍h-a fùka u̍h-a wlùh u̍h iě wlùh gbaɛ dɛ kɛ̍n sie. U̍h la̍a̍, “Dě jua̍i̍ sàɛ̀-ɛ dɔu di̍i̍ bo à mu̍ jii sasǎ wɛ̀ à iě dě Nyɔsoa-a kmɔ̌ wlu̍ i̍ kɔn-ɛ di̍i̍ nyni̍.”

Wloma 8:17

Ka à nu̍-a Nyɔsoa-a nynuu̍-ɛ, nɛ̀ à nu̍ dǒ Nyɔsoa-a gbaa kɛ̍n sie nynuu̍. À ke Klai nu̍ gbaa kɛ̍n sie nynuu̍ pò à sàɛ̀ jua̍i̍ ka ɔ̍ nu̍-a jua̍i̍ sàɛ̀-ɛ, wɛ̀ à nynɛ̌ iě i̍ bɛ̌ ka ɔ̍ nynɛ̌ nu̍-a i̍ bɛ̌-ɛ.

Wloma 8:25

Jɛ pò dɛ̍ à se̍-a jlǐhɛ̍ tba̍-ɛ wɛ̀ à iě ɛ̍ wlùh i̍ kɔ̍-ɛ, nɛ̀ à gbɛ̍n wlùh i̍ iě à chlì ɛ̍ we̍ i̍.

2 Kɔwlɛntiɔn 1:7

À ku̍-e klì i̍ dǒ mɔ̀ wlì tè-ɛ we̍. Dɛ̍nu̍ɛ, ka à nu̍-a we̍ gbǎ-ɛɛ, kǎ mɔ̀-a nu̍ we̍ gbǎ-ɛ ke. À juo ɛ̍ ka à nu̍-a jua̍i̍ sàɛ̀-ɛ kǎ mɔ̀-a nu̍ jua̍i̍ sàɛ̀ ke.

Felepai 1:7

Ɛ̍ slɛ̌ i̍ ǎn wlùh iě ka wa̍-a nu̍ mɔ̀-a tìh. Dɛ̍nu̍ɛ, mɔ̀-a dɛ nɛ-a dǒ ǐn wlì-ɛ, ɛ̍ bɛ̌ i̍. Nɛ̀ ǎn pɔ̀n chɛ̀ kɛ̍n wlǔh-ɛ ke, ǎn ɛ̍ i̍ kui-ɛ ke, ǎn dě kasoo nɛ-ɛ ke, mɔ̀ kli̍hgbɛ̍ ke ǐn ke à nu̍ i̍h dě Nyɔsoa-a blɛ nɛ-ɛ di̍i̍.

Felepai 4:14

Jɛ ka mɔ̀ po̍-a ǐn sɔ̍n we̍ dǒ ǎn tìh jě la̍-ɛ, nɛ̀ dɛ̍ chɛ̀ bo mɔ̀ nu̍.

2 Tɛsoloniɔn 3:5

Ǎn sà nǐ wɔ̍n Joi iě mɔ̀-a pɔluh wìè-e po̍ dǒ ka Nyɔsoa nu̍-a mɔ̀ɔ̍ jbɛɛ we̍, ɛ̍ ke dě klì i̍ ku̍-ɛ Klai nyǐ-a mɔ̀-ɛ ke.

2 Timote 1:8

Ɛ̍ tìh-ɛ, bɔ̌ à Joi-a tìh i̍ sà-a tɛ̀n ple̍-ɛ. Nɛ̀ ka ǐn nɛ-a kasoo ɔ̍ tìh-ɛ, bɔ̌ ɛ̍ tɛ̀n ple̍-ɛ ke. Jɛ tù pɔ̀n chɛ̀-a tìh ìè ǐn kɛ̍n gbǎ à iě jua̍i̍ sàɛ̀-ɛ la kwa̍a̍ i̍ gblè-e dě Nyɔsoa-a gbǐh di̍i̍.

Iblu 10:36

Mɔ̀ kɔn mɔ̀ iě-e klì i̍ ku̍ wɛ̀ mɔ̀ iě Nyɔsoa-a wlùh nu̍, nɛ̀ mɔ̀-a mu̍ ɔ̍ tɔ̀ma̍a̍ wlu̍ jě.

