Wlɛfeleseɔn 1:5 - Ku̍o̍ Delee 1999

⁵ Ɛ̍ sɔ dě sàànsi̍i̍h Jusu Klai ɔ̀-ɔ gblìh-a wlu̍ kɛ̍n-ɛ we̍ ke. Ɔ̍ bo ɔ̀ nu̍ sàǐtòò Jǔ ɔ̀ wlǔh-e, iě ɔ̍ blě blǔh baaᵻ nɛ-a nɔ̌ kmɔ̌ we̍-ɛ u̍h-a wlu̍ kwa̍. Jusu Klai jbɛɛ àɔ̀ iě ɔ̍ sèìe àɔ̀ dě à gblɛ̍n sɔ̀ɛ̀n di̍i̍ dǒ ɔ̍ nymɔ̍ we̍.

Wlɛfeleseɔn 1:5 Iomraidhean Croise

Matio 20:28

Nyi̍ɔ̍-a Jǔ se̍ ji̍ nyɔ̍ iě ɔ̍ pòi̍ju nu̍. Jɛ ɔ̍ ji̍-i wɛ̀ ɔ̍ chɛ̀ iě pòi̍ju nu̍. Wɛ̀ ɔ̍ iě ɔ̍ feɛ i̍ pɛ̌n-ɛ, ɛ̍ iě nyɔ̍ dɔu kɛ̍ɛ̍n pùhbɔ. Ɛ̍ kɔn ba̍ mɔ̀ iě nu̍ ke.”

Matio 28:18

Wɛ̀ Jusu klɛɛn dǒ u̍h we̍ iě ɔ̍ la̍a̍, “Gbǐh kli̍hgbɛ̍ nɛ-a dě ja̍i̍wlɔ̀-ɛ ke jih nɛ-a nɔ̌ bloɔ̍-ɛ, i̍h nyǐ-ɛ m wɛ̀.

Chɔɔn 13:1

Ɛ̍ si̍e̍-o weɛ̍ due wɛ̀ ɛ̍ iě Sììkɛ̍n Weɛ̍-a Peě nu̍. Dǒ Jusu juo-e dɛ̍ i̍ ka ti̍ nyni̍-a wɛ̀ ɔ̍ iě-a da̍a kmɔ̌ la we̍ sɔ ɔ̍ iě-a Baa we̍ mu̍-ɛ. Nyɔ̍ ùh kɔn-a dǒ ɔ̍ we̍ nɔ̌ kmɔ̌-ɛ, u̍h-a jbɛɛ ɔ̍ sà-a dě bloɔ̍ i̍-ɛ, ɛ̍ bo ɔ̍ chlà-ɛ ɛ̍ dlǔ i̍.

Chɔɔn 13:34

Mɔ̀ jbɛɛ we̍, ɛ̍ bo ɛ̀ nu̍ slǔh delee ǎn po̍ mɔ̀. Ka ǐn nu̍-a mɔ̀-ɔ jbɛɛ-ɛ, kǎ mɔ̀ iě we̍ jbɛɛ nu̍ ke.

Chɔɔn 15:9

Ka ǐn Baa nu̍-a ǐn jbɛɛ-ɛ, kǎ ǐn nu̍ mɔ̀-ɔ jbɛɛ ke. Mɔ̀ sie dě ǎn jbɛɛ di̍i̍.

Chɔɔn 18:37

Pale la̍a̍, “Iě nɛ̀ mɔ̀ blǔh baa lě.” Jusu la̍a̍, “Nàa̍, mɔ̍ blǔh baa. Ɛ̍ kɔn tìh ǐn wlǔh iě ǐn ji̍ da̍a kmɔ̌ la we̍, wɛ̀ iě tìh-a taǐn-a sàànsi̍i̍h nu̍. Nyɔ̍ juh kɔn-a dǒ tìh-a taǐn we̍-ɛ, u̍h bo ùh-a wɔ̌n ǎn wlu̍-i i̍.”

