Pɔ̀n Chɛ̀ Maɛ To-a La 8:2 - Ku̍o̍ Delee 1999

² “Nyɔ̍ la u̍h-a po̍ ǐn wɔɛ, dɛ̍nu̍ɛ, wǐh ta̍a̍n bo u̍h nu̍ wɛ̀ da̍a ǐn we̍ wɛ̀ u̍h-a di̍-dɛ̍ᵻ wɛ̀ ka.

Pɔ̀n Chɛ̀ Maɛ To-a La 8:2 Iomraidhean Croise

Matio 14:14

Jusu sɔ-a dě blǎgbè di̍i̍ ka-ɛ, ɔ̍ jě nyɔ̍ tlùgbei̍ laa̍. Sɔ u̍h-a po̍ ɔ̍ wɔɛ kaa̍, wɛ̀ ɔ̍ bɔ̌-ɛ u̍h-a wɛ̌ᵻ.

Matio 20:34

Sɔ ɛ̍ po̍ Jusu wɔɛ iě ɔ̍ tǔh u̍h-a jlǐh i̍. Dǒ i̍h nyna iě i̍h pɔ̀ni, sɔ u̍h-a jě la̍ i̍ sǔh. Wɛ̀ u̍h gbǎ dǒ Jusu de̍e̍.

Matio 9:36

Pò ɔ̍ sǐ tàjɛ̀ i̍-ɛ, nɛ̀ dɛ̍ nyɔ̍ tlùgbei̍-a nu̍-a ɔ̍ we̍ klui-ɛ, nɛ̀ ɛ̍ po̍ ɔ̍ wɔɛ kaa̍. Dɛ̍nu̍ɛ, u̍h-a jě tìh, wɛ̀ u̍h se̍ we̍ gbǎ nyɔ̍ kɔn. U̍h wɔ̀ blawɛ̌ᵻ ìh se̍-a dǒ we̍ i̍ gbɛ̀n nyɔ̍ kɔn-ɛ.

Pɔ̀n Chɛ̀ Maɛ To-a La 1:41

Sɔ ɛ̍ po̍ Jusu wɔɛ kaa̍, wɛ̀ ɔ̍ slɛ̌ɛ sɔ̍n i̍ iě ɔ̍ tǔh ɔ̍ i̍. Ɔ̍ la̍a̍, “Ǐn wɔ̌ɛn ɛ̍-ɛ, fɛ̍nɛ dode̍.”

Pɔ̀n Chɛ̀ Maɛ To-a La 5:19

Jusu la̍a̍, “Iěe, bɔ̌ mu̍-ɛ, jɛ mu̍ wlɔ̀ wɛ̀ ka Joi nu̍-a ìn wɔɛ jě-ɛ, iě ɔ̍ nu̍-a ìn dɛ̍ we̍-ɛ, ìè àn chɛ̌ wlùh sèàɛ̍.”

Pɔ̀n Chɛ̀ Maɛ To-a La 6:32

Iě u̍h-a sǔh gbǎ dě blǎgbè di̍i̍, wɛ̀ u̍h-a mu̍ tà chɛn-a gbɔ̍i̍-ɛ.

Pɔ̀n Chɛ̀ Maɛ To-a La 6:34

Jusu sɔ-a dě blǎgbè di̍i̍ ɔ̍ sǐ-a sɔ̀n-ɛ, nɛ̀ u̍h dlɛɛ i̍ wɛ̀ tlɛ̀ngbɛ̀ɛ̀n, wɛ̀ ɔ̍ jě u̍h. Sɔ ɛ̍ po̍ ɔ̍ wɔɛ kaa̍, dɛ̍nu̍ɛ, u̍h wɔ̀ blawɛ̌ᵻ ìh se̍-a dǒ we̍ i̍ gbɛ̀n nyɔ̍ kɔn-ɛ. Sɔ ɔ̍ po̍ la̍ u̍h nǎ dǒ dɛ̍ᵻ dɔu we̍ sǔh.

