Wlɛfeleseɔn 1:11 - Ku̍o̍ Delee 1999

¹¹ Ɛ̍ la̍a̍, “Chlǐh dɛ̍ ìn jě-a dě chlǐh-dɛ̍-a gbo̍lo̍ di̍i̍-ɛ, nɛ̀ ìn dbo̍ ɛ̍ dě chɔchi̍h nyɔ̍ nɛ-a wlɔ̀ᵻ mɛ̀sɔɔ̌n la di̍i̍ i̍-ɛ we̍, Ɛfɛsɔ ke Smana ke Pɛkamɔ ke Taɛtawla ke Sade ke Feledɛɛfia ke Leodesia.”

Wlɛfeleseɔn 1:11 Iomraidhean Croise

Nu̍-dɛ̍ᵻ 16:14

Nynɔ̌gbaɔᵻ ùh wɔ̌n-a à wlu̍ i̍ dě u̍h nynɛ̌-ɛ, u̍h-a due-a nynɛ̌ bo Ledia. Nǐnmɛ jlii̍ bo ìh nu̍ ɔ̍ naɛ ple̍-dɛ̍. Ɔ̍ sɔ dǒ Taɛtawla wlɔ̀ di̍i̍, iě ɔ̍ sà Nyɔsoa wɛɛ. Ɔ̍ kɔn wlùh bo Joi Nyɔsoa pɔ̀ni ɔ̍ iě Pɔɔ-a wlu̍ i̍ wɔ̌n.

Nu̍-dɛ̍ᵻ 18:24

Dǒ-o bo Juu jǔ due ji̍-i dǒ Ɛfɛsɔ, ɔ̍ nynɛ̌ bo Apolo. Ɔ̍ sɔ dǒ Ɛlesandlea wlɔ̀ di̍i̍. Ɔ̍ chɛn wɔ̍i̍n iě Nyɔsoa-a wlu̍-a tɔɔ wɛ̀ kwlǎ dě ɔ̍ di̍i̍.

Nu̍-dɛ̍ᵻ 20:17

Dǒ Mailitɔ wlɔ̀ di̍i̍ bo Pɔɔ nɛ, wɛ̀ ɔ̍ dbo̍ chɔchi̍h nyɔ̍ klaaᵻ nɛ-a dǒ Ɛfɛsɔ-ɛ wlu̍ we̍ u̍h iě dǒ ɔ̍ we̍ ji̍.

1 Kɔwlɛntiɔn 15:32

Pò ǎn jɛ fɔ̀n kwlǎ nmi̍i̍ we̍ dǒ Ɛfɛsɔ wlɔ̀ di̍i̍-ɛ, nɛ̀ dɛ̍ ǎn mu̍-o jě ɛ? Pò mɛ̌-nyɔ̍ se̍-e wlǔh mu̍-ɛ, “Nɛ̀ mɔ̀ à di̍ dɛ̍ à iě nǎ, klàe̍-ɛ, à iě mɛ̌.”

1 Kɔwlɛntiɔn 16:8

Jɛ ǎn mu̍ dě Ɛfɛsɔ wlɔ̀ di̍i̍ nɛ te̍e̍ wɛ̀ klèᵻá sàì jua̍a̍-a peě iě nyni̍.

Ɛfɛsɔ 1:1

Mɔ̍ Pɔɔ, ɛ̍ nu̍ Nyɔsoa-a wlùh iě Jusu Klai-a gba̍tòà nu̍. Nɔ̌ ǐn we̍ bo chlǐh-dɛ̍ la ɛ̍ sɔ-ɔ. Ɛ̍ mu̍ Nyɔsoa nyɔ̍ nɛ-a dǒ Ɛfɛsɔ wlɔ̀ di̍i̍-ɛ we̍, ùh gbaɛ-a Jusu Klai wlùh-ɛ.

Kalase 2:1

Kmu-dbo̍ kɔn gbɔ̍igbɔ̍ ǐn po̍-a dǒ mɔ̀ ke Leodesia nyɔ̍ we̍-ɛ, ɛ̍ ke jɛ ǐn nu̍-a dǒ nyɔ̍ duuh ùh-u se̍a ǐn jě-ɛ we̍ ke-ɛ, ɛ̍-ɛ bo ǎn pɔ̀n mɔ̀ iě juo.