Chɔɔn 3:11

Tìh-a taǐn ǎn sèàɛ̍ ìn wlùh, dɛ̍ à juo-aɛ, ɛ̍ bo à sà-a. Dɛ̍ à jě-aɛ, ɛ̍ kɔn sàànsi̍i̍h bo à nu̍. Jɛ mɔ̀-a sà à wlu̍ dounᵻ i̍.

Chɔɔn 3:16

Dɛ̍nu̍ɛ, Nyɔsoa jbɛɛ kmɔ̌ la-a kaa̍, ɛ̍ kɔn ɔ̍ to ɔ̍ Jǔ jɔɛ̍ due gbài̍. Nɛ̀ nyɔ̍ jɔ mu̍-a ɔ̍ wlùh gbaɛ-ɛ, ɔ̍ se̍ mɛ̌ mu̍, jɛ nɛ̀ ɔ̍ mu̍ kmɔ̌ sie feɛ blě.

Chɔɔn 3:32

Dɛ̍ ɔ̍ wɔ̌n-a wɛ̀ ɔ̍ gba̍-a jlǐhɛ̍ pùn-ɛ, ɛ̍ kɔn sàànsi̍i̍h bo ɔ̍ nu̍. Jɛ nyɔ̍ se̍ ɔ̍ wlu̍ tìh dǎɛ.

Nu̍-dɛ̍ᵻ 20:28

Ɛ̍ tìh-ɛ, mɔ̀ tù mɔ̀-a chɛ̀ jlǐhɛ̍, nɛ̀ blawɛ̌ᵻ la ìh kɔn fààmlà Nyɔsoa-a Sùù nu̍-a mɔ̀ we̍i̍-ɛ, mɔ̀ tù i̍h jlǐhɛ̍ ke. Nɛ̀ ɔ̍ chɔchi̍h la ɛ̀ kɔn pɛlǔh ɔ̍ po̍-a dǒ ɔ̍ Jǔ-a nymɔ̍ we̍-ɛ, mɔ̀ tù ɛ̍ tìh jlǐhɛ̍.

Nu̍-dɛ̍ᵻ 26:23

Ka Nyɔsoa-a Chèɛ̀ Tba̍ju-a mu̍-a jua̍i̍ sàɛ̀, wɛ̀ ɔ̍ iě-a sàǐtòò nyɔ̍ nu̍ ɔ̍ iě-ae wlǔh, wɛ̀ ɔ̍ iě-a sɔ̀npli-a tìh we̍i̍ bla̍ dě ɔ̍ chɛ̀-a nyɔ̍ ke ùh se̍-a Juu nyɔ̍-ɛ we̍-ɛ, i̍h bo ǎn bla̍ ke.”

Wloma 3:25

Nyɔsoa to ɔ̍-ɛ ɔ̍ iě slaǎ sà-ɛɛ, wɛ̀ nyɔ̍ ɔ̀ mu̍-a Jusu wlùh gbaɛ-ɛ ɔ̍ gblɛ̍n sɔ̀ɛ̀n-a tìh iě i̍ tǎli-ɛ. Nyɔsoa to ɔ̍ ɛ̍ iě ɛ̍ to ka ɔ̍ slɛ̌-a i̍-ɛ. Dɛ̍nu̍ɛ, ɔ̍ gbɛ̍n wlùh i̍, ɛ̍ kɔn ɔ̍ se̍ nyɔ̍ɔ kàn gbɛ̍n tɛin dǒ gblɛ̍n sɔ̀ɛ̀n u̍h nu̍-a we̍.

Wloma 8:37

Iěe, ìh kli̍hgbɛ̍ la i̍h se̍ à i̍ che̍ɛ̍ɛn bɛ̌ɛ. À sìì tu̍h du̍ nyɔ̍-a chɛ̀ wɛ̀ dě ɔ̀ jbɛɛ-a àɔ̀-ɛ ja̍a̍.

