Wlɛfeleseɔn 1:4 - Ku̍o̍ Delee 1999

⁴ Mɔ̍ Chɔɔn, mɔ̍ sà chɔchi̍h nyɔ̍ nɛ-a wlɔ̀ᵻ mɛ̀sɔɔ̌n nɛ-a dě Esea bloa̍ kɛ̍n-ɛ nyinɔ̍ i̍. Ǎn sà nǐ wɔ̍n blɛ ke wlùh-a i̍ tè-ɛ iě dǒ mɔ̀ we̍ nɛ. Nyinɔ̍ i̍ sà wlu̍ la ɛ̍ sɔ dě Nyɔsoa we̍, ɔ̀ nɛ-a, ɔ̀ nɛ-a kmɔ̌ se̍e̍ wɛ̀ ɔ̀ mu̍-a ji̍-ɛ. Ɛ̍ sɔ dě sùù mɛ̀sɔɔ̌n ìh-a dbee-a ɔ̍ jǔ ìh nɛ-a dǒ ɔ̍ nynɛ̌ gbalǎ jǔ-ɛ we̍ ke.

Wlɛfeleseɔn 1:4 Iomraidhean Croise

Chɔɔn 1:1

Kmɔ̌ iě-a nui-ɛɛ, nɛ̀ ɔ̀ kɔn nynɛ̌ nu̍-a Wlu̍-ɛ nɛ̀ ɔ̍ nɛ wɛ̀ se̍e̍. Ɔ̍ nɛ dǒ Nyɔsoa we̍, ɔ̍ se̍ nɛ wɛ̀ Nyɔsoa se̍ nɛ.

Nu̍-dɛ̍ᵻ 19:10

Ɛ̀ laa̍ bo ɛ̀ mu̍ dluwe̍ dǒ sɔ̀nᵻ sɔɔ̌n di̍i̍. Sɔ ɛ̍ nu̍ ɛ̍ Juu nyɔ̍ ke ùh kli̍hgbɛ̍ se̍-a Juu nyɔ̍ ùh tǐn-a Esea fɔɔ-ɛ, iě u̍h wɔ̌n Joi-a wlu̍.

Nu̍-dɛ̍ᵻ 2:9

À nyɔ̍ duuh sɔ Patia bloa̍ ke, Mɛdia bloa̍ ke, Ilam bloa̍ ke, Mɛsopotemia bloa̍ kɛ̍n. Duuh sɔ Judia bloa̍ ke, Kapadosia bloa̍ ke, Pɔntɔ bloa̍ ke, Esea bloa̍ kɛ̍n.

Wloma 1:7

Chlǐh-dɛ̍ la ɛ̍ ji̍ mɔ̀ɔ̍ Nyɔsoa-a tìh kma nyɔ̍ kli̍hgbɛ̍ nɛ-a dǒ Wlom wlɔ̀ di̍i̍-ɛ we̍, mɔ̀ɔ̍ ɔ̍ dǎ-a mɔ̀ iě-a ɔ̍ chɛ̀-a nyɔ̍ nu̍-ɛ. Ǎn sà nǐ wɔ̍n, à Baa Nyɔsoa ke Joi Jusu Klai iě mɔ̀ blɛ ke wlùh-a i̍ tè-ɛ nyǐ.

1 Kɔwlɛntiɔn 1:3

Ǎn sà nǐ wɔ̍n, à Baa Nyɔsoa ke Joi Jusu Klai iě mɔ̀ blɛ ke wlùh-a i̍ tè-ɛ nyǐ.

2 Kɔwlɛntiɔn 1:2

Ǎn sà nǐ wɔ̍n, à Baa Nyɔsoa ke Joi Jusu Klai iě mɔ̀ blɛ ke wlùh-a i̍ tè-ɛ nyǐ.

Iblu 13:8

Jusu Klai-a gblɛ̍n-ɛ sàɛ̀. Ɔ̍ due nɛ-a sɔ̀nwa̍n ke sèàn-ɛ, ɔ̍-ɔ bo ke̍ nɔ̌ kmɔ̌-a kmɔ̌.