1 Timote 1:3

Ti̍ iě-a dě Mɛsedonia fɔɔ mu̍-ɛ, dɛ̍ kɔn tìh ǐn nɛ̌ɛ-a ìn wlu̍ dounᵻɛ́, ɛ̍ bo ìè nu̍. Na̍ nɛ dǒ Ɛfɛsɔ, wɛ̀ nyɔ̍ ùh-a po̍-a nǎ ìh se̍-a Nyɔsoa-a wìè gba̍-ɛ, ìè u̍h bɔ̌ i̍ po̍.

Wlɛfeleseɔn 1:17

Ǐn jě-a ɔ̍-ɛ, wɛ̀ ǐn kà i̍ dǒ ɔ̍ jǔ ka nyɔ̍ mɛ̌-ɛ. Jɛ ɔ̍ tè ɔ̍ di̍na̍ sɔ̍n dǒ ǐn dlǔ i̍, iě ɔ̍ la̍a̍, “Bɔ̌ faɔn ple̍-ɛ. Mɔ̍ bo ɔ̀ nu̍ sàǐtòò nyɔ̍ ke bɔ̌ɛ-o nyɔ̍.

Wlɛfeleseɔn 1:19

Kaka la̍ dɛ̍ ìn jě-aɛ, chlǐh ɛ̍. Nɛ̀ ìn chlǐh dɛ̍ᵻ jih nɛ-aɛ ke jih-a mu̍-a nɛ dě nya̍-ɛ.

Wlɛfeleseɔn 1:2

Chɔɔn bo ɔ̀ nu̍ sàànsi̍i̍h dǒ Nyɔsoa-a tu̍owli ke gblangbai̍ Jusu Klai sà-ɛ we̍, ɛ̍ ke jih kli̍hgbɛ̍-a chɛ̀ ɔ̍ jě-aɛ ke.

Wlɛfeleseɔn 1:20

Dɛ̍ᵻ ìh sìle-a ìh nu̍-a chǔhtlɛ̀n mɛ̀sɔɔ̌n ìn jě-a dě ǎn di̍na̍ kwa̍a̍-ɛ ke chlǎn nape̍ᵻá kɛ̍n tè dɛ̍ᵻ mɛ̀sɔɔ̌n laa̍ ìh nui-a kòo̍-ɛ, i̍h-a gbɔ̀ la. Chǔhtlɛ̀n mɛ̀sɔɔ̌n laa̍ bo ìh nu̍ Nyɔsoa-a ǐnchɔ̀ dǒ chɔchi̍h nyɔ̍ nɛ-a wlɔ̀ᵻ mɛ̀sɔɔ̌n di̍i̍-ɛ we̍. Wɛ̀ chlǎn nape̍ᵻá kɛ̍n tè dɛ̍ᵻ mɛ̀sɔɔ̌n nu̍ chɔchi̍h mɛ̀sɔɔ̌n-a chɛ̀.”

Wlɛfeleseɔn 1:4

Mɔ̍ Chɔɔn, mɔ̍ sà chɔchi̍h nyɔ̍ nɛ-a wlɔ̀ᵻ mɛ̀sɔɔ̌n nɛ-a dě Esea bloa̍ kɛ̍n-ɛ nyinɔ̍ i̍. Ǎn sà nǐ wɔ̍n blɛ ke wlùh-a i̍ tè-ɛ iě dǒ mɔ̀ we̍ nɛ. Nyinɔ̍ i̍ sà wlu̍ la ɛ̍ sɔ dě Nyɔsoa we̍, ɔ̀ nɛ-a, ɔ̀ nɛ-a kmɔ̌ se̍e̍ wɛ̀ ɔ̀ mu̍-a ji̍-ɛ. Ɛ̍ sɔ dě sùù mɛ̀sɔɔ̌n ìh-a dbee-a ɔ̍ jǔ ìh nɛ-a dǒ ɔ̍ nynɛ̌ gbalǎ jǔ-ɛ we̍ ke.

Wlɛfeleseɔn 1:8

Joi Nyɔsoa Ɔ̀ Blě-a Gbǐh Kli̍hgbɛ̍, ɔ̀ nɛ-a, ɔ̀ nɛ-a kmɔ̌ se̍e̍ wɛ̀ ɔ̀ mu̍-a ji̍-ɛ, ɔ̍ la̍a̍, “Mɔ̍ bo ɔ̀ nu̍ dɛ̍ᵻ kli̍hgbɛ̍-a Gbɔ̀ Tè-ɛ ke i̍h-a Dlǔ I̍ Chlà-a.”

