Pɔ̀n Chɛ̀ Maɛ To-a La 6:2 - Ku̍o̍ Delee 1999

² Dǒ Juu-a wlè-weɛ̍ di̍i̍, wɛ̀ ɔ̍ tè nyɔ̍ nǎ po̍-ɛ gbɔ̀ dě wɛɛ sà gbò sɔ̀n. Nyɔ̍ dɔu ùh wɔ̌n-a ɔ̍ wlu̍-ɛ, sɔ ɛ̍ wlǔh i̍ u̍h de̍e̍. Wɛ̀ u̍h la̍a̍, “Tà ɔ̍ sà ìh kli̍hgbɛ̍ la ɛ? Nyɔ̍ nyǐ ɔ̍ flɔ̍nwlùh la iě ɔ̍ blě ɛ̍ ɛ? Tà ɔ̍ sà ɔ̍ naɛ gbǐh wɛ̀ ɔ̍ nu̍ la̍a̍n jbaɛdih po̍-ɛ ɛ?

Pɔ̀n Chɛ̀ Maɛ To-a La 6:2 Iomraidhean Croise

Matio 4:23

Wɛ̀ Jusu na Kaladii bloa̍ kli̍hgbɛ̍ we̍, ɔ̍ po̍ nyɔ̍ nǎ dě Juu nyɔ̍-a wɛɛ sà gbòᵻ sɔ̀n-i. Iě ɔ̍ bla̍ pɔ̀n chɛ̀-a tìh dǒ Nyɔsoa-a kmɔ̌ wlu̍ i̍ kɔn dɛ we̍. Wɛ̀ ɔ̍ bɔ̌-ɛ nyɔ̍gbei-a poa-dɛ̍ᵻ ke wɛ̌ᵻ kli̍hgbɛ̍.

Matio 7:28

Ti̍ Jusu wɔ̀-a ìh la bla̍-aɛ, sɔ ɔ̍ nǎ po̍-ɛ wlǔh i̍ nyɔ̍ tlùgbei̍ laa̍ de̍e̍.

Pɔ̀n Chɛ̀ Maɛ To-a La 1:39

Wɛ̀ ɔ̍ na Kaladii bloa̍ kli̍hgbɛ̍ we̍, ɔ̍ bla̍ Nyɔsoa tìh dě u̍h-a wɛɛ sà gbòᵻ sɔ̀n i̍. Wɛ̀ ɔ̍ sà nyɔ̍ɔ jeědih de̍e̍ i̍ ke.

Pɔ̀n Chɛ̀ Maɛ To-a La 10:1

Wɛ̀ Jusu wlǔh-i gbààn, iě ɔ̍ mu̍ dě Judia fɔɔ, wɛ̀ ɔ̍ tàn Jɔɔdɛn nǐ. Iě nyɔ̍ tlùgbei̍ gbòe dǒ ɔ̍ we̍ dɛ, iě ɔ̍ po̍ u̍h nǎ ka ɔ̍ nu̍-a se̍e̍-ɛ.

Pɔ̀n Chɛ̀ Luu To-a La 2:47

Ka ɔ̍ nu̍-a dɛ̍ɛ̍ i̍ wɔ̌n-ɛ ke nyɔ̍-a wlu̍ pɔ̀n we̍ sà-aɛ, nyɔ̍ kli̍hgbɛ̍ ùh wɔ̌n-a ɔ̍ wlu̍-ɛ, sɔ ɛ̍ wlǔh i̍ u̍h de̍e̍.

Pɔ̀n Chɛ̀ Luu To-a La 4:15

Wɛ̀ ɔ̍ po̍ nyɔ̍ nǎ dě Juu nyɔ̍-a wɛɛ sà gbòᵻ sɔ̀n i̍. Iě nyɔ̍ kli̍hgbɛ̍ po̍ ɔ̍ tìhwe̍.

Chɔɔn 6:42

U̍h la̍a̍, “Na̍ Josɛ-a jǔ Jusu ɔ̀ kɔn de̍ ke baa à juo-aɛ, ɛ̍ se̍ ɔ̍ mɔ ae? Nɛ̀ ka ɛ̍ nu̍ wɛ̀ ɔ̍ la̍ ɔ̍ bo ɔ̀ sɔ dě ja̍i̍wlɔ̀ ɔ̀ ji̍ nɔ̌ bloɔ̍ ɛ?”

Chɔɔn 7:15

Sɔ ɛ̍ flɔn-ɛ Juu nyɔ̍-a nyɔ̍ klaaᵻ wɔ̍n, iě u̍h la̍a̍, “Jɔ̍gbau la ɔ̀ nyɔ̍-ɔ se̍a telě toe-ɛ, ka ɛ̍ nu̍ wɛ̀ ɔ̍ juo dɛ̍ᵻ dɔu ɛ?”