Pɔ̀n Chɛ̀ Maɛ To-a La 8:3

Nɛ̀ pò ǐn se̍ u̍h di̍-dɛ̍ nyǐ wɛ̀ iě u̍h de̍ i̍ dbo̍-ɛ, nɛ̀ u̍h-a juh sɔ-a tà tɔ̀ɔ̀n-ɛ, u̍h-a mu̍ jlɛ̌wɛ.”

Pɔ̀n Chɛ̀ Maɛ To-a La 9:22

Ɛ̍ pɔ̀n ǎn jǔ la dbǎ-a i̍, dɛ̍nu̍ɛ, ɛ̍ po̍ ɔ̍ dě jlǐh ke dě niɔ̍ chɛ̍chɛ̍. Pò ìn bɛ̌ɛ ɛ̍ nu̍-ɛɛ, nɛ̀ ìn jě à wɔɛ ìè à we̍ gbǎ.”

Pɔ̀n Chɛ̀ Luu To-a La 15:20

Wɛ̀ ɔ̍ sɔ bloɔ̍, iě ɔ̍ dǔ ɔ̍ baa we̍ wìè-e. “Jɛ ɔ̍ nɛ dě wìè nya̍ sǔh wɛ̀ ɔ̍ baa jě ɔ̍. Sɔ ɛ̍ po̍ ɔ̍ baa wɔɛ. Wɛ̀ ɔ̍ gba̍ ple̍-ɛ iě ɔ̍ gblèè ɔ̍, iě ɔ̍ tù ɔ̍ wlì.

Pɔ̀n Chɛ̀ Luu To-a La 7:13

Joi jě-a nynɔ̌ laa̍-ɛ, sɔ ɛ̍ po̍ ɔ̍ wɔɛ. Iě ɔ̍ la̍a̍ dě ɔ̍ we̍, “Bɔ̌ fìn-ɛ.”

Iblu 2:17

Ɛ̍ kɔn ka ɔ̍ de̍di̍i̍ᵻ nɛ-aɛ, nɛ̀ ɔ̍ kɔn ɔ̍ iě laǎn nɛ ke tà kli̍hgbɛ̍. Ɔ̍ nu̍ ɛ̍-ɛ, wɛ̀ ɔ̍ iě u̍h-a Slaǎ Sà Nyɔ̍-a Dlǔtu nu̍ ɔ̀ kɔn-a wɔɛ iě ɔ̀ nu̍-a wlì tè nyɔ̍ dě Nyɔsoa jǔ dbee dɛ di̍i̍-ɛ. Wɛ̀ ɔ̍ nu̍ ɛ̍ iě nyɔ̍ɔ-a gblɛ̍n sɔ̀ɛ̀n-a tìh tǎli-ɛ i̍.

Iblu 4:15

Slaǎ Sà Nyɔ̍-a Dlǔtu à blě-aɛ, pò à gbǐh ja sɔɔn nu̍-ɛ, nɛ̀ ɛ̍ chlɛ̌n-ɛ ɔ̍ wlùh. Dɛ̍nu̍ɛ, ka Kǔ-a nu̍-a à blu̍ja̍a̍ po̍-ɛɛ, kǎ ɛ̍ nu̍ ɔ̍ blu̍ja̍a̍ po̍-ɛ i̍ pɔ̀n-ɛ ke de tà kli̍hgbɛ̍. Jɛ ɔ̍ se̍ gblɛ̍n sɔ̀ɛ̀n dɛ̍wɛ-a chɛ̀ nu̍.

Iblu 5:2

Ka dɛ̍ᵻ dɔu-a nu̍-a ɔ̍ gbǐh-a sɔɔn ke-ɛ, nɛ̀ ɔ̍ bɛ̌ɛ gba̍n gbɛ̍n-ɛ sǔh dǒ nyɔ̍ ùh se̍-a dɛ̍ jlǐh juo ùh-a nu̍-a klǐ-dɛ̍ᵻɛ́ we̍.