Pɔ̀n Chɛ̀ Maɛ To-a La 6:3 - Ku̍o̍ Delee 1999

³ Ɛ̍ se̍ Mɛle-a jǔ ɔ̀ nu̍-a kɔ̍-nyɔ̍, ɔ̀ kɔn de̍di̍i̍ᵻ nu̍-a Chiin ke, Josɛ ke, Juda ke Samo-ɛ ae? Ɔ̀ kɔn de̍di̍i̍ᵻ nynɔ̌gbaɔᵻ tǐn-a da̍a à we̍-ɛ, ɛ̍ se̍ ɔ̍ mɔ ae?” Sɔ u̍h se̍ ɔ̍ jě-ɛ jbǎ.

Pɔ̀n Chɛ̀ Maɛ To-a La 6:3 Iomraidhean Croise

Matio 11:6

Nyɔ̍ ɔ̀ se̍-a se̍a̍ dǒ ǎn wlùh gbaɛ we̍-ɛ, nɛ̀ ɔ̍ nmɔ i̍.”

Matio 12:46

Jusu nɛ dǒ nyɔ̍ tlùgbei̍ laa̍ we̍ wlu la̍ sǔh, iě ɔ̍ de̍ ke ɔ̍ de̍di̍i̍ᵻ ji̍ u̍h nyna i̍ dě sɔ̀n u̍h-a pɔ̀n ɔ̍ we̍ wlu-ɛ i̍.

Pɔ̀n Chɛ̀ Maɛ To-a La 15:40

Nɛ̀ nynɔ̌gbaɔᵻ duuh nynaɛ nya̍ u̍h-a gbɛ̀n dě u̍h we̍. Nɛ̀ Mɛle Makalin ke Mɛle ɔ̀ nu̍-a Chiin wɛ ke Jose de̍-ɛ, nɛ̀ u̍h nɛ dě u̍h nynɛ̌, ɛ̍ ke Salomi ke.

Pɔ̀n Chɛ̀ Maɛ To-a La 3:18

nɛ̀ Andlu ke, Felɔ ke, Batalamio ke, Matio ke, Tɔmɔ ke, Afia-a jǔ Chiin ke, Tadiɔ ke, Samo ɔ̀ fɔ̀n-a bloa̍ tìh we̍-ɛ ke,

Pɔ̀n Chɛ̀ Luu To-a La 2:34

Iě Simiɔ sà-ɛ u̍h nǐ wɔ̍n. Wɛ̀ ɔ̍ la̍a̍ dě jǔ de̍ Mɛle we̍, “Jǔ la ɔ̍ tìh nyɔ̍ dɔu-a mu̍-u gbɔ̀lɔ-ɛ, iě nyɔ̍ dɔu iě sèìe-ɛ nɔ̌ Eslɔɛ. Ɔ̍ mu̍ juola ɛ̀ sɔ-a dě Nyɔsoa we̍-ɛ nu̍ nyɔ̍ dɔu iě ɔ̍ chla tba̍.

Pɔ̀n Chɛ̀ Luu To-a La 7:23

Nyɔ̍ ɔ̀ se̍-a se̍a̍ dǒ ǐn wlùh gbàɛ̀ we̍-ɛ, nɛ̀ ɔ̍ nmɔ i̍.”

Pɔ̀n Chɛ̀ Luu To-a La 8:20

Wɛ̀ nyɔ̍ sèàɛ̍ ɔ̍ wlùh, u̍h la̍a̍, “Ìn de̍ ke ìn de̍di̍i̍ᵻ nyna i̍ dě sɔ̀n u̍h-a pɔ̀n ìn jě-ɛ i̍.”

Chɔɔn 14:22

Wɛ̀ Juda ɔ̀ se̍-a Ɛkɛlia naɛ jǔ-ɛ, ɔ̍ la̍a̍ dě ɔ̍ we̍, “Joi, dɛ̍nu̍ àn mu̍ àn chɛ̀ tà sà nɔ̌ àɔ̀ we̍, iě ìn se̍ àn chɛ̀ tà sà mu̍ dě kmɔ̌ nyɔ̍ we̍ ɛ?”