1 Pitɛ 5:1

Ǐn ba̍ᵻ Nyɔsoa nyɔ̍ klaaᵻ nɛ-a dě mɔ̀ nynɛ̌ dě chɔchi̍h-iɛ, ǐn gbɛ̍n u̍h-a bu̍hᵻ i̍. Mɔ̍ la mɔ̍ sàànsi̍i̍h dǒ Klai-a jua̍i̍ sàɛ̀ dɛ we̍. Ɔ̍ tìh-a i̍ bɛ̌-ɛ ɛ̀ mu̍-a ji̍-ɛ, ǎn mu̍ ɛ̍ dɛ̍ di̍i̍ nyǐ-ɛ ke. Ǐn gbɛ̍n mɔ̀-a bu̍hᵻ i̍,

Wlɛfeleseɔn 1:1

Chlǐh-dɛ̍ la bo ɛ̀ sà dɛ̍ᵻ ìh kɔn ìh iě-a nɛ suei̍-ɛ i̍h-a tìh i̍. I̍h bo Nyɔsoa sà tà dě Jusu Klai we̍ ɔ̍ iě i̍h ɔ̍ pòi̍nynuu̍ i̍ to. Klai dbo̍ ɔ̍ ǐnchɔ̀ dě ɔ̍ pòi̍ju Chɔɔn we̍, iě ɛ̍ sèàɛ̍ ɔ̍ wlùh.

Wlɛfeleseɔn 1:2

Chɔɔn bo ɔ̀ nu̍ sàànsi̍i̍h dǒ Nyɔsoa-a tu̍owli ke gblangbai̍ Jusu Klai sà-ɛ we̍, ɛ̍ ke jih kli̍hgbɛ̍-a chɛ̀ ɔ̍ jě-aɛ ke.

Wlɛfeleseɔn 1:4

Mɔ̍ Chɔɔn, mɔ̍ sà chɔchi̍h nyɔ̍ nɛ-a wlɔ̀ᵻ mɛ̀sɔɔ̌n nɛ-a dě Esea bloa̍ kɛ̍n-ɛ nyinɔ̍ i̍. Ǎn sà nǐ wɔ̍n blɛ ke wlùh-a i̍ tè-ɛ iě dǒ mɔ̀ we̍ nɛ. Nyinɔ̍ i̍ sà wlu̍ la ɛ̍ sɔ dě Nyɔsoa we̍, ɔ̀ nɛ-a, ɔ̀ nɛ-a kmɔ̌ se̍e̍ wɛ̀ ɔ̀ mu̍-a ji̍-ɛ. Ɛ̍ sɔ dě sùù mɛ̀sɔɔ̌n ìh-a dbee-a ɔ̍ jǔ ìh nɛ-a dǒ ɔ̍ nynɛ̌ gbalǎ jǔ-ɛ we̍ ke.

Wlɛfeleseɔn 1:6

Wɛ̀ ɔ̍ nu̍ à kmɔ̌ wlu̍ i̍ kɔn nyɔ̍ ke slaǎ sà nyɔ̍ we̍i̍ à iě ɔ̍ Baa Nyɔsoa jǔ dbee. Tìh-a i̍ bɛ̌-ɛ ke gbǐh kɔn dǒ Jusu Klai we̍ nɔ̌ kmɔ̌-a kmɔ̌. Kǎ ɛ̍-ɛ nɛ.

Wlɛfeleseɔn 11:7

Pò u̍h wɔ̀ u̍h-a tu̍owli po̍-ɛɛ, nɛ̀ nmi̍ɛ̍ ɛ̀ sɔ-a dě kàn biě laa̍ di̍i̍-ɛ, ɛ̍ mu̍ u̍h tu̍h we̍ pa̍-ɛ. Nɛ̀ ɛ̍ mu̍ u̍h klà sà, ɛ̍ iě u̍h dbǎ.

Wlɛfeleseɔn 12:11

À de̍di̍i̍ᵻ du̍ ɛ̍ wɛ̀ dǒ Blawɛ̌ Jǔ-a nymɔ̍ ke tìh-a taǐn tu̍owli u̍h po̍-a we̍. Iě u̍h sà u̍h-a feɛ kwlǎ u̍h iě mɛ̌.

Wlɛfeleseɔn 12:17

Wɛ̀ dɔ̍sɛ gbǎ-ɛ nynɔ̌ jlu̍h-u, iě ɛ̍ mu̍ ɔ̍ tloemlai tu̍h we̍ pa̍-ɛ la̍, ùh gbɛ̍n-a Nyɔsoa-a telě ke Jusu-a gblangbai̍ wlu̍ i̍-ɛ.

Wlɛfeleseɔn 13:10

Nyɔ̍-o-nyɔ̍ ɔ̀ tu̍h nɛ-a gba̍ ka̍-ɛ, nɛ̀ tu̍h-a mu̍ ɔ̍ gba̍. Nyɔ̍-o-nyɔ̍ ɔ̀ nɛ-a plàn chlɛ̀n i̍ dbǎ-ɛ ka̍-ɛ, nɛ̀ ɔ̍ mu̍ plàn chlɛ̀n i̍ dbǎ-ɛ. Ka ɛ̍ nɛ-a ka-ɛ, nɛ̀ Nyɔsoa nyɔ̍ kɔn u̍h iě-e klì i̍ ku̍ u̍h iě wlùh gbaɛ blě.”

