Wlɛfeleseɔn 1:1 - Ku̍o̍ Delee 1999

¹ Chlǐh-dɛ̍ la bo ɛ̀ sà dɛ̍ᵻ ìh kɔn ìh iě-a nɛ suei̍-ɛ i̍h-a tìh i̍. I̍h bo Nyɔsoa sà tà dě Jusu Klai we̍ ɔ̍ iě i̍h ɔ̍ pòi̍nynuu̍ i̍ to. Klai dbo̍ ɔ̍ ǐnchɔ̀ dě ɔ̍ pòi̍ju Chɔɔn we̍, iě ɛ̍ sèàɛ̍ ɔ̍ wlùh.

Wlɛfeleseɔn 1:1 Iomraidhean Croise

Chɔɔn 12:49

Dɛ̍nu̍ɛ, ǐn se̍ dǒ ǎn chɛ̀-a sɔ̍n kɛ̍n wlu-i, jɛ Baa ɔ̀ dbo̍-a m-ɛ, dɛ̍ iě-a wlu-ɛ ke, ka iě-a wlu-ɛ nu̍-ɛ, ɔ̍ bo ɔ̀ tù ɛ̍ ǐn wɔ̍n.

Chɔɔn 15:15

Nɛ̌ dǎɛ mɔ̀ pòi̍nynuu̍ dɛ, dɛ̍nu̍ɛ, pòi̍ju-u wɔ̌n ɔ̍ dlǔtu-a di̍i̍ wlu̍. Ɛ̍ kɔn ǎn dǎɛ la̍ mɔ̀ jbɛɛ nyɔ̍, dɛ̍nu̍ɛ, dɛ̍ᵻ kli̍hgbɛ̍ ǐn wɔ̌n-a dě ǐn Baa wɔ̍ɔ̍n-ɛ, ǐn sèàɛ̍ i̍h mɔ̀ wlùh wɛ̀.

Chɔɔn 17:8

Tu̍owli ìn nyǐ-a m-ɛ, ǐn po̍ i̍h dě u̍h we̍, wɛ̀ u̍h gbɛ̍n i̍h i̍. Dě ìn we̍ bo ǐn sɔ-ɔ, iě u̍h juo ɛ̍ ka ɛ̍ nu̍-a tìh-a taǐn-ɛ. Ka ìn dbo̍-a m-ɛ, iě u̍h po̍ ɛ̍ tìh chɛ̀.

Chɔɔn 3:32

Dɛ̍ ɔ̍ wɔ̌n-a wɛ̀ ɔ̍ gba̍-a jlǐhɛ̍ pùn-ɛ, ɛ̍ kɔn sàànsi̍i̍h bo ɔ̍ nu̍. Jɛ nyɔ̍ se̍ ɔ̍ wlu̍ tìh dǎɛ.

Chɔɔn 8:26

Ǐn blě tìh dɔu iě mɔ̀ i̍ bla̍-ɛ, iě ǐn blě dɔu iě mɔ̀ dlǔ po̍. Nyɔ̍ ɔ̀ dbo̍-a m-ɛ, tìh-a taǐn nyɔ̍ bo. Dɛ̍ ǐn wɔ̌n-a dě ɔ̍ wɔ̍ɔ̍n-ɛ, ɛ̍ bo ǎn sèàɛ̍ kmɔ̌ nyɔ̍ wlùh.”

Wloma 16:25

Mɔ̀ à bɛ̌-ɛ Nyɔsoa-a nynɛ̌ i̍. Ɔ̍ bo ɔ̀ bɛ̌ɛ mɔ̀-a wlùh gbaɛ i̍ kui-ɛ, kǎ pɔ̀n chɛ̀ ǎn bla̍-a dǒ Jusu Klai pùn-ɛ dǎ. Dɛ̍ ɛ̀ sìle-a dǒ ti̍ dɔu di̍i̍-ɛ, ɛ̍ toe-ɛ nyɔ̍ i̍ wɛ̀, kǎ ɛ̍ dǎ ke.

Kelesea 1:12

Nyɔ̍-o-nyɔ̍ se̍ ɛ̍ ǐn nyǐ, iě nyɔ̍ se̍ ɛ̍ ǐn nǎ poe ke. Jusu Klai-a chɛ̀-a gbǎ bo ɔ̀ toe ɛ̍ m.

Ɛfɛsɔ 3:3

Dɛ̍ ɛ̀ Nyɔsoa sìle-aɛ, ɛ̍ bo ɔ̍ toe m iě ɛ̍ juo. Kǎ ǐn nu̍ ɛ̍ dɛ̍ tile wɛ chlǐh-ɛ ke.

