Wlɛfeleseɔn 1:18 - Ku̍o̍ Delee 1999

¹⁸ Mɔ̍ bo ɔ̀ nu̍ Kmɔ̌ Nɛ Nyɔ̍. Ǐn mɛ̌-ɛ de, jɛ ǐn nɛ kmɔ̌ wɛ̀ dode̍ nɔ̌ kmɔ̌-a kmɔ̌. Ǐn blě mɛ̌ɛ ke mɛ̌-nyɔ̍-a kmɔ̌-a kɔɛ̍nᵻ.

Wlɛfeleseɔn 1:18 Iomraidhean Croise

Matio 11:23

Kepanium wlɔ̀, mɔ̀ bo ɔ̀ pɔ̀n wɔ̍n ku̍-ɛ i̍ ae? Iěe, àn mu̍ wlù ji̍ ìè dě kàn nɛ̍ di̍i̍ gbǎ. Jbaɛdih ìh poe-a dǒ ìn di̍i̍-ɛ, wɛ̀ i̍h iě poe-ɛ dǒ Sɔdɔm wlɔ̀ di̍i̍ de-ɛ, nɛ̀ ɛ̍ se̍-e gbɔ̀lɔ mu̍ sèàn de.

Matio 16:19

Nɛ̀ ǎn mu̍ ìn Nyɔsoa-a kmɔ̌ wlu̍ i̍ kɔn-ɛa kɔɛ̍n nyǐ. Dɛ̍ ìn dbǎ-a i̍ nɔ̌ bloɔ̍-ɛ, nɛ̀ ɛ̍ mu̍ i̍ dbǎ-ɛ ke dě ja̍i̍wlɔ̀. Nɛ̀ dɛ̍ ìn pɔ̀ni-a nɔ̌ bloɔ̍-ɛ, nɛ̀ ɛ̍ mu̍ pɔ̀ni-ɛ ke dě ja̍i̍wlɔ̀.”

Pɔ̀n Chɛ̀ Luu To-a La 24:5

Ɛ̍ po̍ nynɔ̌gbaɔᵻ laa̍ faɔn kaa̍, sɔ u̍h bla̍ jii̍ wlù wɛ̀ sǔh. Wɛ̀ jɔ̍gbauᵻ laa̍, u̍h la̍a̍ dě u̍h we̍, “Dɛ̍nu̍ mɔ̀-a pɔ̀n kmɔ̌ nɛ nyɔ̍ i̍ nɔ̌ mɛ̌-nyɔ̍ nynɛ̌ ɛ?

Chɔɔn 11:25

Wɛ̀ Jusu la̍a̍ dě ɔ̍ we̍, “Mɔ̍ bo ɔ̀ nu̍-e wlǔh-ɛ ke feɛ. Nyɔ̍ jɔ gbaɛ-a ǐn wlùh-ɛ, pò ɔ̍ jɛ mɛ̌-ɛ, jɛ nɛ̀ ɔ̍ mu̍ kmɔ̌ nɛ.

Chɔɔn 14:19

Ɛ̍ mu̍-o wlè wɛɛ, nɛ̀ kmɔ̌-a nyɔ̍ se̍ ǐn jě mu̍ dɛ. Jɛ mɔ̀ɔ̍ nɔ̀ɔ̍, mɔ̀-a mu̍ ǐn jě. Ǐn nɛ kmɔ̌, ɛ̍ tìh-ɛ, mɔ̀-a mu̍ kmɔ̌ nɛ ke.

Wloma 6:9

Dɛ̍nu̍ɛ, à juo ɛ̍-ɛ ka Klai wlǔh-aeɛ, nɛ̀ ɔ̍ se̍ mɛ̌ mu̍ dɛ. Sɔ nɛ̀ mɛ̌ɛ se̍ gba̍ ɔ̍ wlu̍ i̍ kɔn.

2 Kɔwlɛntiɔn 13:4

Ɔ̍ dbǎ-ɛ dǒ gbàɛ̍ kɛ̍n i̍ tu̍ wlì ti̍ ɔ̍ gbǐh-a nu̍-a sɔɔn-ɛ. Jɛ ɔ̍ nɛ kmɔ̌ dǒ Nyɔsoa-a gbǐh we̍. Dě à ke Klai-a due nɛ-ɛ di̍i̍-ɛ, à gbǐh-a nu̍ sɔɔn ke. À nɛ kmɔ̌ dě ɔ̍ we̍ dǒ Nyɔsoa-a gbǐh we̍ mɔ̀-a jǔ dbee tìh.