Chiin 1:17

Nyǐ-dɛ̍ᵻ kli̍hgbɛ̍ ìh nmɔ-a jii̍ iě ìh wɛ̀-a gblɛ̍ja̍i̍-ɛ, i̍h sɔ dě ja̍i̍wlɔ̀. I̍h-a sɔ dě Baa Nyɔsoa ɔ̀ nu̍-a dɛ̍ᵻ kli̍hgbɛ̍ ìh blě-a sɔ̀npli dě ja̍i̍-ɛ we̍. Ɔ̍-ɔ sàɛ̀ wɛ̀ ɔ̍ iě kwile-a chɛ̀ blě dě sàɛ̀-ɛ di̍i̍.

Wlɛfeleseɔn 1:1

Chlǐh-dɛ̍ la bo ɛ̀ sà dɛ̍ᵻ ìh kɔn ìh iě-a nɛ suei̍-ɛ i̍h-a tìh i̍. I̍h bo Nyɔsoa sà tà dě Jusu Klai we̍ ɔ̍ iě i̍h ɔ̍ pòi̍nynuu̍ i̍ to. Klai dbo̍ ɔ̍ ǐnchɔ̀ dě ɔ̍ pòi̍ju Chɔɔn we̍, iě ɛ̍ sèàɛ̍ ɔ̍ wlùh.

Wlɛfeleseɔn 1:11

Ɛ̍ la̍a̍, “Chlǐh dɛ̍ ìn jě-a dě chlǐh-dɛ̍-a gbo̍lo̍ di̍i̍-ɛ, nɛ̀ ìn dbo̍ ɛ̍ dě chɔchi̍h nyɔ̍ nɛ-a wlɔ̀ᵻ mɛ̀sɔɔ̌n la di̍i̍ i̍-ɛ we̍, Ɛfɛsɔ ke Smana ke Pɛkamɔ ke Taɛtawla ke Sade ke Feledɛɛfia ke Leodesia.”

Wlɛfeleseɔn 1:17

Ǐn jě-a ɔ̍-ɛ, wɛ̀ ǐn kà i̍ dǒ ɔ̍ jǔ ka nyɔ̍ mɛ̌-ɛ. Jɛ ɔ̍ tè ɔ̍ di̍na̍ sɔ̍n dǒ ǐn dlǔ i̍, iě ɔ̍ la̍a̍, “Bɔ̌ faɔn ple̍-ɛ. Mɔ̍ bo ɔ̀ nu̍ sàǐtòò nyɔ̍ ke bɔ̌ɛ-o nyɔ̍.

Wlɛfeleseɔn 1:20

Dɛ̍ᵻ ìh sìle-a ìh nu̍-a chǔhtlɛ̀n mɛ̀sɔɔ̌n ìn jě-a dě ǎn di̍na̍ kwa̍a̍-ɛ ke chlǎn nape̍ᵻá kɛ̍n tè dɛ̍ᵻ mɛ̀sɔɔ̌n laa̍ ìh nui-a kòo̍-ɛ, i̍h-a gbɔ̀ la. Chǔhtlɛ̀n mɛ̀sɔɔ̌n laa̍ bo ìh nu̍ Nyɔsoa-a ǐnchɔ̀ dǒ chɔchi̍h nyɔ̍ nɛ-a wlɔ̀ᵻ mɛ̀sɔɔ̌n di̍i̍-ɛ we̍. Wɛ̀ chlǎn nape̍ᵻá kɛ̍n tè dɛ̍ᵻ mɛ̀sɔɔ̌n nu̍ chɔchi̍h mɛ̀sɔɔ̌n-a chɛ̀.”

Wlɛfeleseɔn 1:8

Joi Nyɔsoa Ɔ̀ Blě-a Gbǐh Kli̍hgbɛ̍, ɔ̀ nɛ-a, ɔ̀ nɛ-a kmɔ̌ se̍e̍ wɛ̀ ɔ̀ mu̍-a ji̍-ɛ, ɔ̍ la̍a̍, “Mɔ̍ bo ɔ̀ nu̍ dɛ̍ᵻ kli̍hgbɛ̍-a Gbɔ̀ Tè-ɛ ke i̍h-a Dlǔ I̍ Chlà-a.”