1 Kɔwlɛntiɔn 6:11

Kǎ mɔ̀-a nyɔ̍ duuh nɛ de, jɛ mɔ̀ wɛ̀ nɛi̍ wɛ̀, iě mɔ̀ kɔn dǒ Nyɔsoa we̍. Mɔ̀ slɛ̌ i̍ wɛ̀ dě Nyɔsoa jlǐh dǒ ɔ̍ Sùù we̍, ɛ̍ ke dǒ à Joi Jusu Klai-a nynɛ̌ kɛ̍n ke.

Kelesea 2:20

Kaka la̍ ɛ̍ se̍ mɔ̍ ɔ̀ se̍ kmɔ̌ nɛ dɛ, jɛ Klai bo ɔ̀ nɛ kmɔ̌ wɛ̀ dě ǐn ja̍a̍. Kmɔ̌ ǐn nɛ-a ka-a dě ǎn nyi̍ɔ̍ku di̍i̍-ɛ, ǐn nɛ ɛ̍-ɛ dǒ Nyɔsoa-a Jǔ wlùh gbaɛ-ɛ we̍. Ɔ̍ bo ɔ̀ jbɛɛ m wɛ̀ ɔ̍ sà ɔ̍ feɛ kwlǎ ǎn tìh.

Ɛfɛsɔ 2:4

Jɛ Nyɔsoa-a wɔɛ bo ɛ̀ tìè i̍, iě ɔ̍ àɔ̀ jbɛɛ ku̍ wɔ̍n.

Ɛfɛsɔ 5:2

Mɔ̀ na-ɛ dě jbɛɛ di̍i̍, ɛ̀ kɔn ba̍ Klai nu̍-a à-a jbɛɛ-ɛ, wɛ̀ ɔ̍ sà-a ɔ̍ feɛ kwlǎ à tìh-ɛ. Ɔ̍ wɔ̀ nyǐ-dɛ̍ ɛ̀ nmɔ-a nɔ̌-ɛ ke slaǎ sà dɛ̍ ɛ̀ po̍-a Nyɔsoa gbǐh-ɛ.

Kalase 1:18

Chɔchi̍h nu̍ ɔ̍ ku̍ iě ɔ̍ nu̍ ɛ̍ dlǔ. Ɔ̍-ɔ bo ɔ̀ nu̍ tɔ̀blɔ̍ɔ̍, iě ɔ̍ nu̍ sàǐtòò Jǔ ɔ̀ wlǔh-e, wɛ̀ ɔ̍ iě dɛ̍ᵻ kli̍hgbɛ̍-a chìnɔ̀ɔ̀n nu̍.

1 Timote 6:13

Nɛ̀ɛ̍, Nyɔsoa ɔ̀ nyǐ-a dɛ̍ᵻ kli̍hgbɛ̍ feɛ-ɛ ke, Jusu Klai jɔ wlu-a ɔ̍ wlùh gbaɛ blě tìh gbài̍gbài̍ dǒ Pɔntiɔ Pale jǔ-ɛ, da̍a u̍h jǔ bo ǎn po̍-e ìn slǔh.

1 Timote 6:15

Pɔ̀ìě Nyɔsoa ɔ̀ nɛ due blě-a gbǐh kli̍hgbɛ̍-ɛ, ɔ̍ bo ɔ̀ mu̍ ɔ̍ tà sà dǒ ti̍ ɔ̍ tba̍-a di̍i̍, ɔ̀ nu̍-a blǔh baaᵻá Blǔh Baa-a ke joi kli̍hgbɛ̍-a Joi-ɛ.

Iblu 10:29

Pò nyɔ̍ jaɛ Nyɔsoa-a Jǔ-a tìh jlǐh, wɛ̀ ɔ̍ se̍ nymɔ̍ ɛ̀ to-a ɛ̍ ka Nyɔsoa po̍-a ku̍o̍ iě nymɔ̍-a chɛ̀ dle ɔ̍ i̍ dǒ Nyɔsoa we̍-ɛ, pò ɔ̍ se̍ ɛ̍ dɛ̍ dǎɛ wɛ̀ ɔ̍ iě blɛ nɛ Sùù chlèe-ɛ, nɛ̀ ka ɔ̍ naɛ kàn gbɛ̍n-ɛa mu̍-a wɔ̍n ku̍ ɛ̍ iě-a telě wa̍ nyɔ̍ sìì-ɛ, mɔ̀ se̍ i̍h juo ae?

