Pɔ̀n Chɛ̀ Maɛ To-a La 9:1 - Ku̍o̍ Delee 1999

¹ Wɛ̀ ɔ̍ la̍a̍ dě u̍h we̍, “Tìh-a taǐn ǎn sèàɛ̍ mɔ̀ wlùh, nyɔ̍ duuh nyna i̍ da̍a u̍h se̍ mɛ̌ mu̍ te̍e̍ wɛ̀ u̍h iě Nyɔsoa-a kmɔ̌ wlu̍ i̍ kɔn-ɛa ji̍ la̍ jě dǒ gbǐh we̍.”

Pɔ̀n Chɛ̀ Maɛ To-a La 9:1 Iomraidhean Croise

Matio 16:28

Tìh-a taǐn ǎn sèàɛ̍ mɔ̀ wlùh, nyɔ̍ duuh nyna i̍ da̍a u̍h se̍ mɛ̌ mu̍ te̍e̍ wɛ̀ u̍h iě Nyi̍ɔ̍-a Jǔ jě ɔ̍ iě ɔ̍ kmɔ̌ wlu̍ i̍ kɔn la̍ ji̍.”

Matio 24:30

Dǒ ti̍ laa̍ di̍i̍ nɛ̀ Nyi̍ɔ̍-a Jǔ-a juola-a mu̍ dě ja̍u̍n wlì wlǔh-i. Nɛ̀ kmɔ̌ nyi̍ɔ̍ kli̍hgbɛ̍-a mu̍ sùàɛ̀n pa̍. Nɛ̀ u̍h-a mu̍ Nyi̍ɔ̍-a Jǔ jě ɔ̍ iě dě nǐgbanᵻ kɛ̍n naɛ dě ja̍u̍n wlì dǒ gbǐh ke tìh-a i̍ bɛ̌-ɛ ɛ̀ ku̍-a wɔ̍n-ɛ we̍.

Matio 25:31

Jusu la̍a̍, “Ti̍ Nyi̍ɔ̍-a Jǔ-a mu̍-a ji̍ dě ɔ̍ tìh-a i̍ bɛ̌-ɛ di̍i̍ wɛ̀ ɔ̍ ke ɔ̍ ǐnchɔ̀ iě-a na-ɛ, nɛ̀ ɔ̍ mu̍ i̍ tè dǒ ɔ̍ nynɛ̌ gbalǎ kɛ̍n.

Pɔ̀n Chɛ̀ Maɛ To-a La 13:26

Nɛ̀ u̍h-a mu̍ Nyi̍ɔ̍-a Jǔ jě ɔ̍ iě dě nǐgbanᵻ kɛ̍n naɛ dě ja̍u̍n wlì dǒ gbǐh ìh ku̍-a wɔ̍n-ɛ we̍, ɛ̍ ke tìh-a i̍ bɛ̌-ɛ ke.

Pɔ̀n Chɛ̀ Maɛ To-a La 13:30

Bɔ̌ ǐn sèàɛ̍ mɔ̀ tìh-a taǐn wlùh, nyɔ̍ la ùh nɛ-a ka kmɔ̌-ɛ, u̍h se̍ mɛ̌ mu̍ te̍e̍ wɛ̀ ìh kli̍hgbɛ̍ la i̍h iě gbǎ.

Pɔ̀n Chɛ̀ Luu To-a La 2:26

Iě Nyɔsoa-a Sùù sèàɛ̍ ɔ̍ wlùh, ɛ̍ la̍ ɔ̍ se̍ mɛ̌ mu̍ wɛ̀ ɔ̍ iě Joi-a Chèɛ̀ Tba̍ju jě.

Pɔ̀n Chɛ̀ Luu To-a La 22:18

Ǎn sèàɛ̍ mɔ̀ wlùh, sɔ da̍a sèàn blǐ ǐn se̍ nmɔ̍ la nǎ mu̍ dɛ te̍e̍ wɛ̀ Nyɔsoa-a kmɔ̌ wlu̍ i̍ kɔn-ɛ iě ji̍.”

Pɔ̀n Chɛ̀ Luu To-a La 22:30

Wɛ̀ mɔ̀ iě dǒ ǎn teble̍ kɛ̍n dɛ̍ di̍-i, mɔ̀ iě nǎ dě ǎn kmɔ̌ wlu̍ i̍ kɔn-ɛ di̍i̍. Wɛ̀ mɔ̀ iě dǒ nynɛ̌ gbalǎᵻ kɛ̍n i̍ tìèe̍, wɛ̀ mɔ̀ iě Eslɔɛ nyɔ̍-a chɛ̌tu-a pùè jɔ̌ sɔɔ̌n wlu̍ i̍ kɔn.”

Pɔ̀n Chɛ̀ Luu To-a La 9:27

Tìh-a taǐn ǎn sèàɛ̍ mɔ̀ wlùh, nyɔ̍ duuh nyna i̍ da̍a u̍h se̍ mɛ̌ mu̍ te̍e̍ wɛ̀ u̍h iě Nyɔsoa-a kmɔ̌ wlu̍ i̍ kɔn-ɛ jě.”

Chɔɔn 21:23

Sɔ ɛ̍ pɔ̀n sɛ̍ i̍ dě de̍di̍i̍ᵻ laa̍ nynɛ̌, u̍h la̍ nɛ̀ kòà laa̍ ɔ̍ se̍ mɛ̌ mu̍ dɛbo. Jusu se̍ la̍ ɔ̍ se̍ mɛ̌ mu̍, jɛ ɔ̍ la̍a̍, “Pò ǐn ja pɔ̀n ɔ̍ iě kmɔ̌ nɛ te̍e̍ wɛ̀ iě de̍ ji̍-ɛ, nɛ̀ ka àn jě ɛ̍ ɛ?”

Iblu 2:9

Jɛ à jě Jusu, ɔ̀ Nyɔsoa ja-a wlù ɛ̍ sìì-a ǐnchɔ̀ dǒ ti̍ gbɔ̍ di̍i̍-ɛ. Wɛ̀ dě Nyɔsoa-a blɛ nɛ-ɛ di̍i̍-ɛ, ɔ̍ iě mɛ̌ dǒ nyɔ̍ kli̍hgbɛ̍-a tàà. Ɔ̍-ɔ bo ɔ̀ tèè-a ka tìh-a i̍ bɛ̌-ɛ ke ja̍ tè-ɛa blawɛ̌ kaka, dɛ̍nu̍ɛ, ɔ̍ sàɛ̀ jua̍i̍ dǒ ɔ̍ mɛ̌ la̍-a.