Wlɛfeleseɔn 1:7 - Ku̍o̍ Delee 1999

⁷ Mɔ̀ tù ɛ̍ jlǐhɛ̍ ɔ̍ mu̍ dě nǐgbanᵻ kɛ̍n naɛ blě ɔ̍ iě ji̍. Wɛ̀ nyɔ̍ kli̍hgbɛ̍ iě ɔ̍ jě, ɛ̍ ke juh dbǎ ɔ̍-ɛ ke. Nɛ̀ nyɔ̍ kli̍hgbɛ̍ nɛ-a nɔ̌ kmɔ̌-ɛ, u̍h-a mu̍ sùàɛ̀n pa̍ ɔ̍ tìh. Kǎ ɛ̍-ɛ nɛ.

Wlɛfeleseɔn 1:7 Iomraidhean Croise

Matio 16:27

Dɛ̍nu̍ɛ, Nyi̍ɔ̍-a Jǔ-a mu̍ de̍ka ji̍ dě ɔ̍ Baa-a tìh-a i̍ bɛ̌-ɛ di̍i̍, ɔ̍ ke ɔ̍ ǐnchɔ̀ ke. Dǒ ti̍ laa̍ di̍i̍-ɛ, ka jɔ-a nu̍-dɛ̍ nɛ-aɛ, nɛ̀ kǎ ɔ̍ Nyɔsoa kwa̍a̍ jě dɛ̍-a mu̍ nɛ.

Matio 16:28

Tìh-a taǐn ǎn sèàɛ̍ mɔ̀ wlùh, nyɔ̍ duuh nyna i̍ da̍a u̍h se̍ mɛ̌ mu̍ te̍e̍ wɛ̀ u̍h iě Nyi̍ɔ̍-a Jǔ jě ɔ̍ iě ɔ̍ kmɔ̌ wlu̍ i̍ kɔn la̍ ji̍.”

Matio 24:30

Dǒ ti̍ laa̍ di̍i̍ nɛ̀ Nyi̍ɔ̍-a Jǔ-a juola-a mu̍ dě ja̍u̍n wlì wlǔh-i. Nɛ̀ kmɔ̌ nyi̍ɔ̍ kli̍hgbɛ̍-a mu̍ sùàɛ̀n pa̍. Nɛ̀ u̍h-a mu̍ Nyi̍ɔ̍-a Jǔ jě ɔ̍ iě dě nǐgbanᵻ kɛ̍n naɛ dě ja̍u̍n wlì dǒ gbǐh ke tìh-a i̍ bɛ̌-ɛ ɛ̀ ku̍-a wɔ̍n-ɛ we̍.

Matio 25:31

Jusu la̍a̍, “Ti̍ Nyi̍ɔ̍-a Jǔ-a mu̍-a ji̍ dě ɔ̍ tìh-a i̍ bɛ̌-ɛ di̍i̍ wɛ̀ ɔ̍ ke ɔ̍ ǐnchɔ̀ iě-a na-ɛ, nɛ̀ ɔ̍ mu̍ i̍ tè dǒ ɔ̍ nynɛ̌ gbalǎ kɛ̍n.

Matio 26:64

Wɛ̀ Jusu la̍a̍, “Ka ìn dǎ-ɛ, nɛ̀ kǎ ɛ̍ nɛ. Jɛ bɔ̌ ǐn sèàɛ̍ mɔ̀ kli̍hgbɛ̍ wlùh, dě nya̍-ɛ, mɔ̀-a mu̍ Nyi̍ɔ̍-a Jǔ jě ɔ̍ iě i̍ tè dǒ Gbǐh Kli̍hgbɛ̍ Blě Nyɔ̍-a di̍na̍ we̍, wɛ̀ ɔ̍ iě nǐgbanᵻ kɛ̍n naɛ blě dě ja̍u̍n wlì ɔ̍ iě ji̍.”

Pɔ̀n Chɛ̀ Maɛ To-a La 13:26

Nɛ̀ u̍h-a mu̍ Nyi̍ɔ̍-a Jǔ jě ɔ̍ iě dě nǐgbanᵻ kɛ̍n naɛ dě ja̍u̍n wlì dǒ gbǐh ìh ku̍-a wɔ̍n-ɛ we̍, ɛ̍ ke tìh-a i̍ bɛ̌-ɛ ke.

Pɔ̀n Chɛ̀ Maɛ To-a La 14:62

Jusu la̍a̍, “I̍i̍n, mɔ̍ bo, nɛ̀ mɔ̀-a mu̍ Nyi̍ɔ̍-a Jǔ jě ɔ̍ iě i̍ tè dǒ Gbǐh Kli̍hgbɛ̍ Blě Nyɔ̍-a di̍na̍ we̍, wɛ̀ ɔ̍ iě nǐgbanᵻ kɛ̍n naɛ blě dě ja̍u̍n wlì ɔ̍ iě ji̍.”