Taitɔ 1:1

Mɔ̍ Pɔɔ, ɔ̀ nu̍-a Nyɔsoa-a pòi̍ju ke Jusu Klai-a gba̍tòà-ɛ, nɔ̌ ǐn we̍ bo chlǐh-dɛ̍ la ɛ̍ sɔ-ɔ. Nyɔsoa kàn m iě ɔ̍ chèɛ̀ tba̍ nyɔ̍-a wlùh gbaɛ-ɛ dǒ nya̍ na-ɛ, wɛ̀ tìh-a taǐn ɛ̀ tba̍-a dǒ Nyɔsoa dɛ pùn i̍-ɛ, u̍h iě ɛ̍ tɔɔ blě.

Wlɛfeleseɔn 1:19

Kaka la̍ dɛ̍ ìn jě-aɛ, chlǐh ɛ̍. Nɛ̀ ìn chlǐh dɛ̍ᵻ jih nɛ-aɛ ke jih-a mu̍-a nɛ dě nya̍-ɛ.

Wlɛfeleseɔn 1:9

Mɔ̍ Chɔɔn la, mɔ̀ ke ǐn ke à ji̍ de̍di̍i̍. Mɔ̀ ke ǐn ke à gbaɛ Jusu wlùh, ɛ̍ kɔn à sàɛ̀ jua̍i̍ iě à kɔn dǒ ɔ̍ kmɔ̌ wlu̍ i̍ kɔn-ɛ we̍. Wɛ̀ à gbɛ̍n wlùh i̍ à ku̍-e klì i̍. Ǎn bla̍ Nyɔsoa tìh ɛ̍ ke gblangbai̍ Jusu sà-ɛ ke. Ɛ̍ kɔn mɔ̍ bo u̍h po̍ nɔ̌ tbǒ la u̍h-a dǎɛ-a Pamɔ-ɛ kɛ̍n.

Wlɛfeleseɔn 17:1

Wɛ̀ Nyɔsoa-a ǐnchɔ̀ mɛ̀sɔɔ̌n ìh blě-a boo̍ᵻ mɛ̀sɔɔ̌n kwa̍-ɛ i̍h-a due ji̍ nɔ̌ ǐn we̍. Ɛ̍ la̍a̍, “Ji̍, ka kàìà nynɔ̌ klaa-a mu̍-a kàn gbɛ̍n-ɛ nu̍-ɛ iě ɛ̍ ìn toe. Ɔ̍ nu̍ tùgbàwlɔ̀ klaa ɛ̀ po̍-ea dǒ nǐᵻ klaaᵻ wɔ̍i̍n-ɛ.

Wlɛfeleseɔn 19:10

Wɛ̀ ǐn kà i̍ dǒ ɛ̍ bu̍hᵻ kɛ̍n iě ɛ̍ wɛɛ sà. Jɛ ɛ̍ la̍a̍ dě ǐn we̍, “Bɔ̌ laǎn nu̍-ɛ. Mɔ̍ pòi̍ju ke ka ìn ke ìn de̍di̍i̍ᵻ nu̍-a pòi̍nynuu̍ iě mɔ̀ nu̍-a sàànsi̍i̍h dǒ dɛ̍ Jusu sà-a we̍-ɛɛ, kǎ ǐn nɛ ke. Nyɔsoa bo ìè wɛɛ sà.” Dɛ̍nu̍ɛ, Jusu we̍ tìh i̍ sà-a bo ɛ̀ nu̍ Nyɔsoa-a tu̍owli po̍-ɛ.

Wlɛfeleseɔn 19:9

Wɛ̀ ǐnchɔ̀ la̍a̍ dě ǐn we̍, “Chlǐh ɛ̀ la. Nyɔ̍ ùh dǎ-ɛa dǒ Blawɛ̌ Jǔ-a nynɔ̌ peě kɛ̍n-ɛ, nɛ̀ u̍h nmɔ i̍.” Iě ɛ̍ la̍a̍ dɛ, “Ìh la̍ Nyɔsoa-a tìh-a taǐn tu̍owli bo.”

Wlɛfeleseɔn 21:2

Iě ǐn jě tùgbàwlɔ̀ ɛ̀ kɔn-a dǒ Nyɔsoa we̍ ɛ̀ nu̍-a Juluslɛn wlɔ̀ delee-ɛ. Wlɔ̀ la ɛ̍ sɔ dě ja̍i̍wlɔ̀ dě Nyɔsoa we̍. Ɛ̍ po̍-eɛ gba̍a̍ ka nynɔ̌ delee pɛ̀ɛ̀ ɔ̍ iě jla̍ mu̍-ɛ.

