Pɔ̀n Chɛ̀ Maɛ To-a La 5:2 - Ku̍o̍ Delee 1999

² Jusu naɛ àn sɔ dě blǎgbè di̍i̍ ka-ɛ, nɛ̀ jɔ̍gbau ɔ̀ blě-a jeědih dǒ ɔ̍ de̍e̍-ɛ, ɔ̍ sɔ dě nyɔ̍ i̍ tè wɔ̍ᵻ di̍i̍ wɛ̀ ɔ̍ ji̍ dǒ Jusu we̍.

Pɔ̀n Chɛ̀ Maɛ To-a La 5:2 Iomraidhean Croise

Pɔ̀n Chɛ̀ Maɛ To-a La 1:23

Kli-a ka-a, nɛ̀ jɔ̍gbau ɔ̀ blě-a jeědih dǒ ɔ̍ de̍e̍-ɛ, nɛ̀ ɔ̍ wlǔh tà wɛ̀ dě u̍h we̍ wɛɛ sà gbò sɔ̀n. Iě ɔ̍ wǐ,

Pɔ̀n Chɛ̀ Maɛ To-a La 1:26

Wɛ̀ ɛ̍ sǐ jɔ̍gbau, iě ɛ̍ plǎn, wɛ̀ ɛ̍ sɔ dǒ ɔ̍ de̍e̍.

Pɔ̀n Chɛ̀ Maɛ To-a La 3:30

Ɔ̍ bla̍ ɛ̀ la dɛ̍nu̍ɛ, nyɔ̍gbei la̍a̍, “Ɔ̍ blě jeědih dǒ ɔ̍ de̍e̍.”

Pɔ̀n Chɛ̀ Maɛ To-a La 3:9

Jɛ dɛ̍ ɔ̍ nu̍-a la̍ nyɔ̍ dɔu pǔh-iɛ, sɔ wɛ̌ᵻ nyɔ̍ kli̍hgbɛ̍-a klɛɛn la̍ dě ɔ̍ we̍ u̍h iě ɔ̍ i̍ tǔh. Ɛ̍ bo ɛ̀ nu̍ ɛ̍ wɛ̀ ɔ̍ sèàɛ̍ ɔ̍ kòà wlùh u̍h iě blǎgbè gba̍a̍ po̍ dǒ ɔ̍ we̍, wɛ̀ u̍h je̍e ɔ̍ nɛ̌ɛ.

Pɔ̀n Chɛ̀ Maɛ To-a La 4:1

Dǒ ti̍ due di̍i̍ wɛ̀ Jusu tè nyɔ̍ nǎ po̍-ɛ gbɔ̀ dɛ dǒ pɛ̍nu̍ klaa wɔ̍i̍n. Sɔ nyɔ̍ ùh gbǎ-a tàdùè dǒ ɔ̍ we̍-ɛ, u̍h tìè i̍ kaa̍ ɛ̍ sì-o i̍. Ɛ̍ bo ɛ̀ nu̍ ɛ̍ wɛ̀ ɔ̍ gbǎ dě blǎgbè di̍i̍ ɔ̍ tè i̍ dǒ nǐ kɛ̍n. Iě nyɔ̍ kli̍hgbɛ̍ sie dǒ gbuǔh kɛ̍n.

Pɔ̀n Chɛ̀ Maɛ To-a La 4:36

Wɛ̀ ɔ̍ kòà gbǎ dě blǎgbè kɔn di̍i̍ ɔ̍ tè-a i̍-ɛ. Iě u̍h ke ɔ̍ mu̍, u̍h si̍e̍ nyɔ̍ tlùgbei̍ laa̍. Nɛ̀ u̍h ke blǎgbè diih-a mui wìè-i.

Pɔ̀n Chɛ̀ Maɛ To-a La 5:21

Ti̍ Jusu tàn-a ɔ̍ mu̍-a dě de̍ pɛ̍nu̍ klaa de̍e̍-ɛ, wɛ̀ nyɔ̍ dɔu gbǎ tàdùè dǒ ɔ̍ we̍ pɛ̍nu̍ wɔ̍i̍n.

Pɔ̀n Chɛ̀ Maɛ To-a La 5:3

Dě wɔ̍ᵻ laa̍ di̍i̍ bo jɔ̍gbau la ɔ̍ tǐn. Nyɔ̍ se̍ ɔ̍ sa̍n-a bɛ̌ɛ, jɔɔdbǔ-a chɛ̀ bo nyɔ̍ se̍ ɔ̍ sa̍n-ɛ bɛ̌ɛ.

Pɔ̀n Chɛ̀ Maɛ To-a La 5:8

Dɛ̍nu̍ɛ, Jusu sèàɛ̍ jeědih la wlùh ɛ̍ iě dǒ jɔ̍gbau la de̍e̍ sɔ, ɛ̍ kɔn ɛ̍ bla̍ dɛ̍ la.

Pɔ̀n Chɛ̀ Maɛ To-a La 7:25

Dǒ nynɔ̌ due nyna ɔ̍ wɔ̌n ɔ̍ nynɛ̌. Nɛ̀ jeědih nɛ dǒ ɔ̍ jǔ nynɔ̌gbaɔ de̍e̍. Wɛ̀ ɔ̍ ji̍ dǒ Jusu we̍, iě ɔ̍ gbɛ̍n ɔ̍ bu̍hᵻ i̍.

Pɔ̀n Chɛ̀ Luu To-a La 8:27

Jusu jǎ-a dǒ gbuǔh kɛ̍n ka-ɛ, wɛ̀ jɔ̍gbau ɔ̀ jeědih nɛ-a dǒ de̍e̍ ɔ̀ tǐn-a dǒ wlɔ̀ laa̍ di̍i̍ de-ɛ ji̍ ɔ̍ wlì. Nɛ̀ ɔ̍ bɔ̌-a dɛ̍ gbɔ̀ tba̍ tìh-ɛ, ɛ̍ ti̍ tɛ̀n dlǔ wɛ̀. Ɔ̍-ɔ tǐn dě gbò, dě kǔ i̍ tè wɔ̍ᵻ di̍i̍ bo ɔ̍ tǐn.

Pɔ̀n Chɛ̀ Luu To-a La 9:42

Ɔ̍ ji̍-a la̍-ɛ, iě jeědih sǐ ɔ̍-ɔ. Wɛ̀ ɔ̍ kà i̍ dǒ bloɔ̍, iě ɔ̍ slɛ̌ɛ tàɔn. Jɛ Jusu wlu-i jeědih laa̍ we̍, iě ɔ̍ pǔh-i jǔwɛ laa̍. Wɛ̀ ɔ̍ sà ɔ̍ kwlǎ dě ɔ̍ baa we̍.