Kelesea 2:20

Kaka la̍ ɛ̍ se̍ mɔ̍ ɔ̀ se̍ kmɔ̌ nɛ dɛ, jɛ Klai bo ɔ̀ nɛ kmɔ̌ wɛ̀ dě ǐn ja̍a̍. Kmɔ̌ ǐn nɛ-a ka-a dě ǎn nyi̍ɔ̍ku di̍i̍-ɛ, ǐn nɛ ɛ̍-ɛ dǒ Nyɔsoa-a Jǔ wlùh gbaɛ-ɛ we̍. Ɔ̍ bo ɔ̀ jbɛɛ m wɛ̀ ɔ̍ sà ɔ̍ feɛ kwlǎ ǎn tìh.

Kalase 3:3

Kaka la̍ mɔ̀ mɛ̌ wɛ̀, iě mɔ̀-a kmɔ̌ sìle ka dě Klai we̍ dě Nyɔsoa ja̍a̍.

Iblu 1:3

Ɔ̍ blě Nyɔsoa-a tìh-a i̍ bɛ̌-ɛ. Ɔ̍ nɛ dě Nyɔsoa-a tu̍ di̍i̍ te̍kle̍e̍. Ɔ̍ blě kmɔ̌ la kwa̍ dǒ ɔ̍ gbǐh kɔn wlu̍ we̍. Ɔ̍ wɔ̀-a ɛ̍ nu̍-ɛ, wɛ̀ Nyɔsoa tǎli kmɔ̌ nyɔ̍-a gblɛ̍n sɔ̀ɛ̀n-a tìh i̍, wɛ̀ ɔ̍ dǔ i̍ tè-ɛ dě ja̍i̍wlɔ̀ dǒ Tìh-a I̍ Bɛ̌-ɛ Nyɔsoa-a di̍na̍ we̍.

Iblu 12:2

Jusu jɔ à wlùh gbaɛ tba̍-a gbɔ̀ i̍ iě ɛ̍ wɛ̀-a kwlǎ-ɛ, dě ɔ̍ we̍ bo à iě i̍ bǐi. Ɔ̍ tù i̍ nmɔ-ɛ nɛ-a dě nya̍-ɛ tìh wɛ̀ ɔ̍ ku̍-e klì i̍ dǒ gbaɛ kɛ̍n i̍ tu̍ wlì. Iě ɔ̍ se̍ tɛ̀n-ɛ i̍ gbǎ-a jǔ ple̍, wɛ̀ ɔ̍ tè ka i̍ dǒ Nyɔsoa-a nynɛ̌ gbalǎ-a di̍na̍ we̍.

Iblu 7:16

Slaǎ sà nyɔ̍ ɔ̍ nu̍-a ka-ɛ, ɛ̍ se̍ ɔ̍ tè-o telě ɛ̀ la̍ nyɔ̍ iě-a slaǎ sà nyɔ̍-a tloemlai nu̍-ɛ tìh. Jɛ ɔ̍ nui-ɛ slaǎ sà nyɔ̍, dɛ̍nu̍ɛ, gbǐh ɔ̍ blě-aɛ, ɛ̍ sɔ dě feɛ ɛ̀ se̍-a dlǔ i̍ chla la̍ kɔn-ɛ di̍i̍.

Iblu 7:25

Ɛ̍ tìh-ɛ, nyɔ̍ ùh-a ji̍-a Nyɔsoa we̍ dě ɔ̍ ja̍a̍-ɛ, ɔ̍ bɛ̌ɛ u̍h pǔh-iɛ kaka ke ti̍ kli̍hgbɛ̍ we̍. Dɛ̍nu̍ɛ, ɔ̍ nɛ kmɔ̌ kleǐnklein ɔ̍ iě Nyɔsoa gbòɛ̀ i̍ bla̍-ɛ dǒ u̍h-a tàà.

Wlɛfeleseɔn 10:6

Iě ɛ̍ slɛ̀ɛ̀n dǒ Nyɔsoa-a nynɛ̌ kɛ̍n, ɔ̀ se̍-a mɛ̌ la̍ kɔn ɔ̀ nu̍-a ja̍i̍wlɔ̀ ke, bloa̍ ke, jbǒ ke dɛ̍ᵻ kli̍hgbɛ̍ nɛ-a i̍h kɛ̍n i̍-ɛ. Ǐnchɔ̀ la̍a̍, “Tlɛ̀n-ɛ se̍ nɛ mu̍ dɛ.

Wlɛfeleseɔn 15:7

Wɛ̀ kmɔ̌ nɛ dɛ̍ᵻ nyìɛ̍ laa̍ i̍h-a due nyǐ ǐnchɔ̀ mɛ̀sɔɔ̌n laa̍ kòo̍ boo̍ᵻ mɛ̀sɔɔ̌n, nɛ̀ i̍h jǐ-i dǒ Nyɔsoa ɔ̀ se̍-a mɛ̌ la̍ kɔn-ɛ ɔ̍ jlu̍h we̍.