Chɔɔn 6:42

U̍h la̍a̍, “Na̍ Josɛ-a jǔ Jusu ɔ̀ kɔn de̍ ke baa à juo-aɛ, ɛ̍ se̍ ɔ̍ mɔ ae? Nɛ̀ ka ɛ̍ nu̍ wɛ̀ ɔ̍ la̍ ɔ̍ bo ɔ̀ sɔ dě ja̍i̍wlɔ̀ ɔ̀ ji̍ nɔ̌ bloɔ̍ ɛ?”

Nu̍-dɛ̍ᵻ 1:13

U̍h nyni̍-a wlɔ̀-ɛ, ja̍i̍ gbòju kɔn di̍i̍ u̍h tè-a i̍ se̍e̍-ɛ, dě u̍h mu̍. U̍h-u nɛ-a dě gbò-a chɛ̀-ɛ, Pitɛ ke, Chɔɔn ke, Chiin ke, Andlu ke, Felɔ ke, Tɔmɔ ke, Batalamio ke, Matio ke, Afia-a jǔ Chiin ke, Samo ɔ̀ fɔ̀n-a bloa̍-a tìh we̍-ɛ ke, ɛ̍ ke Chiin-a jǔ Juda ke.

Nu̍-dɛ̍ᵻ 12:17

Wɛ̀ Pitɛ po̍ sɔ̍n u̍h iě slɛ̀ ja̍ sà. Iě ɔ̍ sèàɛ̍ ɛ̍ we̍ i̍ ka Joi nu̍-a ɔ̍ dě kasoo sà sɔɛn-ɛ. Ɔ̍ la̍a̍, “Mɔ̀ poe ɛ̍ Chiin ke de̍di̍i̍ᵻ duuh sie-a dǒ de̍-ɛ kunǎ ke.” Wɛ̀ ɔ̍ sɔ dǒ u̍h we̍-e iě ɔ̍ mu̍ tàdɔ̀ɔ̀.

1 Kɔwlɛntiɔn 1:23

Jɛ àɔ̀ nɔ̀ɔ̍, à bla̍ Klai-a dǒ tu̍ wlì kɔ̍-ɛ tìh, wɛ̀ Juu nyɔ̍-a dǎɛ ɛ̍ nyɔ̍ tàmlain poe dɛ̍. Iě ɛ̍ wɔ̀ se̍o̍nɛ dǒ ùh se̍-a Juu-ɛ we̍.

1 Kɔwlɛntiɔn 9:4

Nɛ̀ na̍ à se̍ i̍ blaɛ à iě niɛ̍ nǎ dě dbo̍ la di̍i̍ ae?

Kelesea 1:19

Ǐn se̍ Klai-a gba̍tòà juh sie-a dǒ de̍-ɛ jě, Chiin nɛ due bo ǐn jě, ɔ̀ nu̍-a Joi de̍di̍i̍-ɛ.

1 Pitɛ 2:4

Mɔ̀ ji̍ Joi we̍, ɔ̍ bo ɔ̀ nu̍ kmɔ̌ nɛ sɔɔ̌, kmɔ̌ nyɔ̍ tba̍ chla. Jɛ Nyɔsoa tba̍ ɔ̍ chèɛ̀ ɔ̍ iě kèàǎn nyɔ̍ nu̍.

Judi 1:1

Mɔ̍ Chiin de̍di̍i̍ Judi ɔ̀ nu̍-a Jusu Klai-a pòi̍ju-ɛ. Ǎn chlǐh chlǐh-dɛ̍ la dě nyɔ̍ ùh Nyɔsoa dǎ-aɛ we̍, ɛ̍ ke ùh Baa Nyɔsoa jbɛɛ-aɛ iě Jusu Klai pe̍ɛ-ɛ ka u̍h kɛ̍n i̍-ɛ.