Wlɛfeleseɔn 21:9

Wɛ̀ ǐnchɔ̀ mɛ̀sɔɔ̌n laa̍ ìh blě-a boo̍ᵻ mɛ̀sɔɔ̌n ìh bɔ̌ɛ-o dlǐ dɛ̍ᵻ mɛ̀sɔɔ̌n jǐ-a dě di̍i̍-ɛ, iě i̍h-a due ji̍. Iě ɛ̍ la̍a̍ dě ǐn we̍, “Ji̍, ǎn mu̍ ìn Nynɔ̌ Delee toe ɔ̀ nu̍-a Blawɛ̌ Jǔ-a nynɔ̌-ɛ.”

Wlɛfeleseɔn 22:1

Wɛ̀ ǐnchɔ̀ toe ǐn nǐ klaa ɛ̀ nyǐ-a nyɔ̍ feɛ-ɛ, nɛ̀ ɛ̍ sɔ-ɛɛ dě Nyɔsoa ke Blawɛ̌ Jǔ-a nynɛ̌ gbalǎ we̍. Ɛ̍ nɛ wlihwlǐh ka klàsi̍-ɛ.

Wlɛfeleseɔn 22:16

“Mɔ̍ Jusu, mɔ̍ bo ɔ̀ dbo̍ ǎn ǐnchɔ̀ dě mɔ̀ we̍ ɛ̍ iě wlu̍ la bla̍ dě chɔchi̍h nyɔ̍ we̍. Mɔ̍ Depe-a jǔ, ǐn sɔ dě ɔ̍ chɛǐ, iě ǐn wɔ̀ chǔhtlɛ̀n ɛ̀ fa̍n-a chàa̍n klàɛ̍we̍-ɛ.”

Wlɛfeleseɔn 22:6

Wɛ̀ ǐnchɔ̀ la̍a̍ dě ǐn we̍, “Wlu̍ la i̍h nu̍ gblangbai̍ ke wlì tè dɛ̍. Joi Nyɔsoa ɔ̀ nyǐ-a ɔ̍ tu̍owli po̍ nyɔ̍ ɔ̍ Sùù-ɛ, ɔ̍ bo ɔ̀ dbo̍ ɔ̍ ǐnchɔ̀ ɛ̍ iě ɔ̍ pòi̍nynuu̍ dɛ̍ ɛ̀ mu̍-a nɛ suei̍-ɛ toe.”

Wlɛfeleseɔn 22:8

Mɔ̍ Chɔɔn, mɔ̍ bo ɔ̀ wɔ̌n ìh la iě ǐn jě i̍h. Ti̍ ǐn wɔ̌n-a i̍h iě ǐn jě-a i̍h-ɛ, wɛ̀ Nyɔsoa-a ǐnchɔ̀ ɛ̀ toe-a i̍h m-ɛ, iě ǐn kà i̍ dǒ ɛ̍ jǔ iě ɛ̍ wɛɛ sà.

Wlɛfeleseɔn 22:9

Jɛ ɛ̍ la̍a̍ dě ǐn we̍, “Bɔ̌ laǎn nu̍-ɛ. Mɔ̍ pòi̍ju ke ka ìn ke ìn de̍di̍i̍ᵻ nu̍-a pòi̍nynuu̍ ke Nyɔsoa-a tu̍owli po̍ nyɔ̍ ke chlǐh-dɛ̍ la ɛ̍ wlu̍ i̍ gbɛ̍n nyɔ̍ nu̍-ɛɛ, kǎ ǐn nɛ ke. Nyɔsoa bo ìè wɛɛ sà.”

Wlɛfeleseɔn 4:1

Ɛ̀ la ɛ̍ wɔ̀-a nɛ-ɛ, ǐn gbɛ̀n-aeɛ, wɛ̀ ǐn jě gbò wɔ̍n dě ja̍i̍wlɔ̀, nɛ̀ ɛ̍ flɔn wɔ̍n ba̍a̍. Wɛ̀ wlu̍ ɛ̀ ke dɔ̍gbɛ̍-a wlu̍ wɔ̀ɛ-a ǐn wɔ̌n-a sàì-ɛ, ɛ̍ la̍a̍ dě ǐn we̍ dɛ, “Ji̍ nɔ̌ ja̍i̍ nɔ̍ɔ̀, wɛ̀ iě ìn dɛ̍ ɛ̀ kɔn ɛ̀ iě-a nɛ dě nya̍-ɛ toe.”

Wlɛfeleseɔn 5:7

Wɛ̀ Blawɛ̌ Jǔ mu̍, iě ɔ̍ dǔ chlǐh-dɛ̍-a gbo̍lo̍-o dě ɔ̀ tè-a i̍ dǒ nynɛ̌ gbalǎ kɛ̍n-ɛ di̍na̍ kwa̍a̍.