Pɔ̀n Chɛ̀ Luu To-a La 21:27

Nɛ̀ u̍h-a mu̍ Nyi̍ɔ̍-a Jǔ jě ɔ̍ iě dě nǐgban kɛ̍n naɛ dě ja̍u̍n wlì dǒ gbǐh ke tìh-a i̍ bɛ̌-ɛ ɛ̀ ku̍-a wɔ̍n-ɛ we̍.

Chɔɔn 19:34

Jɛ fledlǔ jǔ due nynǎ ɔ̍ dǐ gbèɛ̀n we̍, iě nǐ ke nymɔ̍ sɔ-o. (

Chɔɔn 19:37

Nyɔsoa-a wlu̍ la̍a̍ dɛ-ɛ, “Nyɔ̍ ɔ̀ u̍h nynǎ-a dǐ-ɛ, nyɔ̍ɔ-a mu̍ ɔ̍ i̍ jě.”

1 Tɛsoloniɔn 1:10

Wɛ̀ mɔ̀ iě ɔ̍ Jǔ Jusu ɔ̍ sà-eɛ, ɔ̍ dě ja̍i̍wlɔ̀ sɔ-ɛ fuo-e, ɔ̍ bo ɔ̀ sèìe àɔ̀ dǒ Nyɔsoa-a jlu̍h ɛ̀ mu̍-a ji̍-ɛ we̍.

1 Tɛsoloniɔn 4:17

Nɛ̀ɛ̍, à nyɔ̍ ùh-a mu̍-a kmɔ̌ nɛ dǒ ti̍ laa̍ di̍i̍-ɛ, u̍h ke à mu̍ dě nǐgbanᵻ kɛ̍n gba̍-ɛ tàdùè dě ja̍u̍n wlì, à iě Joi i̍ jǎɛ. Nɛ̀ à mu̍ la̍ dǒ Joi we̍ nɛ kleǐnklein.

Iblu 10:29

Pò nyɔ̍ jaɛ Nyɔsoa-a Jǔ-a tìh jlǐh, wɛ̀ ɔ̍ se̍ nymɔ̍ ɛ̀ to-a ɛ̍ ka Nyɔsoa po̍-a ku̍o̍ iě nymɔ̍-a chɛ̀ dle ɔ̍ i̍ dǒ Nyɔsoa we̍-ɛ, pò ɔ̍ se̍ ɛ̍ dɛ̍ dǎɛ wɛ̀ ɔ̍ iě blɛ nɛ Sùù chlèe-ɛ, nɛ̀ ka ɔ̍ naɛ kàn gbɛ̍n-ɛa mu̍-a wɔ̍n ku̍ ɛ̍ iě-a telě wa̍ nyɔ̍ sìì-ɛ, mɔ̀ se̍ i̍h juo ae?

Iblu 6:6

Wɛ̀ u̍h sɔ dǒ ɔ̍ wìè kɛ̍n, nɛ̀ nyɔ̍ se̍ ɛ̍ nu̍-ɛ bɛ̌ɛ dɛ u̍h iě i̍ bǐi. Dɛ̍nu̍ɛ, ɛ̍ wɔ̀ ka u̍h kɔ̍ Nyɔsoa-a Jǔ dǒ gbaɛ kɛ̍n i̍ tu̍ wlì dode̍ dǒ u̍h-a chɛ̀-a sɔ̍nᵻ we̍, iě u̍h po̍ ɔ̍ nynɛ̌ ja̍a̍i̍ dǒ wlɔ̀gbàɛ̀.

1 Chɔɔn 3:2

Ǎn tìh kma nyɔ̍, àɔ̀ Nyɔsoa-a nynuu̍ nɔ̀ɔ̍ wɛ̀, jɛ ka à mu̍-a nɛ dě nya̍-ɛ, ɛ̍ se̍ we̍i̍ flɔn ke̍. Jɛ à juo ka à mu̍-a nɛ-ɛ, ti̍ ɔ̍ mu̍-a àɔ̀ kɛ̍n wlǔh-iɛ, nɛ̀ à mu̍ ɔ̍ wɔ̀. Dɛ̍nu̍ɛ, ka ɔ̍ nɛ-aɛ, nɛ̀ à mu̍ ɛ̍ jě.

Judi 1:14

Inɔ ɔ̀ po̍-a jǎɛ-o nyɔ̍-a gbɔ̍ᵻ mɛ̀sɔɔ̌n sɔ dě Adaun we̍-ɛ, ɔ̍ bo ɔ̀ po̍ gbànwli dǒ u̍h pùn. Ɔ̍ la̍a̍, “Joi ke ɔ̍ ǐnchɔ̀-a wlǔ-a wlǔ-a mu̍ ji̍

Wlɛfeleseɔn 22:20

Jusu ɔ̀ bla̍-a ìh la-ɛ, ɔ̍ la̍a̍, “I̍i̍n, ǎn ji̍-i suei̍.” Kǎ ɛ̍-ɛ nɛ. Ji̍ Joi Jusu.

Wlɛfeleseɔn 22:4

U̍h-a mu̍ ɔ̍ jua̍a̍ jě, wɛ̀ ɔ̍ nynɛ̌ iě chlǐh-ɛ dǒ u̍h jua̍i̍.