Pɔ̀n Chɛ̀ Maɛ To-a La 3:7 - Ku̍o̍ Delee 1999

⁷ Wɛ̀ Jusu ke ɔ̍ kòà mu̍ dě pɛ̍nu̍ klaa wɔ̍i̍n, iě nyɔ̍ tlùgbei̍ sɔ Kaladii fɔɔ u̍h wɔ̀ dǒ ɔ̍ de̍e̍. Wɛ̀ duuh sɔ Judia fɔɔ ke,

Pɔ̀n Chɛ̀ Maɛ To-a La 3:7 Iomraidhean Croise

Matio 10:23

Pò u̍h ja mɔ̀ klě jěe dǒ tà jɛ-ɛ, nɛ̀ mɔ̀ ple̍ mɔ̀ iě tàdɔ̀ɔ̀ mu̍. Tìh-a taǐn ǎn sèàɛ̍ mɔ̀ wlùh, mɔ̀ se̍ dbo̍ la i̍ wɔ̀ mu̍ dě Eslɔɛ nyɔ̍-a wlɔ̀ᵻ gbàɛ̀ kli̍hgbɛ̍ di̍i̍ i̍ wɛ̀ Nyi̍ɔ̍-a Jǔ iě ji̍.

Matio 12:15

Jɛ Jusu juo-ao dɛ̍ i̍-ɛ, iě ɔ̍ wlǔh-i gbààn ɔ̍ sɔ dǒ tà-a chɛ̀. Wɛ̀ nyɔ̍ dɔu wɔ̀ dǒ ɔ̍ de̍e̍, iě ɔ̍ bɔ̌-ɛ u̍h-a wɛ̌ᵻ kli̍hgbɛ̍.

Matio 12:16

Wɛ̀ ɔ̍ nɛ̌ɛ jeědih laa̍ wlu̍ dounᵻ i̍ i̍h-i je̍e ɔ̍ nynɛ̌ wlɔ̀ we̍ po̍.

Matio 4:25

Iě nyɔ̍ tlùgbei̍ wɔ̀ dǒ ɔ̍ de̍e̍, duuh sɔ Kaladii fɔɔ, wɛ̀ duuh sɔ blǔh dɛɛ kɛ̍n, u̍h-a dǎɛ ɛ̍ Wlɔ̀ᵻ Pùè, iě duuh sɔ Juluslɛn wlɔ̀ ke Judia bloa̍ kɛ̍n. Iě duuh sɔ dě Jɔɔdɛn nǐ de̍e̍.

Pɔ̀n Chɛ̀ Maɛ To-a La 1:39

Wɛ̀ ɔ̍ na Kaladii bloa̍ kli̍hgbɛ̍ we̍, ɔ̍ bla̍ Nyɔsoa tìh dě u̍h-a wɛɛ sà gbòᵻ sɔ̀n i̍. Wɛ̀ ɔ̍ sà nyɔ̍ɔ jeědih de̍e̍ i̍ ke.

Pɔ̀n Chɛ̀ Maɛ To-a La 1:45

Jɛ ɔ̍ mu̍-aɛ, iě ɔ̍ sèàɛ̍ nyɔ̍ kli̍hgbɛ̍ wlùh, iě pɔ̀n laa̍ ɛ̍ sɛ̍ i̍. Sɔ ɛ̍ nu̍ ɛ̍ Jusu-u nyɛ-ɛ ɔ̍ chɛ̀ i̍ dɛ wlɔ̀ᵻ di̍i̍ i̍. Jɛ nɛ̀ tà nɛ̌-a i̍-ɛ bo ɔ̍ nɛ la̍ sǔh. Nɛ̀ kǎ nyɔ̍gbei-a sɔ di̍i̍h i̍ u̍h-a mu̍ dě ɔ̍ we̍.

Pɔ̀n Chɛ̀ Maɛ To-a La 3:20

Wɛ̀ Jusu mu̍ gbò we̍, iě nyɔ̍ dɔu gbǎ tàdùè dɛ dǒ ɔ̍ we̍. Sɔ ɔ̍ ke ɔ̍ kòà ke u̍h-u jě dɛ̍ di̍ ka̍.

