Pɔ̀n Chɛ̀ Maɛ To-a La 4:4 - Ku̍o̍ Delee 1999

^4-8 Ɔ̍ gbà-a i̍h dě klè-ɛ, diih gbǎ dǒ wìè gblùh i̍, wɛ̀ diih gbǎ dǒ sɔɔ̌ᵻ blǔh kɛ̍n. Wɛ̀ diih gbǎ dě klàɛ̀n di̍i̍, wɛ̀ diih gbǎ dǒ gbablu̍h i̍. Jih gbǎ-a dǒ wìè gblùh i̍-ɛ, na̍wɛ̍ᵻ di̍ i̍h-i. Jih gbǎ-a dǒ blǔh sɔɔ̌ nɛ-a dě sɔ̀n-ɛ kɛ̍n-ɛ, i̍h po̍ kɔɔ̌nᵻ suei̍, dɛ̍nu̍ɛ, i̍h-a blǔh chɛ̀wlɛ di̍i̍. Sɔ i̍h-a sɛ̌n-ɛ jě wlù mu̍ ka̍. Jɛ jlǔh kma-a i̍-ɛ, wɛ̀ i̍h wlɔ̍. Jih gbǎ-a dě klàɛ̀n di̍i̍-ɛ, i̍h ke wiǎᵻ ku̍-i tàdùè. Wɛ̀ wiǎᵻ mɔɛ i̍h dlǔ i̍ ɛ̍ kɔn i̍h se̍ tlo. Jih gbǎ-a dǒ gbablu̍h i̍-ɛ, i̍h nmɔ-ɛ, wɛ̀ i̍h wa̍. Diih blě jɔ̌-a kwela ta̍a̍n, diih blě kwela mɛ̀o̍, wɛ̀ diih blě kmɛ.”

Pɔ̀n Chɛ̀ Maɛ To-a La 4:4 Iomraidhean Croise

Matio 13:19

Nyɔ̍ ùh wɔ̌n-a Nyɔsoa-a kmɔ̌ wlu̍ i̍ kɔn-ɛa tu̍owli wɛ̀ u̍h se̍-a ɛ̍ i̍ wɔ̌n-ɛ, nɛ̀ Nyɔ̍ Sɔ̀n laa̍ bo ɔ̀ ji̍ wɛ̀ ɔ̍ sà ɛ̍ dǒ u̍h wlùh kɛ̍n. Ɛ̍ bo ɛ̀ nu̍-a dɛ̍ᵻ jɔ̌ ìh gbǎ-a dǒ wìè gblùh i̍ laa̍ na̍wɛ̍ᵻ sà-o.

Matio 13:4

Ɔ̍ gbà-a i̍h dě klè-ɛ, diih gbǎ dǒ wìè gblùh i̍, wɛ̀ diih gbǎ dǒ sɔɔ̌ᵻ blǔh kɛ̍n. Wɛ̀ diih gbǎ dě klàɛ̀n di̍i̍, wɛ̀ diih gbǎ dǒ gbablu̍h-u. Jih gbǎ-a dǒ wìè gblùh i̍-ɛ, na̍wɛ̍ᵻ di̍ i̍h. Jih gbǎ-a dǒ blǔh sɔɔ̌ nɛ-a dě sɔ̀n-ɛ kɛ̍n-ɛ, i̍h po̍ kɔɔ̌nᵻ suei̍, dɛ̍nu̍ɛ, i̍h-a blǔh chɛ̀wlɛ di̍i̍. Sɔ i̍h-a sɛ̌n-ɛ jě wlù mu̍ ka̍. Jɛ jlǔh kma-a i̍-ɛ, wɛ̀ i̍h wlɔ̍. Jih gbǎ-a dě klàɛ̀n di̍i̍-ɛ, i̍h ke wiǎᵻ ku̍-i tàdùè. Wɛ̀ wiǎᵻ mɔɛ i̍h dlǔ i̍. Jih gbǎ-a dǒ gbablu̍h i̍-ɛ, i̍h nmɔ-ɛ, wɛ̀ i̍h wa̍. Diih blě jɔ̌-a kmɛ, wɛ̀ diih blě kwela mɛ̀o̍, iě diih blě kwela ta̍a̍n.”

Pɔ̀n Chɛ̀ Maɛ To-a La 4:15

Nyɔ̍ duuh wɔ̀ dɛ̍ᵻ jɔ̌ ìh gbǎ-a dǒ wìè gblùh i̍-ɛ, u̍h wɔ̌n-a Nyɔsoa-a wlu̍ ka-ɛ, ɛ̍-ɛ wlè-o wɛ̀ Setɔn-a ji̍ iě ɛ̍ sà wlu̍-a chɛ̀ dǒ u̍h wlùh kɛ̍n.

Pɔ̀n Chɛ̀ Maɛ To-a La 4:3

“Mɔ̀ pu̍e̍e dounᵻ i̍, jɔ̍gbau due bo ɔ̀ mu̍ dɛ̍ᵻ jɔ̌ gbà la̍-a.

Pɔ̀n Chɛ̀ Luu To-a La 8:12

Dɛ̍ᵻ jɔ̌ ìh gbǎ-a dǒ wìè gblùh i̍-ɛ, nyɔ̍ ùh wɔ̌n-a Nyɔsoa-a wlu̍ iě Kǔ ji̍-a ɛ̍ sà-a ɛ̍ dǒ u̍h wlùh kɛ̍n-ɛ, u̍h bo i̍h wɔ̀. Wɛ̀ u̍h-u je̍e wlùh gbaɛ blě, nɛ̀ u̍h-a mu̍ la̍ pǔh.

Pɔ̀n Chɛ̀ Luu To-a La 8:5

“Jɔ̍gbau due bo ɔ̀ mu̍ dɛ̍ᵻ jɔ̌ gbà la̍-a. Ɔ̍ gbà-a i̍h dě klè-ɛ, diih gbǎ dǒ wìè gblùh i̍. Wɛ̀ nyɔ̍gbei na i̍h kɛ̍n i̍, iě na̍wɛ̍ᵻ di̍ i̍h.