Wlɛfeleseɔn 1:9

Mɔ̍ Chɔɔn la, mɔ̀ ke ǐn ke à ji̍ de̍di̍i̍. Mɔ̀ ke ǐn ke à gbaɛ Jusu wlùh, ɛ̍ kɔn à sàɛ̀ jua̍i̍ iě à kɔn dǒ ɔ̍ kmɔ̌ wlu̍ i̍ kɔn-ɛ we̍. Wɛ̀ à gbɛ̍n wlùh i̍ à ku̍-e klì i̍. Ǎn bla̍ Nyɔsoa tìh ɛ̍ ke gblangbai̍ Jusu sà-ɛ ke. Ɛ̍ kɔn mɔ̍ bo u̍h po̍ nɔ̌ tbǒ la u̍h-a dǎɛ-a Pamɔ-ɛ kɛ̍n.

Wlɛfeleseɔn 16:5

Wɛ̀ ǐn wɔ̌n nǐ wlu̍ i̍ kɔn ǐnchɔ̀-a wlu̍. Ɛ̍ la̍a̍, “Nɛi̍ Wɛ̀ Nyɔ̍, mɔ̀ ɔ̀ nɛ-a wɛ̀ ɔ̀ nɛ-a kmɔ̌ se̍e̍-ɛ, kàn gbɛ̍n-ɛ ìn dbo̍-aɛ, ɛ̍ slɛ̌ i̍.

Wlɛfeleseɔn 2:12

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Pɛkamɔ wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě nyɔ̍ ɔ̀ blě-a nmǎ-a plàn chlɛ̀n-ɛ we̍.

Wlɛfeleseɔn 2:18

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Taɛtawla wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě Nyɔsoa-a Jǔ ɔ̀ kɔn jlǐh wɔ̀-a nɛ̍-a pàìbǒ iě ɔ̍ bu̍hᵻ wɔ̀-a ka nyɔ̍ po̍-a tìɛ̀n jlǐh-ɛ we̍.

Wlɛfeleseɔn 2:8

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Smana wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě ɔ̀ nu̍-a sàǐtòò nyɔ̍ ke bɔ̌ɛ-o nyɔ̍-ɛ we̍, ɔ̀ mɛ̌-a wɛ̀ ɔ̀ wlǔh-aeɛ.

Wlɛfeleseɔn 22:16

“Mɔ̍ Jusu, mɔ̍ bo ɔ̀ dbo̍ ǎn ǐnchɔ̀ dě mɔ̀ we̍ ɛ̍ iě wlu̍ la bla̍ dě chɔchi̍h nyɔ̍ we̍. Mɔ̍ Depe-a jǔ, ǐn sɔ dě ɔ̍ chɛǐ, iě ǐn wɔ̀ chǔhtlɛ̀n ɛ̀ fa̍n-a chàa̍n klàɛ̍we̍-ɛ.”

Wlɛfeleseɔn 22:8

Mɔ̍ Chɔɔn, mɔ̍ bo ɔ̀ wɔ̌n ìh la iě ǐn jě i̍h. Ti̍ ǐn wɔ̌n-a i̍h iě ǐn jě-a i̍h-ɛ, wɛ̀ Nyɔsoa-a ǐnchɔ̀ ɛ̀ toe-a i̍h m-ɛ, iě ǐn kà i̍ dǒ ɛ̍ jǔ iě ɛ̍ wɛɛ sà.

Wlɛfeleseɔn 3:1

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Sade wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě nyɔ̍ ɔ̀ blě-a sùù mɛ̀sɔɔ̌n ìh-a dbee-a Nyɔsoa jǔ-ɛ ke chǔhtlɛ̀n mɛ̀sɔɔ̌n-ɛ we̍. Ǐn juo mɔ̀-a nu̍-dɛ̍ᵻ. Mɔ̀ wɔ̀ kmɔ̌ nɛ nyɔ̍, jɛ mɔ̀ mɛ̌-ɛ.

Wlɛfeleseɔn 3:14

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Leodesia wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě nyɔ̍ ɔ̀ kɔn nynɛ̌ nu̍-a Kǎ Ɛ̍-ɛ Nɛ-ɛ we̍. Ɔ̍-ɔ gblìh wlu̍ kɛ̍n iě ɔ̍ nu̍ gblangbai̍ sàànsi̍i̍h. Ɔ̍-ɔ bo ɔ̀ nu̍ dɛ̍ᵻ Nyɔsoa nu̍-aɛ i̍h-a gbɔ̀.

