Wlɛfeleseɔn 1:2 - Ku̍o̍ Delee 1999

² Chɔɔn bo ɔ̀ nu̍ sàànsi̍i̍h dǒ Nyɔsoa-a tu̍owli ke gblangbai̍ Jusu Klai sà-ɛ we̍, ɛ̍ ke jih kli̍hgbɛ̍-a chɛ̀ ɔ̍ jě-aɛ ke.

Wlɛfeleseɔn 1:2 Iomraidhean Croise

Chɔɔn 1:32

Wɛ̀ Chɔɔn sà dɛ̍ ɔ̍ jě-a tìh i̍, ɔ̍ la̍a̍, “Ǐn jě Nyɔsoa-a Sùù nɛ̀ ɛ̍ sɔ dě ja̍i̍wlɔ̀ ɛ̍ ji̍ wlù ka gbɔ̀lǐh-ɛ, iě ɛ̍ gbǎ ɔ̍-ɔ.

Chɔɔn 12:17

Nyɔ̍ tlùgbei̍ juh nɛ-ao wɛ̀ Jusu iě-a Laaslɔɛ dǎ dě gbàlɔ̍ biě di̍i̍ wɛ̀ ɔ̍ iě-ae wlǔh-ɛ, nɛ̀ kǎ u̍h-a chɛ̍n ɛ̍ we̍ sɔ̀ìn ke sǔh.

Chɔɔn 19:35

Nyɔ̍ ɔ̀ jě-a ìh la i̍h-a nɛ la̍-ɛ, ɔ̍ bo ɔ̀ nu̍ i̍h-a sàànsi̍i̍h. Dɛ̍ ɔ̍ sà-aɛ, tìh-a taǐn bo. Ɔ̍ juo i̍h dɛ̍ ɔ̍ sà-aɛ tìh-a taǐn bo, ɛ̍ kɔn ɔ̍ sà i̍h-i wɛ̀ mɔ̀ iě wlùh gbaɛ blě ke.)

Chɔɔn 21:24

Jɛ kòà-a chɛ̀ laa̍ bo ɔ̀ nu̍ ìh la i̍h-a sàànsi̍i̍h, wɛ̀ ɔ̍ chlǐh i̍h dɛ. Iě à juo ɛ̍ dɛ̍ ɔ̍ sà-aɛ tìh-a taǐn bo.

Chɔɔn 3:11

Tìh-a taǐn ǎn sèàɛ̍ ìn wlùh, dɛ̍ à juo-aɛ, ɛ̍ bo à sà-a. Dɛ̍ à jě-aɛ, ɛ̍ kɔn sàànsi̍i̍h bo à nu̍. Jɛ mɔ̀-a sà à wlu̍ dounᵻ i̍.

Nu̍-dɛ̍ᵻ 22:15

Dɛ̍nu̍ɛ, àn mu̍ ɔ̍ sàànsi̍i̍h nu̍, wɛ̀ dɛ̍ᵻ ìn wɔ̌n-a iě ìn jě-aɛ, wɛ̀ ìè i̍h nyɔ̍ kli̍hgbɛ̍ wlùh sèàɛ̍.

Nu̍-dɛ̍ᵻ 26:16

Sɔ bloɔ̍ ìè i̍ nyna. Ǐn wlǔh-i ìn i̍ iě ìn chèɛ̀ tba̍ ìè ǐn jǔ dbee, wɛ̀ ìè ǎn sàànsi̍i̍h nu̍ dǒ ka ìn nu̍-a ǐn jě-ɛ ke, dɛ̍ᵻ ǎn mu̍-a ìn toe-ɛ we̍.

Nu̍-dɛ̍ᵻ 4:20

Dɛ̍nu̍ɛ, dɛ̍ jɛ à wɔ̌n-a wɛ̀ à tba̍-a jlǐhɛ̍-ɛ, à se̍ ɛ̍-ɛ sà-a bɔ̌ mu̍ o.”

1 Kɔwlɛntiɔn 1:6

Dɛ̍nu̍ɛ, tu̍owli ɛ̀ kɔ̍-a dǒ Klai pùn i̍ ɛ̀ poe-a dě mɔ̀ we̍-ɛ, mɔ̀ gbɛ̍n ɛ̍ i̍ klìmàtàìn.

1 Kɔwlɛntiɔn 2:1

Ǐn de̍di̍i̍ᵻ, ti̍ iě-a Nyɔsoa-a tìh bla̍ la̍ ji̍ dě mɔ̀ we̍-ɛ, ǐn se̍-e wɔ̍i̍n chɛn-ɛ ke flɔ̍nwlùh klaaᵻ ja.

1 Chɔɔn 1:1

Nyɔ̍ ɔ̀ kɔn tìh à chlǐh-a mɔ̀ we̍-ɛ, ɔ̍-ɔ bo ɔ̀ kɔn nynɛ̌ nu̍ Wlu̍ ɔ̀ nyǐ-a nyɔ̍ feɛ-ɛ. Sɔ dě tɔ̀blɔ̍ɔ̍-ɛ, nɛ̀ ɔ̍ nɛ kmɔ̌ wɛ̀ se̍e̍. À wɔ̌n ɔ̍ wlu̍ iě à chɛ̀ tba̍ ɔ̍ jlǐhɛ̍. À gbɛ̀n ɔ̍ ja̍ iě à tǔh i̍ ɔ̍ sɔ̍n i̍.