Iblu 9:14

Pò nmi̍ɛ̍-ɛ nymɔ̍ ja nyɔ̍ dě Nyɔsoa jlǐh i̍ nmɔ-ɛ, nɛ̀ Klai jɔ jii-a dě kmɔ̌ sie Nyɔsoa-a Sùù di̍i̍ wɛ̀ ɔ̀ sà-a ɔ̍ chɛ̀ kwlǎ iě ɔ̍ se̍-a nɛi̍ nɛ fu̍u̍-ɛ, nɛ̀ à ji̍ ɔ̍ naɛ nymɔ̍ jě. Nɛ̀ ɛ̍ bɛ̌ɛ ɛ̍ iě à wlùh-a wlaǎwla nu̍, wɛ̀ à iě pɔ̀ɔ̍pìe̍ dɛ̍ᵻ à nu̍-a i̍ tǎli, à iě kmɔ̌ nɛ Nyɔsoa jǔ dbee.

1 Pitɛ 1:19

Klai ɔ̀ wɔ̀-a slaǎ sà blawɛ̌ ɛ̀ se̍-a nɛi̍ nɛ fu̍u̍-ɛ, ɔ̍ nymɔ̍ ɛ̀ gbǎ-a dɛ̍kɛ̍n-ɛ, ɛ̍ bo ɔ̍ pùhbɔ mɔ̀ kɛ̍ɛ̍n.

1 Chɔɔn 1:7

Jɛ ka ɔ̍ nu̍-a dě sɔ̀npli di̍i̍ nɛ-ɛ, pò à nu̍ la̍a̍n dě sɔ̀npli di̍i̍ nɛ-ɛ ke-ɛ, nɛ̀ ɔ̍ ke à nɛ̍aɛ la̍ we̍. Nɛ̀ ɔ̍ Jǔ Jusu Klai-a nymɔ̍-a wɔ̍lɔ à gblɛ̍n sɔ̀ɛ̀n kli̍hgbɛ̍ pihpǐh.

1 Chɔɔn 4:10

Ɛ̀ la bo ɛ̀ nu̍ jbɛɛ. Ɛ̍ se̍ àɔ̀ mɔ à se̍ Nyɔsoa-a jbɛɛ, jɛ ɔ̍-ɔ bo ɔ̀ jbɛɛ àɔ̀ wɛ̀ ɔ̍ dbo̍ ɔ̍ Jǔ. Dě ɔ̍ Jǔ-a ɔ̍ chɛ̀ slaǎ sà-ɛ di̍i̍ bo à gblɛ̍n sɔ̀ɛ̀n-a tìh tǎli-ɛ i̍.

Wlɛfeleseɔn 11:15

Wɛ̀ Nyɔsoa-a ǐnchɔ̀-a mɛ̀sɔɔ̌n naɛ bla̍ ɛ̍ dɔ̍gbɛ̍. Iě we̍le wlu̍ klaa sɔ dě ja̍i̍wlɔ̀, ɛ̍ la̍a̍, “Nyɔ̍-a wlu̍ kwa̍ blě-ɛ ɛ̀ nɛ-a nɔ̌ kmɔ̌ we̍-ɛ, ɛ̍ kɔn dǒ à Joi ke ɔ̍ Chèɛ̀ Tba̍ju we̍ wɛ̀. Ɔ̍ mu̍ nyɔ̍-a wlu̍ kwa̍ blě nɔ̌ kmɔ̌-a kmɔ̌.”