Pɔ̀n Chɛ̀ Maɛ To-a La 4:1

Dǒ ti̍ due di̍i̍ wɛ̀ Jusu tè nyɔ̍ nǎ po̍-ɛ gbɔ̀ dɛ dǒ pɛ̍nu̍ klaa wɔ̍i̍n. Sɔ nyɔ̍ ùh gbǎ-a tàdùè dǒ ɔ̍ we̍-ɛ, u̍h tìè i̍ kaa̍ ɛ̍ sì-o i̍. Ɛ̍ bo ɛ̀ nu̍ ɛ̍ wɛ̀ ɔ̍ gbǎ dě blǎgbè di̍i̍ ɔ̍ tè i̍ dǒ nǐ kɛ̍n. Iě nyɔ̍ kli̍hgbɛ̍ sie dǒ gbuǔh kɛ̍n.

Pɔ̀n Chɛ̀ Luu To-a La 23:5

Jɛ u̍h bla̍ dlǔ i̍, u̍h la̍a̍, “Ɔ̍ po̍ nyɔ̍ nǎ dě Judia bloa̍ kli̍hgbɛ̍ kɛ̍n i̍, iě ɔ̍ pa̍ nyɔ̍ɔ sɔ̀n i̍. Ɔ̍ tè ɛ̍ gbɔ̀ dě Kaladii fɔɔ, iě ɔ̍ ji̍ ka da̍a.”

Pɔ̀n Chɛ̀ Luu To-a La 6:12

Dǒ ti̍ laa̍ di̍i̍ bo Jusu mu̍-i dě tlu̍h kɛ̍n ɔ̍ iě Nyɔsoa ba̍le. Iě ɔ̍ ba̍le dǒ maɔ̍ weɛ̍ gbàǐ laa̍ di̍i̍.

Pɔ̀n Chɛ̀ Luu To-a La 6:17

Jusu ke ɔ̍ gba̍tòà sɔ-a dě tlu̍h kɛ̍n-ɛ, iě ɔ̍ nyna i̍ dǒ tà pɛ̍lɛ-a i̍-ɛ, nɛ̀ dǒ ɔ̍ kòà tlùgbei̍ nɛ ke. Nɛ̀ nyɔ̍ sùɛ̀ sɔ Judia bloa̍ kli̍hgbɛ̍ kɛ̍n i̍, ɛ̍ ke dǒ Juluslɛn wlɔ̀ di̍i̍ ke. Nyɔ̍ sɔ dǒ jbǒ wɔ̍i̍n dǒ Taiɛ ke Saidɔn wlɔ̀ᵻ di̍i̍ ke

Chɔɔn 7:41

Duuh la̍a̍, “Ɔ̀ la Nyɔsoa-a Chèɛ̀ Tba̍ju bo.” Iě duuh la̍a̍, “Nɛ̀ dě Kaladii bloa̍ kɛ̍n bo Chèɛ̀ Tba̍ju-a mu̍-u sɔ ae?

Chɔɔn 7:52

Iě u̍h la̍a̍ dě ɔ̍ we̍, “Àn chɛ̀ la, Kaladii bo ìn sɔ ke ae? Gbɛ̀n dě Nyɔsoa-a wlu̍ di̍i̍ ìè jě ka Nyɔsoa-a tu̍owli po̍ nyɔ̍ se̍-a dě Kaladii sɔ mu̍-ɛ.”

Nu̍-dɛ̍ᵻ 17:10

Wlù wɔ̀-aɛ, wɛ̀ de̍di̍i̍ᵻ gbǎ-ɛ Pɔɔ ke Sale kwlǎ suei̍ iě u̍h mu̍ dǒ Bɛwlia. U̍h nyni̍-a wlɔ̀-ɛ, wɛ̀ u̍h mu̍ dě Juu nyɔ̍-a wɛɛ sà gbò sɔ̀n.

Nu̍-dɛ̍ᵻ 17:14

Wɛ̀ dǒ tàdùè laa̍ de̍di̍i̍ᵻ tèwe u̍h gbǎ-ɛ Pɔɔ kwlǎ dě jbǒ wɔ̍i̍n. Jɛ Sale ke Timote sie Bɛwlia.