Wlɛfeleseɔn 3:7

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Feledɛɛfia wlɔ̀-a chɔchi̍h-ɛ we̍. Nɛ̀ nàa̍, “Tu̍owli la nyɔ̍ ɔ̀ wɛ̀-a nɛi̍ ɔ̀ nu̍-a gblangbai̍ nyɔ̍-ɛ, dě ɔ̍ we̍ ɛ̍ sɔ-ɔ. Ɔ̍ blě Depe-a kɔɛ̍n. Ɔ̍ pɔ̀ni gbò wɔ̍i̍n-ɛ, nɛ̀ nyɔ̍ se̍ ɛ̍ wɔ̍i̍n ka̍n-a bɛ̌ɛ, iě pò ɔ̍ ka̍n ɛ̍ wɔ̍i̍n-ɛ, nɛ̀ nyɔ̍ se̍ ɛ̍ pɔ̀ni-ɛ bɛ̌ɛ.

Wlɛfeleseɔn 4:5

Nɛ̀ nǐ-a jlǐh chlɛ-ɛ ke tɛ̀n-ɛ plǎn-a ke slɛ̀-a sɔ dě nynɛ̌ gbalǎ-a chɛ̀ we̍. Nɛ̀ tàùᵻ mɛ̀sɔɔ̌n-a wa̍n-ɛ dǒ nynɛ̌ gbalǎ-a chɛ̀ jǔ. I̍h bo ìh nu̍ sùù mɛ̀sɔɔ̌n ìh-a dbee-a Nyɔsoa jǔ-ɛ.

Wlɛfeleseɔn 4:8

Kmɔ̌ nɛ dɛ̍ᵻ nyìɛ̍ laa̍, i̍h-a jɛ-ɛ nɛ̀ ɛ̍ blě gbawaᵻ mɛ̀o̍, nɛ̀ ɛ̍ ku̍ kli̍hgbɛ̍ nu̍ jlǐh-a sǔh. Dě i̍h wɛna̍ sɔ̀n bei kli̍hgbɛ̍ nu̍ jlǐh. I̍h-i bɔ̌ ble̍-ɛ wlù ke sɔ̀n. I̍h-a ble̍-wlu̍ la̍a̍, “Mɔ̀ bo ɔ̀ wɛ̀ nɛi̍, ɔ̀ nu̍-a Joi Nyɔsoa Ɔ̀ Blě-a Gbǐh Kli̍hgbɛ̍, ɔ̀ nɛ-a kmɔ̌ se̍e̍, ɔ̀ nɛ-a wɛ̀ ɔ̀ mu̍-a ji̍-ɛ.”

Wlɛfeleseɔn 5:6

Wɛ̀ ǐn jě Blawɛ̌ Jǔ nɛ̀ ɔ̍ nyna i̍ dǒ nynɛ̌ gbalǎ-a wèa̍. Iě kmɔ̌ nɛ dɛ̍ᵻ nyìɛ̍ ke nyɔ̍ klaaᵻ dlɛ̌ ɔ̍. Nɛ̀ ka nyɔ̍ dbǎ dɛ̍-ɛ, nɛ̀ kǎ ɔ̍ nɛ. Ɔ̍ blě gbɔ̀nᵻ mɛ̀sɔɔ̌n ke jlǐh mɛ̀sɔɔ̌n. Jlǐh mɛ̀sɔɔ̌n laa̍ bo ìh nu̍-a sùù mɛ̀sɔɔ̌n ìh-a dbee-a Nyɔsoa jǔ ìh dbo̍-ea kmɔ̌ kli̍hgbɛ̍ kɛ̍n i̍-ɛ.

Wlɛfeleseɔn 8:2

Iě ǐn jě Nyɔsoa-a ǐnchɔ̀ mɛ̀sɔɔ̌n i̍h nyna i̍ dǒ Nyɔsoa jǔ. Wɛ̀ dɔ̍gbɛ̍ᵻ mɛ̀sɔɔ̌n nyǐ-ɛ i̍h.