Wlɛfeleseɔn 2:8

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Smana wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě ɔ̀ nu̍-a sàǐtòò nyɔ̍ ke bɔ̌ɛ-o nyɔ̍-ɛ we̍, ɔ̀ mɛ̌-a wɛ̀ ɔ̀ wlǔh-aeɛ.

Wlɛfeleseɔn 20:13

Iě jbǒ sà mɛ̌-nyɔ̍ nɛ-a dě ɛ̍ di̍i̍-ɛ kwlǎ. Wɛ̀ mɛ̌ɛ ke mɛ̌-nyɔ̍-a wlɔ̀ sà mɛ̌-nyɔ̍ nɛ-a dě i̍h we̍-ɛ kwlǎ ke. Wɛ̀ u̍h kli̍hgbɛ̍-a taɔ pa̍-ɛ dǒ u̍h-a nu̍-dɛ̍ᵻ we̍.

Wlɛfeleseɔn 20:14

Iě mɛ̌ɛ ke mɛ̌-nyɔ̍-a wlɔ̀ poe-ɛ dě pɔ̀nɔ̌ nɛ̍-a pàìbǒ di̍i̍. Pɔ̀nɔ̌ nɛ̍-a pàìbǒ laa̍ bo ɛ̀ nu̍ mɛ̌ɛ-a sɔɔ̌n naɛ.

Wlɛfeleseɔn 3:7

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Feledɛɛfia wlɔ̀-a chɔchi̍h-ɛ we̍. Nɛ̀ nàa̍, “Tu̍owli la nyɔ̍ ɔ̀ wɛ̀-a nɛi̍ ɔ̀ nu̍-a gblangbai̍ nyɔ̍-ɛ, dě ɔ̍ we̍ ɛ̍ sɔ-ɔ. Ɔ̍ blě Depe-a kɔɛ̍n. Ɔ̍ pɔ̀ni gbò wɔ̍i̍n-ɛ, nɛ̀ nyɔ̍ se̍ ɛ̍ wɔ̍i̍n ka̍n-a bɛ̌ɛ, iě pò ɔ̍ ka̍n ɛ̍ wɔ̍i̍n-ɛ, nɛ̀ nyɔ̍ se̍ ɛ̍ pɔ̀ni-ɛ bɛ̌ɛ.

Wlɛfeleseɔn 4:9

Nyɔ̍ ɔ̀ tè-a i̍ dǒ nynɛ̌ gbalǎ kɛ̍n ɔ̀ se̍-a mɛ̌ la̍ kɔn-ɛ, pò kmɔ̌ nɛ dɛ̍ᵻ laa̍ i̍h ble̍ ɔ̍ tìh-a i̍ bɛ̌-ɛ ke ja̍ tè duǐh wɛ̀ i̍h iě ɔ̍ tlɔ̌ po̍-ɛ,

Wlɛfeleseɔn 5:14

Wɛ̀ kmɔ̌ nɛ dɛ̍ᵻ nyìɛ̍ laa̍ i̍h la̍a̍, “Kǎ ɛ̍-ɛ nɛ.” Wɛ̀ nyɔ̍ klaaᵻ laa̍ u̍h kèàɛ i̍ iě u̍h sà Nyɔsoa wɛɛ.

Wlɛfeleseɔn 6:8

Ǐn gbɛ̀n-a deě-ɛ, iě ǐn jě soo̍bli ɛ̀ blě-a dɔgbɔ ku̍-ɛ. Ɛ̀ naɛ-a dǒ ɛ̍ kɛ̍n-ɛ, ɛ̍ nynɛ̌ nu̍ Mɛ̌ɛ, iě ɛ̀ Kɔn-a Mɛ̌-nyɔ̍ Wlu̍ I̍-ɛ tè i̍ dǒ ɛ̍ de̍e̍. Wɛ̀ i̍h nyǐ-ɛ tùn i̍h iě bloa̍-a fɔ̌ᵻ nɛ-a nyìɛ̍-ɛ, i̍h-a due wlu̍ i̍ kɔn. Wɛ̀ i̍h iě nyɔ̍ plàn chlɛ̀n ke, mɔ̌ ke, wɛ̌ᵻ ke, kwlǎ nmi̍i̍ i̍ dbǎ-ɛ.

Wlɛfeleseɔn 9:1

Wɛ̀ ǐnchɔ̀-a m̀m̌ naɛ bla̍ ɛ̍ dɔ̍gbɛ̍, iě ǐn jě chǔhtlɛ̀n ɛ̍ blu̍ dě ja̍i̍, wɛ̀ ɛ̍ kà i̍ dǒ bloɔ̍. Iě ɛ̍ nyǐ-ɛ kàn biě-a kɔɛ̍n.