Pɔ̀n Chɛ̀ Maɛ To-a La 7:2 - Ku̍o̍ Delee 1999

² Wɛ̀ u̍h jě ɔ̍ kòà duuh nɛ̀ u̍h wa̍ Juu nyɔ̍-a telě. U̍h se̍ kwa̍ dle iě u̍h-a di̍ dɛ̍.

Pɔ̀n Chɛ̀ Maɛ To-a La 7:2 Iomraidhean Croise

Matio 15:2

u̍h la̍a̍, “Dɛ̍nu̍ àn kòà-a wa̍ à baaᵻá telě ɛ? Dɛ̍nu̍ɛ, u̍h-u dle kwa̍ iě u̍h-a di̍ dɛ̍.”

Pɔ̀n Chɛ̀ Maɛ To-a La 7:5

Ɛ̍ bo Fɛlesii nyɔ̍ ke telě nǎ poe nyɔ̍ tèle ɔ̍ i̍, u̍h la̍a̍, “Dɛ̍nu̍ àn kòà la wɛ̀ u̍h-u tè-o à baaᵻá telě i̍ ɛ? U̍h se̍ kwa̍ dle wɛ̀ u̍h-a di̍ dɛ̍.”

Pɔ̀n Chɛ̀ Luu To-a La 11:38

Fɛlesii jǔ jě-a Jusu-ɛ, sɔ ɛ̍ kèle ɔ̍ i̍. Dɛ̍nu̍ɛ, ɔ̍ se̍ i̍ dle wɛ̀ ɔ̍ di̍ dɛ̍.

Nu̍-dɛ̍ᵻ 10:28

Wɛ̀ Pitɛ la̍a̍ dě u̍h we̍, “Mɔ̀-a chɛ̀ juo ɛ̍-ɛ gbàkla̍a̍, ɛ̍ nu̍ telě àɔ̀ nu̍-a Juu-ɛ, à ke ùh se̍-a Juu nyɔ̍-ɛ ke à-a nɛ̍aɛ we̍ wɛ̀ à iě dě u̍h we̍-a chɛ̀ i̍ nala mu̍. Jɛ Nyɔsoa to ɛ̍-ɛ ka ǐn se̍-a kɔn iě-a nyɔ̍-o-nyɔ̍ dě Nyɔsoa jlǐh i̍ nyni nyɔ̍ ke nɛi̍ nɛ nyɔ̍ dǎɛ-ɛ.

Nu̍-dɛ̍ᵻ 11:8

Wɛ̀ na̍a̍, ‘Joi, sakǒ o, dɛ̍ᵻ ìh nyni-a dě Nyɔsoa jlǐh i̍-ɛ ke ìh se̍-a nɛi̍ wɛ̀-ɛ i̍h-a dɛ̍-ɛ se̍a dě ǐn wɔ̍ɔ̍n gbǎ sàǐtòò.’

Wloma 14:14

Ǎn dě Joi Jusu ja̍a̍ nɛ-ɛ nu̍ ɛ̍ iě ǐn juo ɛ̍ ka di̍-dɛ̍-ɛ nyni-a dě Nyɔsoa jlǐh i̍-ɛ. Jɛ pò nyɔ̍ la̍ ɛ̍ nyni dě Nyɔsoa jlǐh i̍ dǒ ɔ̍ we̍-ɛ, nɛ̀ kǎ ɛ̍ nɛ dǒ nyɔ̍ laa̍ we̍.

Iblu 10:29

Pò nyɔ̍ jaɛ Nyɔsoa-a Jǔ-a tìh jlǐh, wɛ̀ ɔ̍ se̍ nymɔ̍ ɛ̀ to-a ɛ̍ ka Nyɔsoa po̍-a ku̍o̍ iě nymɔ̍-a chɛ̀ dle ɔ̍ i̍ dǒ Nyɔsoa we̍-ɛ, pò ɔ̍ se̍ ɛ̍ dɛ̍ dǎɛ wɛ̀ ɔ̍ iě blɛ nɛ Sùù chlèe-ɛ, nɛ̀ ka ɔ̍ naɛ kàn gbɛ̍n-ɛa mu̍-a wɔ̍n ku̍ ɛ̍ iě-a telě wa̍ nyɔ̍ sìì-ɛ, mɔ̀ se̍ i̍h juo ae?

Wlɛfeleseɔn 21:27

Jɛ dɛ̍-ɛ se̍ nɛi̍ wɛ̀ wɛ̀ ɛ̍-ɛ sǐ-e i̍, ɛ̍ ke nyɔ̍ jɔ nu̍-a sììjii̍ ke si̍h tmɔ̌ dɛ̍-ɛ ke. Jɛ ùh kɔn nynɛ̌ chlǐh-a dě Blawɛ̌ Jǔ-a feɛ chlǐh-dɛ̍ di̍i̍-ɛ, u̍h nɛ due bo ùh-a mu̍ dě-e i̍ sǐ.