Wlɛfeleseɔn 14:12

Ka ɛ̍ nɛ-a ka-ɛ, nɛ̀ Nyɔsoa-a nyɔ̍ ùh-a tè-ao ɔ̍ telě i̍, iě u̍h gbaɛ-a Jusu wlùh-ɛ, nɛ̀ u̍h kɔn u̍h iě-e klì i̍ ku̍.

Wlɛfeleseɔn 19:10

Wɛ̀ ǐn kà i̍ dǒ ɛ̍ bu̍hᵻ kɛ̍n iě ɛ̍ wɛɛ sà. Jɛ ɛ̍ la̍a̍ dě ǐn we̍, “Bɔ̌ laǎn nu̍-ɛ. Mɔ̍ pòi̍ju ke ka ìn ke ìn de̍di̍i̍ᵻ nu̍-a pòi̍nynuu̍ iě mɔ̀ nu̍-a sàànsi̍i̍h dǒ dɛ̍ Jusu sà-a we̍-ɛɛ, kǎ ǐn nɛ ke. Nyɔsoa bo ìè wɛɛ sà.” Dɛ̍nu̍ɛ, Jusu we̍ tìh i̍ sà-a bo ɛ̀ nu̍ Nyɔsoa-a tu̍owli po̍-ɛ.

Wlɛfeleseɔn 20:4

Wɛ̀ ǐn jě nynɛ̌ gbalǎᵻ, nɛ̀ nyɔ̍ ùh tè-a dǒ i̍h kɛ̍n i̍-ɛ, u̍h tùi-ɛ tùn kwa̍a̍ wɛ̀ u̍h iě taɔ nu̍. Nyɔ̍ ùh chɛ̍n-ɛa dlǔ i̍ u̍h-a Jusu-a tìh bla̍ tìh ke Nyɔsoa-a wlu̍ gba̍ tìh-ɛ, u̍h-a sùù bo. U̍h se̍ nmi̍ɛ̍ ke ɛ̍ mɛ̍-dɛ̍ wɛɛ sà, iě u̍h se̍ ɛ̍ juola dǒ jua̍i̍ ke u̍h sɔ̍n i̍ tù. U̍h wlǔh-e, iě u̍h ke Klai blě nyɔ̍-a wlu̍ kwa̍ dǒ sɔ̀nᵻá wlǔ due di̍i̍.

Wlɛfeleseɔn 3:10

Ǎn mu̍ mɔ̀ kɛ̍n kaɛn dǒ jua̍i̍ sàɛ̀ ɛ̀ mu̍-a kmɔ̌ kli̍hgbɛ̍ la we̍ ji̍ ɛ̀ iě-a nyɔ̍ kli̍hgbɛ̍ nɛ-a nɔ̌ blǔh la kɛ̍n-ɛ tɛ̀n-ɛ we̍. Dɛ̍nu̍ɛ, mɔ̀ nu̍ ǎn wlu̍ dǒ mɔ̀-a wlùh i̍ gbɛ̍n-ɛ ke mɔ̀-a dě klì i̍ ku̍-ɛ di̍i̍.

Wlɛfeleseɔn 6:9

Wɛ̀ Blawɛ̌ Jǔ wa̍ slu̍-a m̀m̌ naɛ. Iě ǐn jě nyɔ̍ɔ-a sùù dǒ slaǎ sà-ɛ gblǒ sɔ̀n, ùh u̍h tù-a Nyɔsoa-a wlu̍ ke ɛ̍ sàànsi̍i̍h nu̍ tìh u̍h dbǎ-aɛ.

Wlɛfeleseɔn 7:14

Wɛ̀ na̍a̍, “Nyɔ̍ klaa, ǐn se̍ u̍h-a dɛ̍ i̍ juo. Mɔ̀ bo ɔ̀ juo u̍h.” Iě ɔ̍ la̍a̍ dě ǐn we̍, “Nyɔ̍ la ùh jii-a dě jua̍i̍ sàɛ̀ klaa di̍i̍-ɛ u̍hɔ̍ɔ̍ bo. U̍h wɔ̍lɔ u̍h-a plɛ̀i̍ᵻ wɛ̀, iě u̍h plǔ i̍ i̍h dǒ Blawɛ̌ Jǔ-a nymɔ̍ we̍.