Wlɛfeleseɔn 10:4

Tɛ̀n mɛ̀sɔɔ̌n wɔ̀-a plǎn-aɛ, ǎn ji̍ la̍ chlǐh la̍ de sǔh, wɛ̀ ǐn wɔ̌n wlu̍ ɛ̍ sɔ dě ja̍i̍wlɔ̀. Ɛ̍ la̍a̍, “Bɔ̌ tɛ̀n mɛ̀sɔɔ̌n-a wlu̍ laa̍ chlǐh-ɛ, tè i̍h tà i̍.”

Wlɛfeleseɔn 14:13

Wɛ̀ ǐn wɔ̌n wlu̍ ɛ̍ sɔ dě ja̍i̍wlɔ̀. Ɛ̍ la̍a̍, “Chlǐh wlu̍ la. Sɔ da̍a sèàn blǐ nyɔ̍ ùh ke Joi nɛ-a due wɛ̀ u̍h mɛ̌-aɛ, nɛ̀ u̍h nmɔ i̍.” Nyɔsoa-a Sùù la̍a̍, “Nɛ̀ u̍h nmɔ i̍ kaa̍, u̍h-a mu̍ feɛ i̍ jě. Dɛ̍nu̍ɛ, u̍h-a nu̍-dɛ̍ᵻ wɔ̀ dǒ u̍h de̍e̍.”

Wlɛfeleseɔn 19:9

Wɛ̀ ǐnchɔ̀ la̍a̍ dě ǐn we̍, “Chlǐh ɛ̀ la. Nyɔ̍ ùh dǎ-ɛa dǒ Blawɛ̌ Jǔ-a nynɔ̌ peě kɛ̍n-ɛ, nɛ̀ u̍h nmɔ i̍.” Iě ɛ̍ la̍a̍ dɛ, “Ìh la̍ Nyɔsoa-a tìh-a taǐn tu̍owli bo.”

Wlɛfeleseɔn 2:1

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Ɛfɛsɔ wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě ɔ̀ blě-a chǔhtlɛ̀n mɛ̀sɔɔ̌n dě ɔ̍ di̍na̍ kwa̍a̍ wɛ̀ ɔ̍ naɛ-a dě chlǎn nape̍ᵻá kɛ̍n tè dɛ̍ᵻ mɛ̀sɔɔ̌n ìh nui-a kòo̍-ɛ nynɛ̌ we̍.

Wlɛfeleseɔn 2:12

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Pɛkamɔ wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě nyɔ̍ ɔ̀ blě-a nmǎ-a plàn chlɛ̀n-ɛ we̍.

Wlɛfeleseɔn 2:18

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Taɛtawla wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě Nyɔsoa-a Jǔ ɔ̀ kɔn jlǐh wɔ̀-a nɛ̍-a pàìbǒ iě ɔ̍ bu̍hᵻ wɔ̀-a ka nyɔ̍ po̍-a tìɛ̀n jlǐh-ɛ we̍.

Wlɛfeleseɔn 2:24

“Jɛ mɔ̀ɔ̍ juh sie-a dě Taɛtawla-ɛ, mɔ̀ se̍ dǒ nynɔ̌ la ɔ̍ nǎ po̍ wlu̍ de̍e̍ gbǎ. Mɔ̀ se̍ ìh u̍h-a dǎɛ-a Setɔn-a sìle dɛ̍ᵻɛ́ we̍ i̍ ju̍o̍e. Ɛ̍ kɔn na̍ ǐn se̍ mɔ̀ slùgbɛ̀ dɛɛ kleǐ po̍ mu̍ dɛ.

Wlɛfeleseɔn 2:8

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Smana wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě ɔ̀ nu̍-a sàǐtòò nyɔ̍ ke bɔ̌ɛ-o nyɔ̍-ɛ we̍, ɔ̀ mɛ̌-a wɛ̀ ɔ̀ wlǔh-aeɛ.