Wlɛfeleseɔn 11:3

Ǎn mu̍ ǎn sàànsi̍i̍h sɔɔ̌n ùh pa̍-a sùàɛ̀n pa̍ jlii̍-ɛ gbǐh nyǐ, wɛ̀ u̍h iě Nyɔsoa-a tu̍owli po̍ dǒ wǐh-a wlǔ due kmɛ sɔɔ̌n kwela mɛ̀o̍ (1,260) laa̍ di̍i̍.”

Wlɛfeleseɔn 17:14

I̍h-a mu̍ Blawɛ̌ Jǔ tu̍h we̍ pa̍-ɛ, wɛ̀ Blawɛ̌ Jǔ iě i̍h du̍. Dɛ̍nu̍ɛ, ɔ̍ nu̍ Joi dǒ joi kli̍hgbɛ̍ kɛ̍n, wɛ̀ ɔ̍ nu̍ Blǔh Baa dǒ blǔh baaᵻ kli̍hgbɛ̍ kɛ̍n. Nyɔ̍ ke ɔ̍ na-aɛ u̍h dǎ-ɛ, iě u̍h tba̍-ɛ chèɛ̀, wɛ̀ u̍h gbaɛ ɔ̍ wlùh.”

Wlɛfeleseɔn 19:11

Wɛ̀ ǐn jě ja̍i̍wlɔ̀ ɛ̍ pɔ̀ni wɔ̍n, iě soo̍bli plǔ nɛ deě. Ɔ̀ tè-a dǒ ɛ̍ kɛ̍n i̍-ɛ, ɔ̍ nynɛ̌ nu̍ Wlùh Gbaɛ ke Gblangbai̍ Nyɔ̍. Ɔ̍ nyɔ̍ kɛ̀n sà-a ke ɔ̍ tu̍h fɔ̀n-ɛ slɛ̌ i̍.

Wlɛfeleseɔn 19:16

Dǒ ɔ̍ dɛ̍wlo̍o̍ ke ɔ̍ dalǔh pùn bo nynɛ̌ la ɛ̍ chlǐh-ɛ. Ɛ̍ la̍a̍, “Blǔh baaᵻá Blǔh Baa, joi kli̍hgbɛ̍-a Joi.”

Wlɛfeleseɔn 2:13

Ǐn juo àn tǐn la̍. Tà kɔn taǐn Setɔn-a nynɛ̌ gbalǎ nɛ-a bo ìn tǐn. Wɛ̀ ìn gbaɛ ǐn wlùh ke ma̍u̍. Antipa-a chɛ̀ jɔ nu̍-a ǎn wlùh gbaɛ nyɔ̍ ke sàànsi̍i̍h-ɛ, ti̍ u̍h dbǎ-a ɔ̍ dě mɔ̀ blǐ wlɔ̀ tà Setɔn tǐn-aɛ, mɔ̀ se̍ mɔ̀-a wlùh gbaɛ-ɛ i̍ tǎli.

Wlɛfeleseɔn 3:14

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Leodesia wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě nyɔ̍ ɔ̀ kɔn nynɛ̌ nu̍-a Kǎ Ɛ̍-ɛ Nɛ-ɛ we̍. Ɔ̍-ɔ gblìh wlu̍ kɛ̍n iě ɔ̍ nu̍ gblangbai̍ sàànsi̍i̍h. Ɔ̍-ɔ bo ɔ̀ nu̍ dɛ̍ᵻ Nyɔsoa nu̍-aɛ i̍h-a gbɔ̀.

Wlɛfeleseɔn 7:14

Wɛ̀ na̍a̍, “Nyɔ̍ klaa, ǐn se̍ u̍h-a dɛ̍ i̍ juo. Mɔ̀ bo ɔ̀ juo u̍h.” Iě ɔ̍ la̍a̍ dě ǐn we̍, “Nyɔ̍ la ùh jii-a dě jua̍i̍ sàɛ̀ klaa di̍i̍-ɛ u̍hɔ̍ɔ̍ bo. U̍h wɔ̍lɔ u̍h-a plɛ̀i̍ᵻ wɛ̀, iě u̍h plǔ i̍ i̍h dǒ Blawɛ̌ Jǔ-a nymɔ̍ we̍.