1 Chɔɔn 4:14

À jě ɛ̍ iě à sèàɛ̍ nyɔ̍ɔ wlùh ka Baa Nyɔsoa dbo̍-a ɔ̍ Jǔ ɔ̍ iě-a kmɔ̌ la ɛ̍ Sèìe Nyɔ̍ nu̍-ɛ.

3 Chɔɔn 1:12

Dimɛtleɔ-a tìh chɛ̀-a sàànsi̍i̍h bo nyɔ̍ kli̍hgbɛ̍ nu̍. Ɔ̍ gblɛ̍n bo ìh to ɛ̍ ke ka ɔ̍ nu̍-a tìh-a taǐn nyɔ̍-ɛ, iě à chɛ̀ nu̍ ɔ̍ tìh chɛ̀-a sàànsi̍i̍h ke. Ìn juo i̍h dɛ̍ kɔn sàànsi̍i̍h à nu̍-aa nɛ̀ tìh-a taǐn bo.

Wlɛfeleseɔn 1:11

Ɛ̍ la̍a̍, “Chlǐh dɛ̍ ìn jě-a dě chlǐh-dɛ̍-a gbo̍lo̍ di̍i̍-ɛ, nɛ̀ ìn dbo̍ ɛ̍ dě chɔchi̍h nyɔ̍ nɛ-a wlɔ̀ᵻ mɛ̀sɔɔ̌n la di̍i̍ i̍-ɛ we̍, Ɛfɛsɔ ke Smana ke Pɛkamɔ ke Taɛtawla ke Sade ke Feledɛɛfia ke Leodesia.”

Wlɛfeleseɔn 1:19

Kaka la̍ dɛ̍ ìn jě-aɛ, chlǐh ɛ̍. Nɛ̀ ìn chlǐh dɛ̍ᵻ jih nɛ-aɛ ke jih-a mu̍-a nɛ dě nya̍-ɛ.

Wlɛfeleseɔn 1:9

Mɔ̍ Chɔɔn la, mɔ̀ ke ǐn ke à ji̍ de̍di̍i̍. Mɔ̀ ke ǐn ke à gbaɛ Jusu wlùh, ɛ̍ kɔn à sàɛ̀ jua̍i̍ iě à kɔn dǒ ɔ̍ kmɔ̌ wlu̍ i̍ kɔn-ɛ we̍. Wɛ̀ à gbɛ̍n wlùh i̍ à ku̍-e klì i̍. Ǎn bla̍ Nyɔsoa tìh ɛ̍ ke gblangbai̍ Jusu sà-ɛ ke. Ɛ̍ kɔn mɔ̍ bo u̍h po̍ nɔ̌ tbǒ la u̍h-a dǎɛ-a Pamɔ-ɛ kɛ̍n.

Wlɛfeleseɔn 12:11

À de̍di̍i̍ᵻ du̍ ɛ̍ wɛ̀ dǒ Blawɛ̌ Jǔ-a nymɔ̍ ke tìh-a taǐn tu̍owli u̍h po̍-a we̍. Iě u̍h sà u̍h-a feɛ kwlǎ u̍h iě mɛ̌.

Wlɛfeleseɔn 12:17

Wɛ̀ dɔ̍sɛ gbǎ-ɛ nynɔ̌ jlu̍h-u, iě ɛ̍ mu̍ ɔ̍ tloemlai tu̍h we̍ pa̍-ɛ la̍, ùh gbɛ̍n-a Nyɔsoa-a telě ke Jusu-a gblangbai̍ wlu̍ i̍-ɛ.

Wlɛfeleseɔn 20:4

Wɛ̀ ǐn jě nynɛ̌ gbalǎᵻ, nɛ̀ nyɔ̍ ùh tè-a dǒ i̍h kɛ̍n i̍-ɛ, u̍h tùi-ɛ tùn kwa̍a̍ wɛ̀ u̍h iě taɔ nu̍. Nyɔ̍ ùh chɛ̍n-ɛa dlǔ i̍ u̍h-a Jusu-a tìh bla̍ tìh ke Nyɔsoa-a wlu̍ gba̍ tìh-ɛ, u̍h-a sùù bo. U̍h se̍ nmi̍ɛ̍ ke ɛ̍ mɛ̍-dɛ̍ wɛɛ sà, iě u̍h se̍ ɛ̍ juola dǒ jua̍i̍ ke u̍h sɔ̍n i̍ tù. U̍h wlǔh-e, iě u̍h ke Klai blě nyɔ̍-a wlu̍ kwa̍ dǒ sɔ̀nᵻá wlǔ due di̍i̍.

Wlɛfeleseɔn 22:21

Ǎn sà nǐ wɔ̍n Joi Jusu-a blɛ iě dǒ mɔ̀ kli̍hgbɛ̍ we̍ nɛ. Kǎ ɛ̍-ɛ nɛ.

Wlɛfeleseɔn 6:9

Wɛ̀ Blawɛ̌ Jǔ wa̍ slu̍-a m̀m̌ naɛ. Iě ǐn jě nyɔ̍ɔ-a sùù dǒ slaǎ sà-ɛ gblǒ sɔ̀n, ùh u̍h tù-a Nyɔsoa-a wlu̍ ke ɛ̍ sàànsi̍i̍h nu̍ tìh u̍h dbǎ-aɛ.