Wlɛfeleseɔn 21:5

Wɛ̀ ɔ̀ tè-a i̍ dǒ nynɛ̌ gbalǎ kɛ̍n-ɛ la̍a̍, “Ǎn nu̍ la̍ dɛ̍ᵻ kli̍hgbɛ̍ delee we̍i̍.” Ɔ̍ la̍a̍ dě ǐn we̍ ke, “Chlǐh ɛ̀ la, dɛ̍nu̍ɛ, wlu̍ la i̍h nu̍ gblangbai̍ ke wlì tè dɛ̍.”

Wlɛfeleseɔn 22:10

Wɛ̀ ɛ̍ la̍a̍ dě ǐn we̍, “Bɔ̌ dɛ̍ ɛ̀ chlǐh-dɛ̍ la ɛ̍ sà-a ìh-a nɛ-a ke jih-a mu̍-a nɛ dě nya̍-ɛ sìle-ɛ, dɛ̍nu̍ɛ, ti̍ kɔǎn we̍ wɛ̀.

Wlɛfeleseɔn 22:16

“Mɔ̍ Jusu, mɔ̍ bo ɔ̀ dbo̍ ǎn ǐnchɔ̀ dě mɔ̀ we̍ ɛ̍ iě wlu̍ la bla̍ dě chɔchi̍h nyɔ̍ we̍. Mɔ̍ Depe-a jǔ, ǐn sɔ dě ɔ̍ chɛǐ, iě ǐn wɔ̀ chǔhtlɛ̀n ɛ̀ fa̍n-a chàa̍n klàɛ̍we̍-ɛ.”

Wlɛfeleseɔn 3:1

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Sade wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě nyɔ̍ ɔ̀ blě-a sùù mɛ̀sɔɔ̌n ìh-a dbee-a Nyɔsoa jǔ-ɛ ke chǔhtlɛ̀n mɛ̀sɔɔ̌n-ɛ we̍. Ǐn juo mɔ̀-a nu̍-dɛ̍ᵻ. Mɔ̀ wɔ̀ kmɔ̌ nɛ nyɔ̍, jɛ mɔ̀ mɛ̌-ɛ.

Wlɛfeleseɔn 3:14

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Leodesia wlɔ̀-a chɔchi̍h-ɛ we̍. Nɛ̀ nàa̍, “Tu̍owli la ɛ̍ sɔ dě nyɔ̍ ɔ̀ kɔn nynɛ̌ nu̍-a Kǎ Ɛ̍-ɛ Nɛ-ɛ we̍. Ɔ̍-ɔ gblìh wlu̍ kɛ̍n iě ɔ̍ nu̍ gblangbai̍ sàànsi̍i̍h. Ɔ̍-ɔ bo ɔ̀ nu̍ dɛ̍ᵻ Nyɔsoa nu̍-aɛ i̍h-a gbɔ̀.

Wlɛfeleseɔn 3:4

Jɛ mɔ̀-a gbɔ̍ nɛ-a dǒ Sade-ɛ, u̍h-u se̍a gblɛ̍n sɔ̀ɛ̀n nu̍. U̍h-a mu̍ jlii̍ plǔᵻ pa̍, wɛ̀ u̍h ke ǐn ke à iě na. Dɛ̍nu̍ɛ, u̍h nɛ ɛ̍ ka̍.

Wlɛfeleseɔn 3:7

Wɛ̀ ɔ̍ la̍a̍ dě ǐn we̍, “Chlǐh Nyɔsoa-a ǐnchɔ̀ ɛ̀ nɛ-a dě Feledɛɛfia wlɔ̀-a chɔchi̍h-ɛ we̍. Nɛ̀ nàa̍, “Tu̍owli la nyɔ̍ ɔ̀ wɛ̀-a nɛi̍ ɔ̀ nu̍-a gblangbai̍ nyɔ̍-ɛ, dě ɔ̍ we̍ ɛ̍ sɔ-ɔ. Ɔ̍ blě Depe-a kɔɛ̍n. Ɔ̍ pɔ̀ni gbò wɔ̍i̍n-ɛ, nɛ̀ nyɔ̍ se̍ ɛ̍ wɔ̍i̍n ka̍n-a bɛ̌ɛ, iě pò ɔ̍ ka̍n ɛ̍ wɔ̍i̍n-ɛ, nɛ̀ nyɔ̍ se̍ ɛ̍ pɔ̀ni-ɛ